京都薈

營業中

休息中

係美孚個群組入面見到呢間酒樓新開張，個個都有彈無讚。偶爾見到１、２個讚既即刻就比人圍攻，今日放假就睇下係咪真係咁堅，要做勇士先可以去試～哈哈。訓醒點幾鐘行到落去，唔使排隊。心諗，唔係咁堅真係中伏呀......但係一場黎到,唔係唔食呀....入面環境都算幾光猛。原來已經係下午茶時間, 有優惠, 我地叫左既蝦餃，叉燒包，蒜蓉蝦春卷，炸雲吞，叉燒腸，再叫左個龍躉件荷葉飯（咁上下名）同一個菜。叉燒腸，叉燒好味，腸都算滑，但就係分件上，唔使自己分，方便。叉燒包，味道一般，但我覺得叉燒餡少左D。(一見到就忍唔住食左先記得影相)哈哈蝦餃唔錯，我個人鐘意食蝦餃皮，呢度個皮夠煙ＵＮ，入面舊肉有蝦味，足料，值得一讚。蒜蓉蝦春卷，有蝦，夠脆，但無乜蒜蓉味......炸雲吞, 夠脆, 有原隻蝦係入面龍躉片荷葉飯，龍躉件都幾大舊，有５，６舊。炒飯底，但係荷葉墊底就無乜荷葉味，同想像中既味道差Ｄ。如果叫另外果個蝦荷葉飯應該會好食Ｄ。菜就無乜油，幾好。整體黎講就ＯＫ啦，唔算難食，又唔算特別好食。

同屋企人做節當然要食中餐啦，這間位於美孚新開張的“京都薈”，地鐵站側，位置超方便，裝修又幾靚，還有中秋特價套餐很抵食👍，同屋企人訂左2圍試試。由於佢新開既關係，環境好新淨，又寬敞，坐得好舒服脆皮乳豬燒得外皮好香脆，肉質好鬆軟嫩滑，肥瘦均勻，無乜多餘嘅脂肪，完全唔會有好油膩嘅感覺！清蒸海星班，條魚都夠回本，條魚大大條，蒸得岩岩好。驚喜位，系Movenpick雪糕，大小朋友都開心，使這晚餐更加完滿。

環境：Okay，新裝修，桌子之間不太夠空位。兩個人去飲下午茶，一定要搭台，同另外兩個老人家同坐一張台，桌面比較細，做得好逼，不夠擺野。服務：態度吾錯，但上菜亂，流程不熟。我地叫左4碟點心同一碟炒野，樣樣野都很慢才來，其中一個咖哩土魷催了4-5次，到成餐茶個半鐘飲完先來，而且來的時候是室溫，吾明點解幹耐。我地對面其中一個老人家叫左個粥，廚房搞錯左粥的餡，又係問左4輪先上到對的粥。食物：泰式豬頸肉炒河冇色冇味，豬頸肉好多肥膏。蝦餃較乾。春捲多餡兒，okay。茶okay合格。價錢有點貴