仁芝初

營業中

休息中

通菜街發現呢間特色糖水店主要食中式糖水 款式都幾多 性價比高食飽飯同朋友過黎食番碗糖水就岩晒💜法式紫米露 $38賣相好精緻 分左三層底層燉蛋、中層紫米露、頂層啫喱配椰汁層次分明 紫米露料多 紫米咀嚼感豐富 底部燉蛋好軟滑 食到蛋香味唔會偏甜 口感豐富有層次 🖤芝麻糊拼合桃露 $29選擇困難底嘅我揀左雙拼糖水口感滑溜 質地順滑芝麻味道特別濃厚 合桃味道都好香加埋一齊唔會過甜 滋補又美味🤍薏米腐竹拼芋茸西米露 $27西米露煲得好好 口感軟綿綿入面有腐竹同白果 夾埋西米露食好夾🍴仁芝初📍旺角通菜街2Q-2Z號鴻輝大廈地下6號舖

前幾日同屋企人再去睇飯氣攻心，支持下本地電影🎬睇完戲，就想買碗糖水番屋企食做宵夜就發現左呢間由90後開嘅中式甜品店😎🌟紫薯芋茸蓮子西米露芋頭口感細軟，綿甜香糯紫薯煮得柔順滑溜，味道清甜怡人🍠西米晶瑩剔透，粒粒分明，夠曬咬口再加上椰奶香氣，非常滿足🥥🌟生磨香濃合桃露，加湯圓最近轉季又乾燥，最啱飲番碗暖笠笠嘅合桃露🤤合桃香氣濃厚，口感細膩芝麻湯圓香甜可口，皮薄餡料足🍡外皮煙韌又不黐牙，一咬開就呈流沙狀🌟生磨滋潤杏仁露完全食得出係生磨，非用粉開，絕對真材實料👍🏻杏仁氣味清香，唔會太甜，口感幼滑秋天飲夠曬滋潤養顏，暖胃又滿足🍂去中式甜品店有時好怕迫人又污糟🙈但呢一間樓面好乾淨企理，下次要試下堂食先～大家支持香港電影之餘，不妨支持埋本地小店💛

通菜街嘅餐廳真係非常多 食完飯之後不妨可以去呢間糖水舖😎 食番碗中式糖水 滋潤甜蜜sweet下🥰呢到有好多款中式糖水 燉品😍 而且價錢唔貴 仲有得揀2溝添😆 我哋今晚就試左百合香草綠豆沙 木瓜燉雪耳同芝麻糊😋 全部甜品都可以揀凍/熱綠豆沙熱辣辣 加左百合 香草等材料煮成😋 食落味道特別香 天氣涼涼地食岩哂👍🏻 木瓜燉雪耳好足料 唔會好甜 好滋潤😍 芝麻糊我哋仲加左湯圓😈 湯圓皮薄多餡 芝麻糊幼滑香濃 呢個價錢幾扺食🌟

平時喺旺角唔知食乜就會行入通菜街睇下有咩啱食🤣，今日就係食飽之後諗住走，行返出呢條街嗰陣就發現呢間糖水舖🍧，價錢比起其他喺旺角嘅糖水舖較為平🥰，就去買外賣返屋企食～餐廳甜品仲係每日鮮製，性價比高，仲有啲特別啲嘅款式，包括:紫薯芋茸蓮子西米露💜,桑寄生蓮子蛋茶,花生糯米麥米粥,古法養顏燉桃膠,法式紫米露等，下次再黎堂食試下先😚-🖤 生磨香滑芝麻糊(熱/凍)$27 加湯丸($9/3粒)👅好味指數：8/10生磨同即食芝麻糊真係有分別，望都望得岀芝麻糊質感香滑濃稠🥹🥰有成糊狀又有芝麻香👍🏻加埋芝麻湯圓冇得輸，細細粒皮煙韌，內芝麻味香濃得黎又唔會太甜😚。-💕 生磨香濃合桃露(熱/凍)$29👅好味指數：8/10連合桃露都係生磨，全部都係心機之作！雖然佢係合桃露並唔係合桃糊，但質感都唔會太稀！係稠同稀之間😍，味道同樣香甜香濃，口感細滑！-💕 冰糖燉木瓜(熱/凍)$29👅好味指數：7/10咁平都好足料！木瓜夠香甜，整體來講依個甜度會比較高，鍾意甜嘅又想養生就夠哂～-環境：7.5/10服務：8.5/10整體味道：7.5/10回頭率：7.5/10

