俺流亭 (樂富廣場) (已結業)

68蚊一個定食(鯖魚定食)飯煮到爛晒而且配菜都較細份只有個麵豉湯較為可取。28蚊一份玉子燒 4舊加埋都只有一個手掌心大 每塊都得1cm厚 食落都唔似係餐廳即整 似買外面啲急凍食品咁拉麵煮爛湯又冇味真係好難食 雖然唔太貴，但可能去日式超市買個外賣便當都會好食過佢。真心失望。

今日晏晝同朋友經過去食，食咗佢間鋪頭用烏冬打邊爐，跟住叫咗杯凍奶茶少甜，係一般茶餐廳奶茶，冇乜特別，日本餐廳，係幾有日本風格，入到去幾好，空間寬敞舒適，全場滿座，上菜速度比較快，幾不錯，感覺良好，good。我朋友叫咗個炸雞軟骨，幾好味，同埋個牛肉丼都幾好味，個人認為好味過仆嘢家，值得一試少少建議，如果有日本茶供應就完美，因為淨係水提供。其他都正正常常冇乜問題，如果要俾分，可能93.94/100。誠推

途經樂富廣埸，發現新開一開日式食店，於是入店內，查看餐牌後，與家人點了雜錦海鮮鍋燒烏冬，香濃番茄海鮮鍋燒烏冬，炸鷄軟骨等食物。烏冬以一個小火鍋盛載送上，及加火保持温度，使之不用太快失温，食時保持熱騰騰，雜錦海鮮鍋燒烏冬湯底鮮甜，香濃番茄海鮮鍋燒烏冬番茄味濃，烏冬有靱性，蝦肉彈牙、鮮味、口感不錯，炸鷄軟骨香口，有一點喜出望外。日後再試店內其他食品