亞參雞飯 (利舞臺廣場)

營業中

休息中

食通天飲茶完畢已經下午。行到座標利舞臺，有馬來餐廳，當然會試一試。見到餐牌寫99分海南雞飯？咁得意？皮爽肉滑的海南雞，要配上鮮香油飯，有香茅和南薑的味道。米飯只是帶著微微的香氣和淡淡的鹹味,美味。雞湯好清甜。另外海南雞沾醬都有伴三色醬。三色醬有蒜，黑鼓油，以及辣椒醬，雖然雞飯已經有味道，到撈埋是我摯愛。新加坡喇沙米線。湯底味道濃郁，特點系擁有濃郁的咖哩和椰子香味，同時帶有淡淡的甜味。而且湯底有肉碎末。另外配菜有蝦，魚片，雞蛋，豆腐卜，芽菜通菜，成碗睇落去好有食慾。價錢相對是偏貴，不過環境以及地理位置，差不多。

自問本人非常愛吃海南雞飯但真係唔太like呢間個雞飯質素對唔住價錢雞有幾件有少少霉feel雞皮勁肥（自問好中意食皮)D皮仲厚過肉😰連D汁都遜色過人⋯得罪講句，MX個「sir滑雞飯」好食過佢

又係銅鑼灣，咁多食店，真係有點選擇困難症！正當東張西望、尋尋覓覓嘅時候，我被眼前「亞SAM 參 」牆磚上掛著的「尋覓99分海南雞飯」橫額吸了睛，之前數次經過這家店，門外也有不少人在等候，難得星期六黃昏時間可以直接入坐，我決定就去會一會他有名的海南雞飯吧，「真的有99分嗎」？ 我被安排的卡坐夠寬闊頗舒服，但令我驚訝的是由我下單到上菜大約5分鐘，太神速了吧🤔心想我不要快，但求質素！上枱的海南雞飯賣相一般，比想像中失色，飯有點深色及油膩感，飯暖偏冷，不夠熱，飯入口不夠雞香味，雞是黃油皮、肉質尚算嫩滑，但沒有太大驚喜，反而欣賞他三個配醬味道蠻不俗👍雞湯不油不膩沒有加味精，但也是偏冷，不夠雞味！整體來說這家海南雞飯套餐個人認為「不過不失」，比一般餐廳水準好，但肯定我不會打99分！至於值多少分，就讓大家自己去試試，評評看！

同朋友在利舞臺廣場附近shopping，攰攰哋諗住搵地方坐一陣，呢間餐廳位置很好，一上扶手電梯就見到，而且唔使等位，即刻入去坐低。份量多，雞皮唔夠爽，雞肉算滑，可能雞髀較好，可惜當晚7點幾已沽清；油飯👍🏻，平時我同朋友share食都係食到半碗飯，今次食晒成碗，湯就有雞味，幾濃。個人喜歡椰汁蝦湯，覺得呢個喇沙黃薑味蓋過所有食材的味，連湯底都只有辣味，可取的是足料。追加優惠 $38兩款小食蝦春卷大大嚿粉包住細細的甜蝦，入口一陣油味炸魚餅就一般貨式。廚房係半開放式，見到裏面清一色女廚師，大聲叫出嚟冇白飯，又鬧服務員，中間夾住粗口，好有茶餐廳感覺😂。我哋坐近廚房，聽到冇白飯，就諗除咗海南雞飯，其他飯類都係白飯，咁叫人食油飯，使唔使加錢呢

Very oily好油啊Miss Southeast Asian food so much. ASAM look very interesting.Ordered the signature boneless Hainanese chicken rice.$88+10 chicken legs +10 drinks Ordered 2 sides dishes : fish cakes and Kay’s toast. Friend ordered the beef brisket rice. Let’s start with the sauces, not made form scratch. Soup is average. Nothing stand out. Flavour rice is tasty, color darken than other places I tried. Which is attractive. Chicken is tender. But really really oily. Is like they added another layer

