何車車仔麵 (界限街)

無意中見到有人介紹佢啲餸 望落好吸引！門面不大 座位只有6個 大部份都係選擇外賣～ 晚上6點多到 咁岩有位坐！見到丼飯又好吸引 最後揀左車仔麵 可以試食下唔同餸！【蒜油蝦子撈麵】$15本身覺得車仔麵係要有湯～ 但見到撈麵真係好吸引！ 蝦味好出 蒜油亦都勁香！【燒牛舌芯】$15見到個個都必點牛舌～ 份量都有好多塊 本來已經好夠味 再燒一燒就更加香口！ 又淋又有咬口！【糖心蘿蔔】$11車仔麵就必定要有蘿蔔！ 4舊蘿蔔全部都無渣仲要好好好甜 又夠晒淋！【日式叉燒】$15半肥瘦 一啖咁食岩岩好～ 不過呢個我覺得無乜特別 可以試下其他配料！【黑松露撈麵】$15勁多黑松露係上面 撈埋仍然都好香口！【鹵水雞翼皇】$15色澤合格 味道亦都滿分！ 好入味又唔會令到啲肉質變‘鞋’～…查看更多

在外賣平台點了他們家的十餸麵，購買後打開看到裏面只有餸菜 沒有麵。這很正常應該是遺漏了，我也沒有放在心上只是打電話去通知一聲，過去取回麵底。 打過去後詢問職員才不知，這個問題他們經常會遇到。 這樣問題就來了，客人叫的是一碗麵，為何麵底這麼重要的主食材沒有顯示在單據中，他們知道了居然不通知顧客，而是顧客取回後才發現，這麼不專業？還說經常遇到這樣的問題，證明他們一點也沒有改進的心態。🤔 最可惡的是顧客想拿回原本已付了錢的食材，取回居然還要額外加錢，這是什麼道理？😡 顧客已經完原原本本給了錢買了這份套餐，期間出現了問題，既然餐廳發現了問題所在，為何不作出妥善處理通知顧客，這只是一件很簡單的狀況居然處理得這様糟糕😑 這餐廳上餐不完全，事發後居然要顧客掏錢，買回已經付了款的食材👎👎👎…查看更多

何車車仔麵經過過好多次都大排長龍，今次得4個人排緊，即刻排埋一份，等咗15分鐘有位坐低之前其實都諗好咗食咩，入到去直接掃code落單老何麵十餸 $58 (轉蒜蓉蝦子撈麵+$5)豬皮，豬腸，豬紅，蘿蔔，雞翼尖，雞翼，魚蛋，豬腩肉，肥牛十餸就啱晒我呢啲選擇困難症嘅人，仲要有得免費加蒜同芫茜 正🤪講返碗麵先麵底係幼面份量多，感覺似有1.5個麵餅，有咬口餸就每款都有2-3件，溏心蘿蔔冇得輸，勁甜💯其他餸就正常發揮🤫蝦子就爆多鋪面😋個汁勁正，好濃，好香蒜味，醬油掛麵🥰千里茉莉綠茶 $17佢樽印個句[無糖回甘、一試難忘]，完全可以表達出嚟我飲完之後嘅感覺😏以為只係普通既冷泡茶，點知真係有個種先苦後甜回甘既感覺，我都唔識點形容，你試過就知🤪1個人埋單$80雖然舖頭細細坐得有啲逼，有時候仲要排長龍😵‍💫但係CP值勁高👍🏼枝茶你哋真係要試吓😏推薦大家去試😋…查看更多

放假諗住出去深水埗啲Cafe到坐下，揸車出去途中突然抽起左條車仔麵癮，所以即刻搵下附近有咩車仔麵食，於是就搵到呢間何車車仔麵，之前睇過好多食評已經想黎試下，難得今日係附近就更加Perfect👍🏽店面比較細，只係得8個座位左右，所以去到嘅時候都等左一陣，但食完之後就發現係絕對值得等待。🟡 蒜油蝦子撈麵呢到唔只得平時食開嘅湯麵底，仲有得揀撈麵，巨量嘅蝦子鋪滿成碗麵🤤 每一啖都食到蝦子嘅香味，絕對貨真價實。燒牛舌芯夠厚而且唔靭，好味👍🏽 陳皮魚蛋亦都夠晒香，粒粒結實彈牙但最值得一提嘅係佢地嘅湯底，每一啖都飲得出心機，絕對唔到一般嘅味精湯，而係用唔同嘅藥材香料熬製而成，飲到尾亦有陣陣陳皮嘅回甘香氣，好正🤤🟡 醉炸雞翼皇醉完嘅雞翼再拎去炸，有陣陣嘅酒香，而且又唔會炸到好乾，咬落去仲充滿肉汁…查看更多

