㗎仔飯 (已搬遷) 新店位置

唔知大家有冇睇過杜汶澤既YellopenRice呢？其中一集就係介紹呢間《㗎仔飯》其實係杜汶澤介紹之前我已經食過一次喇！當日係下午一兩點，好多打工仔去食，店內座位唔算好多，始終係小店；店內氣氛好好，有個projector係到播緊周星馳電影，成間店既人一齊睇一齊笑～講返呢個咖哩讚歧烏冬($65)，可以自由選配吉列豬扒/炸雞/炸蝦等等；以lunch嚟講呢個價錢都算唔平，份量就正正常常啦一整個烏冬，豬扒好食既，厚身，唔乾唔鞋，值得一讚！唯一可以改善既地方就係烏冬有點兒太硬，雖然讚歧烏冬本身質地係彈身啲，但都可以煮返耐少少～整體評分：8.5/10

正所謂，市道低迷，要搵餐平平地又好食都好難架親。今日我就向親戚嘅介紹下黎到E間㗎仔飯啦。一黎到，吓...無得堂食。我眼角都忍唔住泌左一滴眼淚出黎。心諗我山長水遠由大西北黎到...😭可能因為我太悲哀嘅關係，係俾我同朋友入左去食。🙂我就飲左杯matcha豆奶latte 嘅。杯野算係好飲，matcha 味都幾濃。我就食左個咖喱南蠻雞飯。個雞滑得離期，但外皮都幾鬆脆，火侯控制得宜。大好大好。朋友嘅豬扒偷食一舊後都覺得唔錯喎，肉汁都幾多。不過總的來說南蠻雞很驚艷。不過都係果句啦，佢normally 都係無堂食嘅。所以大家看著辦，或者都可以試下打下悲情牌...？

首先，我好怕外賣啲膠盒膠碗。呢間用紙杯紙盒，感覺好好多。叫咗兩個外賣都係自家製日式咖哩，一個吉列豬扒珍珠米飯，一個牛肉漢堡珍珠米飯。我唔係好鍾意食日式咖哩磚種咖哩，就算辛口都帶甜，甜味又怪怪咁。呢間係自家調製過，唔辣，帶少少辛香，唔會好甜。跟咖哩汁有一件紅蘿蔔，一件薯仔。個珍珠米煮得好好，粒粒分明，軟硬適中。吉列豬扒話係日本入口現貨，好味，唔太咸，味道剛剛好。真係似响日本食嘅吉列豬扒。佢哋應該係用好油，所以無怪味，佢哋都炸到啱啱好！推薦！牛肉漢堡就偏少少咸，入口都有少少乾，都合格，但個吉列豬扒就好食好多跟餐送杯抹茶好香濃！呢個價錢，絕對絕對有驚喜！

之前上yellopenrice 見到有介紹，就去買個飯盒返屋企試吓。原來佢都有好多唔同嘅選擇，今次就試咗咖喱漢堡扒飯，外賣自取仲平5蚊！見到有好多人叫ubereats 同網上外賣平台我覺得個咖喱汁幾好食有薯仔同紅蘿蔔，外賣用另外一隻杯裝住，漢堡扒好入味，加上沙律醬十分之夾，不過份量比較少，如果好肚餓就會唔夠食。值得一讚嘅係佢哋用嘅外賣包裝都係紙質，比較環保♻️不過可能因為太多人order，我等左差唔多半個鐘先至有得攞外賣，比較慢

一星期前book左今晚去試下， 場地普通，但職員用心解釋，食物好好味，全部都熱辣辣好新鮮，特別係和牛串燒，大蝦(多膏)，薄餅…………👍必食。同埋好抵食 2個人$6xx 隔離仲有賽車機可以玩。下次一定要試下佢個午餐，真係想試下個咖哩雞😆

食物當天係咖哩豬排飯同埋一個漢堡扒便丼 價錢係夠平 但係黎個麻麻地夠飽 間店設計比男人去 燈光太暗 暗到食物係點都睇唔清楚 咖喱豬扒冇咩特別 個便丼真係凍左d 味道都係一般 地方細 服務零 唔會再去

看店名可能以為只是做外賣？但其實還設有堂食的喔！外賣自取也可以，而且自取的話～所有主食減$5 那菜單是手繪風的～很可愛～特別是食材配圖！㗎仔C餐拼脆爆可樂餅 ($58) -C餐是麻醬冷拌讚岐烏冬，麻醬沒有預先拌好~是分開上的。可以按自己的口味來加醬，烏冬吃落十分彈牙！可樂餅有兩塊，新鮮炸起很酥脆～味道亦很香甜啲弁當D3 醬燒漢堡扒白玉澆飯 ($58)看起來很有日式家常風的味道鮮嫩多汁的漢堡再加上甜甜的日式醬燒汁，整個很惹味另外主食會奉送紙包飲品：有檸檬茶、菊花茶和維他奶可以選

