9
2
0
電話號碼
29810159
營業時間
今日營業
07:00 - 17:00
星期一
詳細營業時間
星期二至日
07:00 - 17:00
*不定期休息
付款方式
現金
食評 (12)
等級4 2019-09-26
25 瀏覽
老實講,嚟e度食魚蛋只係為咗一份情懷。因為已經揾唔到一個地方,有咁開放式同咁有人情味嘅地方及濃濃嘅漁村風味!講真的,我並不覺得e度嘅魚蛋、牛腩特別好食、先講:魚蛋,很淋,完全無咬口。牛腩,炆得不夠火喉,冇乜特別味道(只有濃濃嘅顏色)最好味要讚的係-辣椒油,夠香、夠辣👍🏻 繼續閱讀
(以上食評乃用戶個人意見 , 並不代表OpenRice之觀點。)
等級2 2018-04-29
439 瀏覽
如果唔係朋友介紹,我都唔會去呢間餐廳食嘢。呢間麵檔位於鐵皮屋入面,上面個頂係鐵皮黎,好似大排檔咁,好鬼涼,夏天都唔會熱。佢用木枱木凳,勁有風味。而藍白碗粉配上木筷子,好正!坐係入面,望住外面d人行黎行去,好熱鬧。我叫左魚片河多蔥,魚片好彈牙,唔會太鹹,我朋友叫咗雲吞麵,雲吞入面好多蝦,好好食!河粉好滑好幼,但粉唔太多,女仔就夠食。呢碗粉都係28蚊,比起出面嘅魚蛋粉,已經好平了! 而員工方面,好有人情味同有禮貌,會同d客傾計,唔似其他餐廳咁冷漠!下次去長洲,不妨試下呢間風味魚蛋粉呢! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-27
298 瀏覽
長洲大魚蛋,平安包……已成名品。傳統的魚蛋麵店日漸減少,西式餐廳日多。早年,去長洲是吃魚蛋粉的,如去筲箕灣光顧安利。近碼頭的張記,已經是徒負虛名。經考查,在近碼頭海傍街熟食中心的此店最高水平。上碼頭轉右,行至康蘭餅店,進入大牌檔區域中央。河粉幼滑,自製的魚蛋爽彈鮮美。份量不多,特覺珍味。鄰近的通記/陳通記都是聯營,可以點選茶餐廳食品。如標示有鮮魷魚賣,則是好運,可食沙嗲魷魚通粉。沙嗲通粉濃稠,有馥郁花生味,不辛辣。今日紅底白字標示「無鮮魷」,故吃了此店另一寶-牛筋麵。調味有秘方,牛筋入口有香料味。有牛肉有筋絡,份量足。宜在天后誕(三月十八日)前到長洲,因天氣未炎熱,在大牌檔尚可忍受。原來大魚蛋之外,有小魚蛋。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-13
300 瀏覽
入到長洲一定係由朝食到晚,一路行一路食,行入大排檔偉記魚蛋粉,座無虛席,等咗陣間有半張大枱,坐低叫咗個魚蛋粉, 魚蛋爽口彈牙,堅好食,河粉滑身唔太淋牛筋面,大大碗,好多牛筋,又淋又可口,个腩汁湯底超級香濃,可以食到花椒八角, 呢個味道啱啱好,廚師有料到麵身幼,好爽口,加咗醋,更美味,落咗自家製辣椒油,更惹味! 最終都引唔住叫咗個凍檸水, 呢度確實好食過出面出名嗰間, 大家可以行入排檔搵偉記魚蛋粉價錢合理, 下次要來試埋其他粉麵同魚皮。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-01-30
197 瀏覽
好多人去長洲都係掛住食大魚蛋同炸魚蛋,唔講唔知原來最好食嘅魚蛋係呢度魚蛋河一定要加色(即加腩汁)同埋多青呢到嘅魚蛋同坊間或者其他長洲既舖頭唔同魚蛋有時係圓形,有時係方形而且凹凸不平,但食落都係爽口,彈牙真係要講返句好有魚味先得係腩汁同蔥嘅襯托下,呢碗魚蛋粉完全唔需要落辣油,如果唔係就會蓋過啲魚香順帶一提 #1其實偉記嘅辣油喺好好味,配牛腩一流,千祈唔好落錯通記嗰啲順帶一提 #2偉記同食沙嗲嘅通記喺share坐可以叫兩邊嘅嘢食沙嗲肥牛粉絲 繼續閱讀
(以上食評乃用戶個人意見 , 並不代表OpenRice之觀點。)