元朗冰室

營業中

休息中

當計劃講唔上預期，本身諗住剝牙之前食一餐好嘅，點知多多阻滯，唯有是但搵一間茶餐廳食完就乖乖地去牙醫度早餐都冇食，一嚟就下午茶極品厚豬扒真係好厚，但係豬扒其實冇咩味，亦都非常之油，肉質鬆軟唔係唔會乾身。唯一可取之處就係茄汁係獨立包裝特大炸雞髀🍗雞髀嘅size都算偏大，都選擇得香脆，係咪k醃得入味嘅，比起豬扒好。呢一種沙律真係香港茶餐廳嘅雜果沙律整體來講，嘢食只係屬於大大份抵食，但係唔算好好食。附近其實有更多好嘅選擇

疫情我都知難做，成條街都冇幾間有開，見凍室有開，又想食炸肶，好啦，仲有賣炸肶，食返個啦。坐低都係例牌冇伙計，等多兩分鐘終於有伙計上餐，叫返聲唔該落單，伙計係無反應，不過轉頭都過黎寫單。唔知係呢度文化定點，寫單係放張寫單紙係餐枱再慢慢寫，叫個炸肶姐，又要搵餐牌再慢慢寫個午A。心諗不如我寫埋畀佢啦。一兩分鐘後，果個伙計埋黎話冇炸肶，唉，有冇咁黑仔。算，求其食個炸魚柳，唔好煩了。過多幾分鐘，罐可樂上枱，連一杯冰。可樂唔凍都接受既，39+3凍飲，仲想點。歎兩啖可樂，上左碟吉列魚柳，放低隻碟果刻，我以為上錯餐。有圖有真相，呢塊係魚柳?! 魷魚咁卷起哂，39蚊你畀咁細塊我? I can't believe it! 上Openrice睇返張相，雖然原本影落都唔大塊，但呢度兩啖都咬完了吧，收我39? 食個老麥都冇咁火起。當我回過神來，問返伙計，佢就話，係咁架佢。好一句係咁架佢，睇黎唔係我黑仔，黑果個唔係我。食落其實唔難食，係份量細到唔敢想像可以以下午茶自居。個擺碟更加係笑話。結言: 永遠不會再來。

放縱生活自身錯棄信棄善人生錯減怨減恨唔會錯肥上瘦下應知錯高鈉、高脂肪、高熱量，放縱的一個下午茶，令到自己非常的十分快樂，生活不外乎如此吧 !《元朗冰室》的太子分店是我喜愛的，相信是人客流量多且眾的關係，產品熱騰騰感是高的，尤其厚厚豬扒呀 !對辛辣麵係無咩嘢想講，只係要食。有約半年無食即食麵的我，而身在太子地鐵站的我，已被《元朗冰室》 呼喚我的靈魂了。( 辛辣麵配厚豬扒餐 ) 俘虜了我。牠帶骨的位置肉質嫩滑，相對的邊緣就包含了少許脂肪，用嚟襯托蒜茸包一齊食，簡直頂呱呱。溫馨提示 : 辛辣麵餐要下午兩時後才供應，但是其他厚豬扒餐，隨時可以嘗試。

貪方便入左去食，又中伏了order 左一個下午茶肥牛拉麵，隔左一陣同我地講全部拉麵/烏冬都冇哂唯有轉特餐？定常餐？要左個麵配炒蛋豬扒同多士，點知黎到係烏冬。。。又話冇烏冬？🙄豬扒質素算正常，不過就好油炒蛋份量極少另外order 一份全日早餐雞扒size 比較細，味道同肉質都可接受，不過都係好油炒蛋份量同樣係少薯蓉正常加左錢叫杯紅豆冰，除左甜左少少都算唔錯講下呢度既"優質"服務店員黎送餐時問佢拎杯水，個男店員係冇任何表示然後轉身走左🙃🙃🙃雖然佢之後係有俾到我，不過完全唔show 個客係咩玩法另一個女店員收緊餐牌，然後將成疊餐牌放係我地張檯，連問或者知會一聲都冇👏🏻👏🏻 隔左一陣先拎返走之後又講下衛生一入到黎係店員安排座位俾我地，咁即係suppose 已經執好檯先安排座位但一坐低就見到一舊用過既紙巾冇清理之後提供既餐具係有污蹟既🤢總共食左116蚊食物質素還可接受，不過服務同衛生確係好差

員工服務尚可整體都算污糟，但我當係港式風味當睇唔到啦明明無叫茄汁，但碟邊附送茄汁，睇到都胃口大開D瓜同蕃茄，好似被迫放落去咁，違和感好強個碟都搞成咁，呢啲冷盤食完應該會幫你清腸胃個包就酸嘅，佢以為蒜蓉冚到陣味咖啡都預佢難飲，預左係平日茶記果種好酸嘅咖啡但佢仲要再酸D，好難得佢識玩，識得整d連小朋友都整得好食嘅薯蓉塞飽你個肚入黎果刻都預會伏，唔想投資太多叫佢個所謂招牌豬扒，叫左個$48好老實，呢份野，呢個質素同份量，叫埋杯凍飲$51真係自己諗喇

有時候在太子等啲西餐廳等得太耐，都會轉長來這裏食豬扒飯豬扒包。這裏的豬扒有一定的厚度，配上甜甜的醬汁，送飯一流。另外，疫情關係去不到澳門，唯有在這裏叫豬扒包定定飲，這裏的豬扒包不錯，麵包是烘過的，裏面的豬扒配合沙律醬，還有青瓜， 10分開胃。

一直都係元朗冰室既鐵粉（尖沙咀店）。今早在太子做完健身後，看到元朗冰室在太子的分店，咁唔駛諗食咩喇，當然食豬扒啦🤪估唔到，分店同分店之間都咁大差距…我點了份早餐，厚豬扒…平時豬扒是非常Juicy 而且仲帶點肥膏…而太子呢間完全只係一塊豬扒…😢 再來杯凍鴛鴦都唔係沖得好飲…再者，餐牌豬扒都係無汁既，唔知點解當我份豬扒餐到時，竟然落左燒汁…我R哂頭。問店員，店員只答，是的，改哂架喇，依家會落汁架…唉…算啦算啦…可能真係知塊豬扒無咩味同口感，所以落汁掛….

