佐賀燒肉谷 (大鴻輝(荃灣)中心) (已結業)

今日慶祝朋友生日，揀咗位於荃灣嘅新開嘅燒肉放題，食嘢，飲酒，吹水。我哋準時6:30到達，揀咗套餐C有108款食物嘅極上牛小排配海鮮放題。店舖辛裝修，感覺乾淨，座位空間感大，枱面亦有足夠位置擺放食物，行入去聞雖然都會聞到燒肉味，但走後無太大氣味留喺衫同頭髮。食物質普通，而且燒嘅時間只得1小時40分鐘，唔係咁抵食。蔬菜區。飲品好多選擇。燒肉點少得啤酒，我哋加咗$38任飲asahi生啤。所揀嘅套餐每款牛都會有少少試味，邊款好味再點。牛肉質素可以，其中有兩款覺得幾好，右下係青瓜蟹籽蛋沙律。自助區嘅蒸物，流沙包拎咗兩次共四個，其中兩個係無餡，好奇怪。平時火鍋點生雞蛋就試得多，烤肉都係第一次，餐廳提供嘅係日本蛋。芝麻醬冷烏冬同冷豆腐。牛舌唔韌。豬腸好淋又夠味，青口幾好，兜仔裏面嘅海鮮已經熟，只需加熱，但係一啲鮮味都冇，由其白酒煮蜆。雞腎唔硬唔實幾好味，雞部份係用無激素雞。各式炸物。甜品。

荃灣地道美食如雲，拿筷子食的餐種（如麵、米線等)選擇亦非常多，但要數高質素日本燒肉店，真的想不起有邊間。地膽朋友介紹，大鴻輝商場新開左一間，佢去試過話好正！一聽到大鴻輝，即係要打蛇餅排長龍等lift上樓啦，唔好搞！朋友話係1/F, 即係一程扶手梯就到。正！咁就要去試下。估唔到平日星期二的晚上，大鴻輝條遠近馳名既等lift人龍仍然無令我失望!排到環繞地下大堂大個圈......好在我只需要一程扶手梯就可以上到餐廳。第一印象：估唔到，個場裝修真的好有誠意！環境好寬落，而且壁畫好吸引呀！一大排飲品櫃，正！成晚無論食物、服務或用餐環境，都非常一流！壺漬封門柳，先用大火燒至兩邊焦香鎖住肉汁，再轉中慢火烤至八成熟，內嫩外香，無得彈！大虎蝦、豬腩都非常有誠意值得一提，蒜泥醬配燒豬腩肉食，極好味。熟食水準都好高，尤其鍾意炸雞、榴槤炸彈重頭戲，係呢條天梯，由下而上食，真係一大享受！店員真係非常細心，主動幫忙調節火力，換燒烤網......仲提示我like 社交平台就可以有Movenpick雪糕食，激讚！如果keep得住，我相信將來大鴻輝會再多條人龍。

“極上牛小排配海鮮放題”($348/1位)係呀又係荃灣大鴻輝啦😂今次嚟食一間新開嘅日式燒肉放題😍餐廳喺1樓,一上扶手電梯就到夠哂方便😆(真係好驚喺大鴻輝等lift😂)呢道燒肉有5款,今次就食咗價錢中間嘅C餐“極上牛小排配海鮮放題”🐮🦐價錢冇分時段,食足100分鐘🤩最貴嘅E餐仲有120分鐘任食同任飲asahi,清酒🍻可惜我冇咁捨得哂咁多錢食啦🥲眼見人地個肉盤已經靚好多🥲一入座店員會先送上調味醬,前菜同肉類拼盤☺之後就可以掃qr code落單🥰等緊嘢食嘅途中出去自助區睇睇🤣自助區唔算大,只提供飲品,少量菜類🥬,沙律🥗同雪糕🍦先送嚟嘅肉類拼盤有6小碟😛分別係霜降一口牛,極上牛小排,牛肩胛肉,牛舌,精選牛肋肉,嚴選豬梅肉🐮🐷唔好睇佢好似細細碟咁,但其實每款都有成3,4件😳淨係食哂呢盤都已經有啲少飽🤣另外呢個餐有樣最特別嘅係煙燻壺漬封門柳一大條封門柳塞喺個壺仔道超浮誇😆燒落肉質十分軟腍juicy,肉味勁香濃🤤想講嘅係呢道每款肉個size同份量都比得多😍雖然肉厚但食落一啲都唔韌🤤特別鍾意呢道嘅雞腎🐔燒完超級爽口🤤可能有啲人會嫌啲肉太厚但我覺得好正喎啖啖肉😍係燒起上嚟會有啲哂時間囉😂除咗豬/牛/雞,

