元朗冰室

營業中

休息中

呢間冰室門口就有大大隻字寫住大件厚豬扒當然就要入到去試過先知係咪真係大件啦結果冇令我失望豬扒真係又厚又大件我叫呢一個double豬扒餐 對我嚟講絕對係兩人份量另外我哋仲點咗一份情“脆”咸豬手 聽店員講咸豬手唔係日日都一定有貨㗎 雖然呢一個鹹豬手嘅份量比起個豬扒冇咁豪華 但係個皮係超級脆 仲好好好味道除咗嘢食之外都好想講下呢度嘅服務 呢度嘅店員全部都好有禮貌你會feel到佢哋係好用心工作 我哋帶住bb車店員專登安排我哋去一個闊落嘅地方所以我一定會再嚟呢度食！

Went here randomly.Unfortunately I didn't see the a la carte so got the tea sets The fish and chips came with strange Chinese style salad cream.It wasn't memorable and the fries were overdone but just right in Chinese terms.The instant noodles were the usual with sweet satay beef.

呢間茶餐廳開咗一段時候，我哋始終冇試過，但係就聽到好多人嘅意見，好壞參半，我哋都係相信自己要去食一次 誓不做人云亦云 ， 畀人問起呢間餐廳唔做口啞啞。 呢間餐廳係其他位置嘅分店我哋都食過，畀我哋嘅感覺係一般。今次係抱住試伏模式都算有突圍而出嘅驚喜。 人人都讚嘅豬扒-焗豬扒飯， 排場好大堆頭，份量算多， 豬扒仍保留肉汁， 不過味道就淡口啲。另一份係全日早餐， 大部分食材都係啲手板眼見功夫， 翻熱即成的食品。 所以呢份餐嘅評價都好高， 但不能以這套餐來作好食的標準。食完呢間分店仍保持一般評分，食味可接受， 對於個人來說如非沒有選擇應該不再光顧，除非換換空氣劑味道，接受唔到店內的味道，如你喜歡或許覺得是香味😂

中午時份，來到將軍澳新都城3期樓下的有厚切豬扒專門店之稱的《元朗冰室》吃中午飯，整體午餐價錢都算公道大約$45至$60，款式有中式的蒸蛋、肉餅，再有咖哩類、海南雞飯、pizza、焗飯等....款式都是多元化，我們一家4人各點一款，有馳名厚豬扒全日早餐($59)、焗意式厚豬扒飯($56)、特餐及極品厚豬扒拼冰室沙律($46)。媽媽點了個「特餐」，選擇一款食材再配粉麵，奉送嫩滑炒蛋及蒜茸多士，媽媽選擇火腿通粉，火腿都有兩至三片，而且大大塊，湯通粉都是大大碗，滑蛋真是炒得好香滑，多士方面轉了牛油麵包。阿妹選擇了個焗意式厚豬扒飯($56)，芝士份量較偏多，芝士愛好者一定喜歡，蕃茄肉、菠蘿都好足料，飯都好大碟又夠乾身，美中不足是晤夠汁，整體水準一般。爸爸選擇了馳名厚豬扒全日早餐($59)，真是非常豐富，有牛角包、火腿、炒蛋、茄汁豆、雜菜沙律、蕃茄片及青瓜片、香草腸仔。牛角包晤熱沒有焗過，雜菜沙律配上了日式芝麻醬，沙律菜都新鮮爽口，帶有芝麻醬香惹。蕃茄片及青瓜片較細片，而且是頭頸尾尾，都讓人感都有些吝嗇感覺。香草腸仔一共有兩條，味道都不錯，都有好的香草味，最正是塊有骨厚豬扒，大大塊又新鮮爽口。我個

