住家菜 (柯士甸道)

營業中

休息中

同屋企人出街食晚餐 好少會食中式可能因為平時係屋企都食開靚太住家菜今晚黎到佐敦的住家菜試下！一早打黎book左枱，八點黎到，都有五六個等緊枱，生意不錯！一坐低梗係即係叫菜叫左蜜燒卜卜蝦($95)，蜜味蒜子雞煲($68)，咸旦雞旦啄豬肉($72)，金沙蟹肉西蘭花($78)，鮑魚雞粒竹筒飯($78)，再加每人一碗例牌住家老火湯($20)呢度環境唔錯，好有中式的味道上菜速度好快，同埋服務態度都好好，真係有d家的感覺。但更有家的感覺係d野食，特別係個湯！係我啊媽平時好中意煲的粉葛豬腱紅蘿蔔湯例牌都好大碗，好足料。全晚最中意的係蜜味蒜子雞煲，蜜味食落唔會好甜好假，一件接一件咁食！蜜燒卜卜燒個蜜味一樣咁好味，但如果好似我啊媽咁meet埋殻會開心d (港孩mode)呢度有好多款蒸肉餅，老闆話係招牌菜試左款老闆推介話出面食唔到的咸旦雞旦啄豬肉，入面有勁多肉碎，咸蛋，雞蛋，仲好似食到有皮蛋？但如果就咁食有少少偏咸，所以連埋飯一齊食會好d！我啊媽就最中意金沙蟹肉西蘭花，咸蛋黃好香，大大舊的蛋白鋪返係西蘭花面，正！最後個竹筒飯都好足料，成餐飯好滿足，d餸真係好住家的感覺！最後送多個中式甜品 西洋菜蜜比我地😛

今晩又很想吃家庭小菜，飲吓老火湯，便想起柯士甸道有一間叫住家菜的餐廳。坐在餐廳的窗口卡座，便叫了三餸一湯，看見餐牌，價錢都很大眾化。住家老火湯($48)👍👍👍👍今天的老火湯是木瓜花生豬骨湯，價錢十分優惠，$48就有一煲湯，味道火喉也足夠，只是大部分木瓜溶在湯內，令到每口湯都有很多木瓜渣在湯內。中式牛柳（$72）👍👍👍牛柳肉質不太靭，中式牛柳醬汁的酸甜度也適中。三杯雞煲($68)👍👍只可用一般般來形容，但用這個價錢吃一個雞煲，就只是一般般啦！金沙蚧肉西蘭花($78)👍👍👍👍西蘭花是幼嫩的, 而且菜還保持爽脆，金沙獻汁也不錯，只是蚧肉就不是很多，只有很多蛋白。

今天與幾位好姊妹飯局，想揾間可以坐耐D嘅食店，之前多數會食日本菜或西餐，今次揀咗食中菜 。尖沙咀呢間住家菜唔算難揾，但個中文地址好搞鬼，原來「地下高座」即英文嘅UG，所以去到大廈都要問保安叔叔先知要搭上一層。今晚雖唔算好多客人，但都滿座，好在訂咗位，唔駛等就有得坐。三個人叫咗三個餸一個老火湯。先講個湯，雖然我唔好飲湯，但都飲咗兩碗，無味精，都幾好飲。別外嘅三個餸係黃金蝦、西蘭花炒螺片，仲有鐵板牛柳粒。先講黃金蝦，我同班姊妹都覺得好好味，一碟10集，外脆肉彈牙，而且咸蛋味好甘香，味道較得啱啱好，推介大家試試。至於鐵板牛柳粒都不過不失，味道OK，但有點過熟欠肉汁。有點失望的是西蘭花炒螺片，味太淡，如果有蝦醬或蠔油點下就好。整體感覺不錯，只係侍應好像趕下一輪咁，未食完就問咗我哋三次埋單未，之後仲夾硬執枱，不過都無黑面嘅。

偶尔经过，进来尝尝。又吃到最爱的咸蛋鱼饼，食材很新鲜，口味清淡健康。是日例汤冬瓜排骨汤。两个人三菜一汤吃的好饱，隔桌点了蒸鱼，看上去不错，下次点来一试。餐后还送了红豆汤做甜品。非常棒，还会再来！

