俺流塩らーめん (創紀之城五期(apm))

營業中

休息中

呢間拉麵寫住涉谷人氣no.1, 午飯時間坐無虛席，排隊約10分鐘左右就入得喇。叫左Openrice 最多人推薦既俺流男拉麵（熟成）- 睇個名其實唔知咩黎，不過睇圖見到有叉燒，炸雞同流心蛋。拉麵黎到第一時間試下個湯，豬骨湯感覺比較淡味，無個種好rich既感覺，但有少少柚子清新既味道。炸雞由於浸左落湯，導致本身炸得香脆既雞皮淋晒，好浪費，建議炸雞應分開上。叉燒肥瘦分明算是不錯。流心蛋正常發揮。拉麵是比較粗身的那種，份量不多。

好耐無去日本，係香港無耐就會好想隊番碗湯底正，麵條爽既熱辣辣拉麵😍🤤今日經過apm，即興入咗呢一間以鹽湯拉麵為主題嘅拉麵店，認同佢哋話鹽湯拉麵看似簡單但係背後有著博大精深既功架🫶🏻☺️🔥辛辣鹽湯拉麵$69本身想揀原味既鹽湯試一試，但係最後辣癮起揀左個辛辣style既鹽湯🤤識食拉麵第一啖就緊係試左佢個湯底先，好記得我第一句既comment「好似韓國辛辣麵既湯底😂」開頭真係有八成似，不過慢慢dap真d湯底係清而濃味，鹽味係慢慢係後勁出黎，唔會得個死鹹味，加上有少少柚子皮，多左層清新感😛😚配菜仲有好多唔同種類既青蔥，香口感upupup🫶🏻另外叉燒都好正，大大舊又厚肉❤️‍🔥🔥辛辣味噌拉麵$89除咗鹽味同豬骨，仲有味噌既選擇😋味噌湯相對上就會濃郁啲同埋厚身啲💦味噌味都好重，加上少少辛辣感好正👍🏻哩碗味噌拉麵用到既麵條係平時食開沾面嘅粗麵，特別彈牙有口感！配菜同樣豐富，滿足的😛🔥明太子芝士餃子$42熱辣辣上枱食好正!!係一大pat半溶芝士加明太子醬on top🤤🤤🤤😚餡料都係菜同肉，雖然唔係話大大隻，但係邪惡嘅芝士同明太子醬就令到每一舊口感同味道都好豐富同滿足😎可以一試！環境都好舒服幾好錯❤️‍🔥而且

今日係非常肚餓嘅情況去食呢一間野，佢個叉燒鋪滿左芝士，呢個做法幾聰明，適合一啲唔鍾意食肥肉但係鍾意食芝士嘅人，芝士浸左落湯會有半溶嘅效果，但係拉麵同湯底就真係一般。星期日見到排晒長龍所以平日專登過嚟試吓，麵嘅口感正常，有少少鹼水味，湯底唔拖唔水香味唔夠龍味又唔夠，佢又唔算係清湯。半熟蛋嘅蛋黃熟咗一半，呢個都係扣分扣得好嚴重嘅位，叉燒得一片，然之後食完覺得有啲肥膩，應該唔會再試，唔係難食，只係呢個價錢好食過佢哋有好多

係網上見到d人話呢間野OK，我做完d嘢就來食下咯。排隊排左一陣就落座，叫左個黑蒜拉麵，我飲左一啖湯，我覺得我好似把呢世嘅鹽都食曬落肚，真係鹹到冇人有！我拿起隔離果水係咁倒到湯先調均勻d味！大佬，你地可唔可以考慮下食客嘅健康？食咁多鹽會出事ga頂你

一嚟到已經見到環境好乾淨，坐低之後店員都即刻拎餐牌俾我哋，速度好抵讚。咁我哋就試咗佢個俺流男盛拉麵，都好快就嚟到有得食，份量真係好足，又有叉燒又有炸雞，唔只大件質素仲好好，調味同肉質都屬於中上水平。而隻蛋都有做到流心嘅效果，蛋黃亦都好香濃、好正。最後仲想讚多樣，我好鐘意佢啲筍乾，有筍香而且重點係完全冇渣，真係好難得。