好朋友生日話要響荃灣食飯，我梗係上網搵吓啦！無意見到介紹呢間新開燒肉，好吸引呀！send 比友人睇佢都，於是bk位啦！食飯當日無聊睇吓呢間食評，因為新所以得幾條，但都係負評但店員打嚟confirm 話準時到就可以。。。又好有禮貌喎。。。到上到去。。門口店員解釋清楚放題價錢同分別揀埋之後就著另一位同事帶入座，都好有禮吖好快。。我地個餐嘅食物到喇，之後我地再邊食邊揀食物。由於限制食到10點，差10分夠鍾，店員會到每枱溫馨提示。。。兩個鍾其實真係唔夠，離開時朋友仲大讚呢到食物水準高，服務好，又坐得舒服。。。要介紹比其他朋友一齊再嚟食所以我先決定寫呢篇食評為佢平反

I've never been to this shop before as Tsuen Wan isn't a convenient place to me. Tried once with friends and felt gorgeous about the Wagyu and the services, while the normal ribs were not bad as well. I've already dated my friends to revisit. Sincerely recommend this to you all.

平時好少食燒牛牛，因為好怕燒完返屋企成身油煙味，同埋之前食過一間喺iSquare都唔係平嘅燒牛店，真係𡁻到牙都軟，放題式係咁食d唔太高質嘅肉係好痛苦嘅事，好記得自己最後嗌咗碗烏冬填肚算。。。今次同屋企人去咗試荃灣大鴻輝上面一間新開嘅燒牛店，一入舖最驚喜嘅係，見到都幾多枱客人食緊，但竟然成間餐廳都無乜油煙味 和牛嘅油花好香，普通牛都唔會鞋口，真心唔un  而且職員好關注到客人嘅狀況，我哋有一個moment係放咗塊和牛落去太搶火，嚇一嚇// 　個女職員即刻走埋黎幫手，動手幫我哋之餘仲解釋俾我哋知「因為油份多嘅部位有機會搶火d，你哋可以試吓咁樣放邊少少燒就OK喇」非常細心

路過荃灣見到新開的燒肉放題，鍾意食燒肉既我當然不會錯過，提早左一個禮拜bk左禮拜六去試下。到門口我地落埋食邊款放題，我地選左$458一位既E餐，入到去，環境好，卡位之間空間頗大，坐落好舒適。飲品同甜品都係自助既，飲品好多種類可以選擇坐低職員都同我地講返有個頭盤會出，叫我地等頭盤出左再落order。我係拎完野飲個頭盤都到啦頭盤賣相好吸引！睇得出好比心機，d牛肉有埋牌仔話比我地知係咩部位，店員好細心會幫我地燒，話俾我地聽d肉點燒先好味極力推介呢個牛柳！超級juice，店員見我地唔識燒，特登幫我地燒，同我地講返，呢道壺漬封門柳係間舖既招牌菜，果然名不虛傳，我地仲追加左2次，實在太好味喇同以往食既燒肉放題唔同，店員服務好好，會主動幫我地換網，留意我地點燒，甚至幫我地燒，牛肉既厚薄度都啱啱好，果然一分錢一分貨最後店員都有問返我地既意見，話因為新開張既原因想聽多d意見，我好滿意呀，冇諗到係放題都有咁高既質素

好耐冇食燒肉，今次咁啱朋友又興趣就一齊過黎試下新店。環境：成個場都好大，位置都闊落，墻上面仲畫咗d公仔都幾得意。服務：一開始喺門口揀餐果時就同我地解釋得好清楚唔同價錢套餐嘅分別，之後收碟換網都好勤快。我哋揀咗e餐$438，午市有減$40蚊優惠。壺漬封門柳超好食，非常推介，醃製味道好好，香而不膩，鮮嫩多汁，曼魚原條彈口，生蠔值得加分。牛舌口感爽脆，仲有得升級無限飲啤酒同清酒👍🏻👍🏻👍🏻肉質好，海鮮都夠新鮮，其他菜品都算齊全，咖啡機係加分項👍🏻，作為一間放題燒肉係屬於中上品質啦，推介。

一定要book位，唔係嘅話就要排隊啦！真係好好食。肉確實唔錯，可以食出d食材比出面普通同價位嘅燒肉更加好。牛肩胛肉：食材新鮮，保留肉汁，鮮嫩好食。雞腿肉：肉質好嫩，醃製過嘅味道好正。厚切豚五花：肉質好，一定要燒得有少少焦香，再點d辣醬，包生菜好好食。自助吧有d蔬菜可以自行攞黎燒，都新鮮好食。中午去食仲可以減40蚊添，cp值都高。整體環境都唔錯，闊落坐得好舒服。值得一提嘅係服務亦都好熱情主動，見到我哋網黑咗，都會主動過黎幫我哋換網。

