京林屋 (希慎廣場)

營業中

休息中

放工行完sogo就去左希慎食一直想食嘅京林屋！門口見到大大個餐牌肚仔都打鼓！京式鰻魚飯鰻魚側邊鋪滿蛋絲，賣相幾靚，鰻魚厚肉肥美,，入口無骨啖啖肉，即叫即燒好香口，燒汁甜甜份量夠哂多，令到已經調過味嘅飯更香！林屋和食料理食物款式夠晒多，有八瓜魚沙律、雜菜玉子、魚干、燒雞、芝士魚卷、燒帆立貝、鯖魚，麵豉湯同珍珠飯，好豐富！玉露-蕨餅食完飯嘆番杯茶真係好過癮，玉露味道特別，色澤唔深色但茶味好濃，飲完茶仲可以加醬油落啲茶葉到食，我地試食一兩啖，叫做體驗過。香港限定芭菲抹茶味好濃，有蕨餅、啫喱、小丸子、脆脆米、士多啤梨，餡料好豐富！焙茶芭菲焙茶雪糕好有，入落茶味好濃，中間又有小丸子、焙茶啫喱同雲尼拿雪糕，無得輸！食完甜品好滿足，下次要帶屋企人嚟encore！

今日同朋友係銅鑼灣做完野，去到希臣廣場12樓既京林屋食午飯餐廳裝修參照日式建築風格，令到本身面積唔大既餐廳空間瞬間倍大舖頭入面有兩個仿茶室和坐（可坐2人），坐落幾舒服，私隱度高。讓大家可以係清靜的環境慢慢品嚐美食，與朋友暢談 。首先黎到既係林屋和食料理（$88）茶漬飯- 清幽的紅茶味配上珍珠米飯，呢個配搭簡直係天衣無縫配菜盆上只有四格卻放滿了共八款的配菜，每款都各有特色～特別欣賞佢嘅鯖魚，魚肉特別嫩滑、多汁，冇左鯖魚嗰種‘諧颯颯’嘅口感醃蘿蔔唔甜亦都唔酸，淡淡地冇甘刺激其實都幾好食抹茶蕎麥面（$78）配菜有蘿蔔蓉、紫菜碎同埋蘑菇唔知道呢款蕎麥麵係咪真係有加抹茶粉去做呢，但因為甜甜地既豉油湯底味道更加突出，唔係好試得出蕎麥麵嘅味道可能食凍食嘅會比較好，可以試清楚麵既味道玉露玉艷（$78）師傅已經為我地泡好第一杯茶侍應會好詳細甘介紹沖泡既方式，仲附上一張說明書，啱曬我呢d不諳茶藝既人士：）眼看極淺既茶色一開始仲有d失望，點知飲落去卻十分清新可口，抹茶味極為突出，反差很大呢可以沖泡2-3次，之後可加入少量既柚子汁到茶葉裡，攪拌後可直接食用第一次試呢種食法，口感猶如海帶碎，帶有一點點苦澀味秘製

同朋友行完誠品就決定上黎食飯入面既格局都幾光猛 又闊絡 比人好舒服既感覺 大約可以坐90分鐘我地叫左兩個set 一個係金槍魚定食佢啲配料都幾多架 岩哂我朋友咩都想食既心態而且味道都幾唔錯架 醬油味十分入味我自己就叫左個鰻魚飯 鰻魚燒得幾唔錯 岩岩好 而且唔會好多骨或者一夾起就散開哂我地配左蘋果綠茶 味道偏苦 如果飲開無糖既朋友應該就岩再黎就到甜品！我叫左個綠茶卷蛋 蛋糕位好鬆軟 cream又好清新唔油膩 隔離既雪糕同丸子更加不在話下！我朋友就相反地叫左焙茶味 估唔到既係佢既仲好食 個蛋糕好濃郁既焙茶味好香！

臨近新年要辦年貨，老公趁機叫我過海，話帶我食京林屋，滿足下我呢個抹茶控。對上一次幫襯，個時都仲未搬。今次再光臨，已經搬左上十二樓，比之前大左好多，仲京都風格左好多。平日食既好處就係唔洗排隊玫瑰蘋果煎茶係跟餐的，但可以選擇先上，可以暖暖但胃先。店員介紹話每次泡茶，用沙漏斗計時，之後就飲得。陣陣玫瑰蘋果，茶又點苦，但很清。沖左五六杯都仲好有味道！京式鰻魚飯$98，鰻魚係一整條，超大滿足！配上蛋絲、紫菜絲。飯係又有淡淡紫米味，又多醬汁。一大碗，老公表示非常飽，超級抵。距話愛好鰻魚者必吃！讚岐烏冬（熱）$68，有兩大塊魚餅。烏冬偏向軟身，有小彈牙口感，份量適中，岩哂我口味！香港限定芭菲$98，有士多啤梨、脆脆米、啫喱、蒻蒟、蕨餅、小丸子同綠茶軟雪糕。餡料超級豐富，食極都唔完。林屋蕨餅三種盛$98，有蕨餅、綠茶雪糕同紅豆小丸子。最愛個雪糕，因為比芭菲既綠茶味更濃。

