元気寿司 (已結業)

深入敵陣蝗蟲國！發現泊晒戰車係元氣喎，勁過車展啦。Cheap Cheap 地食住元氣先啦，想食千兩要走到尖沙咀啊。我對飯一向麻麻，只能接受 10% 係壽司、10% 熟食炸物燒物拉麵烏冬，餘下80% 都要食刺生架！食量有限，要留足夠位置食好野麻。巨峰提子汁，等足半個鐘先有位，飲啖果汁順返條氣先。巨胸提子汁呀？飲唔出喎，似乳酸提子汽水。炸軟殼蟹，元氣軟殼蟹堅有保證，食足廿十年都沒怎麼改變。不會過咸，不會硬如石頭。趙落軟塾鬆化，甘香微脆。幸運的話，間中仲會有蟹膏呢，好味道。溫泉玉子，見到溫泉兩個字當然會聯想起熱辣辣出晒煙啦，誰知出來的是勁冰凍雞蛋。打出冰凍生雞蛋再淋上淡醬油，全部倒入口中。蛋白跟蛋黃在舌頭上擦過就直跌胃部，只有冰冷的感覺，嚐不到味道呢，溫度過底會影響味覺的呢﹗真係唔知食左什麼落肚。赤海蝦刺生，難得一見赤蝦可以那麼大條、那麼肥美啊 ﹗正常赤蝦又瘦又長，跟牡丹蝦無得比，但自從福島地震後，牡丹蝦變得少之又少了，可憐。大大碌整條赤蝦塞入口，結實帶黏又帶爽，天然鮮甜味道佔據全有味蕾，高質無得輸，超水準表現。和牛壽司，瘦猛猛牛脂欠奉，甜味微弱。軟腍棉棉但牛味極淡，沾上芥辣豉油比較好。極滑

病到死死下，瘟瘟鄧鄧，感冒好鬼病，撐著返工無請病假，頂到收工急回上水買晚餐外賣返屋企，食飽飽就立即食藥瞓覺。未諗到食什麼兜兜下之際發現原來上水有元氣架喎，試試先。一人前晚飯，10 碟差不多，應該夠飽。點解無三文魚腩刺生架，又無極上吞拿魚腩，非常失望！病都要食好一點架麻。久候 30 分鐘終於攞到外賣，我都好耐無食過刺生同壽司喇。軟殼蟹手卷，元氣軟殼蟹一向質數有保證，非常鬆化、香脆又乾爽，肉質鮮甜又唔會咸到死。幸運的話間中遇上膏，甘甜無比正到震！最討厭很多壽司店都炸到石頭一樣硬，想咬崩牙咩。紫菜獨立保鮮包裝，脆到不得了！咬落去真係有裂開既爆裂聲，食得過癮。壽司飯鬆軟乾爽又嚥靭，濕度同酸甜度剛剛好，好味啊！黃帝蟹柳壽司，又會咁細條既？我每次都同千兩巨大蟹柳混淆囉，激氣！味淡而硬實的蟹柳，唔難食，匆匆吞下算數。明太子雞翼，無醃的雞翼淡茂茂，好采雞皮微暖香口，裡面釀著一丁點帶咸明太子，味道單調陰沉。雖然無骨啖啖肉，但試一次便夠。長崎吞拿魚刺生，招牌菜？唔掂喎。瘦得黎腍劈劈無咬口，鞋鞋地無油脂，味道淡如水。食過超肥美嫩滑極上吞拿魚腩後，其他吞拿魚完全滿足唔到我，返唔到轉頭喇。油甘魚刺生，我非常鍾意

