佐賀山田 · 涮涮鍋 (已結業)

朝喺太古廣場好多餐廳都已經食過啦，所以就過對面康怡廣場黎個涮涮鍋放題先。而家有個北海道未來牛涮涮鍋放題，店員好細心解釋咩叫未來牛，北海道自家農場養飼的「未來牛」，牛隻以不含添加的飼料養飼，牛味較和牛更濃厚但又會油脂甘香，所以就試吓先。湯底我揀咗日本博多華味鳥雞白湯，餐廳環境非常乾淨企理，出邊有好多醬汁可以自己調校，有好多款唔同嘅飲品，蔬菜，仲有好多款甜品，不得不提，竟然有溫泉蛋，正！未來牛 口感細滑脂肪均勻分佈，真係入口即溶嘅感覺，同和牛絕對唔會比得下去，真係好值得食！美國SRF和牛 肉質比較柔嫩，肉味濃，多汁的口感。極品美國牛小排 肉質鮮嫩而不會油膩，比較有咬口。牛坑爪 牛坑爪雖然有脂肪，但唔會有肥牛咁肥，無油淋淋感覺，肉質軟腍。

今日下晝突然想打邊爐，去咗成間舖落望好綠油油嘅佐賀山田食日式火鍋放題。有四個餐可以揀，我揀咗嚴選美國牛肩肉，$153一位，屬於第二便宜嘅套餐。除咗牛肉，仲可以叫美國豚肉，特選雞腿肉。湯底揀咗美顏玫瑰花膠骨膠原雞白湯，只係加$10，大概有四件花膠，超值！肉類質素尚可，反而火鍋配料有驚喜，我鍾意夠港式，有響鈴，炸魚皮，魚腐。至於湯底就真係飲唔到雞白湯味道了，不過賣相都唔錯。飲品選擇算多，甜品有小蛋糕、coco berry雪糕、明治雪條，以價錢角度考慮，整體食物質素可以接受的，好抵食。

我6:30入座，比湯底我地時，一位職員把湯汁整到我的外套上.佢態度好惡劣及好惡咁講：「我地公司有乾洗費！你比單我地！比返錢你！」我當時已經算數，冇去投訴！咁服務態度！叫左第一次肉，7:00前叫第二輪！等咗45分鐘跟店員查詢都第二輪肉類提供，分別跟副店長及另一位店員查詢跟店員查詢後，疑似副店長告知廚房只有一人在工作佢表示「而家廚房只有一個人做嘢！等吓啦！包容下啦 ！出唔切！」過左一陣都係未有，我再跟副店長查詢。但話：「牛舌已經賣晒，黑毛豬未切到出黎住.切唔切」佢一句道歉都冇講過！就咁講野？！期間態度十分不耐煩地回答！以及所有店員態度惡劣！這不是飲食行業應有的態度！最後我地要求副店長解釋以及投訴！佢就話：「佢咩都做唔到！只有道歉！好對唔住 ！宜餐我比！唔洗你地埋單！」試問大家食野都係求開心姐！我唔係食唔起囉！係你地比唔到基本服務同食物我囉！一句就彈黎宜餐我比！唔洗你比！食物及飲品補充比較緩慢..自助區有温泉蛋提供.但蛋的外殼是比較不干淨,如需取用,必須要細心挑選才可以放心食用.食物質素一般,在這個價位可以接受,肉類質素是可以的,但是服務態度惡劣,職員也沒有留意自助區的食物及飲品住進行補充.

正呀太古又有間新嘅涮涮鍋店！揀左佢個未來牛涮涮鍋放題，有成11款精選肉品，價錢方面覺得都合理，7pm前係$379一位。9款嘅湯底之中我地選擇左日本搏多華味鳥雞白湯，呢個湯底認真冇得輸，幾濃郁架，淆湯嘅雞件都好嫩滑！呢度採用一人一鍋，夠晒方便～呢度啲牛勁出色，色澤好靚！主要係薄切而且脂肪唔會太多，覺得入口勁鮮嫩架！好岩我因為本身我都唔好啲太多油脂嘅牛架我地試左以下呢幾款，真心呢5款我都好推介：未來牛、美國SRF和牛、極品美國牛小排、牛坑爪、牛舌。出面嘅自助區都有各式丸類菜類麵類etc, 仲有甜品區！食完我自己幾鍾意嘅包括有鴨血、廣島蠔、北海道帆立貝肉、爆芝芝士丸。甜品嘅朱古力brownie、泡芙同鍊奶紅豆雪條都好值得試！下次黎應該會再upgrade食埋佢個鎮店嘅佐賀霜降黑毛和牛

