伊甸園 (已結業)

17/5 9樓伊甸園婚宴今日係我表弟結婚既日子, 可能太急啦搵唔到其他酒樓就喺9樓伊甸園到註冊兼擺埋酒, 我見佢地啲廣告紙係有得擺酒既4188起, 不過得4個婚宴菜單, 其實大部份菜式都一樣, 只係條魚同某啲菜式唔同啫, 廣告仲話可以攞到30圍添! 不過我去到現場發覺並唔係囉, 9樓果個擺酒宴會廰係喺9樓, 左轉右轉先上到去, 又冇指示牌, 其實果到只係一個商場既大舖位用左黎擺酒, 門口左手邊係婚宴接待處, 右手邊係伊甸園既辦事處, 有3,4個counter, 雖然裝飾到同婚宴既裝飾一樣, 但其實仲會有其他街外人黎辦手續租場做婚姻見證, 入到裡面個個坐好晒, 見到每張枱都好迫, 自己張椅與後面果枱張椅之間只可以過到一個人, 我表弟擺左24圍, 都有咁既情況, 我都唔明點可以擺到30圍囉! 食物方面, 真係一般囉, 唔熱既, 碗翅呢唔係翅黎家, 係水狀好似飲湯咁, 仲有糖水係紅豆沙, 每碗只得4,5粒紅豆咋, 可能佢地買唔夠紅豆啦, 又係一樣飲紅豆水, 生果呢係橙到好似染色既橙咁大陸果啲假橙一樣, 冇人敢食! 最後講多幾句如果要擺酒去其他酒樓啦, 呢到真係唔掂!

已經是兩個星期前的事了，印象都好糢糊但記得食物唔差。是晚因為要去尖東睇燈飾所以呢度食晚餐。食三個晚餐，分別有牛、雞同豬。南瓜湯唔係咁濃但都OK，件蒜茸都幾好食。人少少所以服務都唔差，整體講算唔錯。如果紅館冇show開，成個商場好似鬼城，個客睇都難，都唔知D食肆點捱。

中秋節當晚, 大約8:15pm到, 真係一檯客都冇, 感覺似包場. Order兩個Set Dinner.- 龍利柳龍蝦汁天使麵- 焗椰絲豬柳意粉 先講南瓜湯: 比較甜左少少.1/4片蒜蓉方包: OK! 但1/4片太少呢! 龍利柳龍蝦汁天使麵: 賣相唔錯! 龍利柳龍煎得較乾身, 天使麵比較黏. 焗椰絲豬柳意粉: 個汁幾好, 豬柳好淋. 餐茶: 凍啡少甜- 都好甜吓! 環境真係較細, 服務一般.

嘆完一個舒服tea,肚仔未滿足,趁未太晏快d搵地方食晚餐先。七樓裡面除左日本菜之外,其他都好多人,行過呢度見到門口個餐牌有樣我好鐘意既食物,而且阿老闆又幾熱情,就呢度啦。餐廳面積好細,唔知係咪有concert關係,座位擺得相當迫,我張凳已經被waitress踢左唔知幾多次lu,不過相對黎講,我呢個位已經算闊落,無入面d咁迫狹。雜菜湯: 可能呢款湯比南瓜湯受歡迎,所以我同隔離位小姐碗湯都係菜多過湯;我碗多紅蘿蔔,佢個碗多西芹。味道偏酸,應該仲未溝水,但都唔算好濃,作為開胃湯勝任有餘。跟餐有1/4片蒜蓉方包,味道唔錯但得1/4片好似小家d喎,初頭以為係牛油包,食落至知係蒜蓉都算比到少少驚喜。辣肉腸蕃茄汁長通粉: 份量幾多,長通粉煮得唔錯,有口感,唔會太淋;蕃茄汁都好多鮮茄,酸酸甜甜好開胃;辣肉腸就有d取巧,食落只係普通雞肉腸,同辣肉腸係兩回事bor!凍奶茶: 水吧得一位小姐處理,要佢有時間至會沖飲品,所以都要客人催下至有野飲。凍奶茶好茶包味,完全係純茶包沖出黎既味道,唔似某d餐廳會溝下茶葉咁,又係唔好飲囉。唔知撞什麼鬼,連飲2杯唔好飲既咖啡、奶茶!!>_<服務方面普通啦,人

前晚同朋友E去左呢度食飯，好似包場一樣，正值食飯時間都係一檯客都冇。見老細誠意拳拳，我地就膽粗粗入去試下。叫左兩個set dinner一個係香橙龍利柳龍蝦汁天使麵，另一個係白菌蝦意粉（本來想轉寬條麵，但佢話要加$6，所以唔想轉）。南瓜湯：太甜蒜蓉包：不過不失白菌蝦意粉：d蝦細得可憐，個意粉整體黎講都算ok！香橙龍利柳龍蝦汁天使麵：個dish整體都幾好，龍利柳有橙味，可惜天使麵好"粉"好難食！！餐茶我飲熱檸水（好難會難飲），朋友E飲凍啡，佢話過份甜！因為食物一般，雖然服務都還可以，下次都未必會再黎。

