俺流亭 (樂富廣場) (已結業)

餐牌上有好多選擇，有定食，丼飯，百搭自選烏冬/已選定食材的烏冬以及鍋燒烏冬。選擇困難症下最終選了兩款鍋燒烏冬，感覺比飯及普通烏冬吸引。男盛炸雞鍋燒烏冬 $58 有三件炸雞，鍋內有很多片豚肉，一隻溏心蛋，菜，菇及豆腐，配料非常多！湯底味道幾濃，豚肉好似打邊爐一餅落晒落鍋，未散開其實但都好食既。隻蛋堅係半熟溏心，而炸雞唔係好脆皮，不過肉夠嫩。日式叉燒豚骨鍋燒烏冬 $58 有四件日式叉燒，半肥瘦，肉質唔差，但無咩味。兩個鍋燒烏冬價錢相同但感覺呢個食材比較少。.食完之後我唔太理解鍋內食物本身已經全熟，點解上枱之後仲要繼續用火燒住？除左gimmick以及保溫之外，只是令烏冬痴底。所以吃了一會便把火熄滅。然之後我又諗，咁點解我唔食普通烏冬？不過觀乎整個餐牌上的價格唔算貴，選擇幾多樣化，食物質素都唔差，性價比唔錯。

今日經過樂富，開了很多新食肆！這間都多人排隊，睇睇餐牌，$38起有交易😱👍🏻睇睇裏面人客嘅order, 一碗size唔細啊，即管試試味道如何！我就叫了 滑蛋豬扒丼 $46豬扒有3大塊，少少難咬，但味道ok飯幾大碗，份量大堂食可以優惠價$10加購飯團🍙，有多款口味，我順便買了2個回家給仔仔做下午茶，幾抵！ 食落味道唔錯👍🏻

🚩日式燒肉丼 $68燒肉份量都幾多👍牛肉幾淋 牛味ok如果多番啲汁同埋多隻溫泉蛋嚟撈飯就會開心啲😌😌食到尾有少少乾🤏🤏🚩豬軟骨定食$68超豐富定食👅豬軟骨 麵豉湯 漬物 薯仔沙律❗️豬頸肉大約有四嚿好淋好入味😊😊👍如果比較燒肉丼都係$68我下次一定會叫呢個定食😂😂🚩日式炸雞$28三大大大嚿做到外脆內軟 勁Juice👍真心推介❗️總結時間🥰走嘅時候見到勁多人食鳥冬下次會想試吓😋😋😋

餐廳有大量菜式選擇, 丼飯烏冬拉麵小食, 兒童餐都有! 適合一家大細來吃.  餐廳的裝飾、音樂和菜單設計都很有日本風格，令人回想起日本旅行時的飯店。這裏價錢比起近期來港開張的連鎖日式丼飯更加抵食, 份量十足!這裏的烏冬配有火爐加熱，一邊吃一邊，煲滾感覺像打邊爐。湯底係普通豬骨湯，而烏冬的肉片比菜還要多。相比之下，免治雞肉親子丼飯用料比較簡單，屬於輕盈之選。特別的是，丼飯上面鋪滿的不是雞肉，而是打成肉醬，另有一番風味。

星期六嚟咗樂富廣場，見到有間比較新嘅食店就走咗入去，打開餐牌，好多食物嘅價錢都好吸引😀 幾個咖哩飯都係$48 😲終於揀咗一個咖哩飯，一個鍋烏冬，因怕普通牛肉會係好肥嘅肥牛，我哋就揀咗貴廿蚊嘅美國安格斯壽喜燒鍋烏冬，至於飯就要咗咖哩吉列豬扒飯。壽喜燒鍋烏冬先到，都幾好樣，個湯就只係普通湯，唔係食開個隻壽喜燒醬油湯底，但都幾好味。 個鍋有蛋㗎，只不過俾我哋埋咗落底，因為唔想食生蛋😝 埋完隻蛋先記得影相😆豬扒飯都到，仲以為上錯，望落去好似係炸魚咁，個豬扒真攪笑，咁嘅樣🤣 好彩都正常味道，不過只係$48，都冇投訴，抵！