🎈背景見到餐牌有墨汁魷魚豚角拉麵，本以為是黑汁意粉般用墨魚汁造的拉麵，滿以為會見到墨汁做的黑色拉麵想試試。.🎈餐牌.🎈食物.墨汁魷魚豚角拉麵 $89.如上面提到，本以為是墨汁造的拉麵，期待是黑色的拉麵，不知會是什麼味道。拿到麵時，湯的確是墨汁黑色，於是好期待地第一時間夾起拉麵，麵卻跟普通拉麵無分別，原來這個麵是墨汁湯，而餸是魷魚及豚肉，再配拉麵。..味道是不錯的，只是我滿以為是像墨汁意粉般用墨汁造的拉麵，所以一發現不是時，有少少失望。總體來說，墨汁湯不錯，當然我不知什麼是墨汁味，總之幾好味，又不太鹹。魷魚及豚肉份量也足。

清明拜完山，就約左女友去apm。佢話想食拉麵，就黎呢間睇睇，見唔洗排隊，就入去食。我就叫左個辛辣鹽湯拉麵，女友就叫黑蒜拉麵，加個玉子大板燒，連飲品200蚊多啲。其實拉麵既味道我地都覺得唔錯，可係能係鹽味湯掛，不過覺得辛辣唔夠辣（我女友唔多食得辣，佢譚仔最多叫十小辣，我就叫開三小）佢飲啲湯都冇問題，我就直情覺得唔辣黑蒜湯又係冇咁勁蒜味，湯唔深色（可能性我地食得小好野，之前去其他鋪資食，啲黑蒜湯拉麵，啲湯都比較黑色）玉子大板燒係下面啲菜絲，上面加隻炸左層面既雞蛋，再加啲沙律醬。雞蛋其實幾好食，不過唔覺得似大板燒，可能平時食既大板燒都係塊用菜同蛋撈埋整既燒餅，而加係鋪菜絲喺底加燒汁再加隻蛋啦。以前夜晚黎食過dinner，覺得ok，cp值唔錯。可能時間唔同左，而加係lunch/tea time食，食落覺得唔算好抵食。下次都係夜晚先黎食啦

鹽味拉麵真係好鹹， 完全冇老點嘅感覺。淨係食到 鹽嘅味道，拉麵好重鹼水，重口味人士可以試下。另外叫咗個餃子，size同乒乓波咁上下。好唔好食就見仁見智啦，不過我就應該冇下次。

之前見依間俺流鹽拉麵成日大排長龍已經好想試！今日係觀塘做野就黎試試，可惜真係失望而回點咗辛辣熟成濃湯拉麵另外加咗白蔥同埋溫泉蛋（本身另加嘅蔥同蛋係分開上，我影相所以加左入碗）首先呢碗拉麵嘅辣度係比想像中勁！第一啖湯飲落首先係試到超鹹，然後就係好勁嘅辣味。我本身都幾鍾意食辣野，但係個辣味係冇乜層次，呢個熟成湯佢話係用雞骨同埋豬骨熬製，但係飲落其實淨係飲到鹹味同埋辣味拉麵我覺得比較偏硬身，但係食落都幾彈牙口感係唔錯嘅。而叉燒唔會太乾太柴，保留咗少少脂肪同肉汁咬落去幾鬆軟，唔錯其實拉麵同叉燒我覺得係有水準嘅，但係個湯底真係搞唔掂有種食完會腎虧嘅感覺，我本身都唔算係口味淡嘅人但係我都頂唔順後尾仲加咗個手羽餃子，佢上面有少少明太子醬同埋芝士碎，明太子醬識落個味有少少怪怪地，個味係唔識點形容但係炸雞皮同餃子本身好出色，個外皮好脆，內涵勁多肉汁但係$49得兩隻我覺得性價比唔算高一餐食完真係唔明點解咁多人排隊，食物質素真係好一般，服務質素唔係特別好，真係唔明點解會咁多人排隊