今日收工要去銅鑼灣希慎廣場買野，禁就約埋朋友係果到食飯，希慎廣場都多選擇，禁我又想食日本野，睇見裝修都幾靚就去左依間餐廳喇!本來抱住食佢D甜品嘅心態去試依間餐廳，但估唔到主食都幾有驚喜。我就叫左個鰻魚飯 ($98)，份量適中，有兩塊鰻魚，燒汁配上珍珠米，好味! 然後同朋友再叫左個林屋和食料理($88)，有兩塊鯖魚，魚仔，雞肉，帆立貝，沙律，飯一碗，令樣野少少地，味道好夠，好似去左日本浸溫泉果D一泊兩食和食料理禁，依個Set值得推介。然後叫左個秘製抹茶蕨餅 ($88)，必食推介，上次食蕨餅係京都清水寺，今次食都好有係日本嘅感覺，配上沫茶粉同黑糖醬，彈牙，又濃郁嘅抹茶味，食完都仲想食多一碟。我地仲叫左焙茶芭菲 ($88)，係店員十分推介嘅甜品之一，甜品分左幾層，頂層有焙茶雪糕，唔會太甜，雪糕有荼嘅香味，仲有湯圓，jelly等配料，牛奶味都濃郁。食完甜品再叫左杯桃味焙茶 ($20)，清香桃味加上茶嘅味道都好match，店員會耐心講解沖茶嘅步驟，大家到時要細心聽下啦。加埋一一共食左$420，我覺得都幾好啊，因為覺得好有日本嘅感覺啊!

京林屋最出名就係抹茶我地呢班抹茶控緊係要出動啦menu有好多款甜品,, 未食正餐就已經想上甜品啦~~~先點左正餐係京式鰻魚飯,, 原條饅魚上,,真係好足料!!又好厚身飯粒粒分明,,茶味加飯再配一啖饅魚, 油而不腻金目鯛的肉質細膩，入口好滑食到舐舐脷每個定食都配上醃蘿蔔同味噌湯兩個正餐的價錢只係$88和$98相當抵食!!!到主角抹茶甜品出場啦~~~~~抹茶芝士蛋糕無食過芝士蛋糕係有抹茶味的芝士同抹茶配合得天衣無縫宇冶茶冰 一上台已經嚇親, 好巨型!!　大大的抹茶雪山呈現眼前!!!加入抹茶醬,,抹茶濃厚, 加埋小丸子同紅豆,呢個黃金組合,真係無得輸呀!!

係銅鑼灣睇完戲搵晚飯食 行上希慎見到呢間食日式綠茶既店門面啲甜品幾吸引 膽粗粗入去食下 不過都預左幾貴 因為未食晚飯 冇理由靜係食甜品 見到隔望幾張枱都叫左鰻魚飯 我又叫左一個黎食 應該都係必食之一 原條鰻魚上 超正 預左唔會好大碗 份量岩岩好 鰻魚燒得好香 配埋蛋絲同有色既珍珠米 啖啖鰻魚再配幾舊酸蘿蔔 酸酸甜甜好味面豉湯就咸左小小 飲唔哂另外叫左個林屋和食料理 有鯖魚，魚干，燒帆立貝，芝子魚卷，雜菜玉子，同埋八爪魚沙律，個靖魚好好味 必食 冇骨 小咸 啖啖肉 芝士魚卷中間係流心芝士 夾埋魚味都好食 個八爪魚沙律都好味 啖啖爪瓜魚 有咬口 帆立貝就得一粒 比較細粒 冇咩特別 不過呢個餐都可以試有唔同料理食下甜品方面就食左個香港限定芭菲 一試枱個雪糕不得了 好濃綠茶味 唔會太甜 綠茶同奶既比例岩岩好入面仲有綠菜糕 糯米糍 唔同層唔同味唔同口感 限定就要食下啦第二個甜品係綠茶雪山 雖然天氣超凍 但一睇menu就比呢個冰吸引左 於是叫左黎食 上枱時呆左 超大份量 兩至三個一齊食都得 旁邊配上綠茶同牛奶 淋落去食甜甜地又唔會好甜 呢個雪山建議多啲人先食 都值得食最後叫埋個玉露飲 上茶時店員好