終於試到呢間喇！因為好多時都唔啱時間，去唔到食🥲今次終於食到😌午市唔係等好耐，喺門口已經揀好食乜😍叫咗個燒牛肉定食，牛肉唔煙韌，都算多塊，牛肉汁亦幾好味，夾埋伴菜食又幾好味😍最開心呢類日式又帶點港式嘅餐廳，因為可以叫杯凍檸茶😂好正❤️朋友叫咗個滑蛋吉列豬，滑蛋正❤️豬都ok,炸粉唔厚。會再去食👍🏻👍🏻👍🏻

排隊一陣就入到。食過好多日本餐廳，依間真係cp值勁高，一黎佢價錢唔貴，二黎佢係大大碟。有分定食，咖哩，丼飯，烏冬，佢有分湯烏冬，鐵板烏冬同鍋燒烏冬。男盛豚骨湯（鬼盛炸雞鍋燒烏冬）$58一碗烏冬有豚肉，炸蛋，溏心蛋。簡直抵到爛。個湯飲完之後仲唔會頸渴。正！而且下面燒住，碗野唔會灘凍。豚肉定食$68個盒好大，格數又好多，野食唔少，而且豚肉好似食極都有。薯蓉就麻麻。配菜OK。整體上係高分，但位就窄左d。而且要加一。

早幾日一家三口去playroom玩之前想醫左肚先，我地對樂富唔太熟，所以真係唔知食咩好，咁岩入商場就見到呢間幾企埋既日本餐廳，睇都冇睇個Menu就入去啦！爸爸叫呢個餐都幾大份量，其中最緊要既燒汁真係好味我就叫左呢個烏冬，湯底幾好飲不過可惜個人覺得唔夠辣不過黎到既時間職員會點火爐熱住，呢個加分位我覺得最有驚喜就係呢個兒童餐有炒烏冬，炸雞，獅子頭，肉丸，燒八爪魚丸，薯蓉等等仔仔見到勁開心，我諗呢個兒童餐係暫時食過最豐富同抵食！總結黎講食物，價錢同服務都唔錯，可能我哋嗰日好早就入咗餐廳，離開時候發現原來好多人排緊隊下次有機會再嚟樂富我都會再食！

晚餐食咩好？ 最後選左俺流亭日本野，唔算貴。一坐低打開餐牌已經知道想食咩因為個餐牌好多都好吸引。 沙律🥗好甜好好味，忍不住要食晒先開始主菜。 烏冬熱住咁上， 個湯好好飲，但海鮮就明顯係急凍既，無咩味。 78蚊係咁上下。咖哩牛飯，就不過不失，但就令人好開胃，忍唔住食晒。

之前有兩三次，剛巧午飯繁忙時間來到俺流亭，都要排隊，而且人龍不短。今天提早放午飯，所以和Honey到俺流亭，不用排隊。地方舒適，好乾淨。午餐亦不貴。Honey叫蒲燒鰻魚定食 $88鰻魚的份量不少，有一條鰻魚。不過，米飯太過稔。另外，配了麵豉湯。有一碟小吃拼盤：兩粒串燒肉丸、日式煎蛋 、冬菇、薯仔沙律等等，每樣都不錯。加$9可以加配凍檸茶。不錯不錯，這個午市套餐很豐富！Honey又叫了 一口牛鐵板炒烏冬 $68這個炒烏冬也不錯呀。炒得很乾身，不油膩。而且有好多粒一口牛。一口牛熟度剛好，夠稔且有咬口。加$8可以加配麵豉湯。整體而言，地方乾淨，服務員有禮，食物又不錯，怪不得排隊啦。