今時今日香港地茶餐聽多過米舗、要從中突圍而出真係小d心力同魄力都不成。剛下班已經是晩上10點幾、肚餓要祭祭五臟廟、坐低發覺原來係貓頭鷹特價時間。。。～ 厚豬扒飯（小飯）配蓮藕餅厚豬扒份量足、不過入口帶點鬆肉粉嘅澀味、雪藏貨就必然的啦、最難頂嘅係兩片所謂嘅蓮藕餅就帶點創作意味、入口油淋淋、d 肉質又鬆鬆散散。。。蓮藕一d 都唔覺存在，與其叫免治豬肉餅比較貼切，而且肉餅面頭重有點疑似蛋漿嘅物體、天啊、咁大個仔都係第一次試到咁㨾嘅所謂蓮藕餅、真係長知識。。。食食吓問侍應唔該攞杯熱水飲飲、點知問咗第三次先有反應。。。 杯水嚟到見到面頭浮咗層薄薄嘅油係到就真係倒胃口，無計、典型香港茶記嘅服務水平。。。綜合係一間食完唔會令你有返轉頭幫襯嘅普通連鎖茶記小店。

今次試了依間元朗冰室，感覺好正咁😁需然下午茶都不算平，但全部都偏大份同午市一樣👍🏽魔鬼醬厚豬扒包 $45（堅係好正，豬扒好厚又咬落唔乾同硬😋配搭魔鬼醬有另一返風味👍🏽食一個都飽了。）焗意式厚豬扒飯/意粉 $56（他的焗豬扒飯都比出面多豬扒d，都是好厚的。😋😋反而個飯的豬扒有小小鹹😂）

放工後於寶琳站一帶搵食剛好經過見到這家新開的餐廳就來試試～元朗冰室的招牌是「厚豬扒專門店」餐牌果然都是充滿著厚豬扒～於是我選了馳名厚豬扒全日早餐老公就選厚豬扒烏冬馳名厚豬扒全日早餐，當然有厚豬扒配茄汁豆﹑歐陸腸﹑火腿﹑炒蛋﹑牛角酥及田園沙律一上桌的時候，牛角酥比厚豬扒吸睛厚豬扒啖啖肉，好有咬口，肉質不會粗糙，質感尚算鬆軟～～牛角酥夠大件，暖暖的，酥皮夠鬆化！！帶點牛油香，好味！炒蛋幾香滑，但份量偏小，不太夠喉！火腿及腸質素普通，不會鹹，歐陸腸帶點香草味～田園沙律加入了麻醬，穩穩陣陣！厚豬扒烏冬，對比All day breakfast就稍為遜色！這塊厚豬扒煎得較為香，也沒那麼乾身～但烏冬就只是最普通的清湯烏冬，加少少椰菜，沒什麼特別！整體而言，喜歡有咬口的豬扒會覺得豬扒不錯～但其他食物還有進步的空間啊！

落錯單，更正叫埋單，等左半小時，收銀姐經只過來問是否俾現金，現金就不用改單，先發現仍未改到單，上唔到菜，舖內管理完全唔對辨，催左幾次，最後一次話馬上到馬上到，最後都等了15分鐘

好難食，早餐和午餐一樣難食。佢的招牌豬扒，係大伏，一點都不厚切，仲要係用粉「那」到佢所謂的「超林」，其實係劣質豬扒扮優質。大大活的一哥豬扒仲好食！然後到早餐，比多次機會，諗住試下，點知。。浪費左我一個早餐quota：1）炒蛋，又乾又細份，應該都有一隻蛋的2）厚多士，係toasted完放左好耐，林晒，我係9:15am去食囉3）雪菜肉c米粉：劣質米粉，發脹晒仲要$35，基本早餐的質素都冇！來呢間分店之前，我試過坑口個間，已經係劣質，比多兩次機會寶林呢間分店，果然繼續令人失望。

聽友人強烈推介，好味到佢要一星期有3日晚餐都喺到食，真係不得不試下！一入到去感覺已經唔錯，因為地方夠寬落。安排左卡位俾我地坐，有小朋友一齊食，可以喺地方寬落嘅地方食真係萬分感恩呀 ！友人力薦豬扒飯，就叫左個豬扒辣肉醬飯！豬扒好大塊，肉質鬆口，唔乾唔硬唔鞋辣肉醬撈飯真係十分醒胃呀，咁嘅份量同質素包埋野飲先$5x真係好抵食另外因爲友人要同小朋友share就叫左厚切酸菜豬扒飯，配嘅係豉油汁，小朋友食到想添飯！

