佳記餐廳

營業中

休息中

下午3時行過門口想買蛋撻，點知賣完，問門口個賣包阿姐佢話等15至2O分鐘，當時還有其他人在等，於是我等……到了15分鐘後仍然末有，再問又話要等多15至2O分鐘，火都嚟，佢竟然話呢15至2O分鐘末有就要等多15至2O分鐘，師傅吾出都無辦法，咁大間連銷餐廳竟然還有咁不負責任的前線員工

叫左個常餐，送到黎真係嚇死。塊叉燒切到薄過塊Parma ham，得三塊半女朋友叫左個常餐雪菜肉絲魚蛋魚片頭米線 來到見到一塊薄薄的魚片頭仲要對角切開同拿一個無餸淨麵冇分別～ 聽到坐我地後面果兩個男人其中一個叫左一樣的 火都黎 同左侍應講 他答：係咁架啦! 個食客男人無奈地説 唉唔食啦！以後唔好再來！無聲抗議香港又一無良心企業 好失望囉⋯⋯住天耀的居民都係繼續支持小販吧啦！

叫個外賣，一杯要凍奶茶少甜，一杯要凍奶茶少甜少奶，個收銀講極都係落唔到，仲要落單落得好不滿咁，之後要我親自去水吧面前同佢改先改返啱，其實真係咁難明嗎？我唔可以叫自己喜歡嘅口味嗎？

Order 1個菠萝油，當咬落去，發覺有咯咯聲，以為内面有硬物，立即吐出来，原来是裏面片牛油是雪到超级非常硬，片牛油即是(Frozen)。我立即同樓面面議，有一位穿另外颜色制服女士(可能是主任)回答:是敢架!是要雪。我立即答:對，要雪是正常，但不是雪硬，好似石頭，雪硬是超錯。她再不理会我，就離開又不處理。我只好等10分鐘，後叫另一位樓面给我纸袋拿走，等牛油變軟，即是(Defrost)。離譜！!!

天耀呢間茶記一開都估到價錢唔會平得去邊架啦不過佢既午餐都真係有啲貴成50蚊咁濟不過呢佢份量都算多既而且食物既質素都可以。而佢早餐三十幾蚊相對黎講係抵啲既因為佢既份量都真係好多另外佢地包同蛋撻其實都值得讚既真心新鮮出爐同埋脆口

今日下午4點同老公同埋女兒來這間茶餐廳食下午茶。這裡的下午茶很昂貴，差不多成50蚊一個餐。我們叫咗炸醬麵同埋焗豬扒飯。個炸醬麵同其他茶餐廳炸醬麵一樣冇乜特別，ok好食， 另外個豬扒飯亦都是很普通通，同平時的餐廳都一樣。奶茶也都香濃，很一般，整體我都覺得好一般。好久唔久才會來這裏食下午茶，因為這裡的下午茶得6款給你選擇，比較少選擇， 食其他就係要俾正價價錢，七八十正一個粉麵飯， 但這裏的菠蘿包我覺得幾好食。

16/09/2017 同老婆去佳記食個晚飯叫左個吞拿魚煙肉焗意粉姐姐送到黎 ，食食下先發覺成兜野都唔係我嗌既野食黎，變左什菌意粉囉。之後問職員成兜野啲吞拿魚同煙肉去左邊，佢比我答案係焗溶左吞拿魚溶左我都仲可以接受，痴線煙肉都可以溶？要用幾高火溫黎煮哩個意粉個啊姐個態度真係唔係出黎做飲食😤有冇攪x錯

领展翻新后引入，保留传统茶餐厅美食，水准不错，出品和服务都稳定。但早午晚下午茶餐menu很少改动，不能经常去。最杀食是新鲜出炉面包蛋挞，经常排队。面包要新鲜食，过后不好吃。

/<佳記餐廳>🐣酥皮蛋撻($5)▫️🙆🏻續椰撻之後試試佢地嘅蛋撻，其實佢地都keep到d蛋撻新鮮出爐，攞上手又熱辣辣又軟熟👍🌸已經係新鮮出爐，但味道好淡🤔蛋夠嫩滑，但無蛋香之餘，又唔係甜甜地，似食嫩蛋白。🌸酥皮有少少油膩，口感唔夠酥脆又欠缺酥香😣👉🏾我覺得唔係茶記嘅合格蛋撻🤦🏻‍♀️#wwhkfood #uhkfood #hkfoodies #wwhkfood #hkig #hkeat #hkfood #hkfoodie #hkfoodie #foodie #foodies #foodiehk #foodieshk #instafood #foodielife #food #foodstagram #foodlover