每日經過都好多人排隊既車仔麵細細間，堂食大約只可坐幾個人，門口多數等外賣我地2個人 叫左2個麵 1個小食 1枝豆漿 超級滿足！藥膳湯底超級特別！豬軟骨好腍好入味！配埋烏冬 同 日式叉燒，變成日系車仔麵🤣黑蒜油撈蝦子麵！味道好令人驚喜！豬大腸型狀係波浪紋，白蘿蔔好入味好腍呀❤️炸蠔，非常酥脆，配埋醬汁，可以減輕膩感。但沒有太大驚訝，同平時出面日式餐廳感覺差不多整體係會覺得好特別既車仔麵體驗，個湯同個撈面都好有驚喜。不過價錢會係中價。 由於堂食位置太少，一般都會買外賣，但唔知會唔會影響左味道。…查看更多

試過何車車仔麵同撈麵今日就試下佢個飯～嗌咗東京熱野雞牛肉飯🤣同不嬲都好鍾意既豬紅加蘿蔔😋為食多啲菜又加咗關東煮娃娃菜💛topping加蔥同芫荽🍀必須承認我係因為個名先好奇個飯係咩樣～明就明喇🤣🤣炸雞都幾好味，雖然車程九個字個皮都仲有啲啲脆，唔油，肉嫩又少少juicy，洋蔥肥牛調味都夠不過就略嫌韌咗啲，三舊雞加三大片厚肥牛，量都算足啦～同紫菜碎芫荽蔥撈埋一起都好食，飯入口都軟硬適中🍚豬紅同蘿蔔就唔使多講啦，夠淋夠入味，差唔多次次都要嗌😋關東煮我以為只係得娃娃菜沒估到仲有兩個麵筋🤣🤣正常發揮清淡好食～東京熱野雞牛肉飯 7.0/9豬血/蘿蔔 7.5/9關東煮娃娃菜 7.0/9TOTAL 7.5/9…查看更多

係太子想搵啲易食嘅嘢，諗起粉麵類，一搵見到呢間好似唔錯就去啦。鋪好細，座位得7個，滿座店員要企係出邊。本來係想食麵，但見到有下午茶就叫下午茶。（懶得諗，又可以試其他）佢有4款下午茶，好耐無食過牛肉飯，仲有關東煮，呢個組合好吸引，$40。牛肉飯上枱個刻我嚇親，比我想像中大好多，比吉x家還要多（我仲停留係好耐之前）。牛肉唔錯，小肥，洋蔥唔會太熟，爽口。係個飯濕小小，但係可以接受關東煮勁多，蘿蔔夠哂淋，其他配料都唔錯，湯算清。鮮蝦雲吞，$15三粒，好脆，偏細料比例多，味道可以。我幾欣賞佢播嘅歌，純音樂卻有種唔係香港嘅感覺，不過我又想像唔到邊度。…查看更多

