影片
「何止」係路德圍一間新式小食店，外觀企理乾淨🤩🤩🤩叫左：⭐️腸粉4條$14⭐️明太子蛋黃章魚燒$38/8粒等左大約10分鐘，中午時間唔算好多人排隊🧡價錢都合理，唔算好貴🧡味道不錯🧡腸粉都滑身，醬料足夠🧡略嫌章魚燒嘅明太子味不夠突出，感覺同普通章魚燒冇咩分別經過口痕想食小食可以一試！👍👍👍佢仲有其他特別嘅小食，例如卡邦尼炸燒賣、芝士乳酪章魚燒、大阪燒等等，下次再試！！😂😂😂
繼續閱讀
荃灣一定要去掃街嘆小食，呢間［何止］係正中間位，遠遠已經見到，門面簡潔乾淨，係升級版街頭小食，非常好食吸引。明太子蛋黃章魚燒 $38/8粒熱辣辣，將木魚絲放上章魚燒，見到郁郁下好吸引。木魚絲提鮮微咸，明太子醬辣辣地，加埋蛋黃醬好滋味，章魚燒好大粒飽肚，外層微脆內𥚃質感軟綿，章魚粒夠多，仲好大粒，彈牙好味。和風紫菜魷魚 $25一拎上手超級香，份量都好足夠，魷魚腳肥美，充滿彈性，入口柔嫩唔乾，炸得很好，而且炸衣有大量紫菜，好豪爽，也炸得香口外層脆卜卜，超香超好味。卡拜尼炸燒賣 $24/8粒炸到脆卜卜好正，係香菇豬肉燒賣，加上芝士粉同沙拉醬，令炸燒賣唔會乾，仲豐富味道，有創意又好味。仲有好多款小食，大阪燒、腸粉、蒸燒賣、碗仔翅、魚蛋......下次經過要再食。
繼續閱讀
只是一間賣街頭小食的小店，名為何止，但其街頭小食，何止咁簡單，以本土特色小食，加入創新烹調，又保存傳統風味，以滿足食客的舌尖為本。******************************何止選址並不在人流甚旺的油尖旺區，反而選址於荃灣區，店舖附近也有其供應的小食店，但以創新口味來吸引食客，能在此守著一席位。何止以本地特色街頭小食，當中包括，腸粉燒賣魚蛋牛肉球、咖喱蘿蔔魷魚牛栢葉豬皮、瑞士雞脾雞翼、碗仔翅、生菜鯪魚、茶葉蛋、雞翼尖、章魚燒、大阪燒，還有飯類選擇，以不同烹調味道和食物質素供應。看著其小食，單是章魚燒已經有5款味道，大阪燒也有4款，想著吃什麼味，都有點困難，最後都選了自己偏愛口味來試試。卡邦尼炸燒賣 HKD24/8粒，用上自家製香菇豬肉燒賣，還加入煙肉和洋蔥，所以味道已經惹味，還要炸到脆口，加上卡邦尼醬汁和芝士粉，吃上口除了醬汁風味，還能吃到香菇的味道，啖啖豬肉之中還有煙肉咸香，確實特別。蜜糖芥末章魚燒 HKD36/8粒，甜甜的蜜糖味幾香，然後帶點芥末的辛辣感，配上木魚絲和醬汁，確實沒想到如此美味。吃上口還有粒粒章魚肉，絕對真材實料。蟹籽千島章魚燒 HKD38/8粒，章魚燒表面放了蟹籽和千島醬，當吃到蟹籽就有爆粒粒的口感，然後帶著千島醬味道，又有別的風味。香港最初吃到章魚燒都是木魚絲配醬汁，現在已經可以配上不同味道醬料，真不簡單，每款醬料各有各其風味，真的要吃多幾次才能試足所有味道。
繼續閱讀
路德圍多嘢食就唔使講啦，但次次嚟到，都要試吓依度嘅香菇燒賣。今次仲私賣其他小食，其實都不錯！🍄香菇豬肉燒賣 - $24 /八粒燒賣好新鮮，有少少煙韌，口感彈牙，每粒燒賣嘅香菇味都好濃郁，加埋沙嗲醬，真係好惹味。🍗瑞士汁雞髀 - $25雞髀都幾大隻，而且瑞士汁入味，應該浸左一段時間，雞俾肉一咬就難。🐙蜜糖芥末章魚燒 - $36 /八粒章魚燒真係要趁新鮮食，加埋沙律醬同木魚碎，真係好滿足。每粒章魚燒入面都有兩粒章魚，都幾足了。
繼續閱讀
何止 (荃灣)荃灣荃興徑10-18號富榮大廈地下4號舖荃灣本身是美食天堂，在橫街小巷裏一定可以找到不同類型的美食，價錢便宜之餘，味道還有很多選擇。這次來到荃灣一定要找特別的來試一試，經過一間小店，門面排了長長的人龍，有人龍的餐廳就一定有水準保證。這間小店除了主打日式小食外，還有各款港式小食，例如燒賣，但我就被他的章魚燒和大阪燒所吸引。蟹子千島章魚大阪燒$50這個爆多料蟹籽大阪燒，買相已經非常吸引，圓滾滾一粒粒紅色的蟹籽佈滿整個大阪燒，燒汁甜甜酸酸的很開胃，大阪燒的粉漿燒得剛剛好，不會太實，內裏餡料甚多，有很多新鮮大粒的章魚，也有很多菜，健康得來又好食，而且份量很重手，食完一個大阪燒已經飽了。芝士奶酪章魚燒(8粒）$38章魚燒蛋大粒，裏面滿滿的章魚，外皮燒得香脆可口，內裏鬆化！面頭鋪滿了芝士，香濃的芝士味和香魚燒很夾，還有很多木魚碎，食一份章魚燒可以當正餐。賣相吸引，但味道更勝一籌。鰻魚丼飯$45肥美的鰻魚丼飯，鰻魚份量很多，飽滿的鰻魚肉含豐富的蛋白質，還有就是配上燒汁後很送飯。但是用上日本米精製而成，粒粒圓滾滾的很吸引，米香十足。這個鰻魚丼飯，價錢便宜比起在餐廳食一個鰻魚飯這裏只需要40多元，而且質素水準很高。
繼續閱讀