亞參雞飯 (新都城中心二期)

營業中

休息中

去吃了一個下午茶：咖哩豬扒飯加熱薏米水，豬扒三小塊，其中二塊是肥筋肉，吃不了的。熱薏米水很濃，還放了很多薑蓉，整杯飲料又濃又熱又辣，真的難喝，香港的熱天，能夠喝嗎？味道不正宗。

喺寶琳食飯，都離唔開商場嘅餐廳今次就試一間新開嘅亞參雞飯睇返原來分店都唔少，不過自己就係第一次試因為選擇困難症發作，唔想諗食咩，就直接叫佢哋嘅二人餐，$288有前菜、半隻海南雞、炒通菜、紅茄牛骨煲、白飯、飲品，唔太大食嘅話3個人都可以。由於家人唔食辣，前菜揀咗娘惹沙律（另一款涼拌前菜係辣嘅），有好多醬，偏甜，自己就覺得一般。主打嘅無骨海南雞唔錯，肉質嫩滑，想食海南雞的話會再嚟。紅茄牛骨煲都幾大份，茄味唔重，下次應該會試第二樣。

肚餓經過見到門口招牌好吸引 就入去試吓啦 嗌咗一個海南雞飯同埋一份豬肉串 飲班蘭咖啡 雞非常之滑嫩 油飯啱啱好 豬肉串份量都好大 對得住$29嘅價錢 最值得讚嘅係嘢飲 班蘭味啱啱好，同杯咖啡Mix埋好自然，唔會話好似其他舖頭咁樣陣味好突，之後員工嘅態度都好好 後尾因為有小朋友，問佢攞多套餐具都好有禮貌咁回答 就算好忙都好快攞咗套餐具俾我 仲要讚小朋友好可愛🥰見到啲員工笑容都好好 會再幫襯 祝餐廳越做越好 新都城唔知想食咩真係建議試下依間

終於都開到黎新都城，對於我住寶琳黎講唔駛下下都要搭車先食到，簡直太好喇。新都城分店於4月尾就已經開張、我立即就約朋友落去試一試，但都約咗半個月先去到，我去食嘅時間係下午茶時段，我一去到個門口已經好多人，我仲以為要排隊等好耐，點知原來個個都係等外賣，原來外賣有八五折，就連下午茶都有，唔怪得咁多人。我記得當時有個戴眼鏡短髮嘅男侍應問我哋幾多位，我話兩位，之後同我哋講唔使排隊，親自帶咗我哋入去一張卡位到，之後同我哋講你哋可以掃碼落單，如果落唔到嘅可以叫我地同事幫你哋落，我心諗都幾有禮貌，一般嘅情況啲侍應都係擺低張QR code跟住就走咗去，呢個態度good good。我叫咗一個豬手油飯，我朋友叫咗個檳城蝦面，我嗰個啲油飯都幾好食，係豬手就肥咗少少，而我朋友個檳城蝦面我睇落就好似好重口味，但佢食落就啱啱好，可能各人口味唔同，同埋上餐都幾快，記得嗰次我哋用餐時間好似食咗個半鐘度，因為有啲嘢傾，但我記得好似冇人過嚟同我哋講用餐時間太耐，到最後我哋因為見到門口都仲有人等緊，所以我哋都唔好意思就埋單走人😅😅整體黎講呢間新開既亞參都唔錯，環境幾好，啲員工都幾有禮貌，周圍都乾淨企理，最啱我呢啲有潔癖嘅人。

新開張同班朋友黎試下雖然出菜時間比較慢，不過都值得體諒樓面員工服務態度好好，有個男服務員苗賢順先生見到我哋左望右望然後立刻把食物親手送上枱面即刻同我哋講唔好意思！要你哋等咁耐服務態度唔錯菜式滿意值得黎試 有下次

📍#亞參雞飯 放假一嘗，味道好淡，不似如期，紅茄參巴湯色唔夠，味好淡，睇落清湯甘，怡保芽菜以為會多D馬拉盞但好少只一汁仔係碟旁要加醬，不過38蚊茶餐 一碗鴨腿紅茄參參包熱飲 班蘭咖啡都ok嘅， 不過冇下次再食呢個餐