京都大酒樓

營業中

休息中

去完大埔探朋友， 已經差不多晚六點多鐘了，正在準備坐火車返沙田買餸預備晚餐的時候，路經大埔京都大酒樓，聽朋友講係非常好味，就同朋友入去食晚餐～～～叫咗三款餸菜足夠三人食，份量十足，對於我一向咁有要求既人我覺得係滿分之選！！！傳說中既豉油王炒麵油，有些，炒得太肥膩；有些，炒的麵條不夠乾身；有些，炒出的麵太鹹或用不夠豉味香甜的醬油。但這間京都大酒樓有鑊氣，精心推介，不油不膩，味道洽配，吃多多也不夠，好食。另外叫咗金花龍躉兩味， 有翡翠龍躉炒球同蒜蓉蒸頭腩........平常很少吃魚，因受不了腥味。但龍躉是深海魚，便不會有腥味了。龍躉不槐是海中之王者，肉質爽滑彈牙，就算怎樣炒也不會過老，依然保留魚的鮮味，還有翠玉瓜半碟。茶錢平還有寬敞既座位，真心推介！！

難得今天放假，同家人去了這裡飲茶，這裡都算方便就腳，在商場內唔難搵，而且地方闊落，企理乾淨，午市時間等位都十分多人，等了一陣就可入座，飲茶係一種比較休閒嘅感覺，平時會趕住可難慢慢嘆，假日就相對可以休閒一些！落單就係用劃點餐紙嘅方法，個人感覺實在，對於老友記可能方便，一眼就可以望晒😊今日就點了個脆皮咕嚕肉，份量都唔小，酒樓製作超有鑊氣，外脆內軟，加埋新鮮菠蘿，感覺真係唔同！熱辣辣生滾滑牛粥，質素亦唔錯，軟熟嫩滑嘅牛肉片，在軟綿綿嘅粥底加了少少胡椒粉，不用到粥店都有粥店嘅感覺！本身想食炒粉麵，但見到旁邊枱嘅燒味飯好大份，就係咁點了個金牌四寶飯，這個都算係師傅發板😜，配搭係由師傅配搭，但一定有嘅鹹蛋，再加紅腸，另外兩寶就係有我最愛嘅脆皮燒腩仔，同玫瑰豉油雞，兩款組合，脆皮燒腩仔皮脆肉香，豉油雞雞肉嫩滑入味，個半隻鹹蛋加埋個粥入口，又係一款兩味嘅組合了！加埋個懷舊甜品香滑芝麻卷，芝麻味道濃郁，入口軟滑味濃，假日嘆杯茶，真係十分治愈！

不講不知，京都集團在香港都有三間分店，之前跟家人在黃大仙分店飲茶，都覺得幾好，今次試試大埔分店的晚市。晚飯有抗疫優惠，可三選一: 脆皮飛天雞$10、蒜蓉蒸加拿大龍蝦半隻$28、沙巴老虎斑$38，其它優惠如孖寶價錢也算平民，感覺抵食。⭐️脆皮燒鵝皇燒鵝皮色澤夠光澤，可能剛剛出爐，熱呼呼的，第一口吃下去是意想不到的皮脆肉嫩，完全不覺得乾和硬，火候做得剛剛好，還有少少焦香感覺。是我近年吃過最好吃的燒鵝，對比西環波記、深井裕記燒鵝，它都有過之而無不及。⭐️沙巴老虎斑這是抗疫優惠，沙巴老虎班非常新鮮，細細條，兩個人吃份量剛剛好，啖啖肉，肉質腍滑，尤其喜愛魚腩部份。⭐️大澳香蝦骨這是用大澳蝦醬醃後再炸的，淡淡鹹香，皮炸得鬆脆，肉質都鬆化。總括而言，今晚吃的三道餸都各有千秋，水準很高，對得起價錢，大勝其他同類型酒樓，性價比很高！⚠️個人口味覺得這是近來吃過最好吃的燒鵝，只限大埔分店，不知其他分店質素如何。如果大家有其他同類型高質燒鵝，麻煩留言告訴我🙏🏻😇

上星期和家人到大埔吃飯，好像從來沒有嘗試過在這間酒樓晚飯，於是便進去一試菜式選擇不少，而且性價比不錯，他們也不定期提供一些菜式優惠清蒸沙巴老虎斑，剛好酒樓做優惠， 性價比超高，而且肉質彈牙滑溜，滿意胡椒豬肚雞煲，份量十分多，而且味濃，胡椒味重，雞肉結實飽滿，而且豬肚彈牙沙薑雞腳，家人點了這一道小吃，同樣滿意，雞腳肉厚大隻，而且沙薑味道濃郁蒜蓉白菜仔，中上水平，蔬菜新鮮，而且鑊氣十足總括而言這間茶樓的晚市小菜的確令人滿意，相信偶爾亦會再來

今日出咗大埔同屋企人飲茶 黎左昌運中心京都 叫咗幾個點心藥膳燉鳳爪 鳳爪燉得夠淋夠入味 藥膳汁底帶有當歸味 好食鮮蝦菜苗餃 菜苗餃外皮煙韌 裏面嘅蝦同菠菜苗都好足料 仲帶有少少蒜香味百花釀魚肚 魚肚夠厚身飽滿又入味 上面嘅蝦滑都好彈牙 唔錯唔錯鮮蝦炸雲吞 炸雲吞外皮酥脆 鮮蝦亦彈牙 酸酸甜甜嘅汁食 My Favourite 奇脆腸粉 其實係腸粉皮包住蒜香鮮蝦炸春捲 腸粉皮係黃色 唔係特別薄 不過包住嘅炸春捲仍然好脆 仲有陣陣蒜香蝦味 呢度嘅點心價錢唔算特別平 但以街坊酒樓嚟講 整體味道質素都算係幾唔錯

