伴糖水 (已結業)

慣咗食完晚飯都會買返碗糖水食~今晚係尖沙咀食完飯，行經柯士甸道見到新開咗間糖水店。小店地方唔大，主打外賣，每日人手新鮮製，一於買返屋企試下先！桑寄生蛋茶具調經、養血安神、強健筋骨等作用，養生又滋補既糖水，好岩女士們。桑寄生份量適中，無苦澀味，甜甜地好易入口！大量鬆化蓮子同有隻香綿又入味既蛋，補血氣之餘仲可以有助睡眠，食完一覺瞓天光，夠好訓啊！！紅棗桂圓桃膠糖水買咗呢碗比媽媽食，大大碗，好足料！滿滿桃膠好滑溜，仲有大量桂圓肉，滋補又滋潤，呢個秋冬天氣食就岩哂啦～

喺柯士甸食完晚飯，見到對面有間新開糖水舖，細細間小店，除咗糖水仲有多款小食，岩哂宵夜或者下午茶醫肚！用心小店每日人手製作糖水，今晚就揀咗兩款傳統糖水買返屋企試。綠豆爽清心丸包裝精美之餘仲好保溫添，搭成個鐘車返到屋企仲熱辣辣架！綠豆爽煙煙韌韌，好有口感；清心丸夠咬口，而且份量十足！腐竹白果蕙米秋冬天氣乾乾地，最岩食返個糖水滋潤吓～腐竹白果蕙米香滑又潤肺，薏米能去水腫，白果又能養顏抗衰老，甜度岩岩好，大人小朋友都岩食！

食完晚餐緊係想食返飯後甜品😛 個人就比較鍾意D傳統港式糖水❤️ 聽講呢間新開既糖水舖用料落足心思💕比起一般糖水舖更高質👍🏻 試完果然有驚喜無介紹錯 果然以實力取勝⭐️ 陳皮紅豆沙 🫘一飲落去既Texture就知道真功夫💪🏻 每一點綿密既口感都食到起曬沙既紅豆🤪 甜度天然而順喉 重點加了二十年陳皮超級足料🍊 陳皮既香好有層次 甘甜而不澀 🥹⭐️ 紅棗桂圓桃膠 🍑一打開就係滿滿既紅棗同桂圓 感覺好滋補💦帶自身清甜既甜味唔會太人工🌿桃膠既口感好有咬口 又有美顏嘅效果🥳 秋冬乾燥既時候食一流🍁

【尖沙咀•伴糖水】————————————————————————一間外賣中式糖水店，適合現在乾燥的天氣。係時候要滋潤一番🥰有熱有凍🍯｜紅棗桂圓桃膠｜HKD58養顏首選🥰最適合一眾女士，甜度剛剛好❤️足料，桃膠大大粒，最喜歡食桃膠養身🥰。🍯｜桑寄生蛋茶｜HKD38桑寄生蛋茶具有滋潤安神作用，可以養血。店舖採用日本雞蛋，喜歡整碎雞蛋邊食邊飲，又有飽肚感。‼️店舖主打中式糖水之餘，亦都有小食，例如咖喱三寶、咖央多士、燒賣、撈麵等等。。餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰消費 HKD96

係附近食完晚餐經過呢間糖水店，俾佢溫暖嘅燈光吸引左☺小店主打傳統港式甜品，食得多台式甜品都係時候轉下口味。 🍴自家生磨合桃糊$48一定係揀熱食!!口感順滑到不得了😍而且合桃味好香好濃 唔會有苦味暖笠笠嘅甜品啱晒而家微涼乾燥嘅天氣🥰🍴陳皮紅豆沙$48用上廿年以上陳皮 果然陳皮味好香紅豆煲到起晒沙 口感好綿密調味唔會太甜啱啱好🤗 同店員傾計先知原來佢地嘅糖水係每日人手新鮮整嘅👍，咁有心機嘅小店真係好值得支持下。