尋日下午放假約左幾個好友行旺角食lunch ，食得唔係太夠飽，但又唔想再去食tea,所以搵左間糖水煲填填肚。餐牌有不同款式俾大家揀，主要以中式糖水，重有期間限定嘅menu 。桑寄生蓮子蛋茶食中式糖水要熱辣辣先好飲，桑寄生茶好飲又養生，入口帶微甜，重要雞蛋食，吸汁後更好食。芒果椰汁紫米露朋友點左個紫米露，加左椰汁真無絕配，芒果份量都幾多，果肉帶一點酸甜，鬧血又養生。合桃露拼芝麻糊依款糖水唔係度度都有得食，見到我一定會揀黎飲，兩者比例適中，無起粒，口感勁順滑。

開個 #daiwaisweetsoup 儲低所有食一點甜嘅甜水moment。第N次食仁芝初，雖然主打傳統中式糖水，不過各種兩溝mix & match menu 仍然會令人花多眼亂三心兩意。可能我太從一而終，食嚟食去仍係不變嘅芝麻糊同杏仁露（唔鍾意兩溝嘅我總係相當無恥地經常迫朋友叫我鍾意食嘅再share LOL）。每日新鮮食材鮮炒即磨芝麻與杏仁，兩款同樣係五分甜度。芝麻味風味未到濃厚但亦唔係偏清淡，介乎香與醇之間，半糊半流狀口感不算滯膩，追加了芝麻湯丸與芋丸增添口感。稀有地朋友點嘅花生糯米麥米粥開拓了我對糖水嘅眼界，甜糯好好咬，正正！‑ ‒ – ⋄ 生磨香滑芝麻糊² ⁷ 芝麻湯丸 ⁹⋄ 生磨滋潤杏仁露² ⁹芋圓 ⁹⋄ 花生糯米麥米粥² ⁷ ‑ ‒ –

最近晚市放寬咗所以同朋友食完晚飯之後，就決定去食糖水餐廳所有糖水都係用紙碗就算熱食都唔會太燙手又保到溫份量岩岩好做飯後甜品減肥嘅女士唔駛擔心食過量芋茸西米露拼紅豆沙 凍/熱 $27一開頭都擔心有芋頭會太甜意外地甜度適中紅豆沙同芋頭好match 再有少少西米露好有咬感飯後甜品一流古法養顏燉桃膠 凍/熱 $38入面有桂圓同杞子之外仲加左桃膠桃膠有好豐富嘅膠原可以美顏桂圓又大大粒 好抵食最近開始入秋天氣乾燥收工返屋企嘆抖直情可以當水飲生磨香濃合桃露 凍/熱 $29中式糖水市面真係唔多依款合桃露係鋪頭熱門三大之一合桃露濃稠度適中佢地仲加左米漿生磨方法令到味道更香口熱食更一打開蓋唔已經嗅到香味另外鋪頭有好多全民造星-阿蛋打卡位粉絲們可以去支持朝聖下

⚘ 原個雪梨燉川貝 $48⚘ 香濃合桃露$29⚘ 桑寄生蓮子蛋茶 $30最近常常都要出門時陰時晴的天氣讓人難以預測不知怎的卻覺得氣候非常乾燥～我們點的甜品都是傳統的中式糖水燉雪梨是my fav 最佳秋冬甜品之選.ᐟ‪‪.ᐟ朋友說合桃露十分足料 磨得非常香滑～桑寄生蓮子蛋茶也十分滋補女孩子特別要吃喔～✿
秋冬季節果然很需要糖水～吃完全身都覺得十分暖和 ( ´ ▽ ` )ﾉ𓆇喜歡這家餐廳記得bookmark喔～🔖≡※≡※≡※≡※≡※≡※≡※≡※≡※≡※≡※≡※≡※≡※≡※仁芝初旺角通菜街2Q-2Z號鴻輝大廈地下6號舖≡※≡※≡※≡※≡※≡※≡※≡※≡※≡※≡※≡※≡※≡※≡※

旺角特色中式糖水，每日新鮮製造，而且性價比高，抵吃又好味！雖然店舖小小，但糖水的種類也有很多款選擇，餐牌以可愛畫風呈現出來。特別推薦《法式紫米露》$38只限凍食，這甜品用了一個多邊形的杯子，食材以三層呈現出來，包括有：椰汁、紫米露和法式燉蛋。口感有趣，先吃到咀嚼感豐富的紫米露，再吃到底部的軟滑燉蛋，相當有趣！《合桃露拼芝麻糊》$29中式傳統的糖水，每款也可以選擇雙拼，口感滑溜，滋補又美味！芝麻糊香濃，合桃露香滑。總結：新鮮製造的特色中式糖水。