最近放工後還是在佐敦里附近找小火龍,所以晚飯大多是在柯士甸道為主,上次就在附近的"意大利餐廳"食了一頓,感覺環境還不錯但收費太貴了,而且食物品質一般,所以這次就轉轉新口味,試了這間"住家菜"裡面的裝修很有中國風,跟"意大利餐廳"的西式風格恰好相反,而且這裡的燈光明亮,環境夠闊落,因此人聲噪音不會因為環境密集而顯得過於嘈吵,即使很多人一起說話依舊有一種寧靜的感覺這裡的老火湯每天都有不同的款式,我們這次的是猴頭菇煲豬骨湯,不是開玩笑的,這煲湯是我有生以來飲過的中湯之中覺得最好味的首先,它並沒有加上很多的味精來提高湯底的鮮味,而是用天然的材料像杞子,茅根這些配料來提高湯底的味道,這種天然的甘甜味比一般味精強加出來的"鮮味"還要好味得多了而且配料的份量跟豬骨的份量配合得相當好,配料的味道不會蓋過豬骨的味道,而且猴頭菇也很鮮而且容易咬,十分可口這個海鮮雜菜煲也很好味,主要是因為它的湯底並不是一般的上湯,而是特製的比目魚湯,我覺得湯底的鮮味跟雜菜煲的味道很搭,再加上煮得不太咸有蝦味的蝦乾,這種味道真的很讚至於菜類的款色也挺不錯,有菜心,白菜,西蘭花等等,煮得都不會太淋,所以食落很有口感,而且都很新

夜晚踢完波要搵地方開飯，跟左個朋友去佢飯堂食飯，話有住家菜的水準喎。上到去可能因為夜左少少(九點幾先上到去)，所以食的人唔多，唔駛等位就有得坐點的菜都交哂俾我個朋友發板，一湯兩餸湯係燉湯，原煲上，唔記得個湯名lu，只係記得有落鯊魚骨，個湯夠哂入味，落的料算足，不過兩個人飲真係多左少少，因為我同個朋友每人都飲左四碗到。48蚊一煲呢個價真係抵到爛。兩個主菜，第一個係鎮江骨，炒出黎個賣相唔錯，d肉汁仲係度，有唔少肉食，唔只係得骨，唔會太韌，不過可能自己已經送哂飯，後尾就咁食肉個味會偏咸第二個係柚子西檸雞，同普通西檸雞唔同的可能係個汁，多左柚子果隻甜味，唔覺酸，雞炸完望落去有d油，但係又幾好食最後送番個海帶綠豆沙作終結。前後唔駛200蚊就落到樓。

以為用咩住家菜風味，訂左位都要等半個鐘先入到去…之前同事食過話得，但今次大家異口同聲都話今次幾失望，最後要不停飲茶。整體偏咸價錢都抵食，今次6個人叫左9個餸加1個例湯每人$143，最好味可說這個鎮江小排骨，份量多味道剛好。排骨炸左飛一飛油，再用黑醋煮味道夠酸而吾會太乾身。其他偏咸，湯叫例湯份量多喎，有成11小碗，抵飲…飲第一碗覺得好味不錯以例湯來計，飲到2碗（最後幾碗）好咸，飲左2口放棄…咸的仲有係齋煲，咸到係冇人肯食，菜甫肉崧蛋餅冇味偏老身左，蝦醬炒飯吾知咩味，似豉油炒飯…當然最差是瑞士汁墨魚片係成餐飯最咸果個，汁杰身又咸，墨魚片完全吾知食咩，勁失望……當然都有不錯的餸…蚧子黃金蝦咸蛋味夠而香，金銀蛋時蔬都正常味道

平時返工每日都唔係屋企食, 難得放假出街食都想有住家感覺.於是選了住家菜, 好彩預先訂左位, 到達時經已很多人等待, 店員更預留角落的位置, 方便傾計.無味精的感覺跟阿媽煮的很接近!湯料很足而且入味肉餅亦沒有太多肥肉, 脂肪比例均衡上湯鮮甜且菜沒有渣仲有西米紅豆糖水送, 埋單每人都係一百蚊, 抵!

