亞參雞飯 (奧海城一期)

營業中

休息中

今晚去奧海城行街，諗唔到食咩好，見到有間亞參雞飯，諗起之前朋友介紹話佢d海南雞飯好好味，就去試下。呢間鋪頭裝修好靚，座位好闊落，坐得幾舒服。d員工好好態度好好。呢排做緊3周年優惠，樣樣都好抵好想試。上菜速度快，好彩張枱夠大😂海南雞飯，賣相已經好吸引，份量又大份。有個好好飲嘅湯，清清地，有d雞湯味，仲有d冬瓜喺入面。油飯好香。配左3種醬汁， 豉油薑汁同酸辣醬。雞肉好厚肉，啖啖肉，都好嫩滑。班蘭咖央多士， 咖央醬加牛油，多士外脆內軟，好味。明爐酸辣亞參魚，一來到，已經好震撼。有2個火熱住d魚，好快已經滾下滾下，個汁唔算太辣，我唔食得太辣既人都食到。仲叫左個小食，蝦餅，熱辣辣即整的，啖啖蝦肉，非常爽口彈牙，非常推介！仲叫左兩杯野飲，馬拉奶茶和馬拉咖啡，好好飲呀！

工作關係今日要係大角咀奧海城附近待一天，午餐時間原本想去對面舊區睇吓有冇小店試試，不過見步行距離有點遠為有放棄。。。言歸正傳，係奧海城一期內走咗一圈見到亞參雞飯一於試吓啦。招牌必點套餐～亞參去骨海南雞飯點餐後5 分鐘不用套餐就上枱、先試一啖靈魂嘅油飯、熱辣辣加分、米飯粒粒分明不油、要挑剔的話係缺小左班蘭葉嘅香味。。。冬瓜雞湯熱度足，不過有點過分濃郁（純屬個人口味），濃郁到會搶走油飯嘅味道，建議食完飯後先飲湯，主角海南雞嘅份量算係足，不過入口偏柴，明顯係用普通冰鮮貨色，至於第二靈魂嘅三色配醬只可以講話係真的一般般，只屬罐頭貨色。。。實說實話以「尋覓99分海南雞飯」為宗旨的口號距離尚有一大段，希望老板同師傅要加把勁，出品暫時只屬一般工廠量做貨色，以優惠價賣$79 尚可以接受，如果原價$116 就真係無下次。。。午餐時間只有小貓三幾隻就知道大家接唔接受。。。

是日放假 跟家人計畫到奧海城睇戲🤤 然後就順便係呢到食lunch!食得東南亞星馬菜 當然唔少得我既最愛-海南雞飯😏呢到既海南雞飯的確使我喜出望外😍首先係滿滿既油飯加重份量既海南雞🐣🐓先講油飯 做得好出色 既帶有香噴噴既香茅味 同時食落去一啲都唔會油淰淰🤗 再講海南雞 都係一流既質素 ☺️ 啲雞肉十分滑溜 好香雞味 仲要好新鮮 另外 呢個set 仲包了青瓜 🥒冬瓜清雞湯 🍜以及3款醬料（豉油 辣醬 姜蓉）絕對冇得頂！💯此外 主食方面仲叫了 新加坡肉骨茶🇸🇬配埋白飯🍚豬肉好腍 🤗胡椒味好重 🤤仲要一啲都唔油膩 仲有2粒大蒜跟幾粒豆卜tim 🧄啲豆卜嚟哂肉骨茶既精華☺️加埋白飯 超正勁開胃 食哂成碗冇難度呀👍小食方面 馬來班籣咖央多士 真係好出乎地好食🤩呢到既咖央岩哂我口味 唔會過甜😛牛油🧈+咖央醬+包既比例簡直perfect 💯雖然食牛油好邪惡 但唔會膩❤️令我愛上了咖央呀另外 佢個香煎手作蝦餅都好味道 總共有3舊 仲有醬可以沾 它唔會油 同埋真材實料😎 仲都幾彈牙 勁正！至於野飲方面 馬來拉茶真是帶來驚喜 ！個拉茶好絲滑 好香奶味😄 帶有馬拉風情😍另一杯叫了柑桔特飲🍊唔會好甜 仲好清新tim