朋友經過見到呢間糖水問我食唔食買過嚟探我😂咁岩上星期先食過 覺得足料紅棗桂圓桃膠糖水可以再叫👀.紅棗桂圓桃膠$58因為特別喜歡佢個紅糖水既湯底😀甜甜的帶有微微薑味最近成日見頭暈 要補一補啦紅棗桂圓都大粒入哂味桃膠既骨膠原都樂彈牙.朋友叫左自家製生磨芝麻糊$38佢話店主推介 因為係自家製 人手磨手工野就最岩架啦而且芝麻糊可以補充頭髮既流失成日脫髮既我希望食完頭髮會更加濃密啦😂.📍伴糖水📌尖沙咀柯士甸道144號祥景樓地下D號舖

尖沙咀至佐敦附近有間專賣港式糖水同小食嘅小店，突然糖水癮起就外賣返屋企試吓😆😆佢嘅外賣袋值得一讚👍🏻隔層設計可以穩妥地hold住碗糖水唔會移位或者瀉👏🏻椰汁喳咋超級足料，有原粒有咬口嘅紅豆，又有滿滿煲至綿密嘅紅豆蓉，仲有芋頭粒、紫米、綠豆等，每一啖都食到豐富口感。味道帶淡淡椰汁香同紅豆香甜，整體甜度唔高，容易接受。凍食都唔錯！綠豆爽清心丸蕃薑薯白果糖水老闆娘話熱食清心丸會煙韌啲，一於試下熱食👍🏻材料好豐富，有好多粒chewy唔黏牙嘅清心丸，仲有大大粒白果，糖水底清清地唔太甜，飯後食幾正😚😚人均消費：$40推介指數（10分為滿分）：7.5分

新開的糖水店 唔止有糖水食 仲有馬來西亞小食見佢咖央多士好似都幾吸引 而且係馬來西亞的配方下次要食埋佢d小食 今次食左糖水先啦~.🔸綠豆爽清心丸 $38第一次見清心丸 唔係周圍都見到原來清心丸係店主手工做 食落煙un有口感綠豆爽幼細夠起沙 食完感覺好清爽.🔸紅棗桂圓桃膠糖水 $58紅棗同桂圓夠哂甜 桃膠實身秋冬食就最岩~ 食完好滋潤呢.📍伴糖水📌尖沙咀柯士甸道144號祥景樓地下D號舖

去開尖沙咀食dinner, 回程戈時就想食下糖水，咁就搵到依間《伴糖水》，店鋪主打中式糖水，因為係小店，店舖淨係做外賣。紅棗桂圓桃膠 $58依一款係佢地嘅人氣之選，每一粒桃膠呈粉紅色，晶凝通透。仲有粒粒紅棗同埋桂圓，可以補補血氣，飲完成個身暖哂。綠豆爽清心丸薑薯白果糖水 $38天氣咁熱，咁啱哂要一碗清熱嘅綠豆爽，承諾煙煙韌韌。清心丸都比較少地方有，呈半透明狀，會令到個糖水加添口感。再加入白果，可以化痰止咳。如果唔想錯過其他好介紹，記得follow我呀😘多謝大家！！！

佐敦新開外賣糖水店～伴糖水。一間只做外賣嘅糖水店，店舖雖然細細間，但就有多款港式傳統糖水，而且每日新鮮製造，仲有多款滋味小食Tim🤤宜家賣傳統港式糖水嘅店好似愈黎愈少，但伴糖水就有好多經典港式糖水，陳皮紅豆沙、海帶臭草豆沙、自家製生磨芝麻糊、生磨合桃糊……我今次揀左養顏No.1嘅 紅棗桂圓桃膠 & 椰汁喳咋。紅棗桂圓桃膠($58)，入面好足料佢有好多粒紅棗、桂圓同桃膠，而且全部都好大粒，糖水甜而不膩，啱晒宜家呢啲天氣飲、飲完夠晒滋補👍🏽椰汁喳咋($38)，椰奶味好香甜，入面有多種豆類、仲有啲香芋粒，令糖水更加有口感😋仲有好多款好吸引嘅小食：咖央多士、咖喱3寶、香辣蜆肉撈麵等。有時想叫外賣糖水加小食，伴糖水係唔錯嘅選擇👍🏽

