仁芝初

營業中

休息中

#旺角 @art.of.dessert_有朋自遠方回來探親, 話要重溫一下行女人街的感覺! 🤷‍♀️有人未能夠入食肆就唯有買個外賣返酒店食, 街尾近旺角方向有間糖水店, 有人懷念中式糖水! 💁‍♀️店員表示90’s 的自家手工糖水, 堅持「每日新鮮食材」製造! 🍡薑汁芝麻湯丸 $28 ~ 薑味夠, 辛辣的感覺好刺激! 湯丸一匙一粒, 足有8粒! 湯丸外皮煙靭又軟糯, 芝麻爆漿, 唔太甜, 讚! 🥣古法養顏燉桃膠 $39/熱 ~ 桃膠好大粒, 分量頗多, 紅棗少見的大棗, 好甜! 配上我最愛的龍眼肉乾, 好煙靭又甜, 入口清爽, 重點是養顏! ❤️芋茸蓮子西米露拼紅豆沙 $28 ~ 滿滿的鬆化蓮子, 又綿又糯的芋茸, 西米軟滑, 紅豆好腍好滑妳粉, 甜甜的入口順喉, 個人比較喜歡熱食, 暖暖的好舒服! 🪑店面雖不大, 但眼見坐位尚算寬闊! Menu 細節用心, 值得一讚! 👍總括性價比高, 不錯! 

係旺角行緊街就收到母親大人柯打要食糖水，就近女人街就有間新開嘅糖水舖「仁芝初」，當然要試吓新野啦😍✨古法養顏燉桃膠 $39媽媽至愛養生美顏，有杞子、圓肉、紅棗夠足料，熱食最好味！✨桑寄生蓮子蛋茶 $31呢個用嚟孝敬爸爸可以降血壓，強健筋骨👍🏻仲有蓮子清心養神！✨芝麻糊拼杏仁露 $32完美雙拼嘅水墨畫，芝麻糊香濃細滑，杏仁露味道清甜，唔會有過於強烈嘅香氣，兩者混合一齊好夾🤩✨椰汁紫米露加芋圓 $48紫米露係我的最愛，最鍾意香甜軟糯嘅口感，另外再加上芋圓QQ的，太好味了😋✨薑汁燉蛋值得一試，燉蛋滑嘟嘟，薑汁唔止可以撇除雞蛋嘅腥味，仲帶出一點清香😍勁多唔同款式嘅傳統糖水，除咗可以選擇雙拼，一次過食兩款口味，仲可以加湯圓、芋圓、番薯、雞蛋！屋企人都讚用料十足，甜度適中，唔會死甜，已經落咗柯打下次再買🤣

今次黎到呢間主打中式糖水既糖水店 — 仁芝初😋😋佢地既糖水每日新鮮製造，選擇好多！價錢又唔貴～～一於買返幾碗返去同屋企人share❤️❤️🥣古法養顏燉桃膠 $38✨望落好足料，包括有桃膠、紅棗、龍眼同杞子等～～味道清甜，仲有美顏效果！食完好滋潤🥰🥰🥣紫薯芋茸蓮子西米露 $30✨估唔到紫薯同西米一齊食又幾夾！！食落芋頭味好濃郁🍠，裡面仲有芋頭粒同西米！口感好豐富👍🏻👍🏻🥣蓮子陳皮紅豆沙 $27✨紅豆煲到起沙，口感綿滑之餘有咬口🤤🤤啖啖都充滿陳皮香，推介！！🍹蝶色夢幻 $40✨呢款係佢地推出既秋季限定新品🍁🍁裡面有石榴果凍同蝶豆花糖水，味道幾特別～值得一試呢🙌🏻🙌🏻

