便所主題餐廳 (已結業)

5 Dec,2007，約左班friends食飯，其實之前睇左d食評都唔係好想去，但d friends話未去過咁咪去試下law，已經唔抱任何期望。食物方面，份量太少，價錢亦都唔平，d鍋物起碼都要$75以上，而內裡主要係菜，肉只你得幾片。定食就$50以上(有一碗飯，一碗湯，一份粟米，一份主菜)主菜的肉都係幾件(5件以下)。焗飯的份量只係有大家樂的焗飯3份2，細得可憐。Drink方面超唔低，$30以上一杯。甜品就$40，雖然睇落好似好大，但係雪糕只得兩舊，刨冰多，中間有jelly。份量細....如果係好食都唔緊要，但可惜一d都唔吸引。

前多天和朋友黎呢度吃晚餐,都預左唔會太好食,只不過貪得意去睇下個design.入到去,都幾得意~~好有便所feel!我地兩個人點左一份咖哩雞飯定食,加一個馬桶2號.先黎左個飯,d料真係好少,d咖哩一d都唔香,澇飯一d都唔好食~~最後黎過馬桶2號,真係好大份,足夠四個人食,個馬桶2號黎既時候,d人全部望過黎,真係好鬼誇張~~但係好多冰,d雪糕ok既,但係係d冰上面d料唔多掂囉~竟然係旺仔小饅頭,七彩既椰果,罐頭草莓同桃,果汁糖~~真係一d都唔似台灣既冰~~

昨晚與友人到便所。想著，吃也是吃綽頭吧? 結果，都是吃綽頭。每一個餐也用上廁所器皿上碟的，可以說是有趣，不過我則覺得食物質素最緊要。食物選擇方面，實際上很局限，如咖哩咩....它的招牌我也沒有點，也因為胃口不佳的關係，我只是吃了一個平平無奇的白汁海鮮意粉。友人吃的咖哩，味道尚可，而什錦煲也可以的。尚可、可以，對於一間餐廳來說，有點危險...並且餐廳地點方面，有點不討好。綽頭已經是2004台灣的事了，其實一點也不新鮮，之前去台灣也未曾想過一嚐便所綽頭，因為論美食，比比皆是，更何況廁所綽頭，也是可想而知的。60 minimum charge吃一餐便所，實在有點物非所值。是的，最後一提，那個4人份的泡冰，我認為很不值得吃。泡冰硬硬，上面放了雪糕、旺旺小饅頭、橡皮糖......有點不倫不類，味道不夾，也不見得美觀。吃時，眼前泛起了"經營困難"的4隻字。從欠缺持久力的綽頭，從不太出色的食物，我實在是愈吃愈擔心。

所有佈置都係以廁所做主題坐o既椅全部都係馬桶大枱o既玻璃下面係浴缸浴缸側邊有好多沖涼o既用具而細枱o既玻璃下面就係洗手盤牆上亦掛滿左唔同o既廁所板我地只係顧住睇周圍o既環境都已經唔記得要點菜餐牌上面o既食物相片全部都好特別裝飲品o既杯竟然係男士用黎小便o既廁盤而裝食物就係馬桶同埋浴缸真係特別得黎又好核突攞住個餐牌研究左好耐我地終於叫左一個鎮江骨、一個雞米花同埋燴牛肉首先黎o既鎮江骨份量真係好少三個人食，每人都唔夠兩舊味道都尚算合格啦跟住黎o既雞米花幾香脆不過都一樣係得幾粒最後一樣係燴牛肉配薯蓉雖然味道算唔錯但係實在太過濕就算加埋d 薯蓉都係似汁多過似一道菜總括黎講食物o既水準只可以算係合格而且價錢就真係................... 幾貴以上三樣食物再加飲品埋單都要成三百蚊http://eat-together.blogspot.com/

先講總評~~好睇但唔係特別好食..D雞味唔夠濃(都係雪藏啦)最唔鐘意雞得果三小件!!我初時用隻匙\"不\"落去個馬桶到..哇, 原來咁淺!!我扒左D雞,D飯仲剩番大半!!!俾多幾件好難為你咩!!!仲有就係無野飲送!!剩係得D淡茂茂既中湯~~

今日同朋友去try 下依間野~~聽人講話d 野唔ok 喇, 諗住去try 下有幾唔好味喇~~其實之前上過去一次, 但冇位, 冇try 喇~~ 今次等左個幾鐘先到我0地, 仲要係我0地係第一張大table 企左個幾鐘都冇叫過no. 都算~~我0地都係5 位jet, 叫no 個位小姐同我fd 講你0地係第一張大桌, 之后我走去睇佢個waiting list 喇~0係我0地前面個2 個no. 係6位喇, 點會係第一張大table呢? 咁走去問佢, 佢話:"你0地係5位既第一張"真係好笑, 佢間野係分5人table, 6 人既table, 7人既table 咩............(即係6 人只可以坐6 人table, 5人就唔得呀~????) 之后佢叫大table 喇, 咪又係叫左我0地前面個2個no.之后先到我0地入去食,我0地又咪坐6人table......坐低叫野食~~~ 睇到人0地好似好大碟~~~咁咪叫4個餐5 位食喇~~~ 我叫左個香菇褔竹........嘩..碟野多到呀?2隻菇(切半)幾塊竹枝, 3粒唔知咩既丸(係素黎既)..一d 芽菜, 一碗飯, 一碗湯,半碗粟米..咁就五十