上水區愈來愈多大型食肆結業，之前就有麥當勞，宜家就輪到元氣壽司⋯⋯😔😔😔三文魚手卷、鰻魚手卷、軟殻蟹手卷手卷質素依然咁好，新鮮製造，紫菜脆口，三文魚新鮮，魚味香濃，軟殻蟹脆口又不油，鰻魚醬汁加上青瓜絲的清新，毫不令人失望！😁😁元氣的壽司一向都很有水準，在連鎖壽司店來說絕是首屈一指👍👍👍赤海蝦壽司大隻鮮甜，光澤十足；八爪魚爽口不韌；炙燒三文魚和炙燒左口魚壽司，灸燒能令魚味更香，加上新鮮即叫即燒，香氣更濃，三文魚上更有點點黑椒，更覺惹味！😎😎臨走前還派了優惠卷，去粉嶺、大埔的分店有88折優惠，唯有去別處繼續支持吧！😫😫

元氣午後之定食不嬲受歡迎，今期換左新餐牌，難得收早，點可以唔入去試下 新配搭有好多三文魚三文魚壽司，灸燒黑椒三文魚，三文魚腩壽司，辣味三文魚，煙三文魚 ，感覺好抵食魚生質素一如以往新鮮，鮮味濃郁，辣味三文魚今次有d辣，煙三文魚，魚香十足，食完之後，魚香依然停留響口中，灸燒黑椒三文魚唔錯既係佢既黑椒同醬汁不太多，味道不會過濃，無蓋去三文魚之味 認不錯 餐仲可跟湯烏冬同螺肉，螺肉份量都唔少，少少辣，爽口，一人已經好夠飽，五十幾蚊有咁好嘅壽司質素，份量又足，點可以唔叫抵食

年近歲晚，跑到上水辦年貨，但實在太肚餓，最緊要快，壽司都係一個不錯的選擇，但聽聞稍後會轉型。一支公搵食最方便，先來一碟最喜歡的左口魚背壽司，油香十足，又夠大片，蓋過了壽司飯，就算不蘸點豉油，更加可以感受魚肉的香味。三文魚壽司只是一般，但求醫肚。記憶所及，花之戀人是由紅磡一間壽司店發揚光大，今次外型有點馬虎，魚肉無乜味。帆立貝壽司肉質幼嫩，新鮮已經好足夠。三扒兩撥，食幾件已經走人。

每次想食壽司，也是時間不多的，很少會坐下來慢慢吃，唯有選擇這些速食壽司，店今次在上水開工，選擇了這間元氣壽司。每次也喜歡坐在那迴轉壽司帶上，隨便吃喜歡的東西就可以，不用等，食完一餐壽司午餐也只需30分鐘。三文魚壽司，吞拿魚腩壽司，吞拿魚沙律手捲，都是我必定會來吃的， 可能因為肚餓關，每次也會覺得幾好食，雖然明知道不是很新鮮的魚生，由於價錢便宜，沒有太高的要求。其實覺得每一間速食壽司的員工，也非常有禮貌，在上水這一間，也不例外。 對於我來說，可以速食壽司，美味不錯，價錢便宜，已經十分足夠。

已經唔係第一次黎,黎親都係食差唔多既野,但係今次真係有少少不吐不快~! V__V今晚約左粉絲EY去飯堂開飯傾心事,明知道多人等,所以坐火車時早喺粉岭站已經用該公司的偉大發明’搖控取票’ 攞位先一到上水電話就响,話差唔多到我,著意叫我地早點到餐廳心諗可能7點時間尚早,所以快少少有位唔出奇,咁就快步行過去去到真係啱啱有位,但只有迴轉,冇我想要的ORDER 枱,同服務員姐姐講左句,佢就話要再等三張始,我話留電話比佢,有位時打電話比我,服務員就話唔可以咁留位法,叫我企喺到等陣…一企就企左半個鐘, 真係想喊完全失去左搖控取票的意義~~~ V__V如果喺攞位時可以選擇ORDER 枱的話,成件事可能唔會咁痛苦…由於粉絲仲未到,我只好邊食邊等,坐左冇耐服務員見我地張枱仲未齊人,又見我只係食左兩碟野,居然過黎問我: 你的朋友几時黎呢?我地唔可以咁留枱法個喎…我真係即時O左咀我朋友未到我未開飯心情已經不太爽,…佢仲走黎咁樣提點我.我就同佢講,我朋友遲放工,我早黎囉位都唔可以?!而家洗唔洗我出返去門口等呢?!服務員就好理直且有禮咁講: 唔洗,不過下次我地要過半數人到左先入得..我企左半個鐘嗰陣你唔早講~真係

