影片
以上資料只供參考, 請與餐廳確認詳情
去過兩次買，第一次買細份同第二次買大份都係一模一樣份量，大份都係俾得兩嚿紅腸，兩舊豬脷同細份冇分別！加埋個魷魚收接近成舊水都係得嗰啲！人哋肥媽抵好多，起碼足料啊！以後唔會幫襯受氣！服務員態度差！
繼續閱讀
因為之前食過龍門居嗰間，所以買咗一份細雜錦返屋企。返到屋企一打開，哇，好似食淨咁，每樣野得一至兩舊，又碎濕濕，個盒又裝唔滿。明明之前去屯門嗰間，阿姐即場切，啲食物放喺度又靚靚仔仔咁。但係今日見到就唔係好開胃，玻璃後面啲嘢少少咁放喺度，望落色澤暗啞，後面就全部好似浸住化工品咁，見佢整緊嘅時候就知道伏。總之其他分店正好多，今日一試石門，同其他分店差幾皮，但如果真係好想食嘅話可以一試，但如果係抱住期望咁就算啦
繼續閱讀
商場內的小店發現驚喜！鹵味款式多，有牛柏葉、豬耳、生腸、脆腸豬脷、火雞腎、扎肉、紅腸，款款都10分爽脆！甜醬、芥末醬、麻油味道豐富，有層次，十分出色！每次行過都忍唔住要買嚟食！店鋪乾淨企理。店員説話不多，略嫌cool 咗D。顧客可選擇一串串咁買，或大/小雜錦。老公貪吃，買了大雜錦$60 ，份量多，兩個人食都嫌大！但雜錦沒有墨魚，下次要試埋！京瑞廣場內的鋪頭大多數是小店，厭倦連鎖式鋪頭的人可以來這裏逛逛。
繼續閱讀
香港小食店 做得好食嘅 通常招呼 都十分差 ，例如旺角肥x嘅生大腸 ，墨魚， 鴨腎， 豬脷都是做得 非常好味， 但 肥媽常常黑口黑面 甚至乎呼喝 食客， 國際著名食家anthony bourdain 慕名到訪 都給他 喝走! 當然首要條件就是你 真的有斤兩 才可以。來到這一家店， 首先 店名改得古怪， 款式不多， 店員黑口黑面， 這些都跟旺角肥x有得比。 但食物質素跟肥x差天共地，照舊點了一串墨魚（15元），一串珠心 (10元），一串豬脷（10元）；首先，墨魚做得死實 毫無 新鮮的味道， 細味一下 竟發現腥臭味!豬脷 ，過熟 ，在展示雪櫃內雪藏太久， 豬脷硬到 趙不開! 更加有一浸浸雪味!豬心 賣相恐怖， 完全不值得Ben爺 替他拍照!總括這家店 跟肥x在價錢和招呼態度上都一致，但是食物質素質 極差! Ben爺不建議食! 香港食肆競爭激烈 ，要玩態度玩脾氣都要看看自己有多少斤兩才可以。
繼續閱讀