佳記美食 (上海街)

今日去咗佐敦同朋友行街，行到夜晚好肚餓，經過呢間店，係出邊見到入面好多菜式。咁我就問店員點樣賣，佢就話33蚊兩個菜。咁我覺得喺佐敦嚟講，都算係性價比好高嘅餐廳。味道是正常的，還可以。…查看更多

呢日去完廖孖記買腐乳，就嚟到呢間平食兩餸飯店醫肚，兩餸一飯，分別係南乳豬手及椒鹽豬扒$33再加$2熱飲奶茶，一共$35，起呢區算係平價，但抵唔抵食又係另一個問題。豬手一睇啲骨切得咁整齊就知係雪貨，當然，咁嘅價錢，唔通會畀鮮貨你食咩？品質係大路貨，即係腍得嚟有啲爽，而唔係我喜歡嘅腍滑嗰種，而且要燜到腍滑嘅話，長期保存亦係一個難題，所以收貨。椒鹽豬扒就係失望，失望嘅唔係因為佢唔脆唔夠熱，老實講，呢啲煮定一大盤嘢，預咗佢放咗好耐，所以可以接受。失望嘅係佢連我呢個食得好小辣嘅人，都完全食唔到辣，呢個餸係要夠脆，少少鹹，少少辣先至叫好食，否則真係唔煮好過煮，唔食好過食。更差嘅係碗飯，爛到好似畀老人院嘅長者食咁，完全唔掂，我為免浪費食物，最終食埋佢。最正常算係杯奶茶，但佢啲糖係散裝砂糖，而唔係依定慣常嘅包裝糖，要用匙羹𢳂起落杯茶度，自從習慣咗用包裝糖之後，就覺得呢啲散裝糖唔衞生。$35，兩餸一飯加熱飲，價錢係平，但我寧願畀多幾蚊甚至10幾廿蚊去食啲質素好啲嘅，所以呢餐會係我幫襯嘅第一餐亦係最後一餐，除非我失憶。…查看更多

豬扒在外觀上看起來還不錯，但當我咬下去時，我發現豬扒有點過於乾燥。它缺乏肉質的嫩滑和多汁感。肉餅方面，外觀看起來還不錯，然而，當我咬下去時，肉餅的口感有點乾燥，肉味也不夠濃郁。它的調味相對單調。總的來說，佳記美食質素一般但太抵食。食物的口感和味道並不出眾，且有些乾燥和缺乏豐富的風味。但價錢上實在很不錯 可以一試！地理位置：⭐️⭐️⭐️⭐️味道：⭐️⭐️⭐️價錢：⭐️⭐️⭐️⭐️⭐️服務：⭐️⭐️⭐️⭐️…查看更多

雖然九龍區近年多了不少兩餸飯店, 但如此相宜的價錢實在不多見。當天, 兩餸選項有大約15款,  門外有人龍, 有外賣的, 也可以點菜後進店坐下快食。 我基於不欲製造即棄餐盒垃圾, 甚少買外賣, 所以決定入店堂食。兩餸配白飯大大碟, 我食量比較少, 捧著這大盤, 知道一定吃不下全部,  所以坐低後先把部分飯菜撥進自己的玻璃飯盒, 明天帶飯返工食。我點的兩餸是辣椒炒猪大腸和勝瓜炒鷄柳。猪腸切成絲, 以洋葱青椒伴炒, 我不太吃得辣, 但這菜的辣度尚可接受, 頗為惹味。勝瓜夠新鮮, 故此炒出來瓜身仍然青綠, 雞肉醃得入味, 加上配菜如雲耳, 甘筍等, 味道可口。點兩餸加$5可以有一杯飲品, 而且冷熱同價, 又或者加$5可以多叫一客例湯, 我本打算要例湯, 但最後因是日例湯不對我口味, 沒有試。…查看更多

在佐敦近日多了好多兩餸飯店，佳記在上海街這店好似開了頗久，中午時間都頗多人排隊。$33 兩餸飯算中檔，不包飲品，加$2有湯或熱飲。今日買了肉豆腐和咖喱雞兩餸。咖喱雞件數頗多，大大件肉，但大家都預咗無雞味，咖喱汁也比較水汪汪。豆腐肉餅有三件，可惜也一樣無味，肉餅的口感也不太好。整體來講，食物分量夠多，飯量也多。$33 不太值，但一定夠飽肚，而且不太用排隊。若不想行去油麻地多啲選擇，佐敦佳記可選。比起岱民（廟街）飯多啲，餸好味些，但岱民祗是$25，但岱民咖喱得薯仔多，無雞肉。…查看更多