喺上水食飯又唔想諗咁多,我開始中意去元氣飯堂~靜靜地又人少少,今日又黎LA..!哈~雖然食黎食去都係果几味~不過我好享受~每次都有唔同’’驚喜’’ !軍鑑三味軍鑑飯餸比例每件大約係8成飯2成餸,D壽司飯食落味道一般~我最中意紫菜咬落去CHUK一聲的快感~!!蟹子軍鑑 –蟹子唔知點解都填唔滿D紫菜,有少少失望!! 除左可以話蟹子相當鮮味之外,就係要慳D洗~海鮮軍鑑 – 食落感覺唔錯~個名可以改一改做八爪魚沙律軍鑑好D,今次除左八爪魚之外,食唔到其他海鮮了~海胆墨魚軍鑑 – 唔應該有難度既款式~墨魚味好濃,所以好難感覺到海胆汁既味~要用心感受~!波士頓卷 –放入口到將D青瓜同D芝士壓埋一齊~加埋魚肉, 感覺清爽之餘又帶有實質感~三件壽司睇落好似減左肥,廋左呀陰公…同埋唔知點解整到甩甩漏漏都可以拎比客人~唉~好忙咩?!筋子壽司 - 筋子大大粒好靚好鮮~咬落出奇地彈牙,又唔會有鯹味!正~玉子壽司 – 必食之選~最中意佢今次則邊有少少燒焦感,裡面又軟淋淋~但少左D蛋香~三文魚腩壽司 – 好肥美又大塊既三文魚腩!!咬落去相當有質感,充份食到魚脂肪既香味!配合埋少少飯~真係正~左口魚邊壽司 – 算係

今日行過決定入元氣開飯~ 照道理呢個時間冇咩人,果然等都唔洗等就有個靚位! 我呢D老土怪都係叫返例牌果几味~心水之餘又可以食出分別~!! ^O^左口魚裙邊壽司: 算係厚切,口感豐富,咬落D魚油喺D魚肉中滲出,好香好好味~!厚燒玉子壽司 – 微暖的玉子包住少少飯~最啱我心水~好有蛋香味~炸軟殼蟹太卷 –軟殼蟹炸得硊口而且有肉地唔乾身,唔會炸到得返D殼~而且大大舊,好好味~!辣味三文魚手卷 – 紫菜好香好脆呀~可惜食落好似只有紫菜包飯,配料好少~冇理由咁早就冇貨掛~!,燒牛肉壽司 – 每次都有新驚喜,今次係由兩片牛肉堆砌而成,睇落仲要係D肉片粹,壽司飯握得唔夠實,一夾就散,最後係飯到一啖’牛肉飯’~!波士頓卷 - 兩大一小~~?? 真係諗唔明點解咁都可以拎比客人~!!海胆魷魚軍鑑, 海鮮沙律軍鑑, 蟹子軍鑑 – 配料薄薄一浸, 僅僅蓋過D飯,紫菜上碟時已經林晒了~可能過左氣~ 筋子壽司 – 大家估下係筋子少左定係D 飯大件左?! 不過筋子食落几新鮮,入口一粒粒唔會霉晒 海老壽司 – 蝦好大隻而且好彈牙~好味~!另三文魚腩壽司~三文魚腩切得厚薄適中,而且入口有豐富的魚油味~中意濃味既人一

其實元氣如果坐迴轉枱,肥人一定覺得好窄.坐得辛苦.呢間元氣服務員態度只屬一般的.收銀位姐姐.完全沉黙,連幾多錢.有抽獎,全部靠我自己看.壽司:三文魚,凡立貝,同油甘魚刺身較新鮮.三文魚表面有點濕,但入口有股魚油香味.紋理亦平均.相當不俗,凡立貝沒有雪味,入口鮮甜無比,32元2件也覺超值.油甘香.入口滿是油香,而且表面乾身.有光澤,不錯.飯粒比較差.沒有飯味.師傅又握不緊.夾上後一分為三.差..三文魚頭湯20元.相當鮮甜.加上蘿白更甜.魚肉也有淡淡甜味.正.埋單200元左右.我覺得不值.有點懷念銅鑼灣的日本人主理的壽司午餐

