87
11
9
付款方式
其他資料
酒精飲品
加一服務費
電視播放
以上資料只供參考, 請與餐廳確認詳情
食家推介
相關文章
最近多返同朋友出黎食飯, 今日約既D個朋友就特別鐘意食中菜,佢就想食美孚既京都薈, 佢話有個海鮮孖寶好抵食, 所以收工就跟住朋友去搵好野食了入到去係標準既酒樓格局, 但枱同枱之間唔會太逼, 都坐得幾舒服, 而且人都唔少, 睇黎D間酒樓都幾受歡迎海鮮孖寶-$198上湯焗美國龍蝦伊麵估唔到海鮮孖寶竟然有龍蝦伊麵揀, 好多酒樓出去食都唔只$198啦, 一上枱已經聞到好香, 龍蝦都幾新鮮, 輕輕一拉, 龍蝦肉就拉到出黎, 而且幾爽口彈牙, 伊麵又索晒D汁, 正豉汁蒸白鱔另一樣叫左豉汁蒸白鱔, 好多舊下, 幾抵食, 唔算多細骨, 而且鱔味都好濃, 外皮好彈牙, 口感好好京都小炒皇-$118D個絕對係驚喜之選, 勁好鑊氣, 而且好多料, 蝦, 韭菜, 炸准山等等, 口感同層次都去到一絕, 蝦又新鮮彈牙, 友人食過幾次京都薈都話佢睇漏左D味咁正既小菜總結京都會海鮮孖寶真係好抵食, 而且京都小炒皇真心驚喜, 我覺得係必點, 下次會再黎試下其他小菜!
繼續閱讀
剛在美孚見完客，正準備行去地鐵站回家，突然碰見好朋友，相請不如偶遇，一於食餐晚飯傾餐飽！酒樓距離地鐵站出口，只需幾分鐘路程，超方便，怪不得這時候已高朋滿座！精美嘅餐牌羅列著各式美食，呢樣又好食、嗰樣又好正，選擇困難症的我頓感困惑，都係要朋友出手先得，超級抵食嘅晚市孖寶，樣樣都咁正，任配任搭都咁抵！今次先試蒸嘅花尾斑同鮑魚，簡簡單單先試下大廚嘅蒸功先，及格先有下一次！條斑蒸得剛剛好，啱啱離骨、魚肉潔白鮮甜，一梳梳的好易夾起，嫩滑得嚟又有斑的口感，食得出蒸之前仍在遊水！鮑魚有半打，且size唔細，同樣蒸得很嫩，又保有鮑魚的質感，陣陣陳皮香味滲在鮑魚身上，配上大廚秘製豉油，更加吊起海鮮的鮮味！叫了一盅花旗參燉湯，非常足料，味道清鮮，絕對係材料同時間的精華我哋想食燒腩仔，但又怕肥肉，所以叫侍應請師傅儘量切瘦肉多些的，不過這塊燒腩的皮特別脆口，咬落嗦嗦聲，肉質不因特瘦而嚡口，兼且𡁻落有肉汁，的確水準之作！粉絲煲有鮮蝦、蝦乾及蝦米，鮮甜惹味，共冶一煲，粉絲又炒得夠乾身，火喉十足，大廚功力深厚！呢餐尚未食完，我哋已拿起菜牌，商量定下次叫咩食！
繼續閱讀
在美孚轉車，遇上交通出現阻塞，於是 索性在附近吃完晚飯才回家……選了在百老匯街的"京都薈"酒樓，之前曾光顧過印象很好，抵食，味道不錯。今次再來感到環境更光亮，舒服。 超大螢幕 循環 播着精美菜式，賀年團拜酒蓆和多款優恵套餐……等。海鮮匯優惠套餐 $ 198 任選兩款~椒塩鮮魷~薄薄 酥脆 金黃的炸漿非常香口！鮮魷爽口！蒜蓉粉絲蒸聖子 ( 4隻 )大大隻蟶子，啖啖肉又爽又清甜！有質素！$ 198兩味海鮮認真超值！燉湯也相當驚喜！原盅養生燉湯 / 位 $ 38足料鮮濃非常滋潤！蒜子火腩大鱔煲 ( 例 ) $ 198熱騰騰~香噴噴~惹味！厚切鱔件逾十件之多，鱔肉脆口味鮮。·火腩肥美甘香每樣配料都入味非常。很滿意這頓晚飯， 好味！性價比高！晚飯首選！
繼續閱讀
一朝早就同屋企人去咗飲茶，美孚飲茶就梗係揀京都薈啦，睇餐牌就知呢間性價比高，所以點解一定要嚟呢度飲茶，薑汁千層糕，一上枱已經飄來薑汁嘅香味，口感彈牙，可以食到千層，一片片帶有薑嘅香味，又不會過甜，蟹籽燒賣皇，好大粒好多蝦，啖啖肉，上面嘅蟹籽脆卜卜，口感豐富，而且無乜肥膏，但仍可保持滑溜的口感，水晶蝦餃皇，蝦餃都唔輸蝕，同樣好大粒，又夠飽滿，個蝦餃皮夠薄，晶瑩剔透，裏面嘅蝦都好彈牙，個人認為必食，百花釀魚肚，蝦膠好大塊，好足料，打到起哂膠，好彈牙，下面塊魚肚亦都吸收哂啲鮮味，勁入味，正，香滑芝麻卷，賣相好吸引，一上枱已經飄來芝麻香味，口感軟糯彈牙，飲茶甜點首選，總結：呢間酒樓嘅座位都寬敞舒適，餐枱和餐具都乾淨衛生，侍應招呼服務亦算勤快，下次美孚飲茶都一定揀番呢間啦。
繼續閱讀
今晚約咗屋企人食飯，長輩鍾意食中菜，咁就一於去酒樓啦。 京都薈晚飯有唔少特價菜式，都幾抵食。我哋揀咗特價嘅飛天雞、龍蝦同埋片皮鴨。$10飛天雞真係必食推介，新鮮熱辣炸好就原隻上枱，自己用鉸剪同埋手套處理。飛天雞都幾入味，而且炸得皮脆肉嫩，好好食。澳洲龍蝦都係抵食之選，$288 一隻，開邊上枱，我哋揀咗芝士伊麵底，大大碟👍🏻片皮鴨亦都好抵食，叫咗之後要等一陣，成隻烤鴨會拎埋你旁邊片，皮同肉嘅比例適中，唔會剩係得層皮。我哋叫咗片皮鴨兩食，第二隻係七彩炒鴨絲，有啲西芹紅蘿蔔同鴨肉炒埋一齊，都幾好味，送飯一流。最後食埋馬拉糕做甜品。
繼續閱讀