放假同媽咪去旺角行街同Shopping，食飽飯想食個甜品，一到繁忙時段幾乎每間甜品店都要等位，見到呢間係女人街附近既中式糖水鋪好吸引，而且價錢親民，同店員傾開先知原來佢地既甜品都係每日鮮製，性價比咁高一於要支持下💯古法養顏燉桃膠 ($38)媽咪日夜打理家務當然要對佢好啲啦，買左碗滋陰養顏既燉桃膠比媽咪，入面有紅棗、杞子、桂圓等配料，膠原蛋白豐富，最啱女士飲用🥰🥥椰汁紫米露 ($29; 芋圓+$9)我呢個芋圓控見到有得加芋圓即刻雙眼發光啦，揀左款好耐無食既椰汁紫米露，甜度適中，椰汁味好香濃，配埋有嚼勁既紫米同煙韌既芋圓，口感層次好豐富🌟熱木瓜燉雪耳 ($29)買多碗木瓜燉雪耳孝敬爸爸，中式糖水就啱哂佢，糖水好足料有好多木瓜同雪耳，木瓜清甜雪耳煮到好腍，超正🥰🥰

嚟介紹特色糖水喇✨！唔知大家平時食嘢會唔會都鍾意反其道而行🤣，意思即係喺夏天打邊爐🥵又或者喺冬天食雪糕咁🥶。今次我就決定喺一間位於旺角嘅糖水舖試吓佢熱嘅糖水🤭，喺網上留意到原來呢間餐廳嘅糖水係每日新鮮製造㗎🤩，所以個性價比都算幾高！想知我嗰日食咗咩糖水嘅，就要繼續睇落去啦～食物方面☝🏻#紫薯芋茸西米露（$31）首先要介紹嘅第一款糖水就係紫薯芋茸西米露💜，我平時食西米露其實多數都會凍食。估唔到今次熱食個體驗都幾好😚，西米露嘅份量夠晒多，同埋入邊都有紫薯蓉提升個口感😍。我覺得熱食同洞悉最大分別就係呢碗西米露嘅濃稠度，如果熱食嘅話食起上嚟個口感冇咁似水狀😋。我自己個人就鍾意呢個口感多啲啦。#桑寄生蓮子蛋茶（$34）至於第二樣我要介紹嘅糖水就係桑寄生蓮子蛋茶☺️，我叫呢碗糖水嘅原因當然就係因為佢夠養生啦🤣。相信大家都知道其實桑寄生本身都有好多功效，例如可以補肝腎、強筋骨、治失眠等。就咁睇就應該得呢碗糖水好健康😌。為咗令佢更加健康，我額外再加多左隻蛋喺入邊㗎，補充蛋白質一流🥚。我覺得呢碗糖水其實都幾足料，入邊都見到有真材實料嘅桑寄生同埋蓮子👍。如果大家都想養生嘅話，真係可以考慮吓啦🫶🏻。#薑汁燉蛋

甜品時間🍧見到個名咁有個性就入左黎試下•百合香草綠豆沙加芋圓綠豆不太起沙 而且百合味唔太出比起想像中有落差 而且芋圓都係好一般總括嚟講有點失望😗———————————————

同朋友平日經過花園街，見到呢一間糖水舖幾平試吓芝麻糊麥米粥 $27 呢款係芝麻糊同埋麥米粥嘅雙拼，芝麻糊味道偏甜，有濃郁嘅芝麻香口感夠幼滑😍，而麥米粥嘅麥米口感彈牙煙韌，花生煮得夠淋🥜，mix 埋可以一次過食到兩款甜品👍🏻桑寄生蓮子蛋茶 ☕️ $30 經典養生嘅桑寄生蓮子蛋茶係傳統港式糖水之一，雖然有少少藥材嘅味道，但係甜甜地感覺上好滋潤、滋補，連埋雞蛋一齊食夠飽肚🥚法式紫米露 $38店員推介嘅法式紫米露有三層layers，最上面一層係芒果椰汁布甸🥭，中間係紫米露，而最底係法式燉蛋🍳，可以一次過滿足幾個願望！甜品都是每日鮮製，而且性價比高‼️

