元気寿司 (健威坊)

營業中

休息中

小妮子與小伙子嚷著要吃壽司，不知甚麼原因，青少年總是對這些又冰又冷的飯團，趨之若鶩，而我本人對食壽司的興趣不大，但對攝影壽司則十分雀躍，因貪其五顏六色，構圖美麗。是日放假，帶他們到這迴轉壽司店，平日是有$39 的下午茶餐，但在假日則沒有，但來到便不可退縮。我們被安排了一個卡座，貼著迴轉帶，小妮子熟練地拿了綠茶粉加熱水，弄好杯綠茶給我，想必她經常與同學到處試，可能試餐的機會比我還多。小妮子告訴我，迴轉帶上的壽司可以隨便拿下來吃，並按照碟邊的顏色分價目，我們先點了每人一件炙燒黑椒三文魚壽司，每件 $6，是今期的推介吧！三文魚經火炙後，油脂都溶化了，上面的蛋黃醬與魚肉的味道異常的合拍，雖說是有黑椒，但份量很少，入口感覺不到其霸氣，是一件美味的飯團。兩小魔怪又從迴轉帶取了元氣卷，是三文魚放面，內有青瓜和炸脆了的三文魚皮，蠻得意的；波士頓卷上面有些綠色的紫菜碎，內有煙三文魚、芝士和青瓜，味道亦不錯；芥辣八爪魚軍艦則嫌辣，因他們不知有青芥，吃得有點面形拗曲；蟹子沙律軍艦則很美味，蟹子在嘴內爆破，而青瓜很爽脆，很對胃口；甜蛋壽司不過爾爾；燒三文魚壽司因有魚皮附著，則嫌韌了點；鰻魚壽司很好，鰻魚夠肥美

近期來的比較密, 試了不少新出的壽司:- 蒸鰻魚壽司 ($16) – 暖暖的, 是一個茶碗蒸 size 的壽司飯, 加上片片蒲燒鰻魚和蛋絲, 樣子精美, 是一個小小的鰻魚飯。加了蛋絲為肥美的鰻魚和煙韌的飯增添了香口的口感。- 服務生介紹的 $6 櫻色碟 (是為慶祝元氣壽司 15 週年的), 是蝦子軍艦, 說是 menu 上沒有的, 比飛魚子小一些。我想像著的, 是蝦子撈麵上面的蝦子啊 ~~ 來到才知, 原來和蟹子差不多, 也是鮮橙色的, 味道比蟹子淡。 - 也點了另一款期間限定的甜蝦軍艦 ($13), 普通啦 相比起後來的新款的期間限定壽司- 特大白海蝦 ($9 一件), 前者就沒有那麼鮮味呢。螺片壽司 ($13) 爽口, 不過沒什麼味道, 不能給人留下深刻印象。日本杏仁甜薯蛋糕 ($16) - 甜薯蛋糕有淡淡的甜薯味, 慕絲跟海綿蛋糕交替著, 是很輕怡的小甜點; 上面鋪了烤香脆口的杏仁片, 想不到壽司店的甜品也不錯。

眼見銅鑼灣兩間元氣已變成千兩後﹐那最就腳算係呢間了。入到店內﹐ 發覺其店內既牆壁﹐櫈﹐差不多整間食店都以深啡色為主﹐主要靠天花板既射燈來照明﹐唔係太光猛。今其推廣係螺片同白草蝦﹐$9/碟。 因十五周年關係﹐蝦子壽司亦係$6/碟。見$6有兩舊蝦子壽司同太肚餓﹐所以就拿了兩碟試試。白草蝦 – 一碟一隻﹐肉質咬落有點兒硬同韌﹐ 可能在輸送帶上以有一段時間﹐所以溫度係室溫同冇任何鮮味。蝦子壽司 x 2 – 算新鮮﹐但味道同質地不及飛魚子既脆口同鹹味。北寄貝壽司 – 北寄貝片得很薄﹐不知是否拿其切落既北寄貝肉做另外款式。這款壽司做得很差。北寄貝沙拉壽司 – 北寄貝肉唔係好多﹐但汁醬較多﹐所以味道覺得有點兒偏鹹。帶子壽司 x 2 – 本人一向都覺得元氣帶子鮮甜﹐食落有一種新鮮海產既鮮甜。呢度亦冇令我失望﹐質素好好。海膽墨魚 – 聽到仕應同各離枱講冇海膽時都擔心呢款都冇﹐但落單時又有。質地膠膠既墨魚絲配合黃黃香香既海膽好好味。每一次都會叫。元氣捲 – 飯裡有炸三文魚皮同沙拉醬﹐再以三文魚包住整舊飯。炸三文魚皮鬆化﹐三文魚當晚亦肥美﹐所以令呢款壽司既質素大大題升。三文魚頭湯 – 老婆話碗湯唔