元朗冰室喺新都城3期開咗間分店，網上群組都有好多評價唔錯，鬆厚又唔鞋嘅豬扒，真係聽到都即刻想試。除咗每人叫咗個主食仲叫咗1份小食1個下午茶餐，餐廳卡座多，坐得幾舒適，食物質素幾好，整體感覺唔錯。炸雞脾，唔算大隻，幾入味，外脆内熱，大部份肉都幾嫩滑。冰室一口西多士，煉奶同朱古力醬但出奇唔係勁甜。焗意式厚豬扒意粉，雖然顏色唔鮮紅，味道唔算淡，菠蘿亦幾甜，切好嘅厚身豬扒啖啖肉。厚豬扒烏冬，烏冬就一般，豬扒夠厚身，唔係醃到好軟嗰種，保留到豬扒嘅口感。Double豬扒飯，每塊厚薄適中，一塊鞋咗少少，一塊較鬆軟，兩塊都好味，豉油要續少落，有啲鹹。濃湯配豬軟骨拉麵，拉麵就一般，四件豬軟炆得又淋又入味，半隻半熟蛋，湯都夠味。三杯分別係奶茶，阿華田，兒童鴛鴦(阿華田加好立克)，不過兒童鴛鴦只有阿華田味。紅豆冰好多豆。

🤪突然被通知無煮飯，醒起呢間冰室新開未食過，見佢有時都有啲人龍出邊等下，出名係食厚豬扒，都有少少興趣～咁今晚就見識下喇😌叫左個焗意式厚豬扒意粉$56～等左五六分鐘就有，細心位係職員放低時，叫你小心唔好掂到個邊，因為好熱，但奇怪位係，職員操流利普通話同我講，我似大陸人咩？😂😂😂😂賣相其實一般般，啲色好深，四五舊菠蘿，四五舊蕃茄，配合又少又西埋左一邊既芝士，覺得少少扣分🤣🤣🤣食落唔算好熱，意粉有啲硬身，豬扒幾多，切開晒有四小塊，真係幾厚身😅有啲咬落幾juicy幾有肉汁，有啲咬落有啲乾，可能因為厚，所以有少少硬，芝士唔係好溶，擺得唔均勻又唔多，又唔香，得果少少芝士味，真係少少咁多多🤣🤣食完唔知點解有啲起痰hahaha

星期六做完運動就坑口試下這間冰室，平時經過都算多人，今日難得唔試等位，仲有卡位坐，就擇了這間冰室食過下午餐。俾大家睇下個餐牌，正常茶記餐牌，選擇算多，叫左個特大炸脾同一碟星洲炒米。特大炸脾，老實說普通炸雞脾，很普通，沒有驚喜，薯條也是一般，沒有什麼特別，雞脾近骨頭還有少許紅，相信應該是炸的時間不夠，小篇吃到最後一口才見到，那就算了吧。餐飲見了熱奶茶，味道一般，可接受。最後一碟星洲炒米，味道比較淡，從相片中也見到調味不夠，辣味完全沒有，唯一份量是足夠的。

可能尚算新開張，頗多食客光顧，可惜不知是否人太多，人手不足，所以叫了個全日早餐，等好耐都未有，甚至同行友人叫的午餐也差不多吃完也未到。於是再找侍應跟進, 她亦只是敷衍了事。到最终食物上桌時，食物完全是凍的。午餐叫口水雞飯是可以的。希望過一排，人少了，情況會好一點。

晨早嘆個豐富早餐好重要，有新開既冰室當然要嚟試下炸魚柳粉漿都幾新，上枱都熱辣辣脆卜卜 ，但配以凍冰冰既茄汁豆就好似冰火口感，蒜蓉厚多士雖然係微暖，但味道出奇不錯，幾香口，如果做到熱辣辣效果一定會加分，餐廳大部份早餐都配炒蛋，所以想食太陽蛋就要重點同職員講…因為我講完再上嚟都係炒蛋，當然最後有換比我蕃茄牛肉通粉蕃茄湯底唔夠味，都係大家樂牛尾湯好味d，鮮牛肉唔會過韌，可以接受呢度出名豬扒，但早餐呢個價都有d過份，但豬扒都大塊夠味，未至於食完要再食甘…＃可能新開關係，職員服務好好