傳心意 (已結業)

某日經過 深水埗 發現見這間有 Laksa 賣的餐廳 , 於是入去幫襯 ~ Menu ~ 海鮮喇沙湯麵 $49喇沙湯底充滿著椰香 , 但未夠濃鮮味 , 鮮蝦沒雪藏氣味 , 麵就只是用上了米線 , 味道跟我早前在 星加坡 所吃過的味道略有不同 , 依我來看, 如果這碗喇沙有加上 " 鰤蚶 " 的話就更對辦了 ~ 本篇完 ~

岩岩去完黃金電腦商場購買電子用品，屋企又冇飯開，所以諗住係深水埗附近搵啲快食然後回家。咁岩經過見到有間食新加坡野，走入去望見個menu，賣相好似唔錯，所以決定入去祭下五臟廟。入到去，店內裝修唔錯，感覺舒適唔太迫夾，我比較喜歡店內開放式廚房的設計，望住個廚師煮都係一種樂趣。本來我想點食店的招牌菜海南雞飯，可惜佢地既油飯已經售罄，意欲當堂大減，只好點其他食物。見到食店其中一個主打係蓮藕餅，所以就點了個試試味道如何。等了5分鐘，上菜了，望落去賣相唔錯，雞扒上還有蔥花和辣椒點綴。開餐了，蓮藕餅果然沒令我失望，煎得好趣好香口，口感一流，味道剛剛好又唔太鹹； 雞扒也中規中舉，煎得金黃香趣，份量也不少；唯白飯方面效較遜色，口感像入camp飯堂啲飯既口感。整體而言，餸菜既味道係唔錯，而且頗有特色，唯白飯既口感有待改善，不過以50蚊都唔到既價錢(連飲品)，都已經好抵食。P.S. 值得一提既係食店用既餐具，碗碟同和杯都同一般既餐廳唔同，睇得出黎係店主精心選購過。

位於深水埗的這間快餐店，位置方便之餘，價錢真係公道。有好多選擇，樣樣都幾抵食。咖喱炸豬扒飯，咖喱味道傾向幾辣，都算有層次感，而炸豬扒都幾大塊啊，但炸得幾乾身，少左d肉汁啊。外層炸得非常香脆可口，以這個價錢來記ok 啦。

同fd出街，大家錢唔多咪食平dd 嗌過雞翼西多士餐$29，點知賣哂西多士，俾過脆豬包我，脆豬包烘到脆，查咗好多牛油同煉乳，甜甜好味，雞翼係普通炸雞翼，唔肥但無嘢好講。凍檸茶，解渴

深水埗 長沙灣 食肆林立真係講得出既都會有 但唯獨是少左份人情味行過見到呢間餐聽 叫「傳心意」 幾特別下午茶時間 試下佢啦入到去會發現 佢既員工絕大部份都係上左年紀意會到傳心意呢間係一間社會企業餐廳之後亦都見到一名東南亞裔既侍應返工其實 共融就係咁簡單本來都唔想飲奶茶 但見到佢係捷榮出品穩定又有保証既牌子 就試下佢捷榮既茶葉係好香茶味 沖左出黎既奶茶都應該好穩陣 而大呢一杯亦不例外 茶香處處 但可惜既係水溫不足 而且用既奶都應該係凍奶 令到奶茶變澀身滑度不足 但整體嘛 是合格的而主食下午茶我點左珍寶腸熱狗 賣相方面 - 整齊有擺放心思 以這個價錢及地點 已經超出預期材料有熱狗芝麻包 蕃茄 生菜 珍寶腸以及千島醬其實賣相好 已經令我對佢有期望但一拎起手時發覺個包原來已經一分為二 中間斷開 令到部份材料會掉出 呢個係有問題而個包本身比較乾身及硬 可能係在空氣中擺太耐水份被蒸發所致但主要食材都係新鮮 包括蕃茄係實淨夠凍而珍寶腸亦不會外表太厚太硬 一咬就開 唔錯以一家27蚊有熱狗同捷榮奶茶的小店來說 合格有餘

