人和荳品廠 (已搬遷) 新店位置

依間野細細個屋企人已經成日同我一齊黎食,所以今日都想黎懷舊下。首先就當然要食個魚肉煎豆腐,細細食覺得非常之正,到依家唔知有咩分別呢,今次食雖然佢係剪,但係絕對唔會太油,同細個食既時候都無咩分別,表皮脆口,魚肉都好新鮮,水準都好似無變。食完豆腐,當然都要飲豆漿,細細個個陣飲得幾啖就唔比飲,而家成杯飲就覺得佢甜左DD。不過都係好好味,可能大個左唔鍾意食太甜既野。就係食少少野就走人LU。依到既野食真係同細個個陣無咩分別,雖然簡單，但唔太油又健康。服務又唔錯,同其他快餐既服務去比，佢地真係好好多,唔會扮野,勝左夠真,可能依家既人都鍾意假情假意掛。係銅鑼灣依區，可以用咁既價錢，食番細個既口味,實在難得。