現今餐廳，竟然會有難食既食物給客人享用，我們叫左5杯飲品，有4杯難飲既，1杯正常，野食本來無乜好大既祈望，但黎到仲要係會有係難食既感覺，真係好失望，排左個幾鐘，入去失望囉。

兩個人食，份量來說簡直是超班，無可能食得完...其實係刨冰多，雪糕少內藏布甸，算是有點驚喜如果可以多d選擇，份量細d，價錢平d，相信會比較吸引環境幾特別算乾淨

二人去試食, 叫一個座廁飯套餐, 一個面盆意粉白飯凍不好味也許時間關係, 下次我會試吃甜品地方環境有新鮮感旁邊是和民日本餐廳

睇雜誌知道開左間便所餐廳, 下午茶時間帶朋友一試. 好彩不用等位, 入到去真係好興奮, 第一次坐住廁所食野. Order了一個馬桶2號, Size好巨型, 足夠4人用. 味道比較甜, 食食下發現中間有布丁, 驚喜真係一浪接一浪.

睇到報導~見咁得意就去睇下~去到好多人~心唸~無死啦咁多人就一定唔太差啦~排左20分鐘左右~都唔算太耐~入到去~坐低叫野食~見到個餐牌~~野食既種類實左太少~每樣野平均要60蚊~小食就成40蚊~野飲就30蚊~lee個價錢~真在有d貴~~~d服務員個個都好呆~~好似無咩精神咁既~我地4個人~叫左1個咖哩雞~(佢餐牌寫係招牌菜)~1個唔記得咩肉~一個小食雞~一個泡菜煲~~~哇~見到想講粗口~~隨左個泡菜煲大個小小之外~其他都少到咩咁~~佢地係用廁所裝既~個廁所竟大呀~裡面個盤淺到爆~個咖哩雞得3舊~我地4個人都唔夠分呀~仲要60蚊~都當人水魚~我地每人叫左杯野飲~3杯凍~1杯熱既~凍飲就多冰多到爆~(我落單哥時已經叫左要少冰~)而且飲落好似水咁~好淡~~仲要30蚊???~我去街邊求其buy杯野都好過佢~我朋友杯熱飲仲嬲~~明明叫左熱既~佢就比杯凍既~同佢地講轉返熱~佢地就羅左杯野入去又羅返出黎~話lee杯野無凍既~我就拍比佢睇~個餐牌到明明寫住有~佢就話打錯左~咁我地咪轉第二樣野羅~點知再黎哥時又係比凍既~天呀~...又要再講一次先轉返做熱飲~重點係~經濟一番先飲到既熱飲~味道超超超難飲~

tea time 食完花園街既油渣面唔夠過左黎!叫左個馬桶一號因為我同朋友都未食過, 真係唔知咁大個一黎到:嘩...死喇點食呀咁大個刨冰雪糕之後我地2個辛苦左半個鍾鍾於食左10分一仲有10分9我地係冇食過雪糕ok但配料麻麻有旺仔小饅頭-__-真係試過一次就夠坐係廁所食野!

差....................嘢食......差服務......差味道.......唔熟......死未order等半個鐘......餓死杯綠茶......超濃縮......甜到嘔唯一可以......似個厠所唯一.......想回水唉!!!!!!

見到你地報導開左個便所主題餐廳~咁10月8日就同屋企人去左試下可是...一去到就見到d野不太滿意就係等位...等左30分鐘先有位不過見到企門口個女仔不時令起個電話傾....唔知係唔係同客傾啦...不過就唔多似......4個人既枱又比左2個人入去~但出面紅色飛既人已經冇哂但藍色飛既就排到好多= =最後有個女仔令唔順出去同個知客講先有得入(以所知係我旁邊既幾個女仔企左成45分鐘都未有)入到去~佢地比左個餐牌比我地睇~不過唔知點解入到去~點完野~等野食到~一杯水都冇同個女侍應講問佢要水~佢完全唔答人~只係好求其咁"耀耀手"咁就行左去~不過最後都有比到水叫左已經唔記得咩名)無鍚骨 =幾好食~小就小左d....得3舊骨...重有個湯~都ok既番茄意大利粉 =意粉未叉起已經爛哂....淡淡地...個湯真係唔係太得....韓式火鍋 =最好食呢個~個湯低勁多泡菜~十足泡菜味, 做湯飯一流, 肉都唔係十分小, 而且都好多xx丸(我食有龍蝦丸, 蛋皮卷同唔知咩卷) 菜都幾多~都有蜆肉~蜆肉係新鮮既(海鮮味覺王食左都話好食) 雖然蟹柳就變左蟹薄片~不過都ok~3個野入面係最好食冰紅茶 =....o

menu無分lunch定dinner set. so-called sets都係main course 可以加送餐飲or馬桶6號(即朱古力&呍哩嗱軟雪糕). 叫左個咖哩雞飯.雞真係得果3-4件.唔係好淋果隻.咖喱似係日式.另外仲有一小碗豆角,同一碗湯.個湯都ok好飲.其他就.....玩gimmick囉...可以'一'試咁大把!座位好硬.唔係一間可以坐好耐chi chat的地方.