來多碗車仔麵 (民裕街)

營業中

休息中

今日去左紅磡食車仔麵！來多碗真係來多碗，食完之後非常滿足！車仔麵都算係香港既地道主食，自選餸菜、湯底、麵類，師傅用熟悉手藝煮成湯麵，湯底都算係車仔麵既精華啦！好多唔同餸菜，我叫左漢堡排、牛腩、竹笙。漢堡排好少見架，我特登叫一塊試下，肉質鬆化咸香，中間有肉粒有咬口，厚身漢堡排食落充滿肉香，伴隨湯汁好juicy！牛腩係我食車仔麵必叫！牛腩炆到好入味，牛腩汁好濃郁，肉質鬆化香嫩，夾有肥膏油脂香，超滿足啊！竹笙點可以無呢！吸收哂湯底精華，每口鮮甜味美，麵質彈牙充滿口感！食完好想來多碗啊！

呢間車仔麵店既位置都係係家維村附近, 係正我晏就去食果間刀削麵麵館既隔離..開倉過後,買左一大堆戰利品.. 而且我地晏就只係2個人share左一碗麵既情況下有D餓..咁不如係番屋企之前近近地試埋呢間車仔麵啦. Hahaha 呢間既餐廳環境就偏暗小小.. 呢度既做法都係買左麵先坐底搵位..佢有一麵兩餸 –一麵五餸~~ 而且價錢都清楚列明晒出黎! 佢地既廚房都好乾淨整齊~ 佢地既衛生情況都真係幾好!! 連客人坐既枱都係乾淨的. 唔會有一種不羈既感覺hahaha 我地別order左馳名辣魷魚、爽口金錢肚、惹味豬腸同生菜~馳名辣魷魚 – 唔辣~ 甜甜地..但好爽口.. 爽口金錢肚 – 佢呢個真係爽口..同平時食開果D金錢肚真係有D分別! 惹味豬腸 - 豬腸洗得好乾淨~ 唔臭.. 佢係幼腸.. 鍾意食幼腸既朋友仔可以去食呀!! 另一碗係惹味豬腸、滷水豆卜、秘汁雞翼、魚餅、甜心蘿蔔同生菜滷水豆卜 – 係大大粒既豆卜呀~~ 豆卜既作用係用黎索左汁/湯!!! 正秘汁雞翼 - 雞翼燜到好, 冇牙既都食得呀~ 而且雞翼既肉都燜到好入味~ 有小小酒香既味道~ 唁錯唔錯!!!魚餅 – 佢個感覺係同星星果隻魚餅

今天到了紅磡試一下來多碗車仔麵，門口是紅色的裝修，有一部電視在播放車仔麵的相。店舖裏面牆上貼滿了必食推介，有雞翼，牛腩，蘿蔔，花菇等等，都是車仔麵必食的材料。進店後首先是落左order,再搵位坐下。面底方面都幾多選擇，最驚喜係佢可以揀兩隻面mix!🤩叫了一碗豬腸，蘿蔔，牛腩，米線併油麵。蘿蔔非常鮮甜而且入味，超好味👍豬腸方面質素不好，切給我的都是頭頭尾尾，而且感覺上不是清潔得太乾淨，很失望。🤢牛腩質素很普通，相信這間店光顧一次便夠，不會再來。

呢個逢lunch time 就排長龍嘅車仔麵，好好味！我好少影車仔麵，但呢間值得推介。我嗌咗四餸河粉，秘製滷肉好入味，牛丸好爽口彈牙，豬大腸都好易咬好入味，不過最好味係蘿蔔👍🏻好甜好入味！再加上㊙️製辣醬同濃郁湯底，正！一定會再幫襯，來多一碗唔該！🍜