哈我又食住家菜! 呢到真係我飯堂，一個星期總會兩三次，今晚叫左西0雞+蒜蒸老虎蝦+蚧肉蛋白西蘭花西0雞d雞滑嫩，好有新鮮0檬味，正蒜蒸老虎蝦，都ok大份，好正係d粉絲索晒d蝦汁，連超細食嘅美女朋友都忍吾住食多左今晚係母親節前一日，超多人食飯，但水準都保持到，蚧肉蛋白西蘭花，真材實料好多蚧肉，太好味啦食住家菜當然要叫番煲湯，牛蒡扁豆煲豬骨三個餸加一煲湯加三碗白飯加三個靚人誠惠369個大洋，d野禁好食，禁好嘅相聚時間，都ok抵啦

作為一個無飯太太，住家菜係我同老公其中一個飯堂因為佢d餸無味精，仲有老火湯飲我同老公每次都叫一煲湯飲今晚老火湯係沙嵾玉竹豬展，入面有好多湯渣，d湯好夠火喉，入晒味全無味精，好好味蒜蓉蒸蝦個蝦肉好彈牙，蒜蓉好香，甜甜地，唔會有苦味最正係d粉絲，吸晒d蝦味蒜蓉味好正馬蹄香菇蒸肉餅肉餅蒸得好林，食落好有肉汁，唔會乾爭爭冬菇好香，馬蹄爽爽地，同肉餅一齊食，口感好豐富最後，餐廳每次都會有糖水送，今晚係雪梨水甜甜地，好潤肺為呢餐畫上完美句號

今晚又去住家菜食飯，叫左三個菜一煲湯，超滿足。侍應推介嘅金銀蒜粉絲篜老虎蝦果然好味老虎蝦似係街市買個d有鮮味。金銀蒜很香，加埋粉絲送飯一流。還有估吾到禁大碟，下次應該叫少個餸都得第二個餸係乜呢..............................哈哈就係最平常，在家中常吃的土尤馬蹄篜肉餅牙，上面重有冬菰牙，一個在外流浪嘅浪子常懷念嘅家的味道。好…第三個餸…有蝦又有肉，當然要叫個菜食下啦吾食菜好大鍋嫁菇菇加菜，冇禁單調牙馬還有，我嘅媽媽湯沙參玉竹煲猴頭菇，真係令我產生無限思念。最後，雪梨水結尾，真係有梨嫁，好潤。總結家的感覺誠惠328個大洋，家不可回，但也可日日回。

還記得以前住銅鑼灣，經常會到謝斐道的"住家菜"食飯，為的就是那碗無味精的老火靚湯。而家搬到佐敦，發現原來附近都有一間"住家菜"的分店，當然要再回味一下。今天是星期五晚上，抱著碰運氣的心態來到，幸好立即有位。二話不說先點一碗靚湯，是日例湯是西洋菜煲豬骨湯。簡單的湯但足料夠火喉...老公點了2個餸：1) 鮮果咕咾肉 － 以新鮮火龍果及提子配咕咾肉。視覺效果不錯，吃下去果肉酸酸甜甜，正有開胃之用。咕咾肉正常，沒有太大驚喜。2) 面豉豆腐斑腩 －斑腩都幾大塊同鮮嫩，豆腐都唔錯，軟硬適中，不會碎晒! 送飯一流！最後還送了中式糖水，每日不同。今天是腐竹薏米，不會太甜。其實我已經食到好飽諗住唔要糖水，點知個阿姐好搞笑咁講左幾次話好好食架個糖水，所以盛情難卻下就吃了一整碗。雖然兩個人要二百蚊埋單，不過間中食都接受到。

