元朗燒賣皇后妙舒 (已結業)

唔知點解前面會有人話好食，我成日都經過嗰度，但覺得佢貴就無買。今日唔知食咩好，諗住求其咬下野落肚就算。賣相好醜下，食落真係難食喎。我都唔知道係鼓油定係料既問題，總之難食。難食仲要貴，真係好唔開心。By the way，睇返前幾篇話態度唔好，我又唔覺，後生仔tone囉無咩特別。我無試過元朗個間，唔知佢有幾好食，睇燒賣群組介紹，好似無佢份喎。不過d燒賣一d都唔熱，要間地鋪黎有咩用？直接上超市買包點心，仲好食過佢啦，我已經唔敢再試佢其他野。

2點想講，就食物質素和服務態度作評論。食物質素方面，呢間分店係最唔好食，琴日叫佢比啲咖喱醬黎，一名男員工好唔情願咁，仲要西口西面，最後仲落錯沙爹醬。啲沙爹醬醬仲要係凍嘅，十分影響口感。失望，去過幾次，比過幾次機會都係唔好食的。建議大家去返元朗個間食。第二，服務態度差，每次去員工都十分串。只可以講可一不可再。

果日發現向元朗燒賣皇后靜雞雞向淘大開左分店, 真系開心到不得了, 唔使搭個幾鐘車去元朗食.除左淘大, 向紅磡同荃灣都開左舖, 又多幾個地方食到. 平時我只系中意食魚肉燒賣, 但呢間既冬菇豬肉燒賣就係例外. 同元朗店一樣,  呢間系只系一間外賣小店無得坐低食, 都見到有人企向店舖附近.叫左香菇豬肉燒賣$15/5粒, 仲有左魚肉碗仔翅$28/碗. 向到等碗仔翅時.,聽到後面4個人買左百幾蚊.香菇豬肉燒賣返到屋企一打開已經聞到冬菇味, 又唔會好多肥豬肉, 轉眼食晒5粒, 下次至少要買8粒.魚肉碗仔翅味道合適唔會太咸, 亦唔會太杰.除左燒賣, 仲有牛肉, 生菜鯪魚肉, 魚蛋燒賣孖寶, 仲有瑞士雞翼雞批腸粉, 仲有其他撈麵炸物,  中意食街頭小食嘅人又有多一間小食店選擇

之前去開元朗一定會叫五粒食，依家連九龍灣都開了新分店，方便很多。每次黎依間都必叫香菇豬肉燒賣，比一般魚肉燒賣好食，且有肉汁，十分推薦！值得一提，鐘意食辣的朋友仔一定要加辣椒油，佢既辣椒油幾香，比較特別。

朋友屋企樓下淘大開左間皇后燒賣！太好喇，以後終於唔洗再去元朗或者旺角買，次次都去到咁遠真係好攰。呢間小店開係淘大入面，地理位置非常方便，點完過左一分鐘就有得拎！豬肉燒賣爽口彈牙，辣醬同豉油交融一起，產生絕佳既化學作用！配合豬肉燒賣既鮮味，簡直係不得了！住附近真好，得閑肚餓想食個小食就過黎呢度點一份燒賣，正呀！但其實整體味道來說，元朗果間元祖分店既質素更勝一籌，元朗果間既燒賣鮮味更佳！

【#肥波街頭小食系列】🎈好多人成日都話燒賣唔健康，卡路里高、魚肉燒賣係用豬油做，豬肉燒賣就好多肥豬肉等等，所以減肥之後真係好少食燒賣。但係我嘅日子見到佢，放肆一次都可以吧？🎈其實燒賣皇后係阿布泰買過返屋企蒸幾次，佢嘅豬肉燒賣食落口好香冬菇味，咬落去唔覺得有太多肥肉，皮薄，但唔算超大粒，一啖一粒perfect💛豉油唔太咸，配燒賣岩岩好👍🏻下次會想試下白魚蛋～💵$12/5粒📍元朗燒賣皇后妙舒 @queenofsiumai 📍九龍灣牛頭角道77號淘大花園三期地下276A號舖

見到個菜單好多選擇，仲有好耐冇試過嘅「炸燒賣」，不過最後都係試吓招牌香菇豬肉燒賣先🤤✨果然係「招牌」，冇揀錯，一咬就食到冬菇，陣冬菇味仲好香添🤤加埋豉油同少少辣椒油，正❣️🍽美味指數：❤️❤️❤️❤️❤️💰價錢：HK$12/5粒

元朗燒賣皇后妙舒 - 而家九龍灣都有分店喇!昨天路經見到新舖開張，見到店鋪整潔企理，食物非常吸引，所以決定幫襯試下新野，老板好好人，重請我食燒豬添，幾有口福呢間老字號燒賣出名，真材實料 Made in HK, 主打燒賣，但仲有其他港式小食.....魚旦，碗仔翅，牛肉球，生菜魚肉等等，選擇多元化。招牌香菇豬肉燒賣，皮薄有口感，足料，吾會咬落一舊粉咁。香菇味濃，加埋秘制嘅辣椒油，冇得輸!呢個重有急凍包裝，可以買番屋企一路睇電視一路食!炸椒鹽香菇豬肉燒賣，唔油膩，新鮮熱辣辣即炸，好好味!食開有條癮。，加碼試埋魚旦，好彈牙沒有魚腥味。最后重買埋佢嘅秘製辣椒油返屋企 $48淘大花園嘅街坊或者路經淘大花園，一定要去試下!