人和荳品廠 (已搬遷) 新店位置

不知從何時起，由澳門到香港覓食已成為每月假期必做之事。今日來到銅鑼灣閒逛，走入巷弄，發現了這問荳品老店。環境非常擠擁，搭抬當然是必然的。先叫一碗豆花，從小到大吃豆花必定配上花奶，但旁邊的香港朋友卻不這麼認為。豆花豆香濃郁但清潤滑溜，花奶的淡淡奶味配上更顯順滑。一啖接一啖滑入喉嚨。我們還點了一客招牌鹹食：魚豆腐魚豆腐煎得外脆內滑，但焦香味道並不突出。魚肉略嫌少了點。此時對面搭枱的已由年輕母女變成兩位光顧多年的大嬸。她們笑言：「而家，一舊豆腐三舊租。」

依間野細細個屋企人已經成日同我一齊黎食,所以今日都想黎懷舊下。首先就當然要食個魚肉煎豆腐,細細食覺得非常之正,到依家唔知有咩分別呢,今次食雖然佢係剪,但係絕對唔會太油,同細個食既時候都無咩分別,表皮脆口,魚肉都好新鮮,水準都好似無變。食完豆腐,當然都要飲豆漿,細細個個陣飲得幾啖就唔比飲,而家成杯飲就覺得佢甜左DD。不過都係好好味,可能大個左唔鍾意食太甜既野。就係食少少野就走人LU。依到既野食真係同細個個陣無咩分別,雖然簡單，但唔太油又健康。服務又唔錯,同其他快餐既服務去比，佢地真係好好多,唔會扮野,勝左夠真,可能依家既人都鍾意假情假意掛。係銅鑼灣依區，可以用咁既價錢，食番細個既口味,實在難得。

天時，地理：係銅鑼灣食完野行完街，想去咖啡弄食甜品食唔成 因為又有排等 離開之後，我吵住要食甜品 ，行過人和，男朋友就話去食豆腐花啦 我唔太情願都跟佢行返轉頭 人和：一入門口，伙計就好豪爽地叫我地：「隨便揾位坐呀！」 行到卡位坐低前，見到幾乎枱枱都有叫炒麵同煎豆腐 搞到我都好想食煎豆腐 雖然我地已經食飽左，但男朋友聽到我話想食就叫左 落完order 轉頭就有得食啦 好快手 仲煎到金黃色好靚tim 但唔見魚肉既 ? 魚肉原來係另一面 望落好似有d油，但食落又唔會wor 薄薄的一片魚肉+煎到金黃色的豆腐+豆瓣醬一齊食真係冇得彈 豆瓣醬：鹹辣度適中，唔食得辣的朋友都應該食到 另外，我地仲叫左熱薑汁豆漿同熱豆腐花 登登登登！男朋友最愛d個薑汁豆漿 薑汁同豆香都好出又夾 真係好飲到不得了 大家請細心留意！人和的黃糖比其他的幼細，跟豆腐花一齊食，入口沒有帶一點瑕疵, 整體口感都係滑溜溜的！超讚！ 下次晚餐都可以係度食 會再黎！

豆腐花Hmmm...唔係好夠滑唔夠以前好食同滑有豆味，可惜唔夠熱唔落黃糖都okService 麻麻地...因為叔叔整門搞到澎澎聲...嘈到傾唔到計...但係好多人排隊

行到攰攰地，入黎食個甜品休息下，原來豆腐花都有好多揀，要有原味同黑糯米。不用落單，店員直接叫入開放式嘅廚房，好快就拎出黎了。原味豆腐花 （$10）大大碗，好香豆味，好滑，可惜唔係太熱，黃糖唔滆。黑糯米豆腐花 （$18）豆花上加左黑糯米糖水，有咬口，加埋滑滑豆花好夾，但很甜，有左呢個唔使落黃糖啦。店員講野十分大聲，又不時要叫入廚房，好地道feel。雖然要撘枱，但卡坐唔算迫，ok啦。

Just to make things clear, this place has been one of my favorite places in Hong Kong since I was a kid. I’ve been coming to this tofu place before it moved across the street and yes, I can vouch for the fact that their price never increased by much throughout the years.Their cold tofu dessert (豆腐花) is a must, must, must must try! It is what draws me back to the place every time I come back to Hong Kong through all these years (I’m actually not that old but I did start coming since I was a few y

