元朗燒賣皇后妙舒

營業中

休息中

好多人都話依間野好食，難得又入元朗，買黎試下。一去到6點左右已經大排長龍，旁邊咁多買野食既小店，得依間要排隊，而且人真係好多。等左10分鐘左右終於到我，叫左個煎釀三寶同魚肉碗仔翅。因為此店係無位座，旁邊就係好多人既行人路，都無空位可以企住食，所以就拎走左番去屋企食。魚肉碗仔翅，魚肉好多，有成半碗，都算唔錯！唔會勁咸但又夠味。不過煎釀三寶就十分令人失望啦..好似普通煎咁，完全唔覺有釀到野入去..超級油，而且點左紅腸茄子同青椒，最後比左個尖椒我辣死啦，對d阿姐既印象超唔好囉！下次應該唔會再幫襯真係唔太明點解咁多人排隊..後來睇d人只係讚個燒賣多，可能成間野真係得個燒賣好食

嘗過串皇，又怎能不嘗旁邊的燒賣皇后呢？據說這家的燒賣大大粒，足料好味，為食的我一定不會錯過。我跟朋友覺得一般的燒賣不夠吸引，唯獨是「燒燒賣」夠特別，於是便點了一串「燒燒賣」，然後外加了辣醬。燒賣的確比坊間的燒賣大粒，不過口感都是較「粉」，不及飲茶吃到的燒賣。而燒過的燒賣皮帶點焦香，食到燒烤的風味，令人意外。最難忘的是其辣醬，因為我們最初不覺得辣，誰知辣味慢慢才滲出來，愈吃便愈「啃」，搞到朋友流汗，結果他最後也不想吃下去呢！

對於一個住九龍東既人黎講，元朗真係好遠hahaa聽就聽元朗好多好野食，但真係冇試過今次突登同友人走入元朗尋食友人推薦呢間既燒賣係元朗必食但佢只係講燒賣，現場去到睇到10蚊得5粒覺得好貴! 點知出到黎原來係冬菇豬肉燒賣大大粒! 絕對係有酒樓一籠4粒果D SIZE除左大大粒，D料仲十足，冬菇、豬肉同魚肉絕對唔係街邊的粉粉燒賣!配上佢地自家製既辣醬油，都真係值得一試!

在接姨甥女放學前，我的口忽然口癢癢想吃點小食~ 薪意結業後，我只好選擇別的店，所以我也跟著人龍排隊買燒賣皇后妙舒的蒸冬菇豬肉燒賣。沒有人買咖哩牛柏葉，但我很好奇它究竟甚麼味道，所以除了買燒賣外，也買了牛柏葉試試看，結果有點失望。原先以為它會像一般的牛柏葉般與咖哩一起煮，但是原來它只是用熱水煮熟再加上咖哩汁，這樣已經不惹味。牛柏葉不太吸附咖哩汁，反而很濃厚薑的味道，難道是用薑水煮的嗎? 牛柏葉的爽口度屬一般水平，不過經這一次「教訓」我都不會再買這~至於冬菇豬肉燒賣這次蒸的比上次燒的好吃一點，燒賣不會乾身，保持燒賣的肉嫩感，但味道不算太突出，沒有新鮮豬肉的香味，冬菇份量也不太多，都是那一句，它比魚肉燒賣比下有餘，但比好吃的燒賣比上不足。

元朗又新街又叫元朗食街，多好野食係人都知^_^當中長期人龍店必定係意間元朗燒賣皇后，無論日夜都必定有人排隊。意間皇后冬茹豬肉燒賣，係堅持每日人手製造。除左燒賣外，其實仲有其他不少街頭小食。魚蛋、牛肉、粉果、腸粉等等多不勝數。今次入黎元朗，當然一定要叫出名既冬茹燒賣。食得辣既人士，必定要加辣汁。一試後，果然名不虛傳，真心好好好味。新鮮冬茹豬肉外賣，肉質有咬牙，加上冬茹有爽口口感。再加上辣汁，額外增加惹味味道。

黎到元朗好多街邊小食可以選擇，經過見到依間小食店好多人排隊，所以都湊熱鬧試一試。同朋友一齊買左兩串燒賣，的確同我地平時食開既好唔同，佢好香東菇味，幾大粒同結實，唔會好似出面個d咁粉。結果我地一人食左5粒已經飽飽地。

             元朗有好多小食店，每間都各有特色，但每次來元朗我都必食「燒賣皇后」的燒燒賣。它的燒燒賣遠近馳名，出名自家製！基本上我每次來吃都人來人往，好多人在排隊的。我叫了必燒的燒燒賣、燒墨魚丸同燒娃娃菜。大概等了10分鐘才燒完。這裡的燒物可以選擇加這裡特製的辣汁和椒鹽。基本上這裡什麼串燒都有，價錢十元左右。  必食燒燒賣和燒墨丸。燒賣自家製，是豬肉和香菇餡，燒到外皮香脆。墨丸是平時食到的普通的墨丸，但加上椒鹽好惹味.  咬開燒賣裡面彈口的豬肉好澎湃。  還叫了燒娃娃菜，但食起來酸酸的。       

