京都大酒樓

營業中

休息中

最近我在一家中餐館品嚐了紅燒乳鴿、蒜蓉蒸海邊蝦和清蒸海斑，紅燒乳鴿的呈現讓我感到驚艷。乳鴿的外皮金黃酥脆，散發著誘人的香氣。當我輕輕咬下去，外皮的酥脆感與內裡的嫩滑肉質形成了鮮明的對比，讓人一口接一口。紅燒的醬汁濃郁而不膩，帶有微微的甜味，完美地襯托出乳鴿的鮮美。每一口都讓我感受到廚師的用心，接下來是蒜蓉蒸海邊蝦，這道菜品的香氣讓我無法抗拒。蝦子新鮮肥美，蒸製後的蝦肉鮮嫩多汁，搭配上蒜蓉的香氣，讓整道菜更加誘人。每一口蝦肉都能感受到海鮮的鮮甜，蒜蓉的香味則為其增添了層次感，讓人忍不住想要多吃幾隻。這道菜不僅保留了蝦的原汁原味，還讓人感受到蒜香的溫暖，讓整個用餐過程更加愉悅。清蒸海斑，這道菜品的簡約卻不失精緻。海斑的肉質鮮嫩，清蒸後的魚肉保持了最原始的鮮味，搭配上少許的生抽和香蔥，讓整道菜品的味道更加清新。每一口都能感受到魚肉的滑嫩與鮮美，這道菜的清淡口感，京都大酒樓 (大埔)大埔安慈路4號昌運中心1樓2-11及14-33號舖

呢間酒樓嘅lunch time點心還可以，價錢略高，不過啲點心係做得唔錯嘅。蝦餃入面隻蝦新鮮大隻，不過無啦啦整啲金色野喺面，為的就是收貴啲，唔通真係為咗個樣靚啲咩。叉燒包味道ok，入面食得出真係有叉燒肉。煎釀茄子唔算多油，因為通常呢啲都係話煎其實係落油鑊炸，所以成日油淋淋。煎腸粉煎得唔錯，夠乾身。鳳爪都ok，有肉地，都幾肥美。蝦腸都正，隻蝦都幾大隻，彈牙新鮮。燒賣都幾好，大大粒，上面有啲蟹子。牛孖筋好少地方有得食，所以叫黎試吓，唔錯，無梳打粉味。最後叫咗碟切雞飯，隻雞嘅質素都唔錯。

第一次同家人黎食飯，餐廳一入去，就feel到d服務員既冷淡，叫佢幫手影張相，又黑口黑面，一句野都吾回應，食完成餐飯，都無人收碟，完全係差的體驗食物方面，叫咗龍蝦燒鵝，龍蝦非常吾新鮮，龍蝦肉軟同霖，一食就知道係死龍蝦。燒鵝肉瘦，直接棄掉又叫咗花甲勝瓜，花甲肉味偏苦。整體食物 ，淨係1蚊飛天雞好食。無下次！最後就係個人感受，起香港都食過好多間酒樓，第一次食到一間無論是服務定食物質素，都十分差的餐廳，令到我第一次寫一個咁差的食評。大家切勿來試！

今日喺大埔呢間酒樓飲茶，4個人食咗7樣野，每人都係$11X，都幾抵，面而且食物質素同服務都唔錯。韭菜豬紅同埋鮑汁鳳爪係推車仔過嚟嘅，$48一份，味道唔錯，不過韭菜豬紅就有啲辣，如果唔食辣嘅就要留意。煎芋頭糕麻麻地，芋頭太大粒同埋冇乜香味。雞包仔唔錯，拎到嚟嘅時候仲係熱辣辣，包始終係熱嘅先好食。碟煎腸粉都幾大碟，煎得夠乾身又夠香。燒賣質素唔錯，啲肉有彈性。呢個龍仔蒸雞飯都大得幾誇張，雖然薄薄嘅一層飯但係都有差唔多八至九碗仔可以分到。$448埋單。