佐敦一帶食野，好似貴少少，附近又冇旺角、油麻地個邊咁多兩餸飯不過好彩，都有幾間有得揀下呢到d 姐姐食到熟晒，食飯食到熟晒呀，所以都唔係食一次就黎寫食評，都食左十幾次架喇！最推介係鹹蛋蒸肉餅，味道唔錯，唔會太鹹同味精重，蒸肉餅最緊要係有番少少肥肉係裡面先好食口感好，以兩餸飯同餸放咁耐黎講，呢到都合格有餘！之後係蒸水蛋，比例剛剛好，夠滑，唔太老仲有咖喱雞，就咁個汁我都可以食晒成盒飯。最後值得一提嘅係呢到可以叫多飯🤪🤪 夠晒我大食仔食一餐…查看更多

每次行經佳記都一定見到有人排隊買飯盒因為確係大件夾抵食既餸菜款式選擇都算多的今次叫左少飯,所以飯得一半肉餅唔太咸夠大件涼瓜魚塊亦美味其實只食餸都已經夠晒飽不過我最鍾意碗湯,完全無味精的其實店內阿姐唔算無禮貌只係真係太忙唔會下下對客人笑最緊要係清楚講出指出想食咩等阿姐快快手盛好菜餸就可以了…查看更多

正值晚飯繁忙時間諗住買個4餸飯返屋企食，豆豉蒸倉魚(魚當2個餸)，炒四季豆，豆卜炆冬瓜，個飯一共是$58蚊，我比左$108蚊佢，諗住唔好找散子俾我，點知個店員找咗$10蚊比我，仲堅持我係俾咗散紙同埋$50紙佢。呢間餐廳找錢不誠實，大家記住去呢間俾錢果陣要小心。真係谷鬼氣，諗住58$食個平飯變左98$。除左找錢不誠實之外食物是好食同抵食的，家庭式的味道，沒有或很少味精，而且有很多選擇，也不需要等好耐…查看更多

喺呢個百物騰貴嘅香港，閑閑哋食個lunch都要＄40-50, 晚餐動輒都要$60-＄70, 但今日介紹呢間佐敦嘅佳記美食雙餸飯真係超抵食，＄31可選兩個餸，另外加$8多一個餸，我如果次次肚餓都會叫三個餸都係＄39，全日同價，重點係佢每個餸會夾俾你嘅份量都超多，仲要好味嗰隻！宜家呢個時勢實在難得👍👍 呢間佳記係以車仔雙餸飯爲主，有十幾廿款餸可以揀，豬雞牛蒸魚蔬菜樣樣齊，好豐富，睇得出都好新鮮而且味道我覺得好好，好有住家feel，多到係個碟載唔到😱（見圖），連白飯都睇唔見咁滯，而且佢唔會分肉就貴啲菜就平啲，全部劃一價任揀兩個餸$31，我試過連豉油雞脾都可當一個餸😍唔知可唔可以重複，下次我叫2隻雞髀當兩餸睇吓得唔得先😂不過其實我最鍾意嘅係佢的梅菜蒸肉餅，超大舊厚身得來肥瘦均勻，而且有一種媽媽嘅味道，基本上淨係一舊肉餅都夠送飯👍呢價錢仲包埋嘢飲可以揀例湯豆漿凍熱飲品都唔使加錢。通常我經開佐敦諗唔到食乜嘢都會去食，如果糧尾更加會去食😂佢附近都有一啲其他嘅兩餸飯，我去試過味道冇咁好之餘，出手又無咁闊綽😑所以我通常都是返去光顧返佳記😋環境：6/10服務：6/10 價錢：9/10食物質素： 8/10 整體：7.5/10 …查看更多

今日午餐一大班人，有同事叫去佐敦食午飯，心諗有乜特別的東西，來到心底十分驚喜，兩餸飯？？ 在香港失蹤左好耐，而且仲要三十蚊咁平，佐敦喎，須然遠過左廟街，但都係佐敦道。食物選擇非常多，種類多種，雞魚豬牛菜乜都有，而且份量不少，味道尚可，非常多老人家光顧，今時今日用這個價錢，食到兩個家常菜，仲包飲品，實在非常有良心。推。…查看更多

佐敦來計都算抵食…又多款式…30蚊包埋野飲…D野都幾新鮮下…五怪得日日甘多人排隊啦食得過…不過就係因為地方細左D…好多時候都冇位坐…唯有打包翻屋企食……最中意係雞錘…皮脆多汁…五會乾曾曾…利申：一星期食足5日…都食五厭…查看更多

今日朋友介绍去咗間佐敦新開佳記美食見到好多人排隊！等左5分鐘叫咗個梅菜扣肉真系好好食俩餸$30見佢有二十㡬種餸仲包埋野飲凍飲吾使加錢仲有我最鐘意食嘅蕃茄炒蛋同埋咖喱雞！真系抵食…查看更多