元朗燒賣皇后妙舒 (已結業)

呢個係我食過最少料既碗仔翅，然後竟然要$24/一碗……而且一D都唔好食…我覺得連7-11都比拒好好多。我好後悔買左呢碗碗仔翅…我只係食左食左十分之一，然後真係頂唔順，因為我覺得自己食緊麵粉糊，最後我直接將碗仔翅倒左…簡直好似將$24直接倒落廁所咁。

剛開舖時幫趁已經覺食品差，以為未熟手故不作評論，今日再次幫趁仍是一樣垃圾，真係唔寫食評都唔得，免街坊中伏，。碗仔翅無料之外只有豆粉水一碗超級難食。自家制白魚旦細粒，味道一般不低食。

今日行開淘大花園，見到有燒賣皇后，即係又可以再回味佢哋嘅炸燒賣啦。係街食，同價錢，識食嘅梗係食炸燒賣㗎啦。係屋企唔會自己炸呀嘛。淘大店嘅炸燒賣炸得又真係唔錯喎，一來燒賣本身已經厚肉，有菇味，夠香，炸完又有脆邊，真係無得輸。係店外企係度食嗰陣，有位先生幫襯，讚店員呢家有禮貌咗，所以多咗落嚟買番去俾個仔食。我心諗，有咩關係。🤔不過是但啦，真心係好食嘅～今日都買咗24粒散裝急凍燒賣，返屋企自蒸慢慢食。

作為一個稱職既foodie 係無時無刻都會肚餓今日早左少少食飯 隔左陣又口痕見到有燒賣皇后 就二話不說擺低左錢啦🤤🐷椒鹽炸燒賣燒賣係用招牌香菇豬肉燒賣😚每粒都係自家製 用豬肉、香菇、魚肉混合而成但因為我成日招牌 今次就試下炸既炸完之後 仲有椒鹽作調味 夠哂惹味 會明白點解佢地賣燒賣都會賣到咁出名🤤果然係元朗名物🥹🥹順帶一提佢個秘製辣醬都好好食建議如果第一次去既話都係食返招牌先🤤🤤可以品嘗到佢既最原始味道😝

平時食開蒸燒賣，今次嗌個特別啲嘅炸燒賣，佢有椒鹽、沙嗲、咖喱醬任選，對於有選擇困難症嘅我真係有啲難揀，我問店員邊隻最夾炸燒賣，最後店員推薦我試晒沙嗲加咖喱😆好一個小朋友才做選擇我全都要，活學活用老實講，炸燒賣冇平日蒸嘅咁食到豬肉嘅甜味，不過香菇味都仲叫做好出，不過食得炸野就預左，滿足吓想食香口野嘅慾望，係薯片薯條之外多個選擇。同埋店員推薦我下次試炸魚蛋，佢話炸完口感好正，裏面都仲係好彈牙，勁過癮咁話。下次再黎過口癮～

為何深夜總是餓？為何深夜總是餓？呢期天氣開始轉涼，落住大雨又涼涼地既夜晚就更加餓，最好就係喺屋企有熱辣辣嘅燒賣食。以前喺阿布泰都有得賣，但而家唔知係咪落咗架成日都唔見有， 好在去淘大Donki行街街發現樓下就有燒賣皇后😋 買左急凍包裝燒賣同牛肉球，肚餓直接係冰格攞出黎大火蒸十分鐘, 蒸到脹卜卜卜就食得嘞！我配返佢自家辣醬，同李錦記甜豉油，不過都係好似佢舖頭個豉油再甜d 好食啲。加多粒實滴滴嘅牛肉球好滿足，食飽飽就要訓嘞zZZ

今日我都係一如以往食番佢哋最出名嘅冬菇豬肉燒賣，12蚊有5粒。雖然佢冇魚肉燒賣嗰種彈牙爽口，甚至係可以話佢係好淋，但係呢度食嘅就係充滿冬菇同豬肉嘅香味。價錢黎講我都覺得係合理範圍之內，皆因佢嘅燒賣大大粒，就算得5粒，我都覺得ok!味道幾好，香菇同豬肉嘅比例岩岩好，唔同食材嘅味道得以協調，真係幾好食，值得一讚！仲有一定唔可以少得嘅，當然最佢哋自家製嘅辣椒油啦，唔食得辣嘅，記得嗌小辣好喇～另外，佢仲有其他選擇嘅，我就太飽無試到，例如炸魚蛋等等，都好似幾吸引，有機會再去試下！

