仙竹林台式茶座

營業中

休息中

叫外賣，送少左野，我打電話問職員點，個職員跟住問我點。我話：你送少左野，而家點呀？個職員答：我唔知wor我話：你送少左野比我，係咪送返過黎個職員話：我問下公司我話：咁你幾時答到個職員話：我唔知wor我話：我係客黎架wor，你答我問題，叫你經理過黎個職員：乜你咁既態度然後我聽到佢扮同我落單，跟住cut我線擺名自己執漏野，態度非常差，逃避責任基本上我係從未寫食評投訴，不過我今次真係忍唔到第一：做錯野唔忍錯第二：無心處理第三：逃避責任

其實我平時都唔係一個會寫食評嘅人但係呢個真系有啲離譜叫左個台式肉操飯配珍珠奶茶，外賣咁就$28但係聞落去同埋食落去呢都有浸抹布嘅味我唔知係啲用料或者係油嘅問題定係佢將抹布跌咗落個煲食落去好難受😣而且食落去啲飯好爛，一pat野咁成兜野最好食既就係半隻鹵水蛋啲白灼菜心唔知點解要切到好細舊🤔珍珠奶茶好普通，都係啲粉溝出黎既野btw，佢上菜速度好快，同埋個老闆態度非常好，咁又加翻啲分得閒再食過第二樣，睇下係咪得呢款肉燥飯有問題，

以前中學係呢度附近，學生時代成日走黎南山邨食lunch，呢度咁多間餐廳由我讀書到宜家做野都仲係度，咁多間都經得起時間既考驗。南山邨咁多間餐廳中呢間係最細既，店內只有兩人，單手數得哂既座位，真係估唔到今時今日仲有機會幫襯。門面十年如一日，好有回憶。D野食平到你唔信，宜家仲食到35蚊既飯，仲要包特飲。裝潢同中學時代無異。我揀左海南雞球飯。講真呢個價食到呢個味道真係算係咁，雞球係睇住店長新鮮炸出黎，咩都係假最緊要熱辣辣。珍珠奶茶係唔使加錢，你話邊度搵？吃的不是味道，是回憶和人情味。

住左喺石硤尾幾年，成日食黎食去都係果幾間。今日同朋友行過南山邨搵野食，平時好多人食果間又排長龍，記起附近有間仙竹林，自己本身鍾意食台灣野，見價錢又幾平，一於入去試下！—— —— —— —— —— —— —— ——今晚嗌左兩個飯同一個小食。☝一個係是日推介，唔記得叫咩名，係雞軟骨飯黎的。我本身都好鍾意食雞軟骨，依個飯雖然名同材料都好似簡簡單單，但係好好味，個汁加晒分！係我近期食過最好味既雞軟骨。😋✌另一個係田雞煲仔飯，雖然整唔到飯焦但好足料，仲要唔使$40就包埋野飲，邊度搵！👅小食就嗌左個金沙骨，我覺得個骨好有住家味道，本身以為係好乾身果隻金沙骨，但係有汁伴碟的，夠入味。—— —— —— —— —— —— —— ——🙌最重要係老闆同老闆娘都好好人！我地八點半入到去嗌左野食，食左一陣朋友好細心問左句：幾點閂門？老闆笑住話：九點，不過唔使急架。我執野都要時間，你地慢慢食。久違既小店人情味，我諗我之後會將依度變做我既食堂啦！😜

我番學放lunch...通常就會黎食啦我最鐘意食佢地既炸帶子拉麵D炸帶子勁好食啊!好脆真係好正再飲番杯珍珠奶茶已經夠皮了價錢唔算好貴,學生價$22,唔係學生就$26可以係我番學時間食到,對我黎講已經相當有水準

真係好嬲明明睇佢張相個日式炒飯係有鰻魚點知黎到係冇囉得蟹柳同獅子狗咁就叫日式炒飯??個飯仲要明顯係放入微波爐叮返熱就算勁乾囉又冇味飯唔得之餘杯珍珠奶茶都唔得勁甜唉好失望諗住開開心心食個lunch 點知搞成咁真係好灰...