佳記餐廳

營業中

休息中

成日會過嚟呢度買下午茶，食品唔錯，飲品就要茶走，覺得呢度杯茶幾好飲，但嚟買親茶走，10次有5次都錯俾熱奶茶！有無搞錯？茶記基本喎大佬！感覺唔係水吧錯，因為係有俾啱嘅時候。做茶記呢d係基本常識，錯一兩次都算，成日咁錯真係令人好嬲！今日奶茶癮起特登去佢哋度買杯茶走飲，返到屋企又見到係熱奶茶！嬲到呀！

工作人員態度極差劣，食物也貴，食物一般，绝不再去這店!!叫左下單十分鐘，中途叫左3個企枱，都聽吾見看吾見。最後經理看見我地叫下單重大大声、惡死地叫我地等下La，差左叫我地咪下單走La!

夜晚想輕便食個晚飯，去咗天耀佳記，去到餐廳都已經坐滿左七成，出邊有新鮮麵包，價錢都好便宜，大約$5至$9都有成交。坐低首先嗌咗個菠蘿油，菠蘿包皮又脆又厚，好香嘅牛油味，另外仲有夾住一塊示厚厚的牛油，一口咬落去菠蘿包同牛油嗰種口感有亂又軟，味道真係好好味，不過如果菠蘿包熱少少會更好。晚餐叫麻辣鮮蝦肉碎稻庭烏冬（ 指定少少辣）， 辣味少左， 但喉嚨都會有少少感覺。蝦滑鮮冇雪味,有4-5 隻蝦， 有麻辣肉碎， 配有四季豆， 稻庭烏冬口感好， 煮得剛好， 唔會太林。

好耐無食佳記早餐，今日決定試試佢！咁係佳記，早餐一定係食沙嗲牛肉麵！真係一試難忘！外賣佢係會湯另上，咁個麵就唔會吸湯吸到淋哂！一食入口，好濃既沙嗲味！牛肉又唔會太老，食落係有牛味，無比鬆肉粉搞到無哂味。之後個湯又係有好強既沙嗲味！雖然有啲油，但係好好味！唔係成日食其實係ok geh。個麵又好彈，完全係岩岩好，唔會太硬。真係好好食！沙嗲牛肉麵黎講佳記真係幾出色！我見佢都好多早餐選擇，下次我都會試下其他。

今日黎左食個好classic既茶餐廳早餐：沙嗲牛肉公仔面，加炒蛋腸仔餐包，呢個組合無得輸呀！炒蛋好嫩滑，但欠少許調咪；餐包熱辣辣，好軟身，加埋牛油無得彈；沙嗲牛肉公仔面唔洗講，經典野食，經典味道，一個字：正，兩個字：好正！

夜晚21:47叫一盒外賣要26分鐘先有，等了20分鐘沒有去問櫃面，先知厨房收唔到單。天水圍佳記一向味道唔錯，但夜晚人手就少啲，有時送外賣要等近50分鐘，今晚無乜人都等咁耐

星期日約了妹妹和媽媽去了佳記餐廳吃飯，點了三個餐+$10跟白飯和飲品，價格抵食就不在講它的份量十分大，而且食物水準不錯可比美高級酒店抵贊，三個餐足夠5個人食，我們食不完怕浪費，最後打包回家，媽媽也説佳記好食，希望佳記繼續保持好的水凖，亦要贊它的新鮮出爐的麵包價格平宜，比起其他翠x麵包好食，在現今香港還看到$5菠羅包絕少了，做食物要憑良心不可以謀取暴利，但唯一本人少少意見是服務員培訓再加些笑容😊希望繼續保持良好水凖益街坊！👏👏

其實天水圍都算多茶記，不過質數就好參差。雖然我唔算住附近，不過每次來到佳記，我都幾獨愛呢個餐"鮮茄濃湯牛肉通粉"，可能我鍾意食蕃茄呱，總之每次黎到都會點呢個來食啦其實每次叫呢個餐，食完都會好飽，因為真係好大碗，先講下個通粉，有我最愛既無坑紋通粉，唔知點解，有坑紋既通粉我係唔多like的，呢個就好岩我勒，又腍又滑嘟嘟，而且有好多蕃茄粒碎，同埋d牛肉唔鞋，亦都唔un呢個早餐仲包埋火腿炒滑蛋，牛油豬仔包，同埋杯餐飲，其實$38都幾抵食