啲牛肉冇肉味同埋切到好大舊同埋有啲都未切開好似去郊野公園燒烤咁不過環境都算唔錯可能因為我食晏晝四點冇乜人服務都算唔錯可能都係因為非繁忙時間漏單情況都頗為嚴重應該試一次就算喇

見到有間新開嘅燒肉鋪，同男友拍拖黎試試佢，手殘既我仲叫店長試下幫我燒又幾好食wor長知識，原來封門柳係要打圓圈咁樣燒先至好食，好彩唔使自己嚟我男友至愛既原味肉，好juicy佢話一定係要食原味先至好食店長推介srf牛好正同大家推介個雞腎，其實食放題俾幾百蚊會食呢啲係蝕，但係好食［呢個冇影相］仲有珍寶生蠔同埋羊架都五錯！建議燒蠔食之前加少少鹽，好食好多！入到去個場個環境係好寬敞，服務亦都唔錯，會有人主動過黎換網

味道超正嘅日式烤肉店等咗好耐終於如願等到家姐請食飯嚕~食肉怪今日就黎試下新嘢！食物方面牛肉超新鮮，入口即化，而且每一款都醃製得啱啱好，本身食之前仲會記得影下相，食到後面完全忘曬影，檯面仲有卡紙介紹肉/海鮮點邊個醬最好食，唔錯唔錯！試咗d小食都唔錯，特別係榴蓮球，好好味。出面嘢飲櫃d嘢飲選擇都好多！服務方面店鋪職員態度都好好，上菜速度都好快，我哋就黎食完果時，仲會過黎問我哋對於食物有冇咩意見，食得飽唔飽，可以話係好貼心啦!鐘意食肉嘅就唔好錯過啦

趁著上個星期有時間特登過黎體驗一番盡情食肉嘅快樂！整體裝修偏向年輕化，墻身仲有卡通繪圖，再加上餐廳嘅音樂配合，感覺整體活力滿滿，氛圍都好唔錯！入座前要先揀好套餐，一共有5種套餐可以選擇，我哋就揀咗推介餐C餐。入座之後會先送一份拼盤，有6款唔同嘅肉。其實我覺得咁樣幾好，一開始就可以先試咗邊一款係自己偏好嘅，然後再加單。肉類嘅品質都好正，不得不讚壺漬，醃製得非常入味，肉嫩又新鮮，仲有嚼勁。海鮮方面食材亦都好新鮮，小食種類豐富。整體好評，性價比高。

我同朋友都鐘意食燒肉，所以約埋訂左今日19:00食晚市放題，叫左個E餐，係就係貴左啲啲嘅，但對於我地食肉獸黎講，都好大吸引，個店員介紹餐牌好清晰，安排我地坐個位都幾好，兩個人坐大卡位，佢個封門柳又真係特別，原條燒，鎖住個肉汁，咬落去都幾有口感，吾會係乾巴巴，佢啲海鮮食完再叫，叫完再叫，肯定係佢個生，加埋個牛油，真係ok喎，環境大致都滿意，服務都幾好，下次我都會再黎

我地三個人 響門口等到半個鐘就有得入去 可能係新開張 環境都幾乾淨企理 有五個餐可以選擇 不過淨係得E餐有120分鐘 其他只有100分鐘 就咁聽以為有好多時間 其實真相係 樓面會用心花20分鐘同你介紹 每個餐的特色 然後同你講可以用手機掃code落單 結果等咗十分鐘都未有code 咁已經冇咗30分鐘 然後十分鐘之後頭盤來了 其實我已經覺得有啲伏 所以我即刻落單叫咗佢哋最出名嘅牛肩胛4碟 我地叫嘅係B餐 可能因為比較平嘅關係 我地再等咗30分鐘催幾次單先有牛食 （因為我見到對面枱叫E餐嗰啲真係要乜有乜）其他叫嘅小食同沙律 一直冇嚟過 跟住有個經理走埋嚟同我哋講唔好意思系統有問題 食到我哋一肚氣 又食唔飽 等餐飽 嘥時間 冇熱茶冇熱水 好多食物都已經售罄 仲要有收加一服務費 服務喺邊 樓面態度麻麻地 好失望 總括嚟講 味道唔差 環境唔錯 嘢飲多款式 混亂 態度差