又到一年一度同爐兄一家拜年的好日子，每年契仔都會先上PJ屋企打PS2，然後再吃大餐。話說我們家附近有一間吃傳统中菜的"Patrick Kitchen"，見個名咁親切，我們便勇闖"伯爵廚房"，同契仔吃個開年飯！契仔勁鍾意食叉燒，這裡的用鐵板上，啱哂喜歡香口的小朋友。Patrick Kitchen的燒味在區內都略有名氣，乳豬仔一隻賣緊$368元，以價錢抵取勝。我個人偏好腍身的叉燒，Patrick Kitchen 的有點乾和硬。龍蝦伊麵都算足料，和叉燒雙併只需$288。龍蝦雖然細細隻，但都算有肉食；伊麵反而更搶鏡，夠滑而且上湯汁亦不會過鹹。"冰鎮無骨唂嚕肉"是這裡的招牌菜，$78元大概有12件。唂嚕肉皮極脆，豬肉半肥瘦，肉質軟熟，是必食推介。蜜椒一口牛柳粒($108)，非常惹味的一道小菜，契仔又勁like。粟米石班塊($68)，那脆漿及粟米汁都處理得好，但魚肉卻帶腥味，可惜。花膠海味一品煲出奇地有水準，只收$108元，非常抵食。魚肚膠份量多，最正係啲冬菇，超厚肉，炆到入哂味。到爐兄大仔發板，他點了"魚香茄子煲"($58)，茄子夠粗壯，不會炆至過腍。"避風塘煎藕餅"大家都讚，藕餅香脆乾身，那些椒鹽用來送飯一流！Patrick Kitchen 亦主打雞煲及火鍋，所以整間餐廳都瀰漫着辣味，環境及衛生都有待改善。Service亦不好，無人收碟，漏單，self-service埋單，卻要收加一....吃完成身油煙味，有潔癖的阿P吃完說無下次。…查看更多