寶貝上完興趣課，吵著要吃午飯。然後，想到從未踏足的這裡。有關這裡的食評基本一面倒的說這裡的食物百分百家庭風味。咦，這裡沒有甚麼資深、殿堂出沒，也沒疑似試食文，可信性蠻高啊，就去試試看。位置不難找，在柯士甸路及覺士道交界附近。裝修算是雅緻，有靠窗的卡位，也有由二至四人的細檯至容納十二的大檯，安排並不擠迫。到達後，侍應主動帶領我們入座，並奉上熱茶。這裡的午市提供兩款午餐：$48的午餐有指定款式(可參考其網站餐牌)，另有一款$68的商務午餐，有多款菜式選擇，但同樣包括例湯、白飯 / 白粥任添及糖水。如需油菜及汽水，只需另加$12及$6。我們選了商務午餐的菜脯煎蛋角及蝦醬蒸肉片。$136，午市不設加一。侍應主動、有禮貌，且很快回應客人需求。其中一位侍應聽到我們討論菜脯肉鬆煎蛋角可否走肉，即時回應「可以」; 要求額外餐具及餐紙，也即時處理。及後有侍應見我們吃完白飯但仍有餸菜，主動詢問是否需要添飯，感覺很貼心。先上的是花生眉豆雞腳湯。看到湯有冒煙，熱度尚可不會燙口，但我個人會比較喜歡較熱的湯。湯料豐盈，沒有加味精。十五分鐘左右，食物上桌。菜脯煎蛋角：蛋角邊香脆，但沒有煎得過老，口感鬆軟好下飯。為了

又是一班同事吃午飯的時間，這次同事推薦的是這家。可以叫餸吃飯，很適合一班人一起吃  環保頗舒適、座位也算多，也有大枱~ 不過擔心沒位可以先book！大家點的也是午市的商務套餐 (每位$68)除了任選一款餸外，還配有白飯(可選粥)、湯、糖水。鯊魚骨嚮螺湯 - 湯的應該落足料~不過分配給湯的湯料就不是太平均了。咸蛋蒸肉餅- 加了蛋內蒸，所以不會乾。肉餅很嫩口~調味也剛剛好，不會過鹹  沙嗲肥牛粉絲煲 - 粉絲沾滿了沙嗲汁的味道，超惹味！肥牛應該是用上打邊爐的那種(?) 真的超肥美！鮮雜果咕嚕肉 - 平時吃的話多數是配菠蘿而已。這裡用上雜果，味道有趣~而且很清新咕嚕肉也沒有像外邊那樣會有骨，整舊都是肉實在太好^0^而且那個汁的酸甜度沒有特別偏向那方面  油泡花枝片- 花枝很鮮味！而且很容易就可以咬開！夠軟滑~最後的是日糖水是 - 紅豆沙。煮到起沙，也不會過甜 (不過我本身不喜歡吃，如果有別款糖水選擇就好了)

不夠一星期又來一餐farewell lunch，這天仍是一行7人，吃的是住家菜。走過樓梯來到店裡，裝潢走的是中國風，除了燈飾的古式圖案，就連牆上的菜式名都是仿古的吊牌。稱得上住家菜，想必吃的東西都很屋企feel，細看餐牌果然如是。不論是$45的是日午餐，還是$68的商務套餐，吃的大都是家常小菜，選時大可豐儉由人。每客午餐或套餐均奉送白飯、住家靚湯及是日糖水。這天供應的靚湯是鯊魚骨嚮螺湯。鯊魚骨嚮螺湯驟眼看湯面沒有多餘的油層，單是這點已夠住家。靚湯入口清徹而火喉十足，湯料也的確有鯊魚骨的出現。湯中還有嚮螺及排骨，只是出現在同事的湯而已。白飯可轉白粥，且可免費添吃。蒸魚(梅菜蒸烏頭)$45是日蒸魚是梅菜蒸烏頭。雖然梅菜份量很多，但烏頭並沒有應見的黃油，失色了點。咸蛋雞蛋啄豬肉$45咸蛋啄豬肉是兒時最喜愛的菜式，即使人大了，母親耐不耐也會煮這道給我吃的。咸蛋啄豬肉的精髓在於咸蛋要夠油，肉餅不能死實，而這客啄豬肉雖然做到肉餅夠腍，可惜咸蛋不夠油香。(看來靚的咸蛋都拿了去做月餅)涼瓜炆排骨$45不吃涼瓜的在下只吃了排骨，雖有帶有少少涼瓜的苦味，但肉質炆得夠腍，不錯。麵醬雞柳白菜仔$45份量挺多的