係奧海城一期有間亞參雞飯，餐廳環境非常闊落，有別於其他星馬店舖。坐近窗邊的卡位，坐得舒服可以慢慢食慢慢嘆。亞參3週年慶，分別有4款特選星馬菜有優惠😋得星期一至五先有，售完即止。椰香咖央南洋包 （4件） $25🌟🌟特別推介🌟🌟喜歡吃甜點的你一定要吃😋麵包十分脆口，椰醬很香很甜，配上厚厚的牛油惹味十足。香煎手作蝦餅 $43手打蝦餅口感特別彈牙和滑。亞參去骨海南雞飯（配雞香飯及清雞湯）$79原價要$116，甘岩撞正三週年慶先$79😋😋海南雞好滑，重點係無骨，又啖啖肉。配有3款醬，但無醬都夠味。雞湯記住要趁熱飲！明爐酸辣亞參魚 $88原價要$148，有優惠價緊係要叫啦！魚骨不算多，啖啖肉，又入味。馬來拉茶 （熱）拉茶香滑，面層還拉出厚厚的泡沫，味道較一般奶茶較為甜。但小編很愛喝拉茶😋 柑桔特飲(凍)

奥運站落車後，朋友提意去奥海城1期，(亞參雞飯)吃晚餐，懶得回家煮飯，也很久沒有食星加坡菜色。店舖裝潢寬敞，座位空間闊落， 樓底高還有特式吊扇，好有亞熱帶feel❣️海南雞飯~肥美海南雞無骨，啖啖肉質肥美嫩滑，油飯帶着淡淡香氣和微微的鹹味，光吃油飯都能吃光😋😋再拌入三款秘製醬料‘正’，再來一碗熱騰騰濃郁冬瓜清雞湯更加滿足🥰❣️喇沙米線~濃厚蝦香湯底不膩，混入惹味咖哩香和椰香……等。米線索哂D湯汁好yummy,材料豐富有蝦，魚片，豆卜，雞蛋和蔬菜等❣️馬來班蘭咖央多士~一口咬半溶牛油和略帶微微班蘭味咖央，烘得超香脆多士❣️香煎手作蝦餅~即煎蝦餅蝦味濃香彈牙，沾上醬汁更美味❣️薏米水~薏米煮得夠腍，飲落感覺好舒服又潤喉❣️馬來拉茶~好有南洋風味'拉茶'，茶香和奶香兼備，飲一杯又香又滑拉茶好滿足

同我個朋友都比較鍾意星加坡菜，泰國菜......亦即係東南亞菜啦。咁呢一日就嚟到全港（其實我啱啱知㗎咋）有十八間分店嘅“亞參雞飯”奧海城分店。裝修好東南亞，但亦靚過新加坡，馬東西亞個邊啲舖頭，好光鮮明亮，座位好闊落。海南雞走唔甩必點，“去骨海南雞飯”跟清雞湯，有3色sauce，有油雞飯，一邊食邊同新加坡，馬來西亞啲同學仔傾偈，睇來佢哋都幾buy喎，哈哈。“明爐酸辣亞參魚 ”上檯時有2個火興住，煲滾佢又keep住個溫度，魚嘅配料有辣椒，洋葱，秋葵，蕃茄同埋圓嘟嘟香港比較少見的茄子，酸酸辣辣好惹味，正吖。“班蘭咖吔多士”，多士烤得脆脆哋，咖吔，牛油都好够料，睇到朋友圈啲朋友仔流晒口水。“黑椒扎肉 ”啲扎肉有彈牙的口感，又有青瓜，蕃茄等配菜，好睇又好食。

