㗎仔飯 (太子)

最近朋友介紹太子有間新開的餐廳, 有得食野, 仲可以玩賽車Game 🏎！好似好正好得意咁, 所以特登叫佢地帶我過去玩! 好彩有朋友帶路, 否則真係搵唔到入餐廳的路, 因為捷利大廈門口有鐵閘, 要禁制/ 等其他人開門跟住入去, 行一層樓梯轉右就到達餐廳。入面的面積其實幾大, 不過店主將一半的位置間左出黎做遊戲房, 有6個賽車位置, 可以與朋友連線對戰。🎮🎮🎮我同朋友黎到的時候正值lunch hour, 未能即時安排位置俾我地, 所以店員就問我地打唔打機。有得玩, 我就梗係玩啦! 店員首先會幫你揀個trial模式, 係一個無其他人的賽道, 試下踩brake同扭軚盤個感覺。練習完之後就同我班朋友一齊比賽, 鬥快衝線! 其實可以係等位的中途 (或者食飯的中途)玩一陣, 都幾正! 加上係屋企無呢個空間放呢D裝置, 又唔想去機鋪玩, 去呢度過下手癮都幾好!講番食物, 主要有兩大種類, 其中一類「架仔拼」, 另一類就係「弁當」。「架仔拼」可以自由配搭, 先係自家生製咖哩飯/ 生製咖哩讚岐烏冬 / 麻醬冷拌讚岐烏冬之中揀一款, 再係漢堡扒/ 蝦/ 豬/ 可樂餅/ 雞/ 魚之中揀一款。而「弁當」則可揀飯

179 瀏覽

0 讚好

0 留言

我同朋友黎到的時候正值lunch hour, 未能即時安排位置俾我地, 所以店員就問我地打唔打機。有得玩, 我就梗係玩啦! 店員首先會幫你揀個trial模式, 係一個無其他人的賽道, 試下踩brake同扭軚盤個感覺。練習完之後就同我班朋友一齊比賽, 鬥快衝線! 其實可以係等位的中途 (或者食飯的中途)玩一陣, 都幾正! 加上係屋企無呢個空間放呢D裝置, 又唔想去機鋪玩, 去呢度過下手癮都幾好!

講番食物, 主要有兩大種類, 其中一類「架仔拼」, 另一類就係「弁當」。「架仔拼」可以自由配搭, 先係自家生製咖哩飯/ 生製咖哩讚岐烏冬 / 麻醬冷拌讚岐烏冬之中揀一款, 再係漢堡扒/ 蝦/ 豬/ 可樂餅/ 雞/ 魚之中揀一款。而「弁當」則可揀飯或者沙律, 不過當日去到既時候已經無左好多款式, 有少少可惜。另外, 跟餐可以揀紙包檸檬茶/ 菊花茶/ 維他奶, 不過如果想飲汽水就要加$6。