今日朋友提議想到紅磡挺出名的車仔麵試一下，名字叫”來多碗”也挺搞笑。。。這裏的地點不太方便，又不太近地鐵站，所以最後選擇了搭地鐵再轉巴士才到達。。😅我叫了三餸一面，有金錢肚，豬紅及魷魚。麵方面當然是配車仔麵最經典的油麵啦！豬紅也挺大粒，可惜吃下去有一點腥味😭吃了一顆後便不想再吃了🤢魷魚方面是爽口的，我覺得質素合格吧，至於金錢肚也可以接受。油面是正常的，至於湯底方面真的非常一般。好像是清湯一樣，沒有吸引的地方。價錢是便宜的，但質素非常一般👎🏻，而且地方不太方便，進店後所有店員也是是講普通話的，猶如身處於內地一般。我想光顧這一次便夠了。

住紅磡咁耐先第一次試來多碗車仔麵舖頭幾乾淨企理，可以望住佢啲料，同睇晒個廚房，所以唔驚污糟價錢算係幾平，五餸$44,好多選擇，種類多豬腸入味，牛肚爽口彈牙辣魷魚好爽脆，但唔夠辣。咖哩魚蛋幾彈牙，有魚味，但唔係好夠咖哩味。唔錯，可以再黎

日本有拉麵，意大利有意粉，泰國有船麵出名，最代表到香港，就一定係車仔麵來多碗車仔麵係我最近係紅磡發掘到既驚喜舖頭唔大，但座位都幾闊落，我幾欣賞呢到幾乾淨，唔似出面好多麵檔啲枱枱櫈櫈都油淋淋，起碼可以食得舒服啲價錢好親民，5 個餸都只係$44廚房係開放式，你直接望到佢啲餸，所以落單就咁指下你想要啲咩就得！ 你可以睇睇到實物去揀，咁就包保唔會揀錯我揀左5餸麵，承惠$44餸多到我睇唔到麵底啦，超豐富豬腸處理得乾淨，滷得好入味牛肚係必叫，爽口彈牙，同平時炆到好腍既，又係唔同口感辣魷魚，雖然唔係好食到辣味，但味道唔錯，好爽脆另外咖哩魚蛋魚味都重，細細粒，幾彈牙叫左粗麵，冇簡水味，麵質彈牙，好食！朋友叫左3餸$32。大大塊漢堡扒，抵呀！滷水鮮腐竹，唔係到到有得食，朋友話味道幾鮮，幾入味菜肉餃皮薄餡多！呢到既豆漿都唔錯，唔係太甜，豆味重，推介大家試下

今日係公司上完堂順道行下街，路經此店就比門面的功夫熊貓吸引左入店內和朋友一起享受晚餐車仔麵都是為人熟悉的一個地方，好多都一定都設定要配麵但來多碗依間可以淨叫餸，可以滿足到想食小食同想有小小飽肚感小女生首先入到去職員好禮貌問要咩麵底，要唔要菜底咁我唔算好肚餓就叫左幾個小食豬腸鴨血豬腸洗得比較乾淨味道都幾入味，彈口，鴨血嘗嘗鮮秘制豬手豬手比較硬身爽口，咸度啱啱好溏心蛋煮既時間非常恰當，蛋白熟透，蛋黃流心凍豆漿夠凍，甜味唔太重，有小小豆味朋友叫左個幼麵，雞翼，牛柏葉，豬腸，生菜底幼麵食落爽口雞翼夠滷水味，肉質較林牛柏葉入味有點辣辣的，彈牙蔥新鮮，重蔥味店的格局鮮明，整潔衛生可以慢慢的坐下聊天，不會趕人走晚上進來吃的人頗多的

紅磡一向都多好野食，今日行到紅磡心血來潮就食下車仔面先。呢間來多碗車仔面，好有傳統車仔面嘅風格，裝修都幾好。入到去叫左一個五餸嘅車仔面，有雞翼，牛腩，特級包心丸，漢堡扒，魚皮餃。店員好好人，會問你要唔要菜啊，要唔要辣汁。佢地嘅辣汁同甜醬都係自家製，好吸引。湯底都係鋪頭自家製，味道好好，唔會太鹹或者太淡。牛腩，魚皮餃同雞翼都食得出係用料上乘，同出面嘅車仔面唔同。仲有出面比較稀有嘅漢堡扒同包心丸，湯汁多多，又幾有創意！漢堡扒仲有少少黑椒，感覺好夾，包心丸入面係豬肉，特別得黎又好好食！菜係唔洗加錢嘅。一個五餸車仔面44蚊，再加一罐凍嘅汽水8蚊都係52蚊。出面都應該幾難揾到50幾蚊有一碗五餸嘅車仔面，重要有埋野飲。超級抵食！