酒樓食評］於2024年10月19晚吃了大閘蟹放題。其實中學後，我已經無去過仼何大閘蟹放題，因為覺得質素一般，且餐廳店舖要求吃得非常乾淨，那和爭分奪秒的形式又不一樣。今次來到大埔吃蟹，是因為男朋友的同事說這裏高質素，且每隻蟹都有4至5兩。我們到店時6時半，當時餐廳內食客不算多，所以點單後很快就有蟹了。大閘蟹的做法有3種:清蒸、花雕蒸、鹽油焗。我最欣賞是花雕，有酒的清香，又有蟹的鮮甜。蟹可以選公或母，第一盤的蟹真是速度快，且雖每隻都只差不多3兩，但都算有蟹油，新鮮。不過後來，隨食客多了，我的第二輪等了半小時，什至點的花雕味全變了清蒸。第二盤公蟹都是近3兩，且不比第一盤新鮮，有一兩隻是特別明顯。不過侍應服務態度良好，在訂座時到整個過程，都是有講有笑，會自動換盤，也不會要求每個部分吃得十分乾淨。見我們一直未有蟹吃，也有加時給我們，並表示最重要我們吃得高興。除了大閘蟹仼點外，更有片皮鴨、甜點、糯米飯、蛇羹、湯水仼點。當日的湯是整個晚餐最高質，我共點了3碗湯。最後我吃了11隻蟹，說味道一流就過不去，但人均498（未計加一及茶錢)，性價比都算高。

屋企人今晚想食中菜就嚟到大埔呢間中菜餐廳好高質😆食物都好好味.💎 $1 燒鵝皇1/4隻(特價)這份燒鵝皇有好酥脆既外皮搭配嫩滑多汁既肉質😆燒烤既香氣完全散發出黎帶黎好滿足既口感同風味.💎$168 花膠海味一品煲呢道菜味道濃郁而豐富花膠既鮮美融入左海鮮既鮮甜之中湯汁濃郁而濃稠好好食😍.💎$148 魚湯勝瓜煮魚肚魚湯口感清爽宜人魚肚同勝瓜質地軟嫩🥹搭配埋魚湯既鮮味帶黎養生美味既享受.💎$38 薑汁千層糕千層糕充滿住薑既香氣薑既微辣同甜味交織🥰😇😇令我地品嚐到獨特又美味既口感.💎$16 絲苗白飯白飯米粒飽滿、晶瑩剔透帶有淡淡的香氣口感細膩柔軟😍.💎$16 晚茶(位)

而家天氣咁熱 媽媽懶得煮飯 見京都有啲晚市優惠都幾啱食 所以媽咪索性做無飯主婦一日 一齊出街食晚飯優惠三選一 我哋揀咗片皮鴨 配料配青瓜哈密瓜京蔥 有皮有肉包埋麼麼同埋甜醬 非常香口鹽燒大連鮑 鮑魚大隻厚肉 鹽燒咗之後更加香口砂鍋雲吞雞 本來我哋係想叫晚市三選一嘅冬瓜盅 不過當日已經賣曬 所以轉叫咗呢個砂鍋雲吞雞 貪佢都係有啲湯水飲下 裏面有幾粒豬肉雲吞加埋半隻雞肉 雞髀肉可以完成出嚟拎住食 雞肉嫩滑晚市可以每位送豆腐花 不過當日我哋埋單嘅時候就已經送曬嚕 所以未能享用

今日同屋企人去咗昌運廣場嘅京都大酒樓度食晚飯 而家經濟唔好 週圍酒樓都做緊優惠 有時真係仲平過自己煮 夏天唔使買餸同煮到週身汗而家晚飯優惠三選一有冬瓜盅/燒雞同片皮鴨揀 我哋見我哋好耐都冇食過片皮鴨就嗌黎過下口癮 佢仲可以加幾十蚊兩食 鴨件用苦瓜炆 不過我哋都夠食所以就冇加到 之後叫咗個滋味組合 有龍躉兩味同咕嚕肉碧綠炒生班球 炒班球厚肉又啖啖肉 加埋西芹可以有啲菜食下金銀蒜蒸班頭腩 超多金銀蒜 加埋斑頭腩好惹味菠蘿咕嚕肉 伴碟有件鮮菠蘿 咕嚕肉甜甜酸酸送飯一流幾百蚊埋單就有四個餸 食完又唔使洗碗 媽咪話下次要再食過