我與家人一行4人，行到reception問4人而家walk in有無檯，店舖內其實有一張可以坐到4-6人既檯，只是中間有隔板，但店員拒絕分配，說只能夠給4-6人坐，而我們4人只可坐4人檯，我問那邊幾張4人檯為何只坐2人呢？他們就反鬧話其他人早入檯，所以2人可坐4人檯😅好奇怪嘅一個原則店員再話有檯可以坐3人，問我地4個人迫迫地坐唔坐，但帶我入舖睇，原來係所謂既6人檯中間間開兩邊，話係可以坐3人但事實其實只可以坐到兩人用餐😡 咁問其實同趕我走無分別🤷🏻‍♀️最有趣係…最後所謂嘅6人店最終安排咗兩組2人用餐，即係其實都係收4人用果張檯，咁之前嘅堅持喺邊？其實無檯要等，絕對理解，如果係公司政策要坐滿都可以理解，但係眼見唔係咁狀態，店員嘅態度又無禮貌，安排入座又可以咁隨意，真係有d離譜，唯有罷食啦！定係…其實留檯俾熟客？！anyway, 原本諗住新野試吓，不過咁既service我以後都唔會食！！！

前幾日經過康怡廣場北座3樓, 發現新開咗間新嘅火鍋放題「佐賀山田.涮涮鍋」, 其中有北海道未來牛涮涮鍋放題任飲任食。今日同家姐就嚟試吓未來牛先。餐廳乾淨企理, 座位舒服, 而且仲係一人一鍋相當衞生, 每人又可以揀自己中意嘅湯底。自助配料吧有多款選擇，如花枝丸，墨魚汁墨魚丸，貢丸、蜜糖腸仔、濃芝豆腐燒、白菜豬肉餃⋯⋯⋯⋯野飲同樣選擇多, 火鍋配菜區包括有唐生菜，油麥菜、娃娃菜、豆卜、西蘭花、涼瓜、蟲草花、韭菜、白蘿蔔⋯⋯⋯另有少量前菜冷盤小食、沙律:湯底方面, 我哋各自揀咗:日本博多華味鳥雞白湯～呢個湯底係其他餐廳比較少見, 味道清甜, 有好幾件雞肉, 避免滾過龍, 食到雞嘅鮮嫩。九州風味豬骨濃湯～極具豬骨濃香, 味道鹹鮮。期間侍應亦會對應湯底加湯, 唔擔心沖淡湯底味道。另外scan QR code落單, 除了肉類, 仲有海鮮類、蝦滑、鴨血、花膠仔⋯蝦滑偏林, 蝦爽口彈牙; 肉類方面, 真係超出放題質素, 每一款牛碟碟都份量十足又新鮮，性價比極高。北海道未來牛原來就係十勝和牛～十勝和牛油脂均衡，含有大量肉汁，脂肪含量低，肉質細嫩，牛香四溢。牛小排～牛隻最精華嘅部位，肉質鮮美滑嫩、油花分布

本來約咗朋友喺康怡廣場試另一間中菜，由於訂唔到位，去到餐廳門口時，已經要等十幾廿張飛，所以臨陣轉隔離任食涮涮鍋。望入舖頭無乜人，即管一試心態入坐，限時個半鐘。門口店員要我地先决定食邊個餐，佢要入機再出qr code俾我地。同好多任食打邊爐一樣，一枱朋友一定要選相同餐，但就一人一鍋可以坐低慢慢揀自己想要既湯底。我揀咗壽喜燒，朋友要咗健康清湯。一坐底，個湯底就好快送上。湯底係大路選擇，正正常常。自助區近餐廳入口，主要係一大張三邊枱加側邊雪櫃。午市有好多種類既丸（十幾款，全部結晒冰😂）/不同菇類+蔬菜(十幾廿款）/醬汁，好多選擇👍。另外有汽水/茶凍櫃，甜品櫃（一般大路款式）/雪糕櫃（選擇唔算多，牛奶雪條一般般，另有cocoberry雪糕）。排列整齊乾淨（唔知係咪因為無乜客人攞嘢食關係😂）。今次揀咗嚴選牛肩肉放題，按人頭每位先上一碟，都幾好有肉味肥瘦適中。之後如果要追加牛/雞/豬肉或其他加錢食物，就要用qr code，唔算方便🫠。追加的牛肩肉就太肥了🙈。總括黎講，呢個火鍋比較大路，但放題價錢質素黎講，算幾好，無中伏。同場其他餐廳午市都坐滿之下，其實唔係好明點解只有呢間餐廳大約50%入坐率。