西西里海鮮意粉 Seafood pasta in Sicily style! $65 包熱飲! 老實講 ~ 唔太差! 雜錦海鮮當然唔係新鮮, 不過都大大粒, 又唔係雪左好耐嗰種, 無海鮮味是一定的, 不過爽口彈牙! 有蝦, 魚, 魷魚圈, 魷魚鬚, 種類都多! 雜錦海鮮包粉漿炸, 粉漿唔厚, 以一間屋邨茶餐廳嚟講, 真心有驚喜! 意粉不過不失, 白汁唔係用罐頭湯, 有掛汁, 算中規中矩! 註: 有幾塊沙律菜喺面, 讚👍同行友人食海南雞飯, 表示雞都算嫩滑, 雞油飯, 唔差, 可試! 我影完自己食嗰碟意粉, 碟海南雞飯已經無左2件, 所以我就無影相喇!

佳記餐廳係其中一間連鎖港式餐茶廳，價錢中等，但勝在每次味道都有保證。今次試嘅係佢午餐之一，野菌炒雞柳飯。味道猶可，上菜時熱辣辣，頗有鑊氣，醬汁味道香濃。加上一杯凍飲，實為一間性價比不錯嘅午餐餐廳👍🏻。

叫左個來佬炒飯（西炒飯），大大碟。份量好足夠，不過炒左細細舊鋼絲刷係裡面，‘不’開佢就算，繼續食。味道中上，有獲氣，不過個人比較中意多d茄味當日服務態度都好好，忙緊都有禮貌回答

雖然知道牛扒並唔係間間餐廳都整得好食，但見佢賣$92一個扒餐，應該都唔會太差。叫左碟鐵板牛柳(7成熟)拼炸蝦球，等左2x分鐘，諗住個廚房真係慢慢煎，會整得好食d，點知又係衰過普通茶餐廳d 牛扒。蝦球好油，帶子尚可。最穩陣係薯角，但都好油。牛柳又干又"鞋"，似湯渣豬肉。牛柳又醃得太咸，如果點黑椒汁黎食，真係咸到攞命。d 牛柳真係老到食唔到落去，最後食左幾件薯角就算。跌左$92，去是但一間茶餐廳食碟四五十蚊既黑椒牛扒飯，應該會好過佢。

我叫咗外賣 俾錯餐我不特止 仲聲大夾惡咁話我大佬我夜晚11點幾先叫外賣 返到屋企都十二點幾啦打嚟你又話廚房走咗 好咁走咗我聽日咪拎返個飯過嚟退錢 係你喺個電話度話退錢 落到嚟又退唔出錢 仲聲大夾惡話我咁遲先講，師傅走咗 有冇禮貌又姓 飯都畀返咗你啦 錢又唔退 搞到我夜晚連飯都冇得食 係邊個錯 仲理直氣壯咁話番我轉頭有冇搞錯 真係火遮眼 以後都唔食呢間 超級過份經理大曬咩 一啲都唔係以客為先 平時去食已經差㗎啦 掛住喺度傾計 出咗個送個飯等成十分鐘都冇 真係唔明 服務性行業都唔係服務人 佳記係咪應該檢討下自己的員工 經理都咁樣其他員工咪仲死 阿佳記老細 教導下你啲員工以客為先啦 又冇禮貌又鬧人有冇搞錯

其實見到糸普通茶餐廳，已經吾預有優質服務，不過估吾到咁惡劣。 買個菠蘿包，見到佢夾個爛既比我，叫佢攞第二個正常，即刻已經超黑面，到最後找錢仲掟返比我。咁悔氣不如吾好做。

員工服務態度差😑😑😑五個人被迫去坐一張四人枱（當時係有兩至三張枱冇人坐）去到要求轉枱，員工態度極差話出邊攞飛等緊位（100%肯定出面冇人等緊），抹枱嘅布冇洗過，令到成張枱一陣臭味🤢🤮🤮