年初一想食日本野，點知小舖頭全部休息，唯有去連鎖店啦！之前一直都有去呢間元氣食，知道一定有質素保證uncle請客，大家都很不客氣的點了很多東西，食得很飽飽，完全不像平時般就住就住食，感覺特別滿足！蒸鰻魚壽司($16)：新推介，原來係一盅迷你鰻魚飯，有四片鰻魚鋪滿飯面，賣相已經令人嘩一聲，肥美的鰻魚加上熱辣辣的飯，非常好味！一人一盅食得很有滿足感！波士頓卷：鐘意佢包住cream cheese，好味又唔漏海膽壽司：我唔太鐘意，覺得太腥～辣味三文魚：uncle話只係得少少辣味，其實就係三文魚沙律，不過幾好味～甜蛋：無和花亭咁讚，但係水準穩定，每次黎都會食～炸蝦卷：新鮮即炸，夠晒脆！炸軟瞉蟹卷：好脆好好味！元氣卷：其實係三文魚卷，個人覺得口感比三文魚壽司豐富有層次感，好味道！三文魚壽司：都係咁啦，好味而唔會太突出～吞拿魚壽司：唔會太差，正常味道～加州卷：無食過，但係咁快清碟，應該都好味～三文魚刺身：今日又覺得幾大件幾肥美喎炸蟹小食：我無食，但係佢地追加左一份，立即清碟，睇黎都唔錯自己個人覺得元氣的卷物普遍比壽司好味～服務生態度很好，見我地一家人就推薦我地坐包廂位，問佢有咩好食又反應敏捷咁回應，

港島區英皇道地面改道工程，今日tea time黎左呢間食﹗入到去已經見到三十幾蚊左右就有個tea set，一於一個A餐一個B餐試哂佢﹗壽司是即叫即整的，有五件，平時如晚市我估呢幾件野都已經40蚊以上，魚生夠新鮮，個炸蝦壽司仲係即炸，出到黎食熱辣辣又香口，好味呢﹗蟹子沙律份量岩岩好，最鍾意佢係夠多蟹柳，個汁亦不令口感更佳﹗最令人驚喜的是個烏冬，唔好以為只係清湯就唔好食，0的烏冬入口異常彈牙有嚼勁，絕對唔係噹噹之流﹗最後愛紫菜的我叫多個蟹柳小卷，飽哂﹗唔洗50蚊有餐咁好的食，好抵呀﹗

Daddy知我鍾意食日本菜,見元氣係北角開左就同我一齊去食,食落又唔錯喎!因為人流多,所以見住師傅不斷整壽司,都幾新鮮!壽司唔算大件,但係料OK多,全部都唔錯,不過就無乜話邊一款特別好味~特別0既係試左千層蛋糕,我覺得幾好味,大大件都係$16,幾抵食,係雪糕同蛋梅花間足咁一層層,可能因為係日式,又唔會覺得太甜太漏,如果唔係咁飽,都想試埋個朱古力蛋糕!

又是要趕著去上堂的一天, 要食得快手都係食壽司。今次試埋初露鮮味系列的其餘兩款: 文蛤 ($16) 和豚肉醬油煮 ($9)。文蛤即是蜆, 說是用清酒煮過的, 不過一如所料是沒有酒味的, 而且蜆肉都要用點力才咬得開, 比較麻煩, 蜆來做壽司我都是第一次見。豚肉醬油煮是一片薄薄的日本叉燒加上少許沙律醬做成壽司, 片肉太薄以至是乾巴巴的, 當然如果厚身和肥美少少就會好得多。講真元氣如今的質素比起數年前真是下降了不少的, 如果不是趕時間也不大有興趣, 更何況如果要等位就唔好搞我了...之不過食壽司總好過食肥膩快餐嘛 。

是日去了北角食元氣，近日佢原來推出了新的春天系列試了千刀魚，其魚身有如筷子一樣幼，壽司上有三條，魚身肉質乾身亦不香口，不知是不是因放得太耐無人所以比較差，不過魚生都是一片過肥美的好，所以都係試一次便算﹗另外其芥辣八爪魚軍艦同一般吃到的做法不同，佢用的八爪魚比較大片，但沒有太多芥辣味﹗食落味道不錯，不過可能食慣出面的覺得有點不正宗的感覺﹗相片中的拍攝技巧有點似近期大熱的板長，可惜佢只係跟了別人的形而沒有其神，牌後並沒有相關的壽司，只是自轉自轉再自轉﹗

食得迴轉壽司都唔會抱太大期望, 不過元氣既好處係因為長時間都好爆, 條壽司帶 keep 住都係滿既. 試左新款式 "小蛤壽司", 查實只係煮熟既細蜆, 再俾包元氣標準既照燒醬係面, 完全冇味, 唔建議你試;麵豉湯: 勁咸, 飲左兩啖就放棄;吞拿魚刺身: 冇色澤, 好似擺左好耐咁, 不過食落又覺得肉質ok, 不過不失;軟穀蟹手卷: 以前我最鐘意食元氣既軟穀蟹手卷, 但係水準就不斷下降, 軟穀蟹太咸, 又唔夠脆, d 壽司飯散修修;其他壽司質素平平, 壽司既紫菜全部都好腍, 賣相亦不整潔 (d蓋朦查查好似洗唔乾淨), 碟邊有飯粒, 不過冇阻礙人客排長龍既興致! 元氣個名可能已經足夠.......至於我, 就寧願俾多少少錢去較用心既壽司舖勒!

見有新品推出, 順理成章成了我的午餐食物。外賣了兩款新款壽司, 分別是藳燒鰹魚和太刀魚 ($16 @, 外賣免加一)。根據宣傳文案, 藳燒即是用稻草燒烤魚肉的表面, 究竟是何來的稻草倒是無謂深究, 總之好味便成。壽司賣相美觀, 紅紅的魚肉配上薑茸和蔥花挺引人食慾; 鰹魚魚肉其實比較結實不過今次的還是有點淋, 想是將價就貨的結果, 猶幸還算新鮮。太刀魚比起鰹魚食味清淡一點, 也配上薑末伴吃, 不過切成一條條吃時有點不便。我對迴轉壽司的壽司飯已沒有任何期望, 這兒的一如所料的一夾即散, 算了吧。=__=