今天是特地來到抹茶控很推薦的京林屋朝聖不用老遠飛到日本也可以吃到歷史悠久的京都抹茶老字號～ 餐廳在希慎廣場12樓，等了一會便安排入座，店內燈光美氣氛佳，而且店員們都很友善，難怪這麼受歡迎呢吃甜品之前當然要先吃正餐京林屋的日式料理水準俱不錯。我們點了京式鰻魚飯和林屋和食料理鰻魚肉厚肥美，澆上特調醬汁、蛋絲和紫菜，拌來吃很惹味米飯圓圓的很飽滿，一口接一口吃到一粒不剩另外點了抹茶牛奶，奶香濃郁朋友點的林屋和食料理是參照日本的傳統家庭料理用上了當造的食材，每樣都精緻美味定食均附有酸蘿蔔和味噌湯吃完再看看餐牌選餐後甜點，餐牌很細心的附上照片參考，每款看起來都超級精緻美味！真的每一項都想點！這個是香港限定芭菲～芭菲層次非常豐富，有軟滑的抹茶雪糕、白玉、抹茶凍、紅豆、忌廉、寒天和抺茶蕨餅等，低層還有草莓，酸酸甜甜的和抹茶意外的般配，可以一次過吃到多樣材料，超滿足冰冷的冬天也來嚐一嚐暖入心的甘粟甜湯，店員細心的提醒要趁熱拌勻來吃～甜糯綿密的紅豆完美的中和了抹茶甘香苦澀，白玉煮得十分Q軟，口感甚佳非常好吃的一餐，老字號果然名不虛傳

好耐冇食日式甜品了所以今次決定食我地最鍾意食嘅蕨餅揀咗呢一間係日本開咗成二百幾年嘅京林屋除咗一般甜品之外佢都有正餐提供今次叫一個鰻魚飯同抹茶蕎麥面作主菜鰻魚飯（HKD98)一開始以為細細碗但原來分量超足鰻魚都好肥美仲有兩大條性價比超高而抹茶蕎麥麵(HKD78)麵條夾雜着淡淡的抹茶味 味道清淡而且回甘 醬汁清爽 如果夏天食一定好消暑而套餐包一杯茶我哋就揀咗玫瑰蘋果煎茶水量足夠沖三至四杯而上枱嘅時候店員會教你點樣沖先最好味而且有個沙漏幫你計時咁就唔會令到茶味太苦澀而第二第三杯嘅時候味道同第一杯又唔同每次都有新嘅驚喜而甜品方面就叫咗秘製抹茶蕨餅(HKD88)同埋特制林屋抹茶餡蜜(HKD98)蕨餅超香抹茶味 如果唔怕苦可以加多啲抹茶粉 令到口感除咗軟糯之外更多上一層 如果怕苦亦都有黑蜜糖漿可以中和下不過份量如果可以多d就更好餡蜜就真係超抵超大碗而且入面有好多種野抹茶雪糕,抹茶啫哩,寒天,蕨餅,小丸子超抵食而且味道都好好下次一定會再叫

呢個星期工作太忙, 要食返D甜品獎勵自己先得呢約左朋友去京林屋度食我最中意的抹茶！之前食完今次再食！一試番尋味！京都鰻魚飯賣相已經相當吸引, 每個SET都有味噌湯同醃蘿白價錢只係$98,抵!!裡面有好多蛋絲, 原條鰻魚好肥美配上香濃醬汁珍珠茶飯再配上一小口鰻魚,不油不膩, 好好食呀!!!林屋和食料理呢個SET有好多小菜 八爪魚沙律, 芝士魚片, 野菜玉子, 鯖魚, 魚仔, 木耳絲, 帆立貝等等個人最中意食八爪魚沙律, 有驚喜, 估唔到八爪魚同沙律係夾到。呢個SET好抵食$88, 又可以試哂所有野,飯都係珍珠茶飯甜品:: 培茶卷蛋蛋卷有好重的培茶味, 夠鬆軟忌廉又夠香滑雪糕方面培茶加上紅豆, 甜度岩岩好, 只食雪糕的話,,就會有點苦澀抹茶芝士蛋糕芝士味再加上抹茶,真係PERFECT MATCH~無食過抹茶加上芝士呢個組合, 一試難忘!而且蛋糕好似NEW YORK CHEESE的口感,大愛~~抹茶雪糕口感滑, 好濃郁~~~係抹茶控的必到聖地~~