海南雞飯好食！油飯好香雞肉好滑！上菜上得好快！order左之後過咗3分鐘就上菜！適合要趕住食完飯嘅人！我哋仲嗌左個蝦餅+炒馬拉盞通菜都好食呀！好香嘅蝦味食得出蝦肉！馬拉盞醬好好食推介！唔貴！dinner都係只係$100 per person但服務有點差冇基本禮貌！staff冇笑容

朋友推介去食亞參。。。佢話d雞好滑！結果就去試一試，果然無介紹錯，d雞真係好滑！我地追加咗，蝦棒，咖央多士！雖然塊牛油🧈無我個朋友食個次咁厚，但我真係覺得好正！好香椰子🥥味。。。多士係我至愛😎海南雞飯就真係好正，d肉好滑，不過有d肉紅d但整體上係正的！油飯肯定正，因為我朋友話好味，唔好少飯啦！結果兩個人食晒🙈🙈唔肥就假🙈巴東牛肉都好正，又香送飯一流😋咖喱🍛好香。。。我哋無叫特色嘢飲，不過隔離枱的好大聲話特色嘢飲好好飲，不過我唔記得係乜😂

今日三點左右去買海南雞外賣。餐廳內人流不多。 外賣已經準備好，但待應們只顧住傾偈，未有理會已準備好嘅外賣俾客人。我等多子陣，見仍未有人理會外賣事宜。我去收錢枱詢問外賣是否準備好，接待嘅女待應一臉不屑話等等之後走去拎外賣俾我。我見佢大力亂掟啲醬落袋外賣發洩，之後黑面大力地遞過袋外賣。裡面嘅外賣散晒。我詢問經理要求解釋，經理話因為新開業⋯⋯（這是什麼原因)⋯⋯很失望，我以後都不會再光顧，亦不會推介此餐廳 。

不知為何新加坡的美食一到香港就變成mamade。天天海南雞貴又難食，期待亞參不變質。猶豫再三叫了口碑不錯海南雞飯，無奈大失所望。只有雞飯和汁好吃，三黃雞雖然雞味不錯，肉質偏柴，皮下完全沒有jelly，反而不少黃黃的油脂，影響食慾。冬瓜湯也只是ok。豬肉串等食完才來，像廉價的腸仔。相比較，馬六和大排檔的海南雞飯出色很多，價錢合理。總體而言餐廳只是中規中矩，算是tick off the list，但大概不會再光顧。

星期日同媽媽一齊去利舞臺食「亞參雞飯」。我地叫左海南雞飯，同兩個星馬小食(咖央多士同豬肉串)。我地兩個嘅海南雞飯都有加十蚊轉雞脾。嘩，啲海南雞係皮薄肉滑同有雞味，再點一點醬油令到啲雞更加惹味。至於啲油飯，唔似新加坡果啲顏色淺淡而係深色啲，食落有口感唔會好乾好黏，相當惹味！咖央多士似係岩岩烘完即刻搽上咖央醬同夾舊牛油就即刻送到我面前。雖然我仲食緊海南雞飯，但見個多士咁新鮮，都係食一舊先再食個飯。由於果舊牛油太邪惡，所以我拎起左佢唔食。咬一啖多士，個多士唔止脆而且仲有椰香同斑蘭香！完全滿足到勁想去東南亞食咖央多嘅慾望。至於豬肉串就一般啦(食左一條先記得影😅)。餐廳環境乾淨整潔，而且侍應設有執枱專員，令食客感覺良好。呢間餐廳值得一試。