<佳記餐廳>💛酥皮椰撻($6)▪️🤔係天耀商場開左都有一段時間，但我就一次都未食過。🚶🏿每次晏就都見好多人排隊買菠蘿包🍞包裝形式用紙袋，都似某d出名茶記d菠蘿油咁。👧🏻我細個真係誤以為菠蘿包係有菠蘿嘅🙊👉🏾以前就仲2酥皮，但越大就越偏向曲奇皮，覺得酥皮好油。👉🏾依間佳記開正係遠古就係天耀嘅麵包舖🍒車厘子對面，新鮮出爐 格局 價錢好似都比老店吸引，所以搶走左不少客源。🙆🏻我係車厘子最愛食花生糯米糍同椰撻，雖然都加左價，係上個月開始🙄🙊可以比較下兩者🍒車厘子嘅係曲奇皮，佳記就酥皮，我個人喜歡曲奇皮，但出奇地酥皮一d都5油笠笠，食落幾酥香。👉🏾不過5知係咪仲有微溫嘅關係，美味會加乘🙈🌸椰香味我就覺得車厘子濃d，起碼會一路食會食到好多椰絲，質地都較紮實。👉🏾佳記嘅就椰香味無咁重，質地蓬鬆似蛋糕，食完都無乜感覺唔會太油膩👀🌸賣相就佳記嘅傳統撻餅風吸引d，而且仲膨脹到長得高高咁，表面兩者都有少少焦香，但車厘子會偏甜甜地🍯有搽層蜜糖就好了。👉🏾我喜歡表面爆到火山爆發咁就正🌋👉🏾表面粒糖漬車厘子，黃中一點紅，好藥水味，但每次都會食左落肚。💰價錢就車厘子($5)佳記($6)，兩個比我較喜歡

平時聽鄰舍講成日來食這間餐廳，今次第一次食，叫左3碟食物，個面好好食，好多調味料，我們3個最快食晒這碟，我們好鐘意食抄公仔面。個飯都抄得幾好食，料都足，相片影得靚。係焗意粉比較失色，無咩特別，好簡單。3碟食物都240元，茶餐廳來講都算貴，因為午餐時間要80元一碟，仲要唔係有餐跟。飲品要加錢。其實有50元的午餐，但不及這些吸引，所以沒有叫午餐。個奶茶好飲，因為這間奶茶，蛋撻，波羅包出名，好多人排隊食，我都食左幾次。

星期日，想係天水圍搵早餐食，又唔想食大X樂呢類大集團，諗起天耀的佳記未試過，就搭輕鐵過去試下。一去到門口，嘩無諗過咁多人等位，皆因天慈個商場領展要番新， 大家焗住要去天耀呢邊食早餐，所以大排長龍。好彩唔駛等好耐，15分鐘左右，就已經有位， 但要搭枱，如果想等卡位， 我估起碼再等多10分鐘。其實佢個早餐餐牌都幾簡單，主要以港式早餐為主。我地二人叫左兩個早餐。我食沙爹牛麵、腸仔炒蛋和熱奶茶。個牛麵一落單，1 分鐘唔駛就送上，勁有效率，可惜唔知係唔係一早煮好，D 麵較淋身，唔彈牙。炒蛋就出晒水， 見到隔離枱的太陽蛋好似吸引好多。至於熱奶茶， 都唔錯， 奶味較重， 加少少糖已經OK。我老婆就叫左雪菜肉絲米， 火腿炒蛋。米粉個味明顯比連鎖餐廳好， 份量都多D， 但個炒蛋都係出晒水， 唔好味。坦白講， 如果好味D ， 係唔會介意俾貴少少。不過＄32一個早餐，值唔值真係見仁見智。遲D 天慈番新好， 多左選擇，又未必會有咁多人去。臨走，見到新鮮出爐的雞批，只係＄8個，好吸引，買左一個番屋企食，好好味喎，佳記店外的包點好似水準高D 又抵食！堂食就真係麻麻地。

天水圍一個小菜賣七十蚊，跟餐仲要另加十蚊。諗住一餐半餐都算啦，點知d湯同餸黎到全部咸到標眼淚。好彩，個冷氣凍到滴晒d水落d餸到，中和翻d咸味咋！真係有果句講果句，中式小菜不。能。叫。

天水圍開得越嚟越多食肆，對於區內居民嚟講，又多一個選擇。今朝嚟到呢度嘆咗個早餐，$32有碗沙嗲牛公仔麵、腸、炒蛋、餐包同熱飲，正常價。沙嗲牛公仔麵夠大碗，成個麵餅倒咗落去，麵質僅熟，軟硬適中，唔錯！不過沙嗲牛肉無乜味，見其色而不覺其味，普通。牛肉都算腍。至於炸蛋同腸仔，炸蛋凍咗，腸仔唔係㕑師腸，遜色咗少少！

工作中下午茶，呢間餐廳門口有麵包部，門口放幾個玻璃櫃放麵包，麵包係港式麵包款，全部脹卜卜剛出爐，去到要排隊，店員好爽手，快快袋包收錢！鐘意用紙袋，唔會比水汽整濕麵包，加分！ 芝麻鹹豬仔包（$5）脹卜卜仲熱，好重手，焗得金黃色，麵包鹹香煙韌，芝麻香脆！好味！ 奶黃墨西哥包（$7）脹卜卜仲熱，壓扁來食，墨西哥皮甜香薄脆，麵包鬆軟，中央奶黃餡好滑，不過味道過甜！比較膩！剛剛新鮮出爐嘅麵包最好味！