影片
9-5-2022(Mon)佛誕補假,同老公買餸,經過新開賣兩,三餸飯嘅呢間,買完餸返轉頭買,飯我哋就自己煲,只係買啲現成嘅餸,見到佢淨餸$45.00,就問佢係一個定兩個餸?佢哋答兩個,咁就要淨餸,老公揀咗鹹蛋肉餅同椒鹽蝦.我就揀生炒排骨同蒸豆腐,盛惠$90.00,老闆問我哋要唔要湯?送一碗粟米蘿蔔湯俾我哋,咁要啦,多謝.返到屋企,我哋先飲湯,夠甜嘅,蘿蔔味比較出啲.味道:3.5分然後打開睇啲餸,其實份量唔多,鹹蛋肉餅得一件;蒸豆腐有兩件,上面有件魚;椒鹽蝦有9隻.我偷食老公嘅椒鹽蝦先.味道唔錯,口感係腍咗嘅.味道:4分生炒排骨酸嘅味道多啲,不過唔係好酸,口感亦係腍晒.味道:2.5分蒸豆腐我哋就喺翌日帶飯食,味道就冇乜嘢,平平淡淡咁.但老公就話食到酸味.呢個唔評分.抵食係2.6分
繼續閱讀