倫敦大酒樓

營業中

休息中

已隔幾年,今次又重臨呢間酒樓。好友就快離開香港,就番大家,惟有揀呢間。先叫一個燒腩仔,幾脆,算係咁啦!一個牛輾,唔算好入味,一個無油少鹽的金銀蛋筧菜,唔算差,再蒸多條「養紅魚」,明知無咩味道,以蒜茸碎蒸處理,只屬一般!對於一d話去食海鮮又冷咀刁的人,希望佢識分「養魚同海魚」先,人地舖頭收你養魚價錢,你就要求海魚質素,亂咁鬧人,無知當秘笈,真係笑大人個口!!!!連酒水HKD$240.00

地點方面，我都唔知算唔算就腳但旺角現在已經無咩咁大的酒樓啦晚飯，確實有1.00 的，就很底打邊爐方面，雖然都有不少不好的評語，可是都有不少人去。而且，睇番價錢，再想下，咩價錢咩質素。講真，如果多人去的，都ok的。如果想享受打邊爐的，就去火x店啦。近來再睇下，裝修後，都換了不少的伙計，好似好左好多(最重要的服務質素) 睇來佢會主攻擺酒的，個場咁大。總結，以前的服務確實幾差，不過近來有改善。

旺角區七點幾到場, 居然成層樓得幾檯客, d侍應呀姐就企晒晌度吹水, 唔係話唔招呼, 而係無客所以吹水.坐低叫野, 張order好煩, 分成兩組, 每組每次入單只可以寫6款, 身為食客, 從寫紙仔入單呢一刻已經好無引.湯底黎到, 個爐d火又唔起, 煲左好耐都唔滾, 叫個呀姐黎換氣, 好似檢屍咁檢先同我地換, 你以為佢換支新氣俾你咩, 我睇住佢去後面無人個d檯度拆支氣俾我地, 我地個支用到差d撻唔著既氣一裝入果個爐, 一支氣植幾錢, 換支新既俾我有幾貴唧!order左咁多野, 全部唔分開上, 一次過, 一個大碟上, 花支片d水, 雞子d水, 就hi晒落d肥牛片度, 感覺食緊一碟晌垃圾桶執返出黎既生肉.味道/新鮮度無謂再提, 我一定唔會再去, 而且寫呢編食評, 都希望大家唔好似我地咁, 盲中中走左上去食.不能接受既食物水準同服務, 完成對食客無誠意既酒樓.一家人食飯, 俾佢呢間野掃晒興.

每年的農曆新年，這裡的茶市亦會照開，記憶中好像好景的那個年頭才加二加三，這幾年都沒有了，純粹只有加一之餘價錢跟平日相約。幾年來都有個習慣新正頭過來飲茶，今年亦無例外！初二中午來到，仍舊是無需等位，尤甚是在四樓的茶皇廳，十二人大檯亦隨叫隨有。所點的點心亦是大路正宗的，什麼蝦餃燒賣叉燒飽布拉腸粉等，而所叫的炒飯亦能炒到乾身少油，而阿姐們服務亦勤快，收碟沖水亦夠快，埋單亦跟平時一樣，下次新徵頭的早茶飯局，這裡可考慮考慮！

今日出左旺角嘅倫敦大酒樓打邊爐，諗住平平哋食一餐\，點知野食選擇唔多，樓面啲侍應態度勁差，啲野食又唔新鮮。當淨返我一個人時(阿文同阿業去左洗手間)，我專心打機，誰不知，啲侍應講都唔講聲，將我個窩同爐都收左，雖然我熄左爐，但都需要同我講聲。之后我同我侍應講：「我未走喎！」侍應答：「人可以慢慢坐！」我講：「但我未食完過！」侍應答：「我見你熄左爐嘛！」之后佢\就走左…影都唔見。吓…我啞晒……咁即係點？趕我走嗎？淨返我一個女仔嚟蝦我嗎？(可惡>.<)

同大學同學gathering, 食完唔飽兼一肚氣.叫左六人餐再加小菜, 首先白灼蝦送曱甴, waiter反應冷淡兼無悔意, 其他小菜難食無鑊氣, 甜品芒果糯米慈皮厚到阿媽都唔認得.食物同服務都超唔掂!!!

剛才去了旺角倫敦大邊爐,表面收$48一位最後埋單大約$8X食物質素OK,但係要乜無乜或者要三催四請先叫到D 貴D的東西出來要雞肉腸就快到死就送到出來我自己就未必會再去,你想去的話就自己諗下啦!