肥髀放假，帶佢去逛街加午餐，揀左呢間拉麵店，要等5分鐘才有位（星期日已算快）正常日式淺木傢具，座位略迫，因防疫隔板關係就更迫了，而且餐具被隔開了，而店員上菜後又不為意，要出聲問才拿過嚟比我哋俺流鹽湯拉麵（$59）細細碗，鹽湯清澈夠味，幼麵有咬口，掛湯不錯，配料喜歡菠菜，索湯又清爽，荀絲正常，豚肉叉燒半肥瘦唔嚡口，好味玉子（$12）玉子蛋黃流心漿口，喜歡，蛋白彈牙好味肥髀食：墨汁魷魚豚角拉麵（$89）雪碧（$10）紫菜（$10）無唸到是炸紫菜，我與肥髀想要紫菜片，失望拉麵我最喜歡鹽湯

喺apm同屋企人行完街發現咗呢間日本拉麵店，見到價錢都幾抵一於試下佢。我就揀咗熟成濃湯拉麵59蚊。嚟都都幾大碗，麵我就揀偏硬，食落好有咬口，湯底好濃沃好重豚骨味，但係飲太多就會有少少覺得鹹，用來配拉麵食啱啱好。上面有兩大件厚厚嘅叉燒，仲有好多筍絲，價錢咁平但唔媽虎，好適合我想食拉麵嘅時候平平哋嚟食。

Apm都好多拉麵店，最後確定同朋友試呢間見到最愛既炸雞同日式叉燒，就點左 麻辣俺流男盛拉麵，但太高估自己既食量，真係超飽🤣🤣每塊炸雞都超大塊，啖啖肉超滿足！吸埋d麻辣湯同本身既肉汁又辣又過癮❤️❤️好正！朋友叫左柚子拉麵，比較清新，好開胃！小食試左 明太子餃子同大板燒風味（好似）個人覺得明太子味唔錯，同煎香既日式餃子好夾。大板燒風味比較普通，配左大板燒既醬汁，蛋黃醬同木魚片。呢個組合都係章魚燒更正😆😆

俺流塩らーめん地址: 觀塘觀塘道418號創紀之城5期apm L1層1號舖俺流塩湯拉麵 🍜 $59湯底帶有小小柚子香味，幾有清新感，不過叉燒份量真係好少，少到得一薄片，而且拉麵質感一般，無特別掛湯，大為失望。黑蒜熟成濃湯拉麵 🍜🧄 $75拉麵加了大量蒜片，湯底略濃。拉麵質感一般，無特別掛湯。溏心蛋生熟程度唔錯，有少許流心，不過叉燒比較乾同鞋口，大為失望。

旅行引發作真係好想去日本呀每一次去日本一定要食拉麵今次食依個係東京好出名🙈🙈🙈我覺得自己勁好彩去到嘅時候唔使等位入咗去我哋未點餐就已經需要等位喇原來都幾多人過嚟食叫咗碗柚子拉麵感覺都幾得意冇諗過會配柚子 微微柚子味感覺幾Fresh 而且其實面質幾煙靭同埋京都嘅拉麵完全唔同如果比我再試我想試黑蒜油熟成濃湯拉麵另外仲有叫咗一個大阪燒餃子諗住佢有啲乜嘢特別啊點知原來就係餃子配大阪燒嘅醬汁不過幾好食嘅 真係可以一食只係我哋先入為主覺得佢有啲得意嘅點知原來只不過係配上第二啲醬汁

🍽食物俺流男盛拉麵 (外賣自取$72) 5/10拉麵分左上下格裝，費事喺拎返公司期間浸到爛曬。打開睇見到樣都靚仔，有2塊叉燒、炸雞同溏心蛋，啲麵就咁睇以為好少，但係食落都好滯😂將啲麵倒落去豚骨湯，湯底仲keep到熱辣辣，唔係好濃厚好油膩嘅湯底，頭幾啖仲幾好味，因為d麵唔係煮得好淋，仲有啲咬口，但係個湯底愈食愈鹹，食到好口渴😰炸雞嘅size唔細，塊皮酥脆，可惜啲肉太乾冇肉汁，反而叉燒就幾好味，入口會化開同埋都幾大塊。溏心蛋好似時間爭左啲，一夾開d蛋黃流晒出嚟，蛋白仲有啲係好生咁😓📝總評 5/10其實一開始係幾好味，但係愈食愈鹹，最後我都食唔晒😖我覺得試叉燒就足夠，炸雞可以唔嗌，見佢個辛辣拉麵幾出名，可能會堂食試下