亞參雞飯 (奧海城一期)

營業中

休息中

其實我每星期都會有幾日黎奧海城亞參鷄飯Lunch,最近發現一個現象真係令我不吐不快，當餐廳較滿座果陣，門口收銀有位四眼姐姐都會有禮貌地問我地或其他人介唔介意搭枱，或者我地有幾個人，佢都會問其他人介唔介意調調位，安排位置比我地，但係如果她唔喺度，有位四眼男職員經常就用啲好粗魯嘅語氣講要搭枱㗎喎，唔搭就要等，我都明做飲食做野辛苦，人多果時會忟啲，但其實我都係黎比錢食野而唔係受你氣囉！！你唔鐘意多人可以同我講唔做我生意，但都麻煩語氣客氣啲！有時一間餐廳就係有呢啲人會令到人唔想嚟，麻煩管理層睇到就留意下！態度差，幾好食都冇用！

下午行街，熱到爆，行去奥海城凉冷氣兼下午茶，見到亞參海南雞，好耐無食就入去試試。點了份海雞，雞滑入味，飯有味，略微不夠熱。雞無骨，肉嫩入味皮爽，再點少許三色醬，口感回味無窮。職員帶位快又有禮貌。上餐正常，落餐也提示給我知，我所點的海雞餐。香港人，都系要支持下本地餐飲行業。

好耐無去奧海城，今天12點幾去到，到處都幾多人，食飯都排隊，最後睇中哩間馬拉西亞餐廳，話自己海南雞有99分喔。因為最好海南雞系勇記，馬拉西亞系捌哥，所以用哩兩間做標準味道 (3分)海南雞半只($98)3分— 無論皮爽同肉味，都同勇記差太遠— 唯一分量真系大DD.肉骨茶($83) 3 分— 哩度湯底吾夠藥味，胡椒味太重，但又做吾到新加坡老亞弟咁好。— 如果同捌哥比較，捌哥有不同骨部分選擇，湯底同肉的味道都勝出好多。馬拉盞芽菜($38)3分—睇菜牌以為好大碟，來到剛剛夠墊碟底，雖然話空運到港，但真系太貴— 幾爽— 馬拉盞幾香拉茶(餐+$10)3分— 熱，香，味都是捌哥勝出。裝修哩度當然比捌個同勇記好服務。(4分)—就應該人手吾夠，但都可以接受，點忙都無黑面—老人家85折外賣，都吾錯衛生都系哩度感覺好D.(4分)

一向都幾鍾意新加坡/馬來西亞菜~尤其是當中的海南雞飯🍚雖然係連鎖餐廳, 但招牌菜「海南雞飯」的確幾好食👍🏻海南雞飯餐🍚主角當然是海南雞❗️雞肉質好鮮嫩好滑, 唔係好肥美果種, 份量唔算多~但好香好好食👍🏻配上雞油飯同雞湯~真係香氣撲鼻美味香口得黎又唔會覺得好肥膩, 呢個平衡唔容易拿捏, 試過食海南雞飯好油heavy到唔想再食🙈佢跟個雞有3種醬料點, 雖然個人覺得雞肉就咁入口都好好味😁斑蘭咖央多士🧈除左海南雞飯, 每次食星馬菜都必試咖央多士❗️好肥好邪惡但好好食~ 滿滿嘅斑蘭,再夾埋牛油, 個多士好香好香脆👍🏻

中意佢環境舒服，成日都唔洗等位，又唔會好貴，又幾好食，飲品通常跟餐加$10大大杯。每次都叫海南雞轉雞髀肉，份量一時多一時少，不過都好好食，最緊要係夠滑。油飯好開胃，湯都好飲，唔會好覺係味精湯，飲完唔口乾。今次試埋亞参魚，套餐$100有找，無咩骨又夠味道，配料仲有秋葵同蕃茄等等。煮到入曬味食落仲好juicy。整體黎講都好好，上菜又快，飲品無得係app叫少冰黎到又唔會成杯冰，而且間野無加一，真心抵食！