因朋友介紹，星期六晚上和三位朋 友一起到人和荳品廠吃晚餐。經 過Time Square, 穿過堅拿道西天 橋，離開繁盛的銅鑼灣購物鬧市， 我們來到富街坊鄰里感的街市這 邊。我們選了卡位坐，雖然不斷都 有客人進出，但勝在沒有一般鬧市 的餐廳那種擠逼及侷促。豆漿夏日炎炎，由地鐵站一路走來，已 經渾身出汗。我們立即各點一杯凍 豆漿，是消暑佳品。我本身不嗜 甜，故覺得普通的豆漿略甜。但點 了少甜的朋友則表示味道剛好。豆腐花我們又各點了一碗豆腐花。身體有 濕疹，要戒生冷食物，但夏天吃熱 食又覺得太熱。幸好這間店的熱豆 腐花很細心，不會太熱，反而暖暖 的。豆腐花本身已浸在糖水，已經 帶有甜味，而且的確很滑。如果還 想有黃糖的口感，每張枱都有黃糖 提供，可自己添加。魚肉煎豆腐我們再點了一碟魚肉煎豆腐。看到 之前的食評認為會太油，但就今次 所見又沒有此感。但正如之前食評 所講，表皮略脆，並不會已經又軟 又爛，亦不覺油膩。豆卜銀芽炒麵我們最後點了一碟豆卜銀芽炒麵， 這是本人最喜歡的。雖然炒麵一上 枱，已見到用料十足，驟眼仍覺很 普通。不過，當吃第一口發現竟是 暖暖的，已經令我覺得好難得。一 般店的炒麵都

食得太多肥膩野，都要食啲清淡野沖淡下! 見到人和,印象中都出名，就試下啦。門面就好似一般粥店咁。坐底見到牆上面餐牌，大約有30種豆類製品，其中有10樣係糖水，心講左一句'唔係掛'。食物種類好少呀。後來我地order左幾款食物已經已經差唔多等於佢間舖所有食物。1。老水豆腐。豆腐好滑，而且用筷子夾都唔散，不過豆腐本身冇味,所以用老水汁都冇味。2。老水豆卜。因為豆卜本身好索水，所以佢索滿老水汁，好咸，咸到食唔到。3。煎魚肉豆腐。好油，魚肉煎得唔香口。4。柴魚花生豬骨粥。粥好綿，好有豬骨味，料好多。5。 豆芽炒麵。麵已經凍到硬哂，冇味。整體都係一般水平，只係豆腐好滑。我諗食甜品會好啲。

十二月下旬‧晴還記得以前有不少的人和，但慢慢地又越來越少。不過這一間，似的不時都很多人。想吃點甜的，來一碗豆花如何？坐低又試試加埋芝麻糊。這裡的豆花真的滑，而豆味不濃的缺點就給芝麻糊香甜的味道掩蓋過，味道方面配合得不錯。只是芝麻糊熱而豆花不熱，結合起來就是暖暖的溫溫吞吞，感覺怪怪的。不過都算是值得一試的。

最近，清理電腦相片時，才發現遺漏了一篇未寫嘅宵夜食評！記得當日，我們好幾位去 "犧牲" 廣場某大雪糕品牌 7:00 ~ 9:00 出席試食活動！由於，店方比較寒酸！我們 8 人分食每款只得一份嘅雪糕甜品！大家都只係淺嚐好幾啖！因為最先食嘅食友唔敢食得多，恐怕輪到第七、第八位食友無得食！ 其實！到離開時，我仍是半飽狀態！驚行到半路暈低！ 唯有，叫女食友陪我食宵夜！恰巧！她亦想食啲嘢！ 我們好像兩隻餓鬼！我們經過 Time Square，突然醒起 <紅 Red More>，原來已轉返 <東方紅> ，無再兼賣小食！ 然後，走到鵝頸橋下嘅渣甸街，終於找到適合大家口味嘅 <人和荳品廠>！ 簡直雪中送炭！店子衛生方面都可以！男店員 ( 可能係老闆 ) 態度良好！由於店方10:00 收舖，我們大約 9:45 踏入去，即刻叫嘢食！ 小食種類不多，但勝在好平！豆卜銀芽炒麵 $12可能肚餓嘅關係！特別覺得好食！炒麵一大碟！ 份量十足！ 炒得幾乾身！唔算重口味！ 豆卜都幾有口感！食完成碟終於夠飽！ 其實！我們意猶未盡，仲想叫煎豆腐！可惜賣哂！ 咁算啦！埋單走人