來多碗車仔麵紅磡同黄埔不嬲多野食，前兩日去紅磡揾朋友順便覓食😄又比我發現間又平又好味既車仔麵喎😋😋一入到去環境乾淨企理，光線充足，好舒適👍🏻我叫左4餸麵，都只係$38咋😳😳😳食肉獸梗係叫曬肉🤤分別係馳名辣魷魚、秘製牛腩、爽口金錢肚同惹味豬腸，魷魚好新鮮爽口！牛腩同豬腸肥瘦剛好，好入味，金錢肚都好彈牙，菠菜麵係我最愛，車仔麵有菠菜麵揀真係好特別👍🏻👍🏻朋友叫左菜心、魚皮餃、包心丸、牛筋丸同章魚燒，再叫多碟生菜蘿蔔同牛柏葉，d菜好新鮮👍🏻蘿蔔清甜冇渣🤣包心丸好特別，會爆汁勁好味👍🏻章魚燒其實係章魚丸咁，但真係好好味好有咬口🤤PS 佢個秘製辣醬一定一定一定要試!!!!! 好惹味！

過嚟同朋友食個晚餐，佢遲放工急醫肚。佢話帶我食係觀塘轉戰紅磡既車仔麵。入到嚟咁乾淨闊落既？改觀左食車仔麵概念！我要個粗麵個底，爽口，勁多麵粉好多對女仔！食腸仔係因為近來話廚師腸無啦，有廚師腸既回憶呀！比着我平時未必會食，始終腸仔比較感無咁健康。枝竹本身平平淡淡，落左去瑞士汁甜甜升華呀。再加上湯底濃而不感，好欣賞有家居感既車仔麵。馳名辣魷魚，見佢個樣嗰時唔知道佢係辣啦，點知一食就知錯，對我嚟講小辣！中式煮既魷魚係乾脆口。魚皮餃高質都，唔係用餃子皮個d！秘汁雞翼大大隻，厚肉大隻囉。如果叫一麵四餸44蚊有兩隻大雞翼實飽，滿足！另外朋友叫紅薯粉，又係通菜。菜既份量係好支持大家食多d菜！依期通菜都幾好，爽口通菜頭。秘製牛腩，有少少八角味唔錯。日式餃子大隻多肉。魚蛋勁辣，辣到入心！好彩有墨丸救返個味蕾左！豆漿係包裝定，以為會好甜，點知岩岩好！

由細到大，都好鐘意食車仔麵，因為可以自已揀啲鍾意食嘅餸！星期六同媽媽行完街，於是就嚟呢間鋪頭食個下午茶。呢度食野需要排隊自己叫餸，見到咁多嘢食，簡直心花怒放。我和媽媽都各自叫咗四餸。我要河粉，蘿蔔、牛腩、豬腸、玻璃魷魚。蘿蔔炆得勁腍，而且十分鮮甜，無渣，並且充滿湯汁， 十分出色。玻璃魷魚都好好味， 魷魚晶瑩剔透，十分爽口！豬腸洗得十分乾淨，完全冇內臟嘅味道，亦都見唔到肥肥的油脂層，食落十分安心。另外，我叫了一杯凍豆漿，甜度適中，如果有熱豆漿更佳。