個樣好似唔錯，賣相OK，但味道真係一般般。首先，表面有一層辣椒碎，所以每一啖都覺得牙齒上嵌上一粒辣椒皮；其實，個粉已經煮到軟淋淋，一夾即斷，我唸要轉個供應商；最後，個湯底係厚重嘅，有花生味，椰香味唔夠；最後的最後。做咩嘢落咁多洋蔥絲？

10.1國慶假期好多餐廳都有做七折優惠我就揀左奧海城一期呢間阿參海雞飯食下午茶喇😚海南雞飯套餐 ⭐️⭐️⭐️⭐️這個套餐包括了一碟去骨海南雞、一碗雞油飯、一碗清雞湯和一杯飲品海南雞是用三黃雞製作的，肉質嫩滑多汁，皮薄而不油膩，配上三種醬料（甜豉油、薑蓉和辣椒醬）每一種都各有特色，辣椒醬最啱我口味😉我特別鍾意個清雞湯是用雞骨和雞肉熬煮的，沒有味精，喝起來清甜而不膩，仲有草菇，可以中和一下雞飯的油膩感～下午茶馬來咖哩豬扒撈麵套餐 ⭐️⭐️⭐️⭐️⭐️這個套餐只在下午茶時段（14:00-17:30）供應，包括了一碟馬來咖哩豬扒撈麵和一杯飲品，馬來咖哩豬扒是用豬梅肉煎至金黃，然後淋上自家製的馬來咖哩醬，咖哩醬香辣濃郁，有椰奶、香茅、辣椒和香料的味道，豬扒肉質鬆軟多汁，不乾柴，跟咖哩醬非常配合，好惹味，份量比較輕盈，男士可能未必夠呢，不過幾抵！

趕上亞森店慶，午餐有折扣。全家一起來試試。海南雞飯真的是很美味，雞肉嫩滑，小孩子很喜歡。自己點了一份喇沙，湯汁味道很濃，份量也十分足，裡面的海鮮也是很新鮮。餐廳環境也不錯，以後不想煮飯的日子都可以來這裡。

本以為這裏會乎合預期，但最終很失望。這裏的服務有待改善，食物不好吃，我點了魔鬼魚、斑蘭多士和海南雞飯，結果魔鬼魚和斑蘭多士都吃剩－半。如果在正常吃中午飯時間的情況下，都吃剩－半，不用多說也知道食物的美味程度，若果以同樣價錢及質素，我覺得附近有其他更好的選擇，例如大家樂、敏華等等。如果要評出色既野，可能是那杯野飲-香矛青檸，食物方面可能這裏只有其招牌海南雞飯是值得吃，餐廳名已話左比你聽-亞參海南雞。

亞參雞飯（奧海城1期）同朋友去奧海城行下，經過見到唔使等位，仲有優惠就試下啦。入面空間大，夠寬，坐得都舒服。員工都好友善，有禮貌。🍴明爐酸辣亞參魚 配白飯 （$88）🤤🤤🤤🤤🤤見個成條魚上嚟都好驚訝，份量多，湯底的蕃茄味道非常突出，而且配菜豐富，包括洋蔥、秋葵和香芧。魚肉嫩滑，而魚骨相對較大，唔使擔心小骨頭。好似見係部分分店先有呢個魚食亞參去骨海南雞飯 （ $79）🤤🤤🤤🤤朋友叫咗招牌海南雞飯。雞肉鮮嫩，帶有海南雞特有的香氣，份量都多，配埋油飯

一行三人，到奧運一期找東西吃，看到海南雞飯店，二話不說，走進來吃！ 我們點了不同的菜式，食物方面正常發揮，不錯的！$98魚好抵食！ 但是員工令我們很費心，為什麼要多番提醒我們需要的東西，我們需要的東西如下- 小碗3隻（至少叫了員工3次）- 水3杯（至少叫了員工3次）- 飲品我們叫了飲冷凍特飲，來到是室溫，其實不要緊，給我來杯小冰可以了（至少叫了員工3次）以上體驗，我們多番四次提醒店員幫我們，其實如果我以自助形式，我們寧願自助，實在是太差的一個體驗，我們不會再來！不好意思，我並不是要投訴什麼，只是想給大家反映事實的真相！🥲 員工的訓練有待提高！為什麼？🥲 太差勁！