之前食過伴糖水覺得真係唔錯最鍾意佢係每日人手鮮製而且糖水又唔會得個死甜 又夠足料去完尖沙咀行街緊係要買返兩碗返屋企食🔹紅棗桂圓桃膠 $48呢排天氣開始乾燥 叫呢款甜品就啱哂桃膠滋陰潤燥 又可以養顏仲有紅棗同桂圓 真係好滋潤入面好足料 三款配料都好多 不過我最愛桃膠 口感爽滑 糖水甜度剛好 好快俾我清哂成碗🔹自家生磨芝麻糊 $38芝麻糊除左營養豐富 仲有抗衰老同養顏嘅功效食落口感香滑細膩 芝麻香味濃厚甜度適中 唔會太膩熱食芝麻香味會更突出如果加埋幾粒湯丸就更滿足喇

❣︎ 佐敦最近新開左間中式糖水店經過屋企人話想試下就停低買幾碗番屋企慢慢嘆啦呢間小店主要以外賣為主🥡店主人家都幾親切💕除左有糖水 仲有啲小食選擇全部都係每日鮮製☀️大部分糖水有凍有熱因為涼涼地呢我地郁揀左熱❤️‍🔥► 桑寄生蛋茶$38唔知飲咩好的時候店主就推薦左呢款糖水話好有營養 尤其係對女性身體健康特別好💕上網查過又真係好多功效雞蛋大大隻🥚有桑寄生香味湯水飲落清甜舒喉食完成個人都暖笠笠✨► 綠豆爽清心丸薑薯白果糖水$38老闆話薑薯係用潮州薑薯薑味適中 唔會太辣蕃薯夠哂清甜 幾鐘意清心丸 咬落好彈牙♡⋯⋯總結⋯⋯♡ ☻ 4.5/5 感受到呢間小店的選材非常有心思盡量揀啲最正的食材比客人天氣涼涼地食呢啲就最好✨.

番屋企途中，見到呢間店，門面好光猛，加上主打港式甜品，吸引左我去睇。店內企理，面積唔大，主打做外賣。一入去，老闆好有禮貌咁問需唔需要介紹糖水，糖水每日新鮮調製，一切都係小店擁有既人情味。除左糖水，佢仲有小食，望個樣都好吸引，尤其係咖央多士，但岩岩食飽飯，留番下次有機會再試。桑寄生蓮子蛋茶女人恩物😍，十分滋陰，甜度剛剛好，唔會太甜。好足料，有大大隻雞蛋🥚、紅棗、蓮子、桂圓，樣樣都大大粒，唔係間間糖水店都會有呢款糖水👍👍椰汁喳咋好多唔同種類既豆，每一啖都食到，再加埋椰汁令糖水更加香濃，味道更正😋等糖水途中，老闆娘不停同客人溝通，細心交代如果未食就要放雪櫃，之後最好用煲加熱，唔好叮熱。雖然糖水款式唔算太多，但我覺得真正好味既中式糖水係唔駛靠多款式黎吸引客人。

韓國街再行近柯士甸道少少，發現有間舖仔細細只做外賣嘅糖水舖，大概做居民同隨近酒店遊客嘅生意多。款式價錢都大眾化，比較特別有 #綠荳爽清心丸蕃薯白果 同 #海帶臭草綠豆沙，兩款都係偏涼降火嘅糖水，寒底就可以試試中氣啲嘅 #陳皮紅豆沙 或者 #紅棗桂圓桃膠💁🏻‍♀️。我自己就以上皆非😂，私心go for 合桃露同芝麻露。甜度大概5分，同樣口感幼滑，合桃香温婉。但出奇地芝麻露就清爽啲，但味道較普通，正常發揮，勝在飲得出係即日新鮮製作，唔會有凝結情況（試過某啲伏店糖水嘅糖水你就明我講乜）。

食完晚飯🍽️🍴好似吾夠喉， 好想食港式糖水。💗行過柯士甸道見到有間新糖水外賣店，舖面光猛，乾淨企理。買咗兩碗糖水👍，返去同屋企人一齊食😋糖水拎返屋企仲熱辣辣，舖頭包裝得好好，膠袋有兩個分格，好穩陣😍❤️紅棗桂圓桃膠$58 養顏number one選擇，非常足料， 桃膠大大粒，晶瑩剔透💯🤎自家生磨合桃糊$48口感香濃幼滑，甜度剛剛好，非常養生。除了糖水，仲有吾少小食提供，下次再試下其他款式。😍