每次食完晚餐之後行一陣街，當然就會好想食埋甜品， 咁就真係有完結一日嘅美好甜甜嘅回憶， 😳作為美食核心嘅旺角當然亦都唔缺優秀嘅甜品舖，淨係一條通菜街裏面都已經充斥左唔少嘅隱世甜品舖，😆其中一間改名改得非常有創意嘅人之初正好吸引咗視線，而裏面食嘅都係中式糖水為主，但當然配搭上面仍然係可以單拼亦都可以雙拼，非常人性化。 😛另外值得推介嘅原因當然就係餐廳裏面嘅甜品都係每日新鮮即製，咁就唔需要擔心係經過雪藏或者唔新鮮，睇埋個價錢亦都係非常合理，但每一碗都落足心機同埋夠晒足料，性價比肯定毫無疑問嘅高😌薑汁燉蛋— 🥚凍冰冰嘅燉蛋，絕對係為呢一個夏天帶嚟更清新嘅感覺，而且凍食嘅燉蛋通常感覺上就會更加多蛋香同埋更加濃郁，當然加咗牛奶喺入面就令到蛋香之餘又帶點奶香，🥛細緻嘅味道亦都係一樣加分位，增添埋薑汁，就更加突出雞蛋嘅味道，🥚而且呢一個薑汁並冇想像中咁辣咁搶味道，完完全全係溫和嘅調味，整體係微甜🥚麥米粥拼紅豆沙— 🫘呢一碗傳統中式糖水材料豐富，而且夠晒飽肚，麥米粥裏面除咗有麥米之外，仲有花生， 🥜就咁睇嘅膳食纖維都已經非常豐富，整出嚟嘅麥米粥就非常杰身，但係非常足料，作為糖水，🥜定係日常膳食都非常適

放工心血來潮想食糖水，所以一於試吓附近果間糖水舖仁芝初🤭個名勁得意生鬼😂係度心大心細嘅時候，店員主動介紹糖水，講話甜品糖水係每日新鮮製造，而且好足料㗎，我忍唔住叫左三碗☺️芋茸蓮子西米露‼️成碗紫色好夢幻呀😊啲芋頭勁林勁香甜，西米粒粒又多👍🏻蓮子陳皮紅豆沙‼️一飲就知足料，果皮又係勁香，食得出用靚料，而且紅豆沙煲到起沙，好味😋古法養顏燉桃膠‼️呢個專登叫比媽咪個貪靚亿🙈拎左黎飲，淡淡嘅甜味再加足料嘅桃膠，配埋龍眼，正😄

喺旺角行街行到攰攰地，都想食啲糖水濕濕口。於是就入咗呢間仁芝初，睇一睇餐牌都有幾多選擇喎。❤️薑汁燉蛋$32（凍/熱）呢個好吸引我!!!我不嬲好鍾意食薑汁嘅嘢，因為感覺會好健康😋😍對女仔身體好薑汁當然要揀熱啦💕果然真係好好食😋冇失望好推薦大家食呢個🙌🏻🙌🏻🙌🏻❤️香濃合桃露$29濃稠度都調得幾好,唔會太稀聽講佢地甜品係每日新鮮製造性價比都幾高。❤️紫薯芋茸西米露 凍 $31 加湯丸+$9見咁好食打包一碗比屋企人食裝得好好，搭車一啲都冇瀉出嚟👍🏼

喺旺角食完晚飯搵咗間糖水舖外賣糖水返屋企食食到飽飽地唔想食啲咁濟嘅嘢，所以揀咗間中式甜品價錢大概$20至$30，夠晒經濟實惠，食完晚飯再食個甜品都唔會太肉赤芋茸蓮子西米露$30個糖水底好似芋泥咁濃郁，西米露細細粒，煲得都幾林合桃露$27合桃露質感濃郁, 甜度適中, 帶有淡淡嘅合桃香經典古早味道芒果椰汁紫米露$36夏天一定要食芒果夠晒甜，芒果粒都幾多紫米露煲得夠林，最驚食到啲好生嘅紫米露，淋埋椰汁上去夠晒香