朋友想食星馬野，所以揀左呢間亞參，咁啱做promo, 我地都揀左做緊特價既海南雞飯餐同喇沙餐喇沙都幾足料同香，不過就唔係我最鍾意果種超有椰香味既喇沙。海南雞飯好好味，雞好嫩，油飯有驚喜，連個湯都好夠味！我最like 係香茅特飲，超fresh!

亞參--少有令到我震驚嘅餐廳食飯時間去左愉景新城，發覺有一間餐廳賣海南鷄飯，又有好多空位，咪入去試下好唔好食。叫左個喇沙已經80幾蚊，加埋一杯咸柑桔，兩個小食，埋單成百五蚊，絕對唔係平野來。本身已經打定輸數，唔好食就blacklist左呢間野，點知個喇沙未來到已經聞到好香，食左第一啖就無停過口，海鮮份量唔多但係絕對足夠一人份量，再加上我叫個兩碟小食，個蝦卷唔錯，個咖椰吐司仲會夾塊鮮牛油，真係食過返尋味。。本身唔想太吹噓陣間有人話 收錢做打手啊？我就無收錢嘅 都係個句 好食咪讚咯 唔好食我係絕對唔會講反話嘅

亞參雞飯（奧海城1期）地址:大角咀海輝道11號奧海城1期UG樓UG19-21號舖___________________________今日朋友同我一齊行奧海城，佢話有間大型連鎖餐廳叫亞參雞飯都幾出色，於是捉我去試吓！😂😂亞參去骨海南雞飯 $91呢個係佢地主打ge 招牌菜，上碟時會跟埋雞油飯同冬瓜雞湯! 另外，仲會有三款醬料俾我地點黎食！雞油雞飯香得黎又唔會覺得油！配場無骨海南雞食，真係一流！ 雞肉肉質嫩滑，雞味都幾出，而且真係無骨ga🤣!喇沙米線 ＄83湯底非常香濃，而且都有幾多配料，麵底係米線❤️馬來班蘭咖央多士 ＄26呢個真心推介！$26 有4嚿大大舊，雖然邪惡，但好脆口，而且入面真係有好大片牛油，食落非常滋味！香煎手作蝦餅 ＄42食得出用鮮蝦以人手製作出嚟，口感都幾彈牙！最尾我哋叫咗兩杯嘢飲，真係大滿足呀！我覺得揀少甜就啱啱好！- 馬來拉茶 $25- 南洋咖啡 $25

今晚去左澳海城到行街，行行下忽然想吃海南雞飯，我們便入去了這間星馬餐廳。餐牌選擇都好多。亞參去骨海南雞飯（$91）：一送上尼已經聞到好香的雞味。個雞湯好清甜，完全唔會覺得油，又好有雞味。飯都唔係普通白飯，食到有雞的香味，好好食。海南雞就好滑，完全唔會韌，肉質鮮嫩，仲好有雞味，正。馬來咖哩豬排撈麵（$78）：咖哩幾香，但又唔會太過辣，豬排夠軟熟，不會韌，然後咖哩薯仔又好好食！好正。斑蘭咖央多士（$27）：真係好有驚喜！咖央同斑蘭甜甜地又幾香，中間再加大片鮮牛油真係非常邪惡！好好食！係勁match!香煎手作蝦餅（$43）：送上來時熱辣辣，蝦肉非常彈牙，口感好好，點埋辣醬仲更加正！香茅薄荷特飲：好清新的香茅同薄荷味，好fresh好清新，好好飲。薏米水：甜甜地又幾好飲，清熱去濕。