話說早排聖誕約左朋友去SOGO買聖誕禮物,我就食左野先出而我朋友未食,咁求其同佢食D野跟住行街啦.我到FOREVER21前面果條街原本想食間好出名既車仔麵既,但係星期日就鬼死咁多人排隊咁就入左隔離既人和啦一入到去張枱應該岩岩走左客未清,咁舉手同個侍應講抹枱但就沒人理,個老闆娘見到咁就親自過黎幫我地落單兼清枱朋友叫左個豆卜銀芽炒麵($12)同埋魚肉煎豆腐($12),豆腐係即煎所以熱辣辣幾好食,個炒麵就有D凍,但就夠哂足料,如果可以熱返少少會好D.成餐都想平同埋又唔使等位(銅鑼灣黎講算係咁啦),下次有機會都再黎

銅鑼灣名店林立，這一間小店已經在我出世已經出現。當時沒有太多裝潢而且應該在對面的舖位。小時候最愛吃他們的煎豆腐，今天重回舊地，回憶童年往事。很奇怪銅鑼灣舖租極貴，但竟還能夠容納一間本地小店實在不易，實屬難得，而且價錢並沒有變得太貴。豆漿，真的很好喝，跟十多年前沒有改變太多，滑得多有點甜，喝了一杯實在很想來多一杯。煎豆腐，已經忘了以前的味道，但也十分好味道。而且只售十二塊，當是小吃都非常不錯。炒麵，味道不錯而且十分乾身，而且配菜多。 豆腐花我並沒有吃，只提供相片。結賬時只需40元，真的十分便宜由其在銅鑼灣這個地區還有這個充滿香港特式的餐廳。希望大家會珍惜這間地道小店。

去完時代廣場看Lego聖誕，想吃點東西。記得食評說這裡的豆腐花很滑，於是來這裡吃碗熱豆腐花。黑糯米豆付花 ($15)：很大碗，份量頗多。豆腐花很滑，黑糯米份量很多但略稀及太甜，幸好與淡味的豆腐花配合，吃起來不會甜到膩，味道還可以。見很多人飲豆漿，又見食評讚魚肉煎豆腐好吃，下次有機會要試試。

因塞車關係，來到銅鑼灣已經中午一點半，因有事辦，要半個鐘内食完午餐，唯有到快靚正嘅公和解決我嘅午餐。我點了柴魚花生粥及豆卜銀芽炒麵。柴魚花生粥嘅粥底好綿，雖然粥料並唔係好多，但粥内亦加入淡菜，所以很鮮甜美味。豆卜銀芽炒麵，麵身很乾爽，放落很多銀芽但仍保持爽脆，雖然顏色好深，但其實並不過鹹，非常好食，果然粥配炒麵永遠係其中一對絕配； 唯獨豆乾就俾得好小，成碟炒麵衹得兩條豆乾絲，比較孤寒。見鄰座客人點了魚肉釀豆腐，我亦唔客氣跟著叫一碟，豆腐非常嫩滑可口，但因豆腐淡口，加落辣椒醬後會更加提升味道。唯美中不足之處，魚肉釀落一面豆腐衹是一小丁點，煎後會食到感覺有啲乾。

After the HD tasting event, needed to eat something savoury so came here for a light dinner.We came here when they were just closing so only some of their tofus were available.I ordered the noodles.★☆★☆★☆★☆★☆★☆★☆★☆★☆★☆★☆★Stir fried noodles:When it came the noodles were piled high on the small plate and the strands were short so I made a right mess on the table.I liked the way the noodles were bland with beanshoots and pieces of tofu puffs.There was soy sauce and chili sauce to add accordingly.Af