C4 麻醬冷拌讚岐鳥冬 ♥♥♥♥ 烏冬軟硬適中很爽口，份量也感覺偏多，不過麻醬也不用太擔心不夠，我食完竟然還有剩。6款主食那麼多選擇起來有點難，又不想+$18來個雙拼，我最後只憑餐牌上面就有很形象化的南瓜卡通挑了:脆爆可樂餅端上來的時候好像隱約見到冒著熱氣，咬下去還能聽到"咔嚓咔嚓"的鬆脆聲響，然後就能嘗到內裡又甜又軟糯的南瓜蓉。比較可惜是其中5樣都是炸的，如果要不是炸的只有小牛仔漢堡扒，這樣看的話選擇就好像突然少了。維他奶也很久沒喝過，誰會想到食過"西式日本菜"會送。

呢間舖門面有少少難搵，要樓下對講機開閘先上倒去，不過以二樓嘅和你eat小店嚟講，都ok啦。今日叫咗漢堡扒白玉澆飯，跟埋紙包飲品盛惠$58，唔駛加一。個飯除咗正正常常嘅溫泉蛋同飯之外，澆飯啲菇好入味同有口感，唔錯。講番主角塊漢堡扒，有近成吋厚，肥瘦適中，唔會乾爭爭，再加上調味調得好好，非常有肉味。以前食啲$70-80嘅漢堡包，個包入面塊漢堡扒都未夠呢塊嚟。如果上菜可以快少少，同埋紙包飲品有啲唔甜嘅選擇，咁就perfect池喇。

今日星期二下就去左食，係位於大廈入單位，要上樓，有d驚伏😂 好彩上到去環境唔錯，店員都好nice，叫我地自己揀位。可能因為閒日，所以顧客不多，都算幾寧靜。野食方面選擇應該有十款主食左右，全部都包紙包飲品一包，而我地3點3之後先上到去，仲全部餐再減左hkd8，計埋兩個餐都係一百元正。野食方面都唔錯，可樂餅大大舊又好脆，烏冬又唔會煮得太爛。環境方面，最前方有個projector播戲，個feel非常之好，咁啱播緊King Kong，都睇左陣🤣最重要！ 呢間係黃店。！！推薦大家黎懲罰佢！！

專誠拜訪㗎仔飯，全因為睇完店主係JC.post既訪問。佢直指黑警無法無天：有日收工落街等巴士返屋企，見到防暴黎到亂趕人走好過分咁，火滾鬧走佢地，後來有記者專訪。我覺得店主好有勇氣。講返間店，專賣日式鐵路便當，我網上睇見佢淨係開午市，以為只係做外賣無得堂食。上到去打開門見舖面都有好幾張枱，一個大screen播緊《第一神拳》青蛙拳果集，隔住塊玻璃見到隔離房有幾部賽車遊戲機。原來隔離叫Regame Club，我估計呢度唔開飯時就係開打機Party既時候。$65一份生製咖哩讚歧烏冬配小牛仔漢堡扒等左一陣，睇黎廚房新鮮泡製。一個外賣紙盒上，好有便當既印象，份量唔算太大，烏冬咬落粗身彈牙，漢堡扒好好味，抵讚！會繼續支持小店，因為佢都繼續做好多好人好事：罷市、深宵食堂、飯票、口罩、請人⋯⋯最重要多謝良知小店勇敢發言！

係太子搵緊食咩好，睇到路口有人派傳單，就即管上去試下味道：幾好賣相：唔錯份量：女仔食岩岩好，男仔就唔多夠食環境：一流，勁大部電視係度播電影，仲要問埋你想睇咩戲總結：值得繼續幫襯

又係番工lunch 搵野食的時間，今次黎到位於捷利大廈一樓的㗎仔飯，呢個本身係個有得打機玩遊戲機的地方，但另一邊就係比人食野的地方佢有多種選擇比你配，今次我就簡左要南蠻炸雞配咖喱飯 $55等左一陣，便當終於完成喇❗️❗️個樣好精緻，但當然食物點都係味道最重要，但佢呢個飯絕對唔會令你失望先講咖喱，咖喱味濃郁，好有日本食到果隻味，唯一係如果量可以再多d就好😱😱炸雞唔會太厚粉，新鮮炸好，熱辣辣，加埋醬就一流💪🏻💪🏻 但可能太好食的關係，真係好想佢有多幾舊😢整體黎講幾有驚喜，有機會要黎試下

本身唔算中意食日式咖哩但哩間覺得還可以雖然質地水左啲但味道係ok嘅而且選用嘅薯仔好又煮得粉冧價錢以哩個份量嚟講可能貴左少少但質素係滿意嘅 又包飲品隔離枱兩位中年叔叔都幾欣賞旺角我唔覺有類似餐廳炸物好食我嘅炸蝦同朋友嘅可樂餅都好食不過如果隻蛋係溫泉蛋會開心啲另外我叫左個芝士雞翼好似用左blue cheese有少少果陣味好juicy仲有幾款會再去試要留意我見佢lunchtime做好多外賣堂食我好似等左成半個鐘先有得食仲要食飯食左一大半雞翼先上枱爭啲想叫佢cancel🙈要預鬆少少時間

#支持良心餐廳醬油烤雞白玉澆飯便當$58 （包紙包飲品）係一間樓上店 位置唔太起眼 但好彩lunch hour都差唔多滿座 佢好似係做埋外賣服務 大家要多多支持💪🏼個便當烤雞幾滑 配埋啲蘑菇幾惹味飯就煲得偏林左啲 雖然成個份量唔係好大 但係呢個價錢食到日式便當都幾抵🥰！