仨

營業中

休息中

悠閒的週日難得搵到咪錶位就去搵下午茶食！今次路過車房林立嘅街道見到一間Cafe 二話不說入去坐低飲杯啡提神！揀好坐門口位的長型梳化 發現有隻超得意小貓自己喺窗簾後玩🐱之後小貓仲坐喺我地隔離八卦🤣🤣‼️注意: 不是貓Cafe ‼️點咗兩個$68甜點套餐 套餐有一件蛋糕及一杯咖啡☕️▪️柚子檸檬芝士蛋糕頂層是柚子醬 外面是口感幼滑的檸檬芝士味而裏面有檸檬醬夾心 濃稠度剛好 餅乾作為底層令甜點有多重口感 多層次的味道酸酸甜甜 酸甜度適中 感覺好開胃🤤▪️栗子塔🌰賣相吸引🤩頂層有粟子粒 粟子蓉軟滑味道香濃 唔會過甜 食完亦唔會有過分飽滯的感覺👍🏼▪️香橙Expresso(+$10)香橙的酸甜令咖啡感覺好清新 放上了香橙乾令賣相加分！▪️Matcha Latte with Strawberry (+$10)抹茶味濃 加入了微甜的士多啤梨果醬 攪拌過後亦不會遮蓋抹茶的香味 挺新鮮的配搭！環境舒適座位 十分闊落👍🏼👍🏼整體甜點的質素及賣相媲美酒店的甜品而且價錢親民！仲有可愛小貓 主子仲攬實我朋友隻手唔放😂真係可愛度爆登😍睇得出店主好錫隻貓貓 牆壁亦掛有貓的圖畫 都係愛貓之人❤️小店除了甜點及咖啡 亦有提供西餐 下次

呢間小店唔好睇佢得幾張枱，而且仲要在深水埗近長沙灣嗰邊，即係無咁旺嗰邊，但係佢嘅出品可能係附近一帶最好的Coffee Shop。咖啡癮起呢間Coffee Shop就出現喺眼前，於是就二話不說咁行咗入去，我地三個人一個叫Latte，一個叫Ice Latte，另一個就要咗杯Flat White，我地三人異口同聲都話佢嘅咖啡好飲，3杯都好真係難得架。Latte就係我叫嘅，咖啡我比較鍾意飲熱嘅，因為真係可以發揮到咖啡豆嘅香味，呢杯Latte無令我失望。我朋友杯Ice Latte咁樣樣，佢話雖然係凍啡，不過都聞到咖啡嘅香味(所以我鍾意熱多D)，佢仲話雖然加咗冰，不過又無搞到杯咖啡淡戊戊，估計咖啡師應該因應D冰而加強咗咖啡嘅濃度，先至唔會令D冰搞淡杯咖啡。我另一個Friend杯Flat White，佢話咖啡味比較重，飲得出佢D咖啡豆嘅味，佢話就係鍾意杯咖啡香濃D所以先叫Flat White。

今晚幫襯了一間小店，食西餐嘅，有驚喜，地方細細，目測只有三張大枱(4個人坐)，食物選擇同出品都幾好。我就揀咗紅菜頭汁燴牛臉頰Risotto，佢個牛臉頰煮得夠軟身，而且牛味都幾搶。我都幾鍾意佢個汁，做得幾清新，令到個Risotto食嘅時候唔會太過滯。我個Friend就叫咗巴馬火腿水牛芝士黃金茄扁意粉，水牛芝士配茄扁同火腿已經好match，佢個火腿唔會太鹹，味道都算幾香。我就飽晒，不過我個Friend話想食Cake，於是佢點了檸檬tart，佢有用埋檸檬皮，令到個檸檬tart更加香而且又唔會有苦味，個tart唔會好漏，真係一個好好嘅飯後甜品。

又打10號風球又黑雨極端情況之後終於可以抖一抖嘆下，nice cake+nice drink=nice sunday afternoon。第一款就係呢個fruit tart，好新鮮好fresh，啲生果粒好新鮮，唔會有嗰種雪咗好耐味道。呢一款cake有驚喜，開頭以為會有啲滯，食落又唔會，蛋糕偏鬆化，味道唔會太甜，啱香港人口味。我鍾意飲Americano因為咁樣飲會更加飲得出杯咖啡嘅原味，呢間coffee shop嘅咖啡都唔錯。另外呢支apple cider好清新好易人口好味道，值得試吓。