原本諗住食壽司郎既，但等既人比較多，又好肚餓，就唯有搵其他野食啦🙈呢間俺流亭係第一次去試，望佢外面既餐牌，大部分丼飯都係30幾40左右，就諗住唔會話太大碗架。喺外面填好哂資料之後就即刻入得，位都唔洗等😆同男朋友兩個人加埋叫左蕃茄芝士烏冬，炒烏冬，黑椒雞扒丼飯，蟹柳沙律同雞軟骨～上菜好快，唔會等好耐。第一個上既係蕃茄芝士烏冬，可能我對佢既期望太大，飲左啖湯，都幾失望。蕃茄湯無蕃茄味，完全唔濃，但有蕃茄酸味，如果蕃茄味濃就好🥲雞扒有少少鞋口，唔夠滑。上面既芝士痴住雞扒，芝士可以拉到絲，幾正！芝士奶味比較重，個人麻麻地，但男朋友就覺得幾好味🙈烏冬size適中，一般女仔應該夠飽，不過我就同男朋友share埋丼飯😂丼飯水略嫌落太多，D飯淋左少少，乾翻D就好啦😆佢雞扒幾滑，滑過烏冬入面既雞扒。D黑椒汁都有好多，夠哂撈飯食💕不過D飯差不多食哂之後就開始食到D黑椒有辣左少少🙈食左幾啖就開始頂唔順蟹柳沙律正常水準，芝麻醬都幾多，唔會太少，蟹柳都唔係四四方方假個D，幾好幾好雞軟骨反而係最好食既🙈啱啱炸好，好脆口，雞軟骨完全唔乾，有汁，仲要大大粒，又大碟，隔離既沙律醬都有好多，唔會好少，食哂成碟都仲有剩，正

樂富新開日本餐廳，主打烏冬，長期多人排隊，今日早放工，終於可以試到。選擇多，價錢平，而份量多，都幾吸引。最鐘意佢哋有熱辣辣嘅一鍋烏冬，賣相吸引，仲好好味添，我order左一個炸雞豚肉烏冬，都係$58，食唔晒，攞咗2件雞走。朋友點左牛肉烏冬，佢話都幾好食，份量多，佢都食唔晒。眼闊肚窄嘅我哋，仲點左兩個小食，小食都ok，即叫即整，新鮮👍🏻呢度仲有波子汽水，好耐冇飲過啦！整體都唔錯㗎，坐得舒服，選擇又多，價錢合適，如果唔係要排隊，都係一個幾好嘅選擇!

✨Jon媽和10歲Jon仔的午餐✨Jon仔叫了滑蛋吉列豬丼。蛋漿混了洋䓤絲，稍嫌不夠多蛋。炸物肉質嫩滑，香脆好味，但炸物放在飯上，反正不沾蛋漿（我明白這是保持香脆），不如用小碟另上吧！Jon媽不想吃太飽，挑了逐件自選的關東煮。湯頭鮮美，大根很入味，煮物都出色。但加起來頗貴，照片中這麼一碗已經$60有多，吃烏冬或丼類是較抵食！用餐日是weekday的上課天（停課前），但沒任何學生餐或學生優惠，也可能是這原因，沒人等位😂

In boyfriend's  neck of the woods, we were in Lok Fu Plaza for a quiet dinner out. The mall had undergone a mini renovation with a number of new restaurants. One of these was Oreryu  Tei, a Japanese restaurant serving various udon dishes all averaging $50. They also offer bentos and rice bowls as well.Menu is in English and Chinese. Drinks are an additonal $9.I decided to go with a rice bowl of yakitori chicken ($38). This was not that good. A lot of rice was provided but the chicken was a bit b

一行三人，見呢間冇咩人排隊，就揀咗呢間啦！呢碗［芝士雞蕃茄湯烏冬］幾令人驚喜！色 - 紅卜卜嘅蕃茄湯底令人見到好開胃🤣第一眼感覺好足料😌香 - 好大陣芝士同蕃茄味撲鼻而來～味 - 飲咗啖蕃茄湯，都幾濃味，係重蕃茄味嘅，絕對唔係清湯加兩舊蕃茄話自己係蕃茄湯底果種！再撈勻啲芝士～（幾意料之外地多芝士，撈完夾烏冬，係拉絲㗎！😍）好香口～平時出街食烏冬，會擔心細碗/食完唔夠飽，但呢碗烏冬加埋芝士，每啖都令我好滿足。同埋呢間啲烏冬好彈牙，加分！雞肉都算嫩身，唔硬唔乾身，唔錯唔錯。$48+10% 有呢個質素 我好滿意🤣