中午見間間餐廳都要等位，見呢到仲有位但都要搭枱走左入去，之前食麥金個 肉骨茶 得三嚿骨覺得好少 點知呢度仲犀利得兩舊 價錢仲要 貴過麥金 加埋野飲96蚊 諗住貴少少都試下 一上菜影完相 細心一睇就知 奶嘢啦 兩舊 唔係掛 唔好叫肉骨茶呀。除非你好想飲胡椒湯啦。幾年都唔打一次食評 為左佢都要用少少時間打番幾隻字。 本身冇諗住打咁長但原來 要200字先可以評分 咁我講埋杯奶茶 個名叫馬來西亞拉茶 但飲落去 同一般奶茶冇分別 真係要畀個嬲 因為驚大家睇唔到 ，總括嚟講今餐食咗兩舊排骨 一兜胡椒湯 加杯凍奶茶。 希望幫到大家。

這家店理直氣壯告訴我肉骨茶只有兩塊排骨⋯⋯I was like what the hell….所以建議你們千萬別來吃，點肉骨茶一定會上當的。真的讓我十分生氣，87元買兩塊排骨，有沒有搞錯

唔明點解咁少人！星期一，lunch 12:30先行出去搵嘢食，見之前有朋友食過咁今次就自己去試吓啦。行到門口望入去⋯⋯咁少食客嘅？！猶豫咗一陣，決定唔理三七二十一衝入去！自己掃二維碼點餐，選擇唔係好多。不過入得嚟唔係食海南雞飯就係肉骨茶或者豬手飯啦，有時我覺得選擇唔太多反而係一個好處牆上一塊板寫住尋覓99分的海南雞飯，咁就試吓佢有幾多分先。點餐上飯時間都好快，三款醬料齊、湯一碗、油飯一碗、雞嘅份量都唔少喎。雞當然係滑啦，啲醬汁都好好味，個湯就正正常常咁。我最想讚嘅反而係個油飯。我其實幾鍾意佢係好乾身嘅油飯，而且係超級熱，超級正！雖然價錢唔算平，但成個set咁食又夠飽，值！PS: 不過朋友話佢杯奶茶係超級甜，怕甜嘅朋友要注意啊！

兩點後搵食，企喺門口昅下就有員工主動有禮地講：隨便睇，見你咁有禮貌就入去試吓啦。叫左海南雞飯、肉骨茶同兩個小食（蝦春卷同豬肉串）可能飯市過後吾使十分鍾就上齊👍。先試肉骨茶😱非常重胡椒味，但又吾辣好好味😋如果多啲湯料就Perfect👍,海南雞個飯好夠味，唔係剩係黃色油飯，D🐔亦好滑溜。小食亦即叫即做，春卷即炸👍，豬肉串都好味😋開餐時我搵唔到餐具，我未出聲叫侍應哥哥，佢已經非常細心上前告知，值得讚揚👍👍👍下次泥再試喇沙同巴東牛肉飯😜

呢間餐廳，我一向喜歡佢個雞絲湯河，但今日咁啱賣晒，於是就要咗呢個咖映tea set，原來又唔錯喎，個咖映唔會太甜，個麵包好脆，仲有啲甜甜嘅黑糖味，加上咖映咖啡，味道唔錯，服務好，環境亦舒服， CP值高！😋👍🏻

一家五口 落街食飯 見到新餐廳，總要一試，位置唔起眼，入內環境舒服，坐得寬躺。先來一個豬手飯～豬手夠淋，相當入味，分量算多，大食二哥都能吃飽。馬來咖喱撈雞麵～咖喱香味濃郁，辣味適中，面底亦不會太淋99分海南雞飯～招牌海南雞飯，配上油飯，絕配加左幾款小食～ 跟餐加$55 任選三款，唔減分量，讚！正宗肉骨茶～由於太肚餓，忘記影相。值得一題，肉骨茶用小鍋盛上，食到尾都好夠熱，八卦一下，原來用了特制熱包，比起舊式用明火，更能平均保持溫度。我個人相當腌尖，食物及湯類一定要夠熱，(尤其冬天)，呢間新鋪用心製作，定必encore*肉骨茶裡的排骨部位選擇不錯，但烹調過程可能太久，略嫌有少許淋，但個人比較喜歡較煙靭，有口感。