服務差到爆，侍應解釋不清，仲要唔記得，經理仲要話「下次唔好比咁多選擇d 人」，咩意思，知唔知咩叫customer services? 唔講服務，講野食，未發生衝突時，食佢d 野已經唔多想想，d 丸難，咬落去係粉粉．．．d 牛肉仲衰，黑黑地之餘仲要勁少，我地八個人，一碟得八塊唔夠．．．最憎佢係一碟過上晒咁多野，d 菜變血菜．．．都痴！其他野食都係一般．．．食完野我即刻肚柯．．．救命．．．我寧願去稻香, 食2130, 計計下仲平過佢，唔使受氣同埋食壞肚皮．．．

24/7 (Sun)今晚係我最親愛0既外婆生辰，因此於倫敦大酒樓設宴~燒味拼盤：有別於一般酒樓，除0左應有0既食物，今次仲加左一味類似炸腐皮卷0既0野出黎~大家試過之後讚不絕口。西芹腰果蝦仁：一般，無咩驚喜炸蟹鉗：lee樣0野講真好有童年回憶，係由細到大去飲0既must item，拎住個蟹鉗但又唔係食緊蟹肉，食0既時侯搏晒老命點醋，都唔知食醋定食咩？！個感覺幾funny呀下~點講都好，我仍然好鐘意拎住隻鉗0黎食。鮑片鴨掌(我估係)：無食，無得講翅：翅乜鬼丫~~瘦肉羹就瘦肉羹啦~~魚(星斑)：絕對失望！！！！！因為年年都0係度飲，所以有得同上年比較，差0左好多，有雪藏味~又唔滑~~~仲要蒸到過晒火，d肉霉0既~~而家係咪玩野先！？荷葉炒飯加長壽麵：不提也擺~油淋淋...炒飯好濕，麵好爛~炸子雞：皮脆肉嫩，正壽包：我睇過個菜牌，佢標榜自己係『加大蛋黃長壽桃包』，結果...有d包係無黃，係咪即係兩個包0既黃combine埋一個包裡面就為之『加大』？？芒果糯米糍：好味，唯一一樣有讚無彈0既0野~~又係環球生果盤：太飽喇，真係食唔落~無論食物係乜野，都只係飲宴裡面0既小小原素，重要0既係我亞婆生

昨晚又係一圍人11 位食晚飯，一般大酒樓味精多佢都唔例外，但係都有些比較清新的選擇，想同大家分享：蛋白炒雜菰：其實個概念好好，但仲可以再清d西洋菜粉絲浸肉碎：可以叫佢走油，好好送飯西芹腰果炒素蝦：素蝦我第一次食，口感都幾真，但太大粒，一開二就差唔多其他仲有東瓜盅，1 蚊雞，翠唐豆腐，蒸魚等，不過不失啦。

上星期六本來將咗班朋友去另一間食火鍋，點知去到先知「裝修」…好彩未到7點，就去咗隔離呢間倫敦大酒樓。見佢樓下個牌寫$68位(星期六、日收費)任食都算ok啦，坐落侍應先話每位另收$8醬油錢，亦可以散叫每碟$12.8，但每位收$15窩底費….最後都係散叫。我地6大2細，叫咗兩個湯底–沙嗲同芫茜魚片(個侍應只介紹呢兩個，後來先知有其他)。無論任食定散叫$12.80嘅食材都係D大路嘢，不過都幾新鮮…值得一試嘅有魚頭、龍蝦丸、墨魚丸、雲吞同埋$20有10隻嘅蝦…出前一丁就真喺俾出前一丁(2個)連味粉、麻油包….另外個人認為D滑牛好食過D肥牛喇。至於飲品，嗰度嘅竹蔗水都幾好味–最好飲完一喳先叫一喳…飲起嚟就可以凍D..埋單時未夠9點坐滿人，原來8:30pm後入座任食$48.00 (唔知星期六、日喺咪收一樣同埋有乜其他收費)!