成班同事出街食lunch，最開心就係嗌到成枱嘢，大家happy share，咁就可以試到多啲款式啦！平時多數都係飲茶嘅我哋，今日就轉場試吓南洋野，刺激一吓味蕾，所以嚟到亞參雞飯，尋覓99分嘅海南雞飯！馬來斑蘭咖央多士咖央多士係用厚多士，非常迎合香港人嘅口味，夠晒脆非常有口感！另外，牛油同咖央嘅比例啱啱好，非常香滑，斑蘭味香，記住要趁熱食啊！香煎手作蝦餅蝦餅一碟三件，新鮮熱辣即叫即煎！蝦餅夠厚身，咬開就見到入邊有唔少蝦膠同蝦肉，夠晒新鮮彈牙。香烤豬肉串豬肉串烤到外脆內嫩，豬肉味濃，一咬開就會爆汁，好juicy！馬拉盞怡保芽菜餐廳對食嘅要求非常執着，連芽菜都係由馬來西亞嘅怡保空運到港，條條都非常飽滿，食落清甜爽脆，每日限量供應食晒就冇啦。亞參去骨海南雞飯呢個飯餐會配上雞香飯同清雞湯，未食雞之前，先試一啖飯，油香十足，唔錯；而清雞湯因為用上大量雞骨熬製，所以係精華所在，雞味濃郁，非常滋味。至於飯餐嘅海南雞，估唔到份量非常多，全部都去晒骨，肉質嫩滑。亞參去骨海南雞 - 半隻由於我哋幾個人share，所以除咗飯餐，另外叫咗半隻海南雞。亞參嘅海南雞選用三黃雞，肉汁豐富，雞皮唔算肥，所以都忍唔住食咗

🇲🇾🇲🇾嚟到馬來西亞餐廳，當然要試下佢既海南雞飯。🤪🤪🤪以＄88 黎講的海南雞飯，價錢尚算合理。👍🏻份量很足，雞肉很嫩。雞香飯很香好夠味。🤗🤗🤗而馬來咖哩雞撈麵比較失色。不太建議點黎食。雞有D '鞋'。撈麵係有很濃厚既咖哩味，但食到一半己經覺得好滯，唔想再繼續食落去。🥴🥴🥴另外，加了＄38 點了佢地既咖央多士同豬肉串。本人不太喜歡咖央多士，有點兒甜同埋斑蘭味唔係好出。😓😓 而豬肉串都幾好食，好juicy!😋😋由於今次食既嘢比較重口味，所以點了柑桔特飲。相比食物，覺得野飲真係好需要改善。平時我叫野飲都會叫少甜，但今次冇話要少甜／冇其他要求，杯柑桔特飲唔夠味，冇甜味，唔知係咪唔記得落糖。🤐🤐🤐🤐覺得如果有翻D甜味，就會好飲好多。😚‼️留意翻係俾錢方面，只收現金或八達通。請帶備足夠既現金！員工服務都唔差。環境都幾闊落，坐得都幾舒服。

開業不久的食肆，人流尚算不錯。二人入席，很快有座位，安排卡位，環境也算舒服，招呼也算爽手。少不了的海南雞飯，再加一個巴東牛肉及喇沙湯麵。油令令的雞飯令人垂涎，吃了一整碗也不覺飽肚，配搭的冬瓜湯很入味，雞肉也嫩滑，三款基本醬汁味道也好。巴東牛肉，沙嗲醬濃，牛肉質軟糯，配幾條脆脆的咸魚乾，多了一分情趣。見那碗喇沙，辣味該濃，食材份量也不弱，聽得食客食得殊殊聲，非常滋味。雞飯加十蚊有一杯飯品，此刻凍飲解辣功能盡顯。

知道剛剛喺利舞臺廣場開張, 見好似都有啲人流。咪諗住試下, 點知中伏 未食過一隻豬手啲質地係咁, 以為係梅菜扣肉 ?? 完全冇曬骨膠原, 得過死咸,好明顯係用高速煲過火！！任何一間食店 水準都好過佢? 仲收119蚊, 不知所謂。

Asam has recently made its way to Causeway Bay.  With multiple branches around town, I was hoping for a great Hainanese Chicken rice.  Hainanese chicken rice - it comes with chicken-flavor rice which was good but the chicken itself wasn’t too impressive plus the portion was tiny.Penang shrimp noodle - the broth was quite rich and tasty and I love how they mix thick and thin noodles together adding additional texture to the bowl along with the shrimp, salty pork slice, tofu and egg.Pan-fried shri