住家菜 (柯士甸道)

回頭客🙋🏻‍♀️ encore咗好幾次啲小菜館😍已經同朋友嚟過幾次！超推介😍蒜香骨、瑤柱蒸水蛋、粟米斑塊、例湯👍🏻佢啲小菜，完全冇添加味精，味道仲好正，性價比超高，比起出去打冷，呢度環境又舒服，仲好多菜式選擇😍樣樣都好食🤤試咗個例湯 - 西洋菜湯煲豬骨，好清甜👍🏻飲幾碗都唔會口乾😍一次過食咁多款餸，人均先$200 ，買餸返屋企自己煮都要哩個價 仲嘥時間又辛苦又要洗嘢啱晒一班朋友聚會食飯👍🏻👍🏻…查看更多

打電話 訂枱訂了星期日， 原來星期日係唔開嘅，做 reservation嗰個人竟然 照幫我訂， 之後亦都冇人打電話嚟跟進話畀我聽星期日唔開！ 係咪做生意㗎？！當我去到嗰陣時發現原來冇開， 再臨急臨忙搵另外一間餐廳😡🤬…查看更多

開瓶費：Free環境唔錯，唔似茶餐廳般地下濕滑，佢係又光猛又乾淨，地枝乾爽有冰桶可以提供清蒸馬友 $ 168非常滑，非常油潤，肉質嫩滑無比，豉油調較到唔太鹹嘅味道，冇搶走馬友嘅鮮甜！全枱人都讚不絕口蜆蚧鯪魚球 $ 98鯪魚球量多，肉粒質地偏軟身，略嫌唔夠爽口，但魚味十足蜆蚧醬都比足料頭椒鹽豆腐一般，豆腐調味淡，而且炸果刻冇去攪開佢地，令到某啲豆腐炸到痴埋一舊鹹魚蒸肉餅 $ 90鹹魚嘅鹹香剛剛好，肉餅打得軟滑，煎得少少香脆，非常啱配酒欖菜肉碎豆角 $ 90正常發揮！炒得夠鑊氣，肉碎同豆角量平衡太極駌鴦炒飯 $ 115多年冇食，呢次食返覺得惹味，蕃茄酸甜十足，白汁濃厚幼滑金菇肉碎燒伊麵 $ 100炒得夠鑊氣，夠乾身芝士牛油焗中蝦 $ 122芝士汁夠香，未夠濃，可能黃金蝦更好味！？蜜味蒜子雞煲 $ 90半鐵板上，熱力十足，味道調較剛好…查看更多

尋晚去左柯士甸道既住家菜食晚飯，佢叫住家菜，當然食平時屋企既味道，感覺無咁膩👍豉汁蒸黃立䱽 $138好耐無食魚，叫左碟豉汁蒸黃立䱽，條魚女大條，上面舖滿豆豉同蔥，賣相幾靚！啲魚肉好滑，又無腥味，處理得幾好，火候時間都控制得唔錯，令到條魚又滑又有鮮味👍荷蘭豆炒花枝 $90好正呀，上枱時已經聞到好香既味道，熱辣辣，新鮮炒完就上枱，香氣十足！荷蘭豆好爽脆，好青綠，唔會老，另外，魷魚都好新鮮，好彈牙，又有鮮味，超好食😋呢間既小菜真係好好味，大家可以試下👍…查看更多

之前經過佐敦，見到呢間餐廳午市套餐幾抵，有湯、小菜、白飯、糖水，都只係$58。今日難得出去佐敦做嘢，就去試吓佢嘅午餐先！.佢個午市餐牌日日會轉唔同款式小菜，湯同糖水都係會定時轉款，好多選擇唔怕悶👍🏻.今日揀咗食【冬菜蒸黃花魚】，估唔到都幾大條，蒸嘅時間控制得好，魚肉好滑。條魚又夠新鮮唔腥，魚汁用來送飯一流！😋.而今日湯水係【青紅蘿蔔豬骨湯】，飲得出係家庭嘅味道，無味精，好好飲。.糖水就有【紅豆沙】，侍應好細心，見我食完條魚同飯先拎糖水出嚟俾我，熱辣辣唔太甜，正呀。.$58 呢個價錢有咁豐富嘅午餐，加上味道唔錯，我覺得都幾抵食👍🏻…查看更多