今日係孝順父母日，長老們愛吃廣東菜的心始終如一，食乜嘢西餐都唔滿意，最鍾意就係去酒樓，而且係屋企附近佢哋一定鍾意昌運嘅京都大酒樓 ，因為啲姐姐服務好好！門口見到有大閘蟹放題，CP值好高！已經訂定位，下個禮拜準備好嚟再食過！當晚都係想食啲鑊氣小菜同埋抵食孖寶。脆皮飛天雞 $10真係抵到飛起嘅脆皮飛天雞，冇花冇假，返通脹！$10 原隻雞上枱，適合落手落腳自己搞掂，酒樓已經預備好鉸剪同埋膠手套乾淨衛生，一手就剪隻大雞髀出嚟食，口感特別豐富。然後慢慢食埋雞翼，同埋入口啖啖肉的雞胸，皮脆肉嫩又多汁，調味香口，肉汁四溢，真係好滋味！兩個人食一隻雞都已經飽咗一半。沙爹粉絲牛肉煲 $98超級熱辣辣，香噴噴的沙爹粉絲牛肉煲 ，勁惹味！可以挑戰沙嗲牛肉關注組，沙嗲味道夠晒濃郁，牛肉軟滑，粉絲唔使講，更加係吸收晒所有肉汁精華，經典沙嗲牛的好味道！香辣海皇豆腐煲 $128呢個唔係香辣咁簡單，簡直係麻辣級數，如果唔食得辣嘅，要小心！香辣刺激，海皇都包括好多海鮮，材料好豐富，有大蝦、帶子、魷魚、仲好似有貴妃蚌肉添！再食埋啲豆腐夠晒健康。石鍋臘味雞粒炒飯＄98秋風起食臘味，石鍋超級熱，絕對保持食物高溫度，吹冷氣都唔

今日去了大埔探望表姨，順道同她飲茶，去了附近商場的一間中式酒樓。這間酒樓 裝飾以米白為主，燈光充足，座位寬敞，感覺舒適。食物種類很多。原來星期六日都有下午茶優惠的。我們以食點心為主，點了-京都蝦餃皇（2粒） 皮薄晶瑩，蝦肉爽口彈牙-蟹籽燒賣皇（2粒）大大粒，蟹籽鮮甜-XO醬煎腸粉用了煲仔上可保存熱度，有很多銀芽和洋蔥絲增加口感，XO醬味道香濃。-鮮蝦菜苗餃 表皮薄而通透，鮮蝦菜苗配搭平均，恰到好處。-咸魚肉餅飯-香滑芝麻卷普常芝麻卷是凍品，有驚喜這裡是蒸熱的，有濃郁的芝麻味，好味！

同朋友收工之後喺大埔區搵嘢食因為想坐得舒服啲同傾吓計所以就嚟到呢間酒樓度試吓🤣環境好闊落幾舒服～估唔到連嘢食嘅質素都唔錯性價比又高😍💎$138 香芒沙拉蝦球好開胃嘅炸蝦球份量都幾多足夠幾個人分嚟食每隻蝦都大大隻外層有炸香咗嘅皮包裹住而係菜式嘅最上面有好多芒果粒同埋沙律醬個配搭好清新口感亦10分豐富😍.💎$98 竹笙羅漢上素因為同朋友都想一次過食多幾款蔬菜🤣所以就揀咗呢個羅漢上素竹笙好爽口🥳下面嘅大白菜、菇、木耳等等都煮得好香配埋上素嘅醬汁一齊食配搭一流😆.💎 $98 石鍋臘味雞粒炒飯平時喺酒樓好少見到石鍋飯今次難得見到就試一試炒飯粒粒分明炒到有微微焦香🥰石鍋入面仲有好多雞肉同臘腸粒😍配埋炒飯一齊食好夾食到停唔到口🤣.💎 $38 清蒸細沙巴老虎斑酒樓而家做緊優惠係三選一入面我哋揀咗用優惠價食老虎斑嘅一款🥳估唔到一上台都幾大條老虎斑蒸得好香熟嘅程度啱啱好魚肉10分鮮嫩好新鮮😍用呢個價錢食到😆性價比真係超高🥳.💎 $15/位 茶芥

住喺大埔都知其實呢間京都已換咗幾轉手 而家再回歸 重做好多特價小菜晚飯特價三選一 可以揀(1) 沙巴老虎斑 $38/條 (2)蒜蓉蒸加拿大龍蝦$28/半隻 或者 (3)脆皮飛天雞$10/隻最最最最抵嘅係 提早預訂既話 阿拉斯加長腳蟹只係$888/隻 大概四斤一隻 果日見到有人叫左 超大隻 自己去街市買都唔止呢個價 優惠做到11月30號海蜇拌燻蹄冰冰涼涼 當個開胃小食都唔錯蒜蓉蒸加拿大龍蝦龍蝦食得出係新鮮 因為彈牙爽甜紅燒乳鴿乳鴿新鮮炸起 超級Juicy脆皮 勁好味 推介金沙脆蝦球份量都有好似八至十隻蝦 用脆醬炸起既大蝦加上鹹蛋黃十分邪惡 仲有幾粒新鮮西蘭花伴碟另外呢度都做緊大閘蟹放題 $498一位 但係只可以食兩個鐘 可能會有啲急 但過下口癮食下都幾開心

食物還可以，但經理服務態度勁差🙂呢個價錢食現成野，沒有要求是可以！我地book 位13人，佢confirm booking 果陣已經confirm 左13，但最後埋單果陣佢收多一個人茶芥！