又來到紅磡，今次唔想淨係掃街，想搵個乾淨嘅地方坐喺度食餐飯，就嚟到食車仔麵。一碗四餸麵都係$40有找，有好多餸選擇，幾抵食。細個好唔鍾意去車仔麵檔，因為通常都唔太衛生，冷氣又唔夠，但呢間車仔麵店完全顛覆我對車仔麵嘅印象，環境光猛冷氣又夠，而且座位幾闊落，坐得好舒服😌做咗全日野，好肚餓，一叫就叫左一碗五餸麵，有豬紅、白蘿蔔、生菜、章魚燒 （即係章魚丸）、滷水蛋同埋牛腩。見到咁多餸都流晒口水，點知原來重點係秘製辣醬度💕鍾意食辣嘅朋友唔好吝嗇攞多啲😂見到店員係將兩種醬撈埋一齊，有辣椒🌶️醬（有紅油嗰種）同埋豆瓣醬。要特別讚下白蘿蔔，冇估到咁清甜😎👍🏽呢一隻辣醬點咩都咁好食，點牛腩梗係香口啦，牛腩切到細細粒，一啖一粒，雖然比較多肥膏，但好有牛味，肉質算係幾滑。章魚燒幾彈牙，索左啲牛腩汁仲好食。可能因為我個人比較鍾意食得清淡，見到牛腩汁令到成個湯底都比較油，就唔想食晒啲米粉，如果怕油的話，下次可以叫店員用另外一隻碗盛牛腩。

男友好多年前已經開始喺觀塘幫襯呢間車仔麵，經常盛讚佢既秘製辣醬好好食，今晚去開黃埔就順便黎呢間新開分店朝聖🙈秉承返老店一樣，係先點餐畀錢，跟住有staff幫你捧餐😀我叫咗一個鹵水蛋，豬紅，豬皮，秘製魷魚同菜心油麵， 因為佢嘅魷魚本身係辣辣地，所以我就冇再加辣😅鹵水蛋味道正常，豬紅入口幾滑， 豬皮唔會太淋偏彈牙，魷魚剛好熟唔韌，配埋佢既辣醬好得！😁 菜心就好嫰綠～麵底份量幾多，軟硬剛好👍我有試埋男朋友嘅蘿蔔同埋墨魚丸，蘿蔔好甜又淋😍 人地話秋冬食蘿蔔對身體好，哈哈！ 墨魚丸都食得出唔係cheap野，好彈牙同真係有啲墨魚係裡面😁😁分店可以保持到老店既水準係幾難得既事，繼續加油👏👏

某天經過工廠區的後街，看見一個熟悉的名字，原來是我偶爾也會在觀塘食lunch的店舖。這間車仔麵在觀塘也蠻有名的，所以這天要吃個簡單晚餐便來這裡試試它可否保持水準。和觀塘店舖一樣，都是先點菜然後姐姐拿給你。我點了魷魚、章魚燒、蘿蔔及台灣黑椒腸，選了新鮮烏冬。另外一讚的是店舖光猛乾淨，還有一幅幅有意思的璧畫，一洗舊式車仔麵店的簡陋。平日的晚上這個位置來説人也算很多，不過流動得快所以也不用等位。不難發現魷魚是他們的招牌，連牆上壁畫也有正在吃魷魚的熊貓和大大隻八爪魚！的確一咬下去，魷魚超級彈牙，而且很入味。另外蘿蔔也是我非常推介的，不知為何可以煮到這麼鮮甜，簡直甜得有點過分！黑椒腸是比較少見的選擇，小小黑椒但又帶點甜味，味道很不錯。唯有覺得小小失望是章魚燒其實是章魚丸（味道是不錯的，而且有章魚粒粒；只是我期待的是章魚小丸子的口感）。烏冬的口感似是上海麵，但又出奇的搭！只是實在是非常飽肚，對女生來説實在太飽了！反而朋友點了個紅磡店才有的菠菜麵，雖然明知沒有菠菜味，但那個麵的質地很彈牙，可以一試！當然，另一個必試的便是秘製辣醬，非常深色其貌不揚，但獨特的配搭包括磨鼓醬及沙茶醬，那種微辣的口感絕對在