何止 (已結業)

路德圍貴為荃灣美食街，開係依度既小店都有返咁上下水準，今日就試下依間何止，依間街頭小店賣既小食有別於其他店，小食款式好多，例如卡邦尼燒賣、爺爺炸壽司，都幾創新！選擇困難症既我經店員推介下，揀左章魚大阪燒同炸餃子試下！章魚大阪燒 ($45)好少小食店有大阪燒賣，即叫叫整，椰菜同章魚粒好足，粉漿比例平均，配上沙律醬、大阪燒醬同紫菜，味道都算唔錯！😎炸餃子 ($25/5隻)，入面餡料係韭菜豬肉，炸得香脆，食完唔會成口油，拎到返屋企仲脆卜卜，值得推介！🥰生菜魚肉湯 ($27)街頭小食當然唔少得生菜魚肉湯，生菜同魚肉都好足料，湯底味道清甜，加埋麻油及胡椒粉，香氣十足，味道一流！👍🏻

今日順路去探兩個朋友班,因為只有短短一小時lunch time見見,所以就買外賣到朋友office快食~荃灣眾安街小店林立,眾多店舖中,我被這個「有氣勢」的招牌吸引,我決定試試這間名為「何止」的小食店Order:章魚大阪燒,卡邦尼炸燒賣和炸餃子章魚大阪燒：拎到返朋友office, 一打開,見到木魚在向我揮手,咬落去,啖啖都有 章魚,份量十足,加埋沙律醬,味道一流！卡邦尼炸燒賣：即是炸燒賣再加醬汁,燒賣炸到脆卜卜,配埋醬汁,又幾夾~炸餃子：因為我唔食韮菜,所以朋友H一個人獨食~朋友H話難得餃子炸完但餡料不太乾,食到滿口韮菜味~朋友話 係好食既三份小食 份量十足,三個女孩子食完都夠飽了~下次想試試炸乳鴿和咖哩什錦~

路德圍不嬲都係小食集中地，不過今次我去呢間「何止」唔係買小食即時醫肚咁簡單，而係買啲小食嚟加餸。喺隔離買完茶飲之後見何止既嘢食都幾吸引，所以就買咗一隻炸乳鴿、一個章魚大阪燒，同埋五隻餃子加餸。大阪燒其實我自己都識整，不過我覺得佢個味道都唔錯，粉漿、椰菜既比例平均，尤其係章魚大大粒，好多肉👍🏻小食店有炸乳鴿真係好少見，所以我又買返隻試吓，味道都OK，炸得唔會好乾。炸餃子係韭菜豬肉味，我個三歲仔食咗半隻之後不斷話要再食，佢鍾意炸餃子夠香口。

今日行去地鐵站時，飄來一陣炸物香味，感覺有啲肚餓，搜尋下原來係一間售賣傳統街頭小食，都係由細食到大，熟悉的食物。今日揀咗碗仔翅、炸餃子、仲有店員推薦嘅章魚大阪燒。碗仔翅材料好豐富，茨汁打得濃稠適中，配上木耳、肉絲及冬菇，加埋麻油、醋和胡椒粉，味道一流，簡直Perfect。炸得香脆韮菜餃，餡料菜多肉少，入口盡是韮菜香。店員大力推薦的大阪燒，係店家新推出的，基本材料有麵粉、高麗菜，配料有章魚粒，淋上沙律醬，大阪燒醬，灑上紫菜，趁熱食個底仲係脆口添啊😄

同佢講名唔食得油膩嘢，可唔可以由炒變做煮。佢話OK我話會比碗湯我，但係當我拎到返屋企，佢就係炒嘅烏冬。講好晒落晒單，都可以錯嘅。咁呢份嘢我買咗返屋企又唔食得。係唔係要我嘥咗啲錢？唔會再幫襯呢間嘢OK

新開但係每次去都會見到好多人排隊嘅燒賣🧐忍唔住買咗2款嚟試吓😛▪️瑤柱豬肉燒賣 💰$15/5粒個配搭幾新奇👍🏻而且好足料😍唔係淨係得麵粉 5粒完全唔夠喉🥹▪️卡邦尼炸燒賣 💰$15/5呢個好一般🧐個卡邦尼就係直接落粉喺燒賣上面，所以冇粉嗰啲係食唔出有味，個味道唔係好一致😂下次嚟試埋其他款先😎

魚肉翅都叫足料，啲肉啲料都多過翅，味都算濃，翅唔算多，木耳都足，但無諗過啲魚肉會係腥既😞😞😞仲要等咗20分鐘…..有說不出聲既失望….又無俾到醋，胡椒粉新開都搞到咁，確定有啲失望