簡單來說,所有項目我都會比佢劣評,首先要講講入來這餐廳的原因,就係見佢冇咩人,趕住看演唱會,就是這樣我地兩人點左鴨胸闊條面同埋龍利魚天使面,一雜菜湯一南瓜湯,首先上枱係湯同蒜容包,菜湯完全唔得,好難飲,好水,南瓜湯好小小,但都係難飲,蒜容包,兩塊上下擺放,下面果塊完全冇蒜容,個餐好快上到枱,鴨胸闊條面尚算放得落口,但天使面d汁好難食,一早寫定d餐飲,食完晒d野都仲未來,三摧四請之下終於在五分鐘後來,拿拿聲飲完就走,一蚊貼士都冇比。講下d服務,樓面總共三個人,個男人完全唔得,黑口黑面,追佢飲品時,佢話得得得得,跟住轉過頭又問上得飲品未,仲有明明自己比張椅仆到,仲要話我朋友,叫佢座入d,唔好阻住通道,但我朋友張椅仲座得入過其他人,個收銀,又係另一個黑面神,未食完已經叫人比錢,另外個女仔仲未找到佢既過失,裡面座位好窄,好迫。

改錯名既鋪頭，應該要out．侍應態度一般，問幾句，答一句．臉色不太好看，甚麼服務態度呢？我同朋友有ｄ飽飽地，所以只係叫左兩客豬柳鮮果沙律餐：南瓜湯－好淡，蒜蓉包－硬到好似石頭，好多蘋果既沙律－真係鮮果喇．．．憑當日演唱會票人士，可獲九折．我們的心態是最緊要快靚正，因時間無多，要趕入場，唔會有下次．

同四個朋友去都會食lunch,見餐牌的午餐也ok,個waiter 又好好招呼咁叫我地入去,見未食過呢間,就入去試試啦!入到去,原來個舖位好細,只見總共一個waiter加一個waitress。佢冇六人檯俾我地,得張四人檯,於是個waiter就叫隔離檯食緊野既一男一女人客搬去再隔離既一張檯,黎騰出張六人檯。要人食食o下野搬檯,我地不斷講唔好意思,相反個waiter講兩句就算...我地坐低左,係個近門口既位。仔細望個menu,原來食物款式普通,所以全部人都order了"是日推介"的V餐--主菜是雜果豬肉片天使麵(正確名稱很長,忘記了),有蒜蓉飽+南瓜忌廉湯或雜菜湯+餐飲。我地有三位飲雜菜湯,三位都話湯很淡,似溝水的。到主菜來了,賣相同味道都麻麻。大家都認為要blacklist 呢間舖。這時,另一邊隔離檯有兩位女士,又係食食o下俾個waiter叫搬去另一張檯,夾埋側邊張檯俾門口外面既七位新客...我地食緊既時候,個waiter不斷響門口拉客,明明冇位,又叫人入去坐住bar檯先,話有客就黎食完埋單...而我食食o下天使麵,發覺淨用叉唔方便,想用埋spoon,點知唔見左!朋友話收湯碗時d spoo

很久沒有跟你行紅磡火車站旁的新都會廣場,記得上次和你去那裡是著冬裝,很凍。等了大半日終於見到你,太開心了。你食個早餐及午餐好豐富仍好飽,但我就餓,只好難為你陪我食下午茶。入去一間未去過的吧!---伊甸園。叫了炸魚薯條及吞拿魚飛碟跟凍檸水及凍檸茶。全店只有我和豬兩個,但都等了差不多十分鐘才有得食。薯條不夠脆,有点硬心。炸魚勁腥,吞拿魚也頗腥(建議可先加入沙律醬及洋葱粒去腥)檸水及檸茶的檸檬得兩片,而且切得好薄好薄,可見水巴職員刀法有術。埋單連加一Service 四十幾,是普通茶餐價。

同太座行開新都會，下午茶時段，搵處地方坐低抖一抖。原本想飲鬼佬咖啡，但太座覺得呢度好似好坐一點，又好似多野食一點，就來了幫襯。呢度外表好似幾好，坐落才知一般，所以都係簡簡單單要了吞拿魚飛碟及芝士火腿多士就算。一檯客，兩樣食物，都整左一段時間。食物以兩個大圓碟奉客，中間一埋炸薯條，賣相又唔錯。先吃炸薯條，是奇怪的難吃。拿上手是熱的，十分油膩，完全不脆，咬落亦不透心，以業餘水準來說也不合格，莫說是餐廳水準；多士是預期中的味道，好在比薯條好；餐牌說明是包即磨咖啡，但來的只是即溶咖啡，完全唔掂。埋單40蚊，唔係貴，但食物水準就真的有改善空間。