享樂烘焙

營業中

休息中

陪太太去新䈬崗，因為佢約咗朋友練歌。同佢去咗五芳街之後，自己一個諗住去Mikki Mall kill time，淨係識e度😜。點知五芳街一轉角，就見到這麵包店，已經覺得很特別，再睇清楚，原來攞過獎。我本身好種意食麵包，係食麵包當飯個種。即刻衝入去，嘩，好多好靚呀，重有試食。試食咗紅豆包，好有咬感（煙銀🤪）。最後買咗法包，擺過奬架嗎 😁。價錢合理，好脆好食。一路行去Mall一路食，又係咁，好食同我種意嘅都係食完先醒起要打卡。以後要記得要改😂

最近同好友飯聚，老友見我「麵包王」呢個銜頭（都喺虛銜而已），分別送我兩款麵包，同樣嚟自新蒲崗嘅一家小店「享樂烘焙」。先介紹其中一款：「特濃抹茶焦糖三角」（$18），友人將店家嘅產品名牌都影埋俾我做參考，真喺唔話得。未食都知啱我心水，皆因有焦糖成份，而且，從名牌所見，採用日本「小圓山」抹茶粉，自不然有更大嘅期望。成件三角即喺一大件厚三角多士，估計喺灑上沙糖嚟再烘焗過，所以，兩邊側面摸上手有少少黏，但大大口咬落去，外皮有份煙韌感，包心軟綿之餘，既有焦糖香，又有幽香嘅抹茶味，兩者幾有火花，再唔使又喺紅豆搭抹茶喇！另一款麵包喺貝果包：「湯種黑芝麻貝果」（$15），細細個賣成15蚊，都唔便宜架。貝果包我唔算多食，亦叫唔到有心得，但幾喜歡佢嘅柔韌感。個貝果包跟平常晌啲咖啡店所見嘅都無乜兩樣，喺叫表面有多少少黑芝麻，不過，咬開就變得不一樣。先講個包本身，撳落去有回彈力，口感煙韌有咬口，唔喺港式包軟軟熟熟一陣風咁；內裡散發陣陣芝麻香，因為填有芝麻蓉，不過，就未至於好似名牌咁講有流沙嘅感覺，或者輕輕翻焗一下可能會做到咁嘅效果。兩個包，分咗兩日做早餐，沖杯咖啡或花茶，喺醒神一日嘅好開始。獨享樂，不如眾享樂

🍩黑白頌🍩帶韌勁的麵包 底下有黑白芝麻脆糖 挺特別 很香甜 但單吃麵包就無咩味 靠脆糖carry 都幾甜膩嫁🙊.🍮焦糖丹麥吐司🍮麵包皮舖滿焦糖脆面 不如黑白頌的厚 薄薄一層反而更恰當 焦糖很香脆 甜度適中.🍠芋泥Bagel$15🍠size偏小 (所以cp正常 不算高) 芋泥份量也偏少 (1/2個bagel) 但接口部分明顯硬實🙊.橙皮朱古力$24 健康雜糧包$24有試食 所以我唔多講 正常啦🙊

因為看得到師傅對做包的熱情及尊重，所以一而再，再而三地被有水準的麵包吸引著，今次已經等三次購買，如常的滿足而回。Encore 藍莓芝士 bagel, 用湯種處理的 bagel, 煙韌之餘帶一點鬆軟，略帶酸甜的藍莓配上幼滑的芝士，很香！另一個南瓜 bagel, creamy 的南瓜蓉內加上烤焗過的南瓜籽，為口感添上一份層次。另一款海苔芝士粒粒包，淡淡的海苔香配上香氣十足的芝士粒，很撘配！麵包鬆軟得來有質感！今次買了三個包，每一個都滿足視覺同味道的要求，讚！

今回踏足新蒲崗 除了去嘗試先前講述之燒臘舖 ，便是來這間新開之麵包舖、整座大廈亦是看著他由地盤興建而成， 由於自己每隔一段時間都會經過新蒲崗所以見到舖位終於可以出租、而且更是引入新穎的麵包當然不能錯過。。。其實現今很多新一派嘅麵包舖頭，除了好多已經棄用傳統式乾酵母製作、 亦會加入一些酸種、 湯種、 令到整份食材更加健康 、柔軟，更加富原始個性~近幾年興起的麵包舖跟傳統港式麵包舖截然不同的大部分是沒有加入膨脹劑以及軟化劑, 主要取決於酵種的做法~自己就很討厭一些輕柔度像吃了一陣風的麵包, 完全沒有質感可言~在花多眼亂下就拿了一個自己很喜歡食的bagel， 還依稀記得從前在中環打拼的時候中午很喜歡吃一個、 傳統以來 bagel質感 咀嚼中有咬勁而且帶煙靭口感， 手中拿著的bagel、外表上體積份量感覺是細了一圈、 切開後平面圖可以清晰看到Cream cheese的份量， 咬在口中咀嚼度是有但給傳統以來較為輕、 可能由於它的基底是用(湯種)來做， 湯種出來的 麵包比一般普通麵包更為鬆軟、 bagel外表的皺皮摺紋是由於入爐前燙水而來, 藍莓餡料落得亦算是重手、 不過自己就認為可以將麵糰搓大一

今朝要返新蒲崗，咁我當然就抓緊機會去試新開嘅享樂烘焙麵包啦😁。之前就睇過好多關於呢家店嘅報道，介紹有咩主打麵包款式，但當你實地置身店內，就真係眼花瞭亂，樣樣都想試。最後我就小試兩款可頌，配上麥當當嘅咖啡，應該好滿足啦🤭。鹽可頌面包好Q彈，內有海鹽牛油餡，好重牛油香味，但可能因為加左岩鹽，所以食起上嚟唔會覺得膩，我兩下就KO了😆。呢個黑白頌真係超級好味，表面就是普通可頌的樣子，但底部基本就係芝麻糖呢😍😋😋😋！佢係在可頌底灑上大量芝麻再淋了一層黑糖， 芝麻味超香黑糖唔係太甜但就焗到脆片咁，麵包本身一如其他超Q彈，今朝早餐超幸福呢！下次早餐再試其實款式，聽同事講佢地嘅baguette 🥖 都好好味喎。