亞參雞飯 (形點 II)

營業中

休息中

記得第一次經過亞參係喺中環，個時聞到好香，估唔到而家開到黎元朗，近近地終於食到。哩到裝修好靚，黎到梗係食佢個去骨海南雞飯（$89），+$10就有埋野飲。男朋友就叫左個檳城蝦麵（$83）。另外叫左斑蘭咖央多同香煎手作蝦餅，飲品就要柑桔特飲同熱既馬來拉茶。哩到上菜都快，而且份量好足。個海南雞用黃油雞，好入味好滑，雞味重，仲有特別既薑黃醬，香過出要食個啲，難怪佢係招牌菜，好好食！佢個雞湯入面有草菇，都係好香。男朋友既蝦麵既配料都大份，而且入味，個湯底又係好香。斑蘭咖央多中間既咖央好多，佢多士都係馬來西亞直送，食落去好地道。最估唔到係個手作蝦餅，好彈牙好好食，食得出係手作，唔係機打出黎既蝦餅，同埋煎得啱啱好，仲好juicy。飲品都係好正宗既風味。哩到全日免收加一，職員依然服務都好好。

作為海南雞飯的愛好者，見到連鎖的亞參，不妨一試，一入去就覺得好冷清，無乜客人，但唔緊要，少人都好，清靜點，對比隔離的太興人流真係差天共地，都暗暗擔心自己係咪中伏。坐低叫咗兩個海南雞飯，個雞好鞋又凍，又無味，簡直係劣食，個三色醬簡直係無味又難食，唔知自己食緊咩，唉，真係浪費個quota。豬肉串，味道正常。架央多士，味道唯一好的食物，牛油夠厚，多士烘得岩岩好，咬落有椰香味，食兩件都唔覺得濟！讚！老公叫熱拉茶，我就飲凍薏米水，一飲，嘩，咁重薑味？？？真係嚇一跳，簡直係味蕾衝擊呀，我飲咁多年薏米水，第一次見人加薑，一飲仲要係好辣，真係一啖都嫌多，好趕客呀大佬！仲要係暖，我嗌凍，佢比暖嘅我😅個蝦餅一咬落去，大佬，又係好重薑味，重到令人想作嘔，少少薑味我接受到，但呢間餐廳好似啲薑唔洗錢咁，落得就落，味道完全唔平衡，叫人點食呢？下次一定一定唔會再嚟，係咁！

首先，啲豉油係好怪的。食海南雞飯，豉油係好重要的，可惜，呢度嘅味道……跟住啲雞，食得出係浸出嚟的，但係個皮唔知點解係皺的，好似啲拜神雞。然後，肉係好似食燒味雞咁，有髀就好啲，冇髀的話，啲雞胸就白雪雪…油飯就還可以，不過唔知點解有啲甜。仲有，侍應都幾有態度，你問佢攞水，只畀一杯。

我們於1/10（六）約下午三點到達餐廳，餐廳空間夠大，裝修挺美。用QR code下單，我們叫了2個下午茶餐及1個小吃。①小吃❶馬來傳統手作棕糖香蘭卷(6件）（$38）：內是椰絲碎，小小的一口②下午茶餐❶班蘭系列—馬來班蘭咖吔多士（$48）：分了4小塊，牛油🧈凍凍的，面包脆脆，口感不錯👍🏻飲品：班蘭咖啡（凍）：沒有什麼班蘭味😫❷雞絲湯河（$48）：湯河挺好吃，雞絲夠軟，剛剛好👌🏻飲品：香茅薄荷特飲（茶)：沒有什麼香茅及薄荷味，純粹soda水🙁埋單不用加一，食物質素okay，飲品則較失望