期待已久嘅香菇豬肉燒賣，我係燒賣控，之前係元朗總店食過好幾次。佢咁受歡迎出名，係因為真係幾好食見到開咗分店係公司附近，仲要咁就腳，放左工就走去食叫左香菇豬肉燒賣，係暖得黎唔係熱到辣口個種，係真係比平時市面見嘅魚肉燒賣少見同足料，個皮其實都見得到嘅簿，大大粒，有香菇味～～而個肉汁同個豉油係真係好夾我覺得同總店感覺差唔多，係好食嘅不過個日時間有點趕，肚腩有限 XD ～~~ 聽聞個辣汁都可以 下次會想試下辣汁加燒賣

以前住元朗心思思食完香菇豬肉燒賣先返屋企，搬咗之後成日都好掛住….好彩九龍灣都有間分店，因為小朋友對蝦敏感，難得搵到間冇蝦嘅燒賣，燒賣真係好新鮮，皮薄餡靚，食落去仲有爆汁嘅口感，再加上香菇吸收豬肉汁嘅精華，真係同其他魚肉燒賣粉狀口感好唔同。

見到呢間燒賣皇后好似好有特色 有D想掃街於是試一試 見佢都幾方便周圍都有分店 重點要試係佢既醬汁 沙爹味味道好濃有香料味 魚蛋同燒賣比較有口感 但係唔算非常有特色 經過可以一試

買左個五寶，啲蘿蔔全部都係酸嘅，跟本食唔到！魷魚超硬，感覺唔新鮮。可能幫襯返元朗會好啲。另外買左孖寶，白魚蛋正常，燒賣都係有啲硬，明明落單話要辣汁，佢畀錯左咖哩我

千祈唔好嗌呢一個 本身已經食過佢啲燒賣麻麻哋，但係冇諗過呢一個都可以咁難食。我未食過一碗 ，生菜魚肉係咁難食！係難食到要寫食評 好差好差⋯⋯⋯⋯⋯ 搞唔掂魚肉我唔講以為食緊橡筋，完全食唔到有魚肉味，個清湯真係無鹽，真係清水加麻油味然之後嗰棵生菜我睇住個職員啱啱拎沖一沖 ，雖然有洗，但見到個情景真係唔開胃⋯⋯⋯ 啲菜嗰陣味真係好難頂～成碗野真係好難受希望唔好咁多人受害😫😫😫一定唔好再嗌呢個嘢食 我覺得係浪費金錢。

小弟住淘大，呢間野岩岩開果時真係好開心，因為本人好鐘意食碗仔翅。最初開業果兩個月真係幾好食，碗仔翅夠熱，燒賣唔算好大粒，但係足料好食，所以當時差唔多隔日就去買來食。但自從有日我老婆去買燒賣，因為佢只收現金，所以我老母叫佢留畀佢，佢去對面㩒錢，好快返，㩒完返來境然話賣晒，所以嬲豬冇再幫襯一排。最近兩個月又幫襯左幾次發覺果幾個服務員D態度真係唔太得，燒買又變細粒，有次仲要係散晒既，碗仔翅唔再熱不特只，有次係凍到我要自己返去翻熱。有次係唔知點解畀鬼死咁多麻油我，第二次我叫佢少麻油，但都仲係勁多，要我自己片油至食得落。不吐不快，唔再畀機會幫襯。

我未食過總店，但見淘大有，就去試下，夜晚時段，咁我叫雞翼撈麵，燒賣，牛肉球，碗仔翅魚肉。員工係二個後生仔，服務態度好差，語氣態度超hea, 個樣好似係我阻住佢咁，一度落單，我都未講完要咩，間鋪入面就有播歌，佢就係度跟住唱歌。。。想點？咁算啦，諗住野食好味就ok la滷水雞翼撈麵，面喺營多正常，但D雞翼，d肉係好鞋燒賣牛肉球又係似放左好耐，都係乾哂最後係碗仔翅魚肉，正常好味我唔知係因為分店所以咁定點，聽聞燒賣係好食，我就對淘大店充滿期望，希望有機會去總店再試

其實都幫襯過好多次，今次真係忍唔住，自己都係年輕人，但是依間好多年輕人都好冇禮貌，叫佢俾啲醬我好似要求佢咁，自問都唔係冇禮貌，唔該前唔該後，一兩次冇禮貌唔緊要，但係次次店員都唔多好禮貌，希望舖頭見到會檢討吓