喺上水區做完野突然好想食壽司, 就喺和X亭同呢間兩者, 選擇左呢到4,5點左右冇乜人唔洗等位好正常,本來諗住坐 ORDER 枱, 但哥仔話要等兩張先到我,建議我坐BAR 枱因為都有D餓又一個人, 所以冇所謂啦~待應哥仔好快咁安排我去左個''適合位置'' , 坐喺一班疑似強國人則邊...真係唔明白點解其實成間舖都冇咩人, 點解要安排客人坐得咁迫..於是我自己坐開左兩個位好在佢都冇''叉廚''我,而且服務真係好唔錯，由落單到埋單..又快又準！仲好快同我清晒抬上的吉碟...好似怕我唔走咁..哈..坐落點野食, 對連鎖式的快餐要求唔會好高~食物一般,不過不失，三文魚腩壽司：真係正～厚切而且很多脂肪，唔怕肥可以食多兩件日式蛋：應熱的有熱度厚玉子壽司：居然可以蛋飯分離，有點失望筋子壽司：同樣上碟時已餸飯分離，真係唔知佢搞乜，咁都可以當冇事咁上比客人，搞笑～！牛油果軟鷇蟹太卷：本來唔知佢係乜野名堂，見佢個樣靚靚地,於是睇一睇個餐牌～$ 18 兩件,除返起等同一件三文魚腩壽司,感覺唔太值呢個價..唔睇個餐牌由自可,一睇就發現菜單上有新菜色，叫左Ｄ黎試下～樣樣都值得一試！同時更發現左佢又加左價了...

放工一個人, 搵野食, 喜歡來元氣, 因為可以一個人靜靜地享受一人壽司!!剛好到埗還有下午茶, 於是即時叫了一個餐+1個手卷!我個餐有蟹子沙律, 不過佢D 青瓜是一片片, 好似比平時一條條更有咬口!!酸味適中..熱烏冬, 好DRY, 無咩味, 因為無肉,無料, 普通,但烏冬算彈牙!壽司有3件, 蟹柳, 芝士火灸蝦, 北寄貝沙律, 還有軟殼蟹卷, 感覺新鮮, 即整即食!!三文魚手卷,紫菜脆口, 最重要是三文魚好大片, 長到落底,咬到最後也有三文魚, 這個跟餐+$9, 抵埋單$59.4

唔知而加搞乜, 之前喜歡既象拔蚌停了..所以好一陣子冇去...今次因為生日月..所以再試下啦...點知入到去有象拔蚌個牌轉左幾個圈都職員為意...算啦..一早off menu..咁食長鰭吞拿魚啦.....冇貨... 已有點怒, 全店都是大滿足的poster, 點解唔識貼告示出黎??不要緊, 還有劍魚腩.點知連呢個都冇.... 真係太失望..結果只係重覆食果幾碟!!!!短期內唔會再去元氣架啦!!

近來發覺自己吃元氣的次數也算頻密，下年真的要想想辦法，申請一張元氣咭（！）上月表姐生日，除了比薩，還買了幾款壽司。我只吃了三文魚和甜蝦，新鮮肥美，喜歡甜蝦的黏稠感。其餘的熟食壽司，是用來孝敬不吃生冷刺身的老人家。腐皮壽司、太卷一般，北寄貝沙律軍艦的醬汁配合得不錯。就味道和賣相而言，外賣總不及堂食的好。

本人最鍾意食壽司,昨晚食完,現在又食hehe叫了三文魚壽司x4,三文魚卷x1,象拔壽司x1筋子壽司x1三味壽司等.....三文魚較薄身,象拔&筋子好好食呀三味蝦好食呢,(有三個唔同味的)