90後店主曾花三年在佐敦一家糖水老店學師，每日新鮮以傳統古法製作糖水。必試生磨芝麻糊、杏仁糊、合桃露。香氣、幼滑並非坊間冲粉嘅行貨可以比較。亦有西米露光、紫米露、楊枝甘露等新派甜品。首創法式紫米露，即係法式燉蛋 🥚+椰汁紫米露，再加上芒果石榴所有所有啫喱。層次分明，食到蛋香之餘又食到紫米露嘅棉密口感。呢期做緊蛋(黃詠霖 @011011_egg )祭，期間限定仲有椰汁朱古力燉蛋，fans 可以趁早去打卡喇。

太子有海記，嚟到旺角都有間仁芝初喺呢個地段嚟講算幾抵食，甜品每日鮮製，有唔少人放工都嚟食吓糖水補吓中氣平時桃膠糖水都會賣到幾貴，呢碗價錢都算好貼地，入秋食返碗暖暖地嘅桃膠進補吓都唔錯桃膠燉得好啫喱好綿滑，仲有桂圓紅棗等配料，又唔會太甜，性價比幾高當有兩款糖水好想食，但嗌兩碗又怕食唔晒，雙拼簡直係救星。合桃露同杏仁露都好健康，味道又令人舒服，夾埋一齊都唔會撞加埋湯丸都夾，雖然細細粒但幾綿吓，芝麻餡都幾濃冇晒燉蛋，唯有嗌碗燉木瓜，甜度都係拿捏得好好木瓜好足份量，唔會得個水字

仁芝初睇名就係賣中式糖水，但要知道中式糖水唔易做得好食，尤其係芝麻糊！我食過深水埗、九龍城嘅糖水舖嘅芝麻糊都覺得一般般，今次終於有好食嘅芝麻糊啦！*生磨香滑芝麻糊 $27 + 生磨香濃合桃糊 $29標榜「手工自家糖水，每日新鮮製造」，真係唔同啲架！雙拼$29熱芝麻糊、合桃糊，唔知係唔生磨嘅關係，質地特別順滑，味道特別濃厚，又冇燶味，唔會過甜。芝麻糊比合桃糊杰身，而且香味更足。我最開心係芝麻糊冇啲奇怪嘅水味！

《足料港式糖水🥰》———————————————-#仁芝初 🤍-呢間位於旺角通菜街嘅甜品鋪好正，款式多元，每日鮮製，而且性價比高，價錢親民，宵夜食就一流💰 除咗可以揀雙拼，仲可以加湯圓、芋圓、番薯、雞蛋🥚-💜 法式紫米露表面有椰汁，中間夾住紫米露，足料稠身，底層就係幼滑嘅法式燉蛋🥰甜度適中，椰汁味好香濃，配埋有嚼勁既紫米，口感層次好豐富～-🤍 合桃露拼杏仁露加湯丸呢款雙拼嘅中式糖水香濃細滑，磨得非常滑溜，杏仁露唔會太過強烈，兩者混合一齊嘅平衡做得幾好😋 -⭐️價錢參考：法式紫米露：$38合桃露拼杏仁露加湯丸：$38🍌抵deal 指數：7/10

食完晚餐點可能唔去食糖水，我同朋友一行三人因為住得好近旺角，所以經常都會去通菜街搵嘢食。今次食完晚餐去咗平時好多人排隊嘅仁芝初，因為太多人嘅關係，所以我哋食飯之前買定外賣返屋企。朋友叫咗碗最出名嘅熱香滑芝麻糊同杏仁露，果然招牌芝麻糊真係唔係浪得虛名，芝麻糊相當滑，但係唔會太甜。另外杏仁露好香杏仁味，兩樣一齊食個味道好夾。另外白果薏米腐竹我哋加咗隻蛋落去，白果同薏米都煲得好淋，朋友相當滿意。最後係芋茸蓮子西米露，我仲加多左$9要芋圓，佢哋嘅西米露煲得好好味，加埋芋圓就更加夾啦！提提大家，呢度淨係收現金，舖頭嘅店主都好好人，推介大家！

夜晚九點行過買咗三碗糖水外賣，成間舖頭冇乜人得三枱客，不過個阿姐超級差態度咁話夜晚外賣一定唔可以喺舖頭入邊坐低等，一定要企喺舖頭外邊條街度等，條街又熱又污糟，同埋因為出邊啲檔口好多執咗笠，有好多建築廢料同埋垃圾，實在唔明白舖頭入邊根本冇乜人都唔俾人坐喺度等，早知係咁寧願唔買，旺角大把糖水舖唔使搞到咁麻煩要喺條街企喺度呆等。其實講真如果佢一早講咗話買外賣要喺外邊等咁起碼會有心理準備知道再決定買唔買，而唔係買完之後先態度勁差咁逼你企喺條街等，講真一碗糖水外賣仲要加一蚊仲貴過你喺入邊食，感覺勁差一定唔會再幫襯。