以港式粉麵嚟講最鍾意嘅一定係車仔麵！咩都有得揀啱哂我呢啲咩都想食下嘅人🤤不過同時地兼顧醬汁/湯式 同餸菜好難搵一間樣樣都咁出色嘅車仔麵店發現到呢間好多人大讚嘅車仔麵店！位於太子同深水埗之間店舖好細裡面都只有三張枱仔會坐得好迫長期都好多人等位仍然無阻一班食客支持呢度嘅車仔麵非常多款式無論係湯麵定撈麵以致車仔麵嘅餸都多達三十多款仲未計小食！未安排入坐都可以落定單坐低就有得食！蒜油咖喱撈麵（加餸）HKD$66（燒豬頸肉/豬紅/陳皮魚蛋/手撕雞）見到好多人推薦蝦子撈麵但見到咖喱撈麵都好吸引試咗佢先🤤咖喱可以揀微、小、中、大辣揀咗小辣 大約係二小程度麵底係油麵超級濃郁嘅咖喱味咖喱魚蛋個隻汁🤤超多汁 食到尾都仲有個小水塘🤣同蒜味不相伯仲搶fo🤣每條麵都沾滿咖喱醬油麵質感好彈牙！餸方面陳皮魚蛋同豬紅就正常發揮燒豬頸肉塊塊厚切燒得好香 質感爽口不過就偏肥啲手撕雞都好正肉質唔會好乾沾上咖喱汁好惹味🤤車仔麵（粗麵）HKD$51（牛肚/糖心蘿蔔/媽媽水餃）食完撈麵就試下湯麵湯底加入咗少量藥材烹製飲落唔會太鹹帶少少清甜仲可以加鹵水汁/腩汁糖心蘿蔔真係超甜🤩好多汁又唔會起渣牛肚就正正常常燜得好腍身 唔會有浸膻味最鍾意就係媽媽水餃$15三粒 大大粒🥰係韮菜豬肉餃 好香韮菜味超足料！好出色🤩-終於知道點解咁多人等都要食到佢！果然係出色嘅車仔麵😍無論湯底同餸都唔錯仲有比較少見嘅撈麵🤤不過留意有啲賣完就冇想食就要早啲嚟啦絕對要encore🤩…查看更多

💛何車車仔麵💛腩汁粗麵🧡媽媽水餃就係水餃，味道冇乜特別😂😂但佢係皮薄餡多。肉有汁，恰到好處。喺自己包先有嘅款😚🧡糖心蘿蔔蘿蔔好甜，而且好‘林’，唔爛，唔會一夾散哂。腩汁。正常😂蒜油麻辣撈粗（微辣）🧡飛天牛腩牛腩喺另上，而且好‘淋’，好正。不過小編下次應該會揀返正常牛腩😉🧡燒豬頸肉呢個果然冇介紹錯，好食。舊舊都食到脆邊，好正。而且份量都幾多，抵食。蒜油麻辣。小編後悔無揀小/中辣，因為微辣真係唔辣😂 個麵會偏油，會有少少蒜味，呢幾特別。值得一讚既係佢個麵質。夠粗，但又完全唔‘淋’又唔硬，啱啱好，幾好食。慢煮手撕雞呢個反而有啲失望。冇乜味，但食到甜甜地，唔係小編想要嘅手撕雞味。一碗份量都幾多，但唔係舊舊都嫩，會食到有啲係韌。而且味道同芽菜唔match，所以整體真係麻麻。另外，提提大家，店舖位置真係幾細，所以都建議外賣，而唔係堂食。小編等緊你地做大啲，轉大鋪💪🏻…查看更多

🌸 #girlsfoodies太子#girlsfoodies港式#girlsfoodies粉麵 🌸【💛 #GF_List 】⭐評分: 9.5/10———————————————終於試到呢間舖😭果然名不虛傳！餸同湯底同樣極有心思，期待老闆第時會搬到大舖✨——————————————————▪️ 何車雜菜($15)/豬軟骨($15)/豬頸肉($15)/溏心蘿蔔($11)/蜂蜜紅棗茶($12)▪️ 蝦籽撈麵($15)/唐揚炸雞($14)/腩肉($15)/媽媽水餃($15/3粒)平時嗌菜底都係頹頹又黃甘甘的生菜，呢度竟然有雜菜揀，西蘭花、娃娃菜同菜心都係鮮甜😭 我叫咗腩汁+鹵水汁兩溝微辣，湯頭入口係甜中帶辣，有浸淡淡嘅陳皮同八角味，係好有層次嘅味道，飲完仲唔會頸渴😭腩肉好好食，係鬆化嘅三層腩，好似食燒肉嗰種入口即溶。豬軟骨有4嚿，軟骨炆到腍一腍。炸雞個皮係咔咔聲咁脆，同元朗御麵有得fight，忍唔住encore咗個小食～溏心蘿蔔好甜好入味🥺蝦籽撈麵唔算好油、麵有咬口，但就唔係話好香口。豬頸肉唔係差，但食過雲在線把口已寵壞😂覺得無話好驚喜車仔麵成日畀我嘅印象就係一係餸ok、一係湯ok，我都明嘅，大佬咁多樣餸，點做到樣樣皆精？但呢度真係話畀你知mission is possible🤯！好有心做好食物嘅餐廳，希望大家多多支持，支持到佢哋開大鋪😭🖐🏻✨ 何車車仔麵 ✨📍 太子界限街41C號長勝大廈地舖…查看更多