每晚都有好多街坊係到排排隊買野食 無論係學生定係打工仔 都鍾意呢到既燒烤燒賣配沙爹醬 被燒過既燒賣 外皮脆 冬菇🐷肉軟味道可辣可唔辣 任君選擇🌶🙅🏻菠蘿🍍被燒之後 甜味昇華不少 軟身既菠蘿🍍再帶點 酒香味 令人不禁再叫多串啊

元朗的燒賣皇后紅到巿區的朋友黎元朗都食是元朗的名物之一十元五粒燒賣不算貴 因它真材實料咬落見到豬肉同魚肉做的餡再溝了冬菇粒 口感一流不像巿面很多燒賣都係魚肉味的粉團調味唔太咸我要無辣的豉油 幾惹味但整野食的姐姐心不在焉我講了三次唔辣 講完又問可能大部分人都要辣吧燒賣非常的熱而且有一定重量串在竹簽上拿著待涼比較費力索性放在自攜的盒子涼了點再吃因為不能吃太熱的東西

放假走入元朗，食飯等位見得多。發現呢度竟然有人排隊買燒賣。襯墟得我當然排埋一份。原來係豬肉燒賣，阿姐從蒸爐中串起，淋過調味過的醬油和辣油。熱辣辣的。肉味幾甜，又有香菇味不是粉雷雷麵粉燒賣啊，都算真材實料！重點係個汁幫助不少，十元五粒，偶爾一串都不為過啊！

叫得元朗燒賣皇后妙舒，店鋪皇牌一定係燒賣，試下佢燒賣係咪咁得。因為鐘意食香口啲，我當然揀燒架啦~冬菇豬肉燒賣的確比一般魚肉燒賣好食啲，燒得唔乾身但脆，豬肉尚算彈牙唔太粉，有少少豬肉味，加上辣汁一齊食整體唔錯。

在元朗揾食群組裏最得組員推舉的就是這串蒸焼賣。$10五粒，看上去是粒粒大顆。買之前總是要排大隊，差不多位位客人都是買$20發泡膠盒裝。熱辣辣的蒸焼賣，期待着它的好吃，通常客人要加辣汁，但第一次倒是想吃它的原味，所以請店員輕輕的蘸一蘸豉油汁便可。燒賣......好似没有組員説得的美味，大粒是大粒但吃落囗是有點實，而且豬肉餡内混入的粉太多，我估計是今批燒賣是恰巧的做差了，除非我下次去買來吃也是這個様子吧。「元朗燒賣皇后妙舒」旁就有這個又新街的活化紀念牌。味道 1環境 2.5服務 2.5衛生 2.5抵食 1                           

今日同媽子入元朗覓食，行過呢間見之前雜誌介紹過，咁就諗住試下la。一開始話要一串燒既燒賣，點知等左成10分鐘都未得，眼見買炸果d 好快就有，咁我就改要炸既，點知個老細又唔睇下邊個黎先，遲過我買既反而仲有先，激氣!咁算la, 好食就算la。一咬落去，硬到呢又乾，個沙嗲汁得個辣字，一d 都唔香，真係買串魚肉燒賣好過

早就聽聞豬肉燒賣..因為個陣想搵呢種味..都有人留言話呢度有..點知原來呢度係真係賣個種 子子點心都有賣的個種外層白邊內裡豬肉的燒賣..本身只想要一串..同粉果1個..比20出去..士頭婆唔知UP乜就唔想找..索性邊講話要多兩粒燒賣..同埋唔知乜好唔好..我就附和一下..好LA..咁要埋魚蛋..就咁20$一去無回頭..6粒左右燒賣..麻麻地..仲難食過叮叮點心個D..對得住天地良心無講大話..唔明有乜咁出名..出名在罕有掛其次D魚蛋同街邊無分別..但比得3粒左右..粉果都係不過不失..又係期望下再次遇上失望..巳經唔會想再過元朗了..

之前食過一次元朗燒賣皇后 ，第一次食完覺得幾好味 ，當然呢d 俾人吹捧既小食店 ，賣燒賣既牙姐都吾休無生意做 因為長期都有人排隊 因為吾係即刻食 所以問牙姐拎一個膠袋 因為就甘用紙袋係會成手油 牙姐即刻回應 下次一次過講喇要膠袋 ！哦 ！好牙 ！甘我下次一次過講lo！我吾係食家 只能用幾好味形容 覺得可以再食第二次 。好喇 到第二次去買 都係要排隊喇 今次第一時間同牙姐講 想要膠袋入住 牙姐即刻火起 ！一串燒賣又要紙袋又要膠袋牙 ！一係要紙袋一係要膠袋 ！膠袋收五毫子牙！牙妹！學下環保喇！連珠砲發都吾俾機會我發言 我真係語塞！你覺得我貪你個膠袋還是覺得我俾吾起五毫子？ 語塞後都廢事同牙姐理論 頭也不回 吾會再幫襯 ！一間食店點好食有咩用 ？原來服務態度係甘差！我話知你d 燒賣好食到識飛 完全係趕客！