去襯希慎最多係去誠品飲天仁茗茶上去樓上食野都係第一次不過聽講京林屋既綠茶甜品都好高質就去試下因為我同朋友係夜晚去 所以就叫左兩個餐同兩個甜品順帶一提 佢地有個位置叫和室 都幾特別架要彎腰先入到座 坐左入去完全睇唔到岀面既人私隱度都幾高架 不過就要注意返佢只可以坐60分鐘我叫左個鰻魚飯 鰻魚都燒得幾好幾入味 又唔會易散太多骨份量都算多 98蚊黎講算係叫抵食！朋友就叫左個蕎麥麵 佢話面質都幾爽口 食落好舒服 但配料相對黎講就無咁多最後我地叫左兩杯香港芭菲！超大杯 佢既綠茶雪糕好好食 濃味得黎唔會有個種苦澀味

今日難得一家人收工去銅鑼灣行希慎行到7點幾唔算好肚餓就諗住去想食好耐既京林屋食甜品入到去係坐和座第一次起香港咁樣食野感覺都幾新鮮幾個人睇menu睇到花多眼亂最後決定一人一個甜品再叫多個玉露茶試下品嚐玉露茶都幾講究架不過呢到既staff都好貼心咁教你點飲飲左第一啖就覺得好正!茶味好濃 飲完仲有回甘沖左3-4杯後就可以用柚子醬油品嚐茶葉都幾特別呀平時食得抹茶多焙茶既products好似無咩點試過所以我要左焙茶卷蛋試下d不一樣既野食落好驚艷卷蛋同雪糕都好濃焙茶味白玉有紅豆伴碟一齊食真係無得輸食完好想再encore屋企人叫左抹茶芭菲、抹茶卷蛋同埋抹茶芝士蛋糕試左每樣野一啖發現真係好好食抹茶味濃不特止仲要食完成個口都有抹茶既香味夾埋cheese仲好食抹茶控一定唔可以錯過超級滿足下次一定要再返來食

老字號過江龍，屹立多年當然有吸引之處。不論其他只論沖泡茶的方式依然一絲不拘，每次有專人講解還會付上説明圖片，就是這份心意己另食客滿足。焙茶朝薰焙茶是我最鐘意的，喜歡那焦香的味道，清淡而又不帶苦澀。京式鰻魚飯原條鰻魚夠派頭。塗上的醬油恰到好處，不多不少，不油不膩，閃閃發亮，入口肥美，魚香滿溢。飯粒混合了醬油，有黏黏的口感，一啖鰻魚一啖飯，正！配菜的酸蘿蔔不可看少，夾雜在其中可中和飽滯感。抺茶芭菲香港限定版喔！一如既往抺茶雪糕順滑，那濃郁的緑茶味越食越醇厚。下面一層疊一層，有蕨餅，白玉，紅豆茸，脆米...意外地發現底層有士多啤梨粒，酸酸咪咪，另整體不太甜膩，果然係香港獨有的，滋味！

我係焙茶控而朋友就鍾意食抹茶，去開銅鑼灣所以就黎試下依間京都黎嘅二百年老店。為左留肚食多啲甜品，我地share一個飯。京式鰻魚飯$98估唔到依個鰻魚飯又唔錯咼，鰻魚有兩大塊，都幾肥美，醬汁香濃，仲有大量蛋絲，兩個share都夠食。抹茶芝士蛋糕 $88芝士蛋糕好creamy,不過略嫌抹茶味不夠濃，雪糕都較甜，無左抹茶嘅苦澀味。秘製抹茶蕨餅 $88好軟滑，有微微抹茶香，同平時食嘅比無咁煙韌，黑蜜同蕨餅好夾，仲可以買返屋企食！焙茶卷蛋 $88焙茶雪糕好香濃，有微微苦澀，必試！卷蛋都幾鬆軟，忌廉夠滑溜又重焙茶味。焙茶牛奶忌廉 $48叫左少甜但都略嫌甜左啲，茶味較淡。下次試下焙茶朝薰先～

行完誠品，甜品癮發作，所以上黎京林屋食下，其實我都幾鍾意茶的味道雖然有d餓，但我都係決定食甜品就夠，可惜焙茶芝士蛋糕賣哂，所以要左抹茶芝士蛋糕，仲有好耐無食的抹茶蕨餅，仲要左個特別少少的茶“玉露 玉艷”芝士蛋糕，有淡淡的抹茶香，而芝士蛋糕味都唔太濃，岩岩好食到兩隻味，而蕨餅茶味好濃，再落埋抹茶粉，成口茶味出哂其實我第一次飲玉露，第一杯已經沖好俾我，第一杯俾我既感覺係似肉的咸味，但又其實唔係，第二杯咸味感覺少左，茶咪濃左，兩隻味平衡左，第三杯變成茶味當道，濃茶一樣的感覺，好有趣，飲三杯，三杯都唔同感覺，飲完之後仲可以食埋d茶葉，食落有d似豆苗，再落埋柚子醬油，變得更好食