夜晚食飽飯就嚟咗呢度外賣咗幾碗糖水返屋企做宵夜~呢間小店專賣中式傳統糖水, 店舖細細間, 環境乾淨企理~ 佢哋嘅糖水係每日新鮮製作, 餐牌用上手繪插畫✍️顯示出各款糖水, 選擇都幾多, 價錢又親民, 最平$27就有一碗, 性價比高!老闆好明顯係Marvel嘅粉絲🤣! 店內有各款 Marvel模型珍藏, 牆上亦掛滿Marvel漫畫海報ꕀ𓌈˒˒ 芒果椰汁紫米露芒果肉好鮮甜🥭, 紫米軟硬度適中, 煙煙韌韌有咬口, 好有口感~ 加上香甜嘅椰奶, 成個配搭有層次、又好味💜!𓌈˒˒ 合桃露拼杏仁露可以一次過試晒兩款糖水, 好滿足😋! 磨得非常香滑, 唔會有粉粒感, 入口好香杏仁味, 合桃露濃稠度剛好, 杏味相對較突出⸝⸝ 𓌈˒˒ 桑寄生蓮子蛋茶一碗能祛濕、降血壓、寧神安眠、補血養顏, 女士們飲用夠晒滋補! 唔會好甜, 蓮子質感夠粉, 雞蛋亦好入味🥚

仁芝初係一間主張 保留香港獨有糖水文化既中式糖水店 ～～而所有人工甜品都是每日新鮮製造👍🏻佢地主打多款傳統糖水例如合桃糊、黑芝麻糊、杏仁糊、芋茸蓮子西米露、白果薏米腐竹、楊枝甘露等香濃合桃露拼芝麻糊 $29傳統中式糖水，真的做得不錯 ，兩樣都是生磨，完全不滲生粉，口感很古樸，起沙的🤤質感綿滑細膩，濃而不膩，味道亦不會太甜 ，令我喜出望外😋法式紫米露 $38呢款比較特別，底層係燉蛋、中層係紫米露、而面層就係芒果石榴啫喱及椰汁cream，味道清新薑準燉蛋 $32薑味濃，燉蛋滑嘟嘟😋糖水豐富足料，味道高質可口，可嘗出其心機並誠意製作，價錢亦經濟合理，是與朋友們相聚食糖水既好地方

數數下唔知幾耐無食過中式甜品經過女人街見到呢間甜品店款式，買返去做宵夜Menu款式幾多選擇，有啲款式仲可以雙拼✨芒果椰汁紫米露芒果夠鮮甜，加入煙煙靭靭嘅紫米露，口感豐富✨木瓜燉雪耳燉過嘅木瓜特別甜，配雪耳嘅口感超夾滋潤之選✨紫薯芋茸蓮子西米露西米露唔一定要配椰汁嘅，加入粒粒芋茸，仲有蓮子，啖啖西米軟綿綿嘅口感，唔會太甜餐廳環境乾淨舒適試咗3款外賣都好味堂食質數應該會更高，下次要試下 <法式紫米露>😍

好耐都冇食過糖水喇，突然間好想食返碗，喺旺角女人街見到間糖水舖，買返幾碗返屋企做飯後甜品先😋✨薑汁燉蛋燉蛋入口香滑，帶微微薑汁味✨生磨香滑芝麻糊芝麻糊好香而且仲好滑，食落唔會有一嚿嚿嘅情況，另外仲可以自加配料，加咗$9有3粒煙靭嘅芝麻湯丸😋✨紫薯芋茸蓮子西米露紫薯同芋頭茸食落帶淡淡嘅甜味，又唔會太甜，而且口感軟滑，味道唔錯！雖然店舖細細，座位唔多，但係勝在環境夠乾淨企理，而且佢哋嘅糖水仲要係每日新鮮製造，性價比幾高