喺長沙灣一間好有heart 嘅小店cafe 就咁睇以為只係一間普通嘅Cafe 但係有幾個長沙灣街坊朋友介紹都話佢好好味無論咖啡甜品定係主食都好好食開頭我都不以為意點知一食過真係覺得非同凡響我哋叫咗兩款意粉同埋牛小排個牛扒真係好好食, very juicy ! 仲有啲配菜都唔係求其俾你係有心思我覺得個牛扒好食過我平時港島區某啲靚餐廳添叫咗一個青口意粉同埋蜆肉意粉兩個都好好食感覺到啲海鮮係好新鮮又唔會煮過龍啱啱好我自己特別鍾意個蜆肉意粉仲有啲甜品都係佢哋自家製幾款都好好食我自己特別鍾意檸檬撻同埋士多啤梨撻小食方面炸魷魚同埋雞皮餃子都好食尤其是雞皮餃子好Juicy咖啡都好飲喎😆唔怪得我啲friend成日去食真係有種上癮嘅嘅感覺好想快啲再去當然望落去啲菜式唔係話超級特別但係真係感受到佢哋好有心思唔係平時普通嗰啲cafe 係高質嘅咁當然如果你住喺好遠，咁我又覺得你唔使真係山長水遠過嚟不過如果你住附近或者咁啱嚟開我覺得真係不妨一試長沙灣真係地靈人傑成日都有啲臥虎藏龍嘅美食😆

下午茶時間想食D小食再飲杯凍野，於是問店長有乜野推介，佢叫我可以試吓佢地嘅魷魚圈同埋佢地各款凍咖啡，不過我見到佢有兩款Apple Cider，於是就決定唔飲咖啡，試吓D Cider，兩隻口味之中我就揀了接骨木花Elderflower，估唔到幾好飲，佢係酸酸地好清新嘅口味，真係啱晒呢D咁熱嘅天氣。至於佢個魷魚圈味道都唔錯，估唔到呢D咁嘅炸野都可以食得出佢嘅鮮味，而且又炸得唔係好油，點埋佢個他他醬就正晒，值得一試。

真心樣樣野都又靚又好食！前菜加左生蠔2隻（$90）同青口（$88）生蠔新鮮唔多講啦。青口個汁好好食，如果可以跟埋麵包就好啦。燒豬肋骨好味同夠冧，唔係一般BBQ汁，係清新番茄醬，無咁漏。配菜唔同顏色，好靚好新鮮，食得出食材唔係普通料！牛小排都好食，但未到驚喜。甜品跟餐加左$3x。好靚又超得！我係紫薯控，食得好開心！小店大廚同餅廚都係出名酒店出黎，真係酒店質素，小店價錢！環境舒服，深水埗好難搵到lee類小店，要好好支持

Hot Hot Summer的星期六下午真係要來個凍咖啡先頂得住，難得試到一間高CP值的Cafe梗係要同大家分享。一入門口已經落Order要杯Ice Black Coffee，放低野之後就去佢個蛋糕櫃揀返件Cake。老闆娘問我鍾意味道濃D定淡D嘅Cake，一睇就知我重口味啦，要濃味，於是佢建議我試呢件黑芝麻脆脆，我影晒前面同後面比大家睇，因為佢個樣都幾靚。件Cake味道都唔錯，芝麻味好香，而且最緊要係唔會好甜，咬落去都夠鬆化，配Black Coffee真係唔錯。

舊同事話呢間新開Cafe好食，於是幾個人一齊lunch。坐得好舒服，同埋好驚喜竟然有間Cafe無論咖啡﹑甜品同主菜都可以咁好味大推介慢煮牛小排（無影到相），好香牛味另外甜品一定要食檸檬塔，我一定會返去再食

第3次嚟呢間深水埗新開西餐小店，試過食lunch同dinner, lunch set 係抵食，$138加一。再次encore 藍青口扁意粉lunch set，鍾意食去Creamy嘅汁, 青口size 唔會好細隻，分量足夠, 意粉軟硬適中，跟餐有餐飲，另外加$28有甜品，但食完個意粉都好飽。下次再食甜品。朋友點咗櫻花蝦蟹肉扁意粉，意粉軟硬適中，蟹肉同櫻花蝦份量充足，蟹肉唔會太碎，加埋蟹子口感更加好。環境方面，店員唔會催客人走，可以慢慢食。