夜晚經過時都大排長龍成三十幾度都照排究竟因為係乜結果平日晏晝嚟試下大約十二點零 直入坐低鋪頭有啲細 得一張長枱 可以坐三個人兩張吧枱坐四個人如果唔係一個人嚟食都坐得幾迫幾辛苦 坐咗一陣發現餐廳都係做外賣order多牛腩蘿蔔日式叉燒蝦籽撈好味道 好多蝦籽 最鐘意個牛腩 炆得好淋仲整得好味過啲粉麵鋪係可以翻食嘅小店…查看更多

呢間店外面長期都有條人龍，好誇張唔想等位唯有買外賣返去試啦蒜油蝦子撈麵⭐️⭐️⭐️⭐️⭐️$15另加了$15 燒豬頸肉🐖同$11 溏心蘿蔔😋何車秘製湯底+微辣咖喱🤤第一次食唔敢要太辣，微辣又真係好輕微，下次會試下小辣 or 中辣，應該會再惹味d😁想講佢個蝦子配上秘製湯底，好match，成個汁好好味，surprise 燒豬頸肉味道口感一流👍🏻溏心蘿蔔好入味，好甜呢😌兩種配料都係必試老公試左十餸麵$58⭐️⭐️⭐️⭐️⭐️有豬皮、蘿蔔、辣魚蛋、腩肉、豬紅、雞翼尖…等等 個豬皮好「林」好滑！辣魚蛋真係超辣呀，後勁十足！過癮整體都好唔錯！下次要試埋其他…查看更多

呢度係一間車仔麵小店,地點好就腳好方便 近太子站今次試呢款叫蒜油蝦子撈麵 撈幼麵加雲吞 蘿蔔 雞翼 豬頸肉 豬紅 入面仲有蒜,乾蔥等等配料 撈埋食非常惹味香口滿滿既蝦子粉,蘿蔔夠甜無渣,雲吞大隻蝦肉爽甜 雞翼大件入味雞肉滑,豬頸肉都好大件炸到好脆口平均消費$70評分8/10太子界限街41C號長勝大廈地舖…查看更多

如果真係好想試，一定要有消暑物品旁身，因為只能在門口暴曬等待。雖然等待途中多次想放棄，但一場黎到又不想就咁離開。店內十分狹窄，只有6個位，分開三組坐，即使終於入到店內，冷氣亦不足。雖然等到個人有點焦躁，但食物上枱時還是覺得值得的。蒜油蝦子撈麵 (豬頸肉+牛舌芯+手撕雞+溫泉蛋)溫泉蛋令撈麵大加分，每條幼麵沾滿蛋汁，加上蝦子的香，真心回味。其他配料亦很高質，錦上添花。牛肚+溏心蘿蔔+菜心配米粉蘿蔔切得很精緻，覺得可以大舊啲，但完全沒有渣，很清甜。其他則正常發揮，重點是湯底，完全不油膩，帶一點藥材味，有誠意。樽仔奶茶推推推～甜度剛好，茶味更濃便100分。…查看更多

家住附近之前路過都冇發現有呢一間小店早排喺網誌見到有人介紹試過星期六日或者lunch time時間經過都會見到門口有一條人龍更加心思思想試吓😆今日咁啱忙完已經過咗lunch time過去食呢一間小店就唔使排隊店內座位唔多，大概六至八個位如果要堂食好多時都應該要排隊啦我嗌左老何麵十餅轉咗麵底做菜底，要韭菜花湯底就要麻辣大辣🔥可能因為轉昨菜底，份量偏少碗湯夠辣又唔會好鹹食完唔會好頸渴，幾好👍🏻👍🏻老公就帶咗黑松露撈麵(大辣)送就要水魷，牛腩同牛筋豬腸同豬頸肉已經售罄😕碗麵一上枱已經勁香，值得一試特別得嚟又好好食平時食其他米線食開中辣大辣今日呢間揀咗大辣，堅辣！買單嘅時候老細仲話我哋食到大辣好勁😂我同老公都食到標晒汗雖然真係幾好食，好香又夠辣不過第一次食，都係建議食中辣試吓先食物味道幾好，款式亦都幾多得閒會過去試吓其他小食同撈麵！…查看更多