一個不用的上班的日子，踱步至此，見這間看似茶餐廳，但其實需要顧客自行在餐牌揀選食物，再到櫃位購買，拿過號碼牌等待店員送餐的快餐店，店名「傳心意」甚為溫暖窩心，便入內吃個早餐。店中有不少早餐款式，中西都有。當中的西式全日餐共有A、B、C、D四款，早上11：30前早餐價只是 $28，過了早餐時段便要 $35，我便揀了其中一款「沙嗲牛肉公仔麵餐」做早餐。以 $28的價錢來章，這早餐是挺豐富的，不過質素就只是強差人意。脆豬包太硬身，也沒有塗上多少牛油。炒蛋和火腿都是普通貨色，絕對不會帶來任何特別驚喜，就是餐飲的熱朱古力也是淡而不濃，味道平平。較好的只有沙嗲牛肉麵，用的是出前一丁，感覺有點誠意，沙嗲牛肉雖然只普普通通，看在丁麵的份上，都算可以了。這快餐店名叫「傳心意」，希望它能証明多點自己是一間全心全意傳達心意給客人的食店吧！

雖然經常經過,,但未試過在這用膳~難得假期的上午,,來個悠閒的早餐,,到餐廳時已經11:20,,幸好早餐供應到11:30~岩哂假期瞓得晏的一族~~餐廳提供中西式早餐~選擇都幾多,,看見大部分顧客都點西式早餐~我也來一份~餐廳採半自助形式,,自行到收銀購買後,,,姐姐會給您一個牌,,,佢地會睇牌送餐~大約5-8分鐘,,早餐就送來了~麵應該是用出前一丁(不用加錢)麻油湯底岩哂平日喜歡轉丁面之人,雖然牛肉沒有太大的沙嗲味道,,但口感不錯~豬仔包暖暖的,,少少脆,,內有牛油,,不過個人認為如果有方包多士作選擇更好~鮮奶炒蛋,,雖然吃不出有加鮮奶,,但都幾滑,,不過用嘅餐肉就差d了,,肉質鬆散,而且很油(係比平時吃的更油/_\..)奶茶就正常~~不過在物價騰飛的時代黎講,,,這$28的早餐有這樣的份量及質素,,其實性價比已經不錯了~而且餐廳內的環境,,比茶餐廳舒適光猛,,可以慢慢吃~~悠悠閒閒地度過假日的上午=]]

個人喜辣，由該店開張試食它的紅油抄手，對那少少麻少少辣的醬汁一試難忘，而且用的醋汁味濃而香，開胃另一驚喜是該店的花茶，在秋涼入冬的時候，一杯熱騰騰的蜂蜜花茶，滋潤解累，而且更是真材實料的花茶香，那份用實熱心意真是暖洋洋！值得推介的用心廳館！

呢間CAFE每經過高登商場都會見到佢地易拉架咁岩呢日好餓 外賣返去同屋企人一齊食我外賣左兩份西多士, 雞奕加厚多士, 再加一個羅宋湯通粉既餐等哂所有野足足等左半個鐘 無錯係半個鐘拎到返黎屋企一打開自己個餐我要奶油豬仔包啊, 正正想食奶油豬先去買, 點知俾個厚方包打開杯飲品, 我要奶茶你俾檸茶...我開始懷疑係唔係俾錯外賣 但我睇返野食係岩但俾錯左我常餐個包同兩杯飲品, 另一杯俾錯係阿華田, 其實係兩杯奶茶...其實食品質素普通啦, 羅宋湯底係罐頭湯底, 亦無額外加D菜, 紅蘿蔔等配料落去炒蛋尚算滑唔太老都可以, 不過螺絲粉份量好似少左D, 唔係外賣碗高身影響, 而係食完成個通粉餐都唔飽...西多士炸得唔錯, 金黃色! 不過如果蛋脆多返少少會合得實D 因為一切就解哂體奶醬厚多士既奶醬真係俾足醬, 多到流哂出黎!食品可以但如果出錯更少會更加好!