店長哥哥好窩心聽到我同朋友講‘生日快樂’，佢送兩件心心蝶蝴酥比我地，主動同我朋友講生日快樂tim😊香煎牛腰肉 $188Slow Cooked Flap Meat Served with Demi Glacé牛肉煎得表面香口而內裏粉嫩，配上Demi glacé多蜜醬 好多西餐廳都未必會做呢種醬汁 肉味濃郁 非常有誠意，配菜亦準備得有心思 有多種不同的烤蔬菜配合 炸薯餅烤薄薯片等等辣肉醬西班牙八爪魚鬚扁意粉 $168Spicy Salami Paste, Spanish Octopus Tentacles, Linguine Pasta八爪魚鬚切粒 爽口彈牙又唔會韌，微微辣味 唔會太過刺激又可以輕輕帶出海鮮鮮味，酸 甜 辣 海鮮 各種味道都配合得完美 近年食過有水準的意粉提拉米蘇配自家製雪糕 $88馬斯卡邦芝士部份打得香滑，最值得一讚是自家製雪糕部份 藏於提拉米蘇中，咖啡口味 微甜 濃濃的咖啡香味而不帶出苦澀味 Ginger Ale Lemon Soda $38入口清新，入口後會在舌頭上感到微㷫 但唔太飲到薑味店內仲放有自家製曲奇、朱古力等等嘅產品凍櫃有多款cake 造型精緻，下次有機會一

就係因為呢一個strawberry tart令我今日黎咗呢一間位於深水埗嘅coffee shop，但係又竟然無飲到咖啡反而飲咗啤酒，人生真係充滿驚喜。個strawberry tart無令我失望，d strawberry都揀得唔錯，夠晒熟而且都幾甜。個tart size比平時嘅fruit tart大，食嘅時候要花少少心機。就係呢支啤酒令我無飲到咖啡，呢支係西柚味啤酒，我比佢嘅橙色吸引咗，佢酒精度都算低，得2.5度，係正常啤酒嘅一半左右，好清爽，似飲果汁咁樣。

百利甜酒香濃朱古力Tart味道很rich，其實以百利甜酒作材料去做甜點或蛋糕是很常見的，而這個朱古力Tart的味道正正發揮出百利甜酒的威士忌香味，與蛋糕的甜膩口感作出了一道很好的平衡感，如果太重百利甜酒就會令整件蛋糕有著太濃的烈酒味，如果太少百利甜酒則令此蛋糕的朱古力味太突出而失去了其應有特色。抹茶班戟選用了略帶微酸的生果，令這個抹茶班戟變得不太滯，且帶點清新口感。另外值得一讃是加入了紅豆，始終紅豆的味道與抹茶的味道本身就是很匹配。除此之外其七彩斑斕的造型認令人有一種幸福的感覺。以上如此令人心動的甜點加上濃濃的咖啡真是一樂也，不過如果點Americano似乎效果更佳。

呢一間係一間新開的Coffee Shop，入面有咖啡有Cake之外仲有西餐食，今日幫襯咗。Lunch Time時段我叫咗伊比利亞豬肋骨，幾好食，難得Coffee Shop都有咁著重西餐，因為好多時D Coffee Shop嘅意粉牛扒西式煎魚都只係配角。呢間嘅Ribs肉質Juicy，佢個汁再加埋D香草令到個Ribs更加惹味。食完Ribs之後試埋佢嘅Cake，點了檸檬Tart，個賣相好靚，味道都唔錯，係新鮮檸檬味，感覺上應該加咗檸檬皮所以件Cake更加香。咖啡我就揀咗Caramel Latte，香濃度都幾Balance，好啱我口味。

早幾日經過發現呢一間新開的Coffee Shop今日終於試咗，佢D Cake好靚，打卡一流，仲要係味道唔錯，喺5、6款Cake之中我揀咗Mango Tart，主要係因為佢好Colourful所以比佢吸引咗，佢D芒果都揀得幾好，fresh得黎唔會太甜，芒果肉無渣，同店長傾開先知原來全部Cake都係佢地自家製而唔係出面攞貨，非常有誠意。今日無飲咖啡，因為比佢雪櫃D啤酒吸引咗，試咗呢支Apple Cider，威士忌酒桶Apple Cider好似幾過癮於是就揀咗呢支，幾好飲，入口又真係有威士忌味，店長話係釀酒時放於威士忌酒桶內讓D Cider吸收威士忌的味道，真係唔錯。