仙味凡香 (已結業)

紅燒牛肉麵$75湯底濃郁惹味，細麵麵條彈牙掛湯，除左細麵之外仲有粿條可以揀(台灣河粉)，牛肉軟腍，牛筋香腍入味，必食之選!滷水雞翼+滷水蛋$45雞翼嫩滑入味～雞蛋蛋黃呈金黃色 煮熟時間剛剛好～琥珀珍珠奶茶茶奶比例適宜，珍珠幾有嚼勁，跟餐+$15，唔飲珍珠奶茶可以揀其他正價飲品例如豆乳系列韭菜豬肉水餃湯麵$55湯底可以揀牛肉湯、麻辣雞湯等，有5大顆水餃，cp值甚高餐廳是自助落單，選購餐點後用右邊的付款機比錢，叫外賣就去櫃台落單

呢間台灣野開第一個星期排到傻梗係唔排啦，今日再路過見到無咩人，又有位可以坐咪即管試下係金鐘呢個地方用全自助點餐系統都好少有，一個個卡位自己點完再送餐其實少少日本style😂叫左個花枝九牛肉湯粿條 $48加配埋杯黑米豆乳$15 承惠$63 金鐘價咁上下啦落完單勁快就有得食，可能點半已經無人，原來粿條即係河粉，個人都係鐘意食面多啲，下次叫番面先，花枝丸不過不失啦(其實想食鹽酥雞但賣晒)，不過個湯就幾有驚喜，濃得黎又唔係味精湯，好重牛味，粿條好索湯，食左半碗就已經無哂啲湯🤦🏻‍♀️黑米幾煙韌，我走左甜，飲落偏淡但都好飲，如果有糖應該會好似啲紫米糖水咁😋

早餐選擇通常都離不開麵包、三文治、通粉，食得多都有啲厭。今日返工經過見到新開台灣餐廳早餐有蛋餅供應，馬上就試下！叫左火腿芝士蛋餅($34)，大大份，餡料算多，男士食都一定夠飽。配埋熱豆漿(+$8)，超滿足！呢間主打係食牛肉麵，堂食每個位都有自助點餐，非常方便，即使係lunchtime繁忙時段都唔驚等好耐先有人黎落單，為金鐘嘅打工仔又帶嚟一個新嘅lunch用餐選擇。

金鐘又多左一個超值好食嘅午市選擇～行過見佢午市非常繁忙，但有餐廳採用自助點餐，唔洗等侍應落餐，非常方便快捷！啱哂打工仔快快食個滿足嘅lunch。今日試左個魯肉拌麵，$58包埋餐飲，仲要大大份喺金鐘地段非常抵食！雖然話自助形式，但因為我要用現金俾錢要侍應幫手，佢地服務都好好好有禮貌。見佢餐牌有唔少特飲，下次嚟試埋😋

I have just restarted my OpenRice account to start collecting points and just visited this quirky restaurant offering Taiwanese food. First time reviewing and I read with amusement the 2 negative reviews above and feel compelled to dispel their comments. Suspected fake account with their exaggerated dramatically negative reviews. The restaurant have a self ordered system much like those in Japan which I love cos it saved me from the hassle of ordering with the staff. And make my own payment auto

Was visiting the Korean consulate for passport renewal and was surprised to find a legit Taiwanese beef noodle spot downstairs. I particularly liked the setup arrangement perfect for single diners and social distancing. Soup was deep and ingredients were all fresh. Will be back for sure.  

即興約在金鐘工作的朋友食午餐, 無訂位, 見到這間新台灣牛肉麵,  雖然好多人買外賣, 但咁啱有位坐, 就坐低試吓.  餐廳採用自助點餐機, order 時直接用電子方式俾埋錢. 過程中本來有啲地方唔明, 不過撳下撳下又ok.朋友同我都叫咗牛肉麵, 我叫熱台灣奶茶, 朋友就叫咗杯凍台灣果茶. 牛肉麵有三丶四舊肉同配菜, 都幾足料. 牛肉都幾入味. 湯底也不錯, 蠻清甜, 我是食肉獸不常食麵, 所以對麵無咩comment. 不過朋友話幾爽身, 唔錯.  朋友最讃係杯飲品! 話個味調較得好清新. 我杯奶茶都幾香滑,有點像港式奶茶.店員同我哋講佢哋新開張,食物同運作一直在改進當中.  相信一路會再進步.    

忍唔住comment 一下...話說今朝趕時間，但早餐想食D熱嘢。見其他舖頭都好多人等緊外賣，係呢間無又有豆漿粢飯應該唔洗等，就叫咗。返到office 一打開個盒就覺得有D唔對路，點解個飯咁鬆仲鬆過手握壽司嘅？！輕輕想攞開個包裝就要散要散咁！一咬落去就心知不妙，大大啖都係飯，餡都未見到。第二啖，有餡啦。但濕淋淋，霉DD... 一pat pat 咁。最憎呢D texture，食到唔想吞。望下個應該係油條但睇落似腐皮嘅嘢... 我唔想食了。但覺得浪費食物始終唔好，我比多次機會佢，我咬多啖。我見到D應該係肉鬆嘅嘢，濕到好似鹹蛋黃咁...算啦，我放棄。人生匆匆幾十年，無必要難為自己。沖返杯濃普洱消消滯，比心機返工揾錢，今日早D收工食餐好嘅罷啦~

早餐宜蘭蔥餡餅，熱檸水 $290833落單0839攞得見到廚房煎到一半放入盒再攞盒野入微波爐叮都知伏伏地講真要叮都唔好比客見到呀結果一盒四件，細細件....兩件表皮熱，兩件直頭唔熱至於餡料唔洗講，四件都係剛解凍，無蔥味都算又唔熱響金鐘地區開檔咁嘅水準早餐，無下次