近近哋唔想煮, 又去京都大酒樓食返餐, 現在做緊推廣, 除了送豆腐花之外, 有個超值三選一, 京式片皮鴨$88、海皇冬瓜盅$48、脆皮飛天雞$10, 我們選了脆皮飛天雞, 二人份量剛好, 亦為打卡之選原盅清潤養生湯 $38一份每日不同, 這天為沙參玉竹, 真材實料脆皮飛天雞 $10外皮燒得卜卜脆, 肉質嫩滑入味黑松露西蘭花炒帶子 $168黑松露香味濃郁, 西蘭花爽脆, 帶子飽滿多汁, 附有蠔油及蝦醬上海素鵝 $48外脆內軟, 充滿豆香味, 醮上黑醋更為完美豆腐花口感幼滑, 甜度適中問過職員超值三選一暫時做到7月底, 想吃就要快, 即是不是住在大埔區, 入來行山郊遊等之後, 真的要到這裏試試😋

郊遊完出返去大埔市中心同屋企人食晚飯。六點半去到嘅時候成個場得五六張枱。坐落一陣先多番三張大枱客。平日晚市景況都幾淒涼。做緊推廣，每人有半隻乳鴿，但係如果用呢個推廣就唔可以嗌片皮鴨。喺左右為難嘅情況下，最終都係揀咗片皮鴨，另外加咗份二食。片皮鴨做得幾好，唔會太乾又唔會剩係得皮都有肉連住。同埋個份量都對得住食客，啲薄餅皮亦都有分層呢度值得一讚。另外點咗個客家豆腐，個汁就煲咗少少，賣相就唔係咁好，但係豆腐都幾滑。另外嗌咗一下酸菜石班魚，酸辣做得幾恰當。不過就唔係好鍾意佢將啲魚頭魚尾，炸完之後墊底。係望落去大啲，但係食酸菜魚就淨係想食魚片。二個砂鍋雲吞雞，雲吞啲蝦肉幾爽口，隻雞都好嫩滑。個茄子炒鴨件美中不足嘅係佢個芡汁同豆腐d汁係一模一樣。其實啲嘢食中規中矩，亦有進步空間。

阿媽生日當然要慶祝下，雖然阿媽成日話出街食飯唔抵，不過上網一睇，原來大埔京都大酒樓做緊晚市優惠，於是就興致勃勃帶埋阿媽黎試下。海皇冬瓜盅 (⭐️⭐️⭐️⭐️⭐️)晚飯超值三選一，有「脆皮飛天雞」、「京式片皮鴨」同冬瓜盅揀，我地食得清淡，於是就揀個湯。冬瓜盅超大個原個上，係3-5人份量，我地兩個人每人飲3-4碗都得！湯水好清甜，好鍾意冬瓜肉厚軟熟，連皮食都得，湯料又多，有蝦球、冬菇，仲有唔同嘅菜類，樣樣都好新鮮！ 清蒸金花斑 (⭐️⭐️⭐️⭐️⭐️)好欣賞石斑大大條，好厚肉，非常新鮮，魚皮光澤入口順滑，肉質唔會老，仲好滑好有光澤帶點油脂，尤其魚肚部分，完全冇腥味，冇細骨，啱晒唔識識魚骨嘅人！ 金銀蒸粉絲蒸元貝 (⭐️⭐️⭐️⭐️⭐️)4隻元貝都非常新鮮，每一隻都係連殼上，證明冇偷工減料，帶子好厚肉，豉油能夠帶出海鮮嘅鮮甜味，上菜時熱辣辣要即刻食！粉絲方面，份量非常大方，每一條都軟熟吸滿精華同豉油，配埋大量蒜蓉真係回味無窮！ 砂鍋雲吞雞 (⭐️⭐️⭐️⭐️⭐️)雲吞雞平時出街食都至少$150，依度竟然$100都唔洗，當然要試試佢。首先，湯水濃郁，真正鮮味鮮雞煮成，雞嘅份量足足有半隻咁多，雞皮唔厚可以連皮一齊食，雞肉經湯水燉過後會