其實我已經食過幾次，幾次都冇改善，我相信問題係一直存在。佢地晚餐好多豬扒餐，但啲豬扒完全係下欄野，啲部位都係好多肥膏或筋既部位。最大問題係佢地生粉發到啲豬肉好似好厚咁，但你咪當個個人都唔識食，唔識食。啲肉霉既都有。已經唔係第一次，一兜豬扒，6塊得一兩塊食得落，晚餐完全負評，一定冇下次。同埋我想講埋你地常餐，沙爹牛肉麵，牛肉少，牛既肉質差，但個麵啲湯又極滿，根住無啦啦你又放啲根本唔會有食，平時用黎伴碟既菜，其實個廚房對自己的有冇要求架？

#breakfastforlunch, #cheapeat, #prince Edward, #mongkokoh wow.. this is my second time visiting here and I always indulgence myself for an upgrade breakfast... never regret it..I came here early in the morning so the place is spacious and the service is good and attentive.

今日難得放假，起到身，就同屋企人去咗元朗冰室度食早餐。位置頗多，但座位偏窄🙈嗌咗金牌沙嗲牛肉公仔麵配炒滑蛋同埋金牌沙嗲牛肉粉絲去炒滑蛋，比較鍾意粉絲因為比較吸收沙嗲味，另外滑蛋都幾滑、有蛋味😋香烤蒜蓉厚多士，蒜蓉包都幾脆。🎉

以前成日喺屋企附近間元朗冰室食佢哋的厚豬扒，疫情後就少咗好多落街食飯，今日經過太子長榮大廈見到有分店，又到左Lunch Time，所以就同朋友一齊去食。我哋分別叫左一份厚豬扒出前一丁，一份和風叉燒豬骨湯烏冬，一杯紅豆冰和熱好立克。厚豬扒出前一丁，出前一丁的麻油係另上的，方便我哋自己加多加少，厚豬扒一如以往地好食，夠厚夠林好容易切開。和風叉燒豬骨湯烏冬的配菜都好多，有蔥，紫菜，半熟蛋和蛋餅，叉燒都幾大塊，肥瘦適中，好啱口味。食完再追加多一份西多士，呢份西多士真係超好味，上面有勁多的煉奶和朱古力醬，食落口暖暖的，一啖一個，回味無窮！

一個人閒日1:30pm入到餐廳，餐廳中間明明都有幾張吉枱，但樓面帶位，一係叫我坐太陽曬到正嘅窗邊位，一係叫我坐職員用嚟執餐具補豉油嘅面壁位，枱上有個筲箕，坐位旁邊仲有架用嚟裝餐具的手推車，但阿姐完全冇諗住執走啲雜物，嗰刻我覺得自己去咗柴房，所以我掉頭走咗。二人限聚令，生意係難做，如果餐廳嫌棄單頭客賺唔到錢，可以响門口貼張告示話俾人知。仲有，樓面容許個客坐响放餐具嘅手推車旁進餐，可想而知，佢哋有幾咁注重衛生。

$22就有大熱狗加飲品？除了點了歐洲大熱狗，還點了雙拼三文治，兩者都是茶餐，附飲品。侍應把熱狗送上，嘩，真的很大！拍照時故意把茶匙放在旁邊做比例。麵包烘得脆脆的，香腸味道不錯，生菜和番茄還有沙律醬，令這熱狗更美味， $22簡直超值！雙併三文治我們選了鹹牛肉和雞蛋、烘底。看樣子麵包烘得很好，但可能不是一做好就立即上桌，所以麵包已經不太脆，可惜！幸好餡料充足，鹹牛肉和雞蛋一向是絕配，仍算好吃。看看餐牌，原來這冰室在早上、中午、下午和晚上都各有一款特價食物。吃過這熱狗餐後，知道店家不是將貨就價，特價食物也不會水準欠佳，所以會再來試試其他特價食物。

今天走到太子，獨自一人想找一間餐廳吃早餐，便找到這一家。我叫了沙嗲牛肉米粉配滑蛋厚多士，也叫了一杯茶走，茶走是奶茶加煉奶，是傳統茶餐廳的飲品。這家的茶走做得不錯，奶香、茶也很滑，很好飲。滑蛋也炒得很好，配上厚多士一起吃味道不錯。牛肉麵再加上沙嗲的香味，配上我喜歡吃的米粉，好吃。

約左朋友太子見面，揀左呢間幾大間既茶記，一入門口，探完熱，坐底揀野食，1O分鐘都冇人理，樓面算多，但冇人理，明明見到都扮見唔到!諗住今日食邪惡D，所以點左個下茶餐A，炸雞脾跟薯條。凍檸茶，檸茶正常，茶底OK不太甜。薯條唔夠脆，而且好多油，有燶味同油溢味，要點茄汁先勉強食到。炸脾唔算大隻，形狀大小似雞扒，皮脆，但又係好油好油，而且冇味，超級難食，結果食曬D皮，D肉剩低一大半。中左伏，以後唔會再幫襯。