一向星期六下午絕跡於旺角，今天來一個即興任務：短時間內找位子嘆一盎兩件聚天倫。甫即向「稻香」衝著，誰不知一開門如臨大敵，水洩不通，只好向「對家」埋首。位子多得是，寬敞，兩層樓任君選擇，點了多籠點心及鮑魚什麼什麼泡飯，只能說較深刻的：糯米燒賣，干蒸燒賣吃得多，大鄉里初次見識，竟留下壞印象，一團團的糯米搓成一小粒燒賣狀，既沒有糯米香，也沒有什麼味道，甚寡，而且米身較為濕，實在難於啟口；蔥油餅，外身香脆，油份倒接受，蠻好；尤魚鬚，不太韌，味道好，香口夠醒神；鮑魚乜乜泡飯，價值三十三元的特價飯款，天真的一心以為是一大窩，送來只是一大湯碗確實令在坐失笑。的確是有數小片鮑片，預計不是什麼上乘材料但合胃口，「師傅」湯也很甜，反而最愛吃還是那幾粒菜頭夠爽口；上上下下夠一心，有禮殷勤。被埋怨吃得愈來愈「咀刁」，倒有異議哩，只不過．．依然是「我最喜愛的食物是媽媽菜」，誰能媲美呢！

一日一大班舊同學聚會去左旺角打邊爐點知間間都很多人冇位後來發現這間價錢ok~就上了去~~非吸煙區冇位,只好去吸煙區~~但好好彩~雖然係吸煙區~不過都冇咩煙~~以為冇選擇錯~~但好景不常~~我們先開茶~叫左一壺普洱,一壺水仙,一壺水(成20個人口味總有點不同唷!!)不久有個似係部長o既人好好咁幫我地每個人倒茶,我地好耐冇見,大家只係掛住傾計,都冇注意...之後有人飲一口茶先發現我地叫o既一樣都冇!!!~不過入到口都算之後又為左個湯底擾攘了一陣子, 有湯底喇~點知個爐又有問題~仲要換完一個又一個....真係好煩!!!~~不過都算喇~但係d食物一到....好可怕囉~~咩都放埋一大碟~~牛肉同d菜又一大碟, 攪到d菜血淋淋~~~睇見都驚~~雖然最後都係放晒落去...不過都真係好唔開胃!!!~~正所謂見微之處, 門面功夫都做唔好...其他都唔見得好得去邊呀!!!下次真係唔再去喇!!!!~~~~

舊同學約去旺角飲茶, 原本想去稻香, 不過日前去完覺得選擇唔多, 結果揀了倫敦。1130am去到剛好早茶時段完, 人潮走了, 揀左張檯就等人來, 坐坐下四圍望, 見到成大隻曱甴在牆上停留, 好心叫個伙記捉走佢, 點知佢用個夾毛巾的夾拍一下落隻野度, 隻野即時跌落當下的熱毛巾機內, 跟住個伙記就將毛巾夾放回原處後走人, 完全無理隻曱甴的屍骸。12pm舊同學到了, 我都無提曱甴事件, 唔想影響他人食慾。去了點心櫃取點心, 選擇好少, 結果係要等推車仔的點心, 不過發覺此酒樓的奶黃飽值得推介的, 外型整到好似一個小菠蘿飽的, 口感幾好。

我哋一行五人在5/29晚上去打邊爐,我哋上去時同知客講咗話我哋食自選火煱唔係任點,於是佢好快就帶咗我哋去一張枱,我哋坐底叫嘢食,佢枱上面只得一款order紙,於是我哋就照落order啦!隔咗一陣,我哋order的食物到了,但係佢竟然將所有食物放在一個碟上,好似大家樂食火煱咁,嘩我哋唔係自選喎攪咩呀!最過份就係d金菇同埋牛百葉係凍到變黑咗,於是我哋叫佢換咗佢,佢d態度己經麻麻地,隔咗一陣,佢然將金菇的頭切咗淨返中間嗰段,你哋話有無攪錯啦!後尾我哋覺得佢當咗我哋食任食火煱,於是同佢講,佢竟然話毛哋錯唔一早講明,有無攪錯呀!我哋一入門口己經同你哋的同事講咗啦!係你哋自己無溝通喎!佢同我哋講唔可以改單因為己經入咗機而且你哋都食咗一半,你玩我咩阿姐!你嗰部係電腦唔可以改,我先唔信呀!而且我哋只不過坐咗半個鐘,食咗1/4根本無一半,你估唔使等湯底唔使等order,d嘢唔熟照食呀!好過份呀!後尾有個西裝男人話計過張單俾我哋,唔會搵我哋著數,但最終我哋都俾多咗43%,以後千祈唔好去間食呀!d豬肉碌得幾熟都係粉紅色,好噁心呀!我哋之後都唔政再叫嘢食呀!點知佢會唔會加料呀!