未來牛🐮是什麼 ？🤔試過你就知， 原來未來牛🐮是最美味的。😋😋 兩個小女子在商場尋找美食， 找不著方向 ，👀突然見到未來牛涮涮鍋 ，有十一種肉類選擇，最特別係有北海道未來牛，🐮 未試過🤤 ，試下先知未來是怎樣的。😇 三百幾蚊 一個北海道未來牛涮涮鍋放題 ，可以食個半鐘 ，一於開始放任。 兩個斯文又大食嘅女子，叫咗四種肉類， 四種海鮮 ，蔬菜 ，小食 ，醬汁自然不能少。 四種肉類當然包括北海道未來牛， 超正的牛肉，從來未試過咁鮮甜嘅牛肉， 嗰啲少少嘅肥膏非常香，牛肉食落口一啲都唔肥膩 ，只係食到甘甜嫩滑，而且每碟分量好多， 一捲捲紅白相間嘅未來牛 ，令人每食一啖都覺得未來是美好的， 食不停口。 每種牛都有自己嘅口感， 燕瘦環肥 ，各自爭鋒 。真係 食牛有牛味，豬有豬味 ，海鮮有海鮮味。 各種蔬菜都非常新鮮， 五顏六色， 營養均衡。 食火鍋當然少不了湯底， 特別推薦骨膠原美顏玫瑰花花膠雞白湯， 賣相是意想不到嘅靚🌺🌻🌼🌷，首先上枱嘅湯底係一朵晶瑩通透嘅玫瑰花🌹， 旁邊灑了一些紫色嘅玫瑰花冧 💐，真是湯底中的一絕， 淨係見到個湯底都值回票價， 令人嘆為觀止。 個半鐘頭好快到， 意猶未盡， 下

呢間餐廳，由門口 reception 已經開始有問題 ， 一行5人首先要我地企係門口講左要咩餐同咩湯底先可以入去，我以為自己去快餐店。又唔解釋每個餐有咩分別，只係不停問ABCED，要邊過，最後係門口决定要個中間價位，每位268，另外再收加一，同玫瑰花膠湯底要再加10蚊，仲有要限時90分鐘內食完。先黎湯底，個煲好大，我地叫左四個唔同嘅湯底，蕃茄底除左紅色水，一仲蕃茄都冇；鰹魚湯，又係冇野睇，連味都冇先離譜；最係花膠湯底，加左10蚊，原來係有舊冰整成玫瑰花。食物質素一個差字，所有肉都冇味，好恐怖，由鷄，牛，豬，所以有野冰哂上枱，末解凍。問佢俾多兩對筷子夾生野，waiter 話冇，叫我地自己分清楚喎。成張單一千五百幾蚊，只係食左幾碟凍肉，都唔知食左D乜，當所有食店要排隊而佢可以直入，就知有幾伏；伏左！

其實都無乜好講。今次食咗個價值$298嘅優質美國牛小排course。入面包咗美國牛小排同美國和牛。老實講如果係未過往後佢又唔票畀你聽喺M幾，都真係冇需要咁大期望，反正都係咁。所以如果論性價比可以食到和牛肚同牛小排，呢個價都已經叫抵，當然抵食唔代表好食。請唔好嘗試同某巨型過江龍連鎖店做比較，賣嘅嘢咁唔同級數咁唔同，做比較都冇意思。港式日邊黎講都算係食到啲嘢落肚。不過佢個就真係唔好係頂得佢順，我個壽喜燒鍋已經係叫佢加湯唔係加水都可以淡到無味，幾健康。服務員嘅服務態度好好但有一兩個男同事就有啲論盡。環境方面都唔好對佢有乜嘢要求啦普普通通乾乾淨淨燈火通明咁啦如果你但係要做比較嘅，可以考慮下同啲牛X, 牛X, 牛X, 牛X比。咁樣畀嘅話佢兩湯底就真係遜色好多，不過蘇花都冇乜聽到地方有雞白湯。遺憾今次係冇試到。可能佢嘅雞白湯好好食都唔定下次可以試下希望佢真係相對地濃啲其實佢對我嚟講真係ok以下只係覺得因為考慮到佢價錢嘅關係可以算佢係ok…