今晚飯堂在「京都大酒樓」，我們在大埔墟鐵站的巴士總站乘免費接駁K12巴士可達，交通位置方便，附近人流暢旺。每次來到用餐都有超值菜餚「益」顧客，今次是三選一 ，$10一隻脆皮飛天雞、$48 海皇冬瓜盅、$88京式片皮鴨。 脆皮飛天雞~雖然隻雞細細地，但人少少，夠吃就好了！卜卜脆皮吃得樂透了！南乳脆豬手 ~很粤式味道，南乳濃香不過鹹，而且夠味道，脆皮豬手滿滿的骨膠原，吃起來絶不油膩。椒鹽鮮魷~極愛歡迎的椒鹽鮮魷，外香脆、內軟滑，酥香撲鼻，百吃不厭！豉油王炒麵~看似簡單，但每條麵條都爽滑冶味，豉油香味四溢，色澤平均明亮，是一道味道不簡單的炒麵。流沙蛋黃包~看着熱騰騰的流沙蛋黃，已經感受到十分的誘惑！自家製 豆腐花~是免費奉客，棒呀！

同朋友好耐冇見，咁啱朋友住大埔，所以放工就搵朋友一齊食飯，朋友推介佢屋企附近嘅酒樓，佢話食物質素唔錯，一於去試吓👍🏻酒樓地方寬敞，而且光猛整潔，睇菜單原來而家都好多優惠做緊，好抵食，今晚想清淡一點，所以點咗孖寶：清蒸珍珠龍躉+欖角一字骨，仲加咗個海皇冬瓜盅，夠哂清潤☺️茗茶方面，我哋點咗香片，有淡淡的茉莉花香味道唔錯👍🏻欖角一字骨：豬排骨炸得剛剛好，外脆內嫩，外層的醬汁甜甜地加埋有欖角嘅香味，裏面既豬排骨香口之餘充滿肉汁，好正😊清蒸珍珠龍躉：原本以為只係細細條魚，估唔到咁大條，魚肉鮮甜多汁，而且調味做得好好，上面鋪滿蔥花用嚟撈飯一流👍🏻海皇冬瓜盅：份量超大，應該用咗原隻冬瓜，而且勁足料，材料有翠玉瓜、蓮子、蟹柳、鮮蝦同埋帶子，湯底清甜之餘仲充滿鮮味，啱晒而家天氣咁熱清潤一下😊朋友果然冇介紹錯，呢間酒樓好食抵食，而且坐得舒服👍🏻

水晶蝦餃皇（特）$37.8超級大隻，蝦餃皮都算薄嘅，蝦亦新鮮。蟹籽燒賣皇（特）$37.8算大粒嘅燒賣，大大隻蝦，肥肉唔多，豬肉入面仲有蝦，幾彈牙。鮮竹牛肉球 （中）$27.8牛肉球加咗好多馬蹄同芫茜，好有口感，加埋喼汁，好味。脆炸麻花 （中）$27.8好鬆脆，唔會放太多糖漿，感覺亦唔算太油膩。一間好傳統嘅粵式酒樓，而家賣少見少，喺大埔市中心，交通方便嘅。都幾大間，環境光亮，勁多人，應該好多都係大埔街坊，不過座位闊落，枱同枱之間有啲距離，所以坐得都舒服嘅。

打食評嗰陣先喺相睇到原來係京都酒以前細嗰陣會同屋企人去長沙灣嗰間京都，而家全港得返兩間，不過點心都仲係唔錯，由其個蛋散，太好味再點多個。水晶蝦餃皇，兩件一籠可以每人一件，好飽滿。鮮蝦燒賣皇午茶自由配搭孖寶：鮮竹牛肉球鳳爪排骨飯特式炸両腸奶黃流沙包，唔係一搣開就流晒出嚟嗰種效果，不過個餡都係有輕微流動，味道唔錯。頭抽乾炒牛河，配料好多，不過唔會太鹹，唔會食完成碟油，幾好。回味脆麻花，真係好新鮮好好味，